Home / ကြို့ပင်ကောက်မြို့နယ်၏ ဒေသဆိုင်ရာအချက်အလက်များ

ကြို့ပင်ကောက်မြို့နယ်၏ ဒေသဆိုင်ရာအချက်အလက်များ

ကြို့ပင်ကောက်မြို့နယ်၏ ဒေသဆိုင်ရာအချက်အလက်များ

တည်နေရာအကျယ်အဝန်း

၁။        ကြို့ပင်ကောက်မြို့နယ်သည် ပဲခူးတိုင်းဒေသကြီး၊ သာယာဝတီခရိုင်တွင် တည်ရှိပါသည်။ ကြို့ပင်ကောက်မြို့နယ်သည် မြောက်လတ္တီတွဒ် ၁၀ဒီဂရီ ၆၅မိနစ်နှင့် ၁၈ဒီဂရီ၁၅မိနစ်ကြား အရှေ့လောင် ဂျီတွဒ် ၉၅ဒီဂရီ ၂၇မိနစ်နှင့် ၉၅ ဒီဂရီ ၅၀ မိနစ်အကြားတွင်တည်ရှိပြီး အကျယ်အဝန်းမှာ (၂၉၇.၁၀) စတုရန်းမိုင်ကျယ်ဝန်းပါသည်။အရှေ့မှအနောက်သို့ (၃၃)မိုင်ရှိပြီး တောင်မှမြောက်သို့ (၈.၃)မိုင် ရှည်းလျားပါသည်။မြို့၏အကျယ်အဝန်းမှာ (၁.၇၅)စတုရန်းမိုင် ကျယ်ဝန်းပါသည်။

မြေမျက်နှာသွင်ပြင် ၊ ရာသီဥတု

၂။        အလျားလေးပုံတစ်ပုံခန့်၏ အရှေ့ဘက်ဒေသတစ်ခုလုံးသည် ပဲခူးရိုးမတောင်၏ တောင်စွယ် တောင်နှာမောင်းများဖြစ်ပြီး   သစ်တောကြိုးဝိုင်းများနှင့် အပတောများဖြစ်ကြပါသည်။ တောင်စွယ် တောင် နှာမောင်းများ၏ နယ်နိမိတ်လွန်သည်နှင့် သီးနှံစိုက်ပျိုးသော မြေညီလွင်ပြင်ကိုတွေ့ရမည်  ဖြစ်ပါ သည်။ ဤမြို့နယ်ကို ရန်ကုန်-ပြည်ကားလမ်းနှင့် မီးရထားလမ်းတို့ယှဉ်လျှက် မြို့နယ်၏ အနောက်ဘက် သုံးပုံတစ်ပုံခန့် အပိုင်းမှစ၍  တောင်မှမြောက်သို့ ဖြတ်သန်းလျှက်ရှိပါသည်။ ယင်းမီးရထားလမ်းနှင့် ကားလမ်း၏အရှေ့ဘက်တွင် တောင်ကုန်းလျှို့‌မြောင်များ အနည်းအကျဉ်းရှိပြီး မီးရထားလမ်းနှင့် ကားလမ်း၏ အနောက်ဘက်တွင် လွင်ပြင်များ၊ ချိုင့်ဝှမ်းများကို တွေ့ရမည်ဖြစ်ပါသည်။

၃။        ကြို့ပင်ကောက်မြို့နယ်သည် ပင်လယ်ရေမျက်နှာပြင်အထက် ပျမ်းမျှအမြင့် (၈၇)ပေ အထက်တွင် တည်ရှိပြီး ပူအိုက်စွက်စိုသောရာသီဥတုရှိ၍ မိုးရွာရွက်(၅၄)ရက်၊ ပျမ်းမျှမိုးရေချိန် (၄၆.၂၂)လက်မ ရှိပါသည်။ အမြင့်ဆုံးအပူချိန် (၄၂ံc)နှင့် အနိမ့်ဆုံးအပူချိန်မှာ (၁၅ံc) ဖြစ်ပါ သည်။

အုပ်ချုပ်ရေးဆိုင်ရာ (မြို့/ရပ်ကွက်/ကျေးရွာအုပ်စု/ကျေးရွာဖွဲ့စည်းမှု)

၄။      ကြို့ပင်ကောက်မြို့နယ်၏ အုပ်ချုပ်ရေးနယ်မြေ ဖွဲ့စည်းမှုမှာ အောက်ပါအတိုင်း ဖြစ်ပါသည်-

စဉ် မြို့နယ် မြို့ ရပ်ကွက် ကျေးရွာအုပ်စု ကျေးရွာ
ကြို့ပင်ကောက် ၁၀ ၄၉ ၂၇၁

 

စီးပွားရေးဆိုင်ရာခြုံငုံသုံးသပ်ချက်

၅။        ကြို့ပင်ကောက်မြို့နယ်သည် ပဲခူးတိုင်းဒေသကြီးအတွင်းတည်ရှိပြီး စီးပွားရေးအရ အချက်အခြာ ကျသော မြို့နယ်တစ်ခုဖြစ်ပါသည်။မြို့နယ်အတွင်းရှိ ဒေသခံပြည်သူလူထုသည် စိုက်ပျိုးရေး လုပ်ငန်းကို အဓိကလုပ်ကိုင်ဆောင်ရွက်ကြပါသည်။ ကြို့ပင်ကောက်မြို့နယ်သည် မီရထားလမ်း၊ ကားလမ်းများဆုံရာ ရန်ကုန်-ပြည်လမ်းမပေါ်တွင်တည်ရှိ၍ လမ်းပန်းဆက်သွယ်ရေး ကောင်းမွန် သောမြို့နယ်ဖြစ်ပါသည်။ မြို့နယ်၏ အဓိကထွက်ကုန်မှာ ဆန်စပါးဖြစ်ပြီး မကွေးတိုင်းဒေသကြီးသို့ အများဆုံးတင်ပို့ရောင်းချ ပါသည်။

လူမှုရေး (အသင်းအဖွဲ့များ ဖွဲ့စည်းထားရှိမှု)

၆။        ကြို့ပင်ကောက်မြို့နယ်ရှိ လူမှုရေးအသင်းအဖွဲ့များဆိုင်ရာ အချက်အလက်များမှာ အောက်ပါ အတိုင်း ဖြစ်ပါသည် –

 

          ( က )   NGO (ဦးရေ)

စဉ် အမျိုးသမီး ရေးရာ မိခင်/ကလေး အသင်း စစ်မှုထမ်း ဟောင်း ကြက်ခြေနီ အရံမီးသတ်
၈၀၃၃ ၁၁၀၄၃ ၅၂၈ ၂၃၅ ၇၃၅

( ခ )     အသင်းအဖွဲ့များ

စဉ် အသင်းအဖွဲ့အမည် ရုံး/ ရုံးခွဲ တည်နေရာ မှတ်ပုံတင်

အမှတ်

ဆောင်ရွက်သည့်လုပ်ငန်း
မြတ်မွန်စေတနာကလျာဏ မိတ္တအခမဲ့နာရေးကူညီမှု အသင်း ရန်ကုန်-ပြည်လမ်း ပြည်တွင်း/ ၀၀၁ ကျန်းမာရေး/နာရေး
ရွှေနှလုံးသားသွေးလှူရှင် အသင်း ရန်ကုန်-ပြည်လမ်း ပြည်တွင်း/ ၀၀၂ ကျန်းမာရေး
မေတ္တာပန်းခင်းအစ္စလာမ် လူငယ်သာရေးနာရေး ပရဟိတအသင်း အရှေ့ ဘုရားလမ်း ပြည်တွင်း/ ၀၀၃ ကျန်းမာရေး/နာရေး
လူငယ့်အားမာန်ပရိဟိတ နာရေးကူညီမှုအသင်း စီကောက် ပင်ရွာ ပြည်တွင်း/ ၀၀၄ ကျန်းမာရေး/နာရေး

 

ကျေးလက်ဒေသဖွံ့ဖြိုးရေး (ထွေ/အုပ်အဆိုပြုတင်ပြထားသည့်လုပ်ငန်းများ)

၇။        ကြို့ပင်ကောက်မြို့နယ်အတွင်း ၂၀၁၆-၂၀၁၇ ဘဏ္ဍာရေးနှစ်အတွက် ကျေးလက်ဒေသဖွံ့ဖြိုးရေး လုပ်ငန်းအဖြစ် အကောင်အထည်ဖော်ဆောင်ရွက်ရန် ရှားပင်ထအုပ်စု ၊ ရွာသစ်-ရွာသာယာလမ်း မြေနီခင်း ခြင်းလုပ်ငန်း (၅၂၈၀’x၆’x၆’’)ကို နိုင်ငံတော်ခွင့်ပြုငွေ (၅၀)သိန်း ၊ ပြည်သူထည့်ဝင်ငွေ (၁၂.၅)သိန်း ၊ လုပ်အားတန်ဖိုး (၁၂.၅)သိန်း စုစုပေါင်းငွေ (၇၅)သိန်းဖြင့် ဆောင်ရွက်ရန် အဆိုပြုတင်ပြထားပြီး ဖြစ်ပါ သည်။

 

ယဉ်ကျေးမှု

၈။        ကြို့ပင်ကောက်မြို့နယ်အတွင်း တင်ပြရန် မရှိပါ။

ဒေသသမိုင်းအကျဉ်း

၉။        ကြို့ပင်ကောက်မြို့နယ်ကို   ၁၈၈၃ ခုနှစ်တွင် စတင်တည်ထောင်ခဲ့ပြီး ကြို့ပင်ကောက်မြို့ဟု  ပေါ် ပေါက်လာပုံမှာ  ကြို့ပင်ကောက်မြို့နယ် ၊ မြို့တွင်းကျေးရွာထင်ရှားခဲ့စဉ်က  ကြို့ပင်ကောက်မြို့၏အမည်မှာ မထင်ရှားခဲ့ပေ။သာယာ၀တီမြို့ဟောင်းကို အနောက်ဘက် (၉)မိုင်အကွာ သိုးပို့ရိုး၏ တောင်ဘက်သည် လှည်းဆိပ်လှေဆိပ်အဖြစ် ခရီးသွားကုန်သည်တို့ စခန်းချရာအရပ်ဖြစ်ပြီး သိုးပို့ရိုးမှရေသည် အနောက် ဘက်ရှိ မြစ်မခချောင်းသို့ စီး၀င်ရာ သာယာ၀တီမင်းများအတွက် သိုးများ သယ်ဆောင်ရာတွင် အသုံး ပြုသော ရိုးဖြစ်သဖြင့် သိုးပို့ရိုးဟု အမည်တွင်ခဲ့ပါသည်။အညာအရပ်မှ ကုန်သည်များသည် လှည်း ၊ လှေ တို့ဖြင့် သယ်ယူရောင်း၀ယ်ဖောက်ကားရန် မြေပြန့်အလယ်ဗဟိုနေရာဖြစ်သဖြင့် သွားလာဆုံဆည်းမှု လွယ်ကူပါသည်။ ထိုနေရာတွင်  လွန်စွာကြီးမားပြီး ကောက်နေသော ကြို့ပင်အကောက်ကြီး တစ်ပင်ရှိ သဖြင့် ၄င်းနေရာကို အစွဲပြု၍ ကြို့ပင်ကောက်ဟု ခေါ်တွင်ခဲ့သည်။ကြို့ပင်ကောက်မြို့နယ်သည် ပဲခူးတိုင်း ဒေသကြီး၏ စီမံခန့်ခွဲမှုအောက်တွင်ရှိပြီး သာယာ၀တီခရိုင်အတွင်း (၈)မြို့နယ်အနက် တစ်မြို့အပါအ၀င် ဖြစ်ပါသည်။

 

မြို့နယ်တစ်ခုချင်းအလိုက်ပွဲတော်များ

၁၀။      ကြို့ပင်ကောက်မြို့နယ်တွင် အထင်ကရပွဲတော်များ မရှိပါ။