Home / သဲကုန်းမြို့နယ်၏ဒေသဆိုင်ရာအချက်အလက်များ

သဲကုန်းမြို့နယ်၏ဒေသဆိုင်ရာအချက်အလက်များ

သဲကုန်းမြို့နယ်၏ဒေသဆိုင်ရာအချက်အလက်များ

 နိဒါန်း

sfa copy

၁။      အထွေထွေအုပ်ချုပ်ရေးဦးစီးဌာနသည် ပြည်ထဲရေးဝန်ကြီးဌာနအောက်ရှိဌာနတစ်ခုဖြစ်ပြီး တရားဥပဒေစိုးမိုးရေး၊ ရပ်ရွာအေးချမ်းသာယာရေး၊ ဒေသဖွံ့ဖြိုးရေးနှင့်ပြည်သူ့အကျိုးပြုဆောင် ရွက်ရေးဟူသော ရည်မှန်းချက်တာဝန်များကို အောင်မြင်အောင်ဆောင်ရွက်လျက်ရှိပါသည်။အထွေ ထွေအုပ်ချုပ်ရေးဦးစီးဌာနတွင် တာဝန်ထမ်းဆောင်ကြသည့် အဆင့်ဆင့်သောအရာထမ်း၊ အမှုထမ်း များသည် ရုံးချုပ်အဆင့်မှ အောက်ခြေရပ်ကွက်/ကျေးရွာအုပ်စုအဆင့်ထိ အထွေထွေအုပ်ချုပ်ရေးဦး စီးဌာနရုံး အသီးသီးတွင် တာဝန်ထမ်းဆောင်ကြရပြီး နိုင်ငံတော်အုပ်ချုပ်ရေးယန္တယားချောမွေ့စွာ လည်ပတ်ရေးတွင် ပါဝင်ဆောင်ရွက်ခြင်း ၊ ဝန်ကြီးဌာန၏ရည်မှန်းချက်တာဝန်များ ၊အခြားဝန်ကြီး ဌာနမှ ပေးအပ်သောတာဝန်များနှင့် ဒေသဆိုင်ရာအစိုးရအဖွဲ့များမှ ပေးအပ်သောလုပ်ငန်းတာဝန် များကိုကျေပွန်စွာ ထမ်းဆောင်နေကြရသည်ဖြစ်ရာ ဒေသဆိုင်ရာအချက်အလက်များ ပြုစုထားရှိ ခြင်းသည် များစွာအရေးပါလာပါသည်။ ဒေသဆိုင်ရာအချက်အလက်များပြုစုခြင်းဖြင့် မိမိတို့၏ လုပ်ငန်းဆောင်ရွက်ရာတွင် အထောက်အကူပြုသကဲ့သို့ အကြီးအကဲများနယ်မြေသို့ ကွင်းဆင်းရာ တွင် နယ်မြေ၏ အချက်အလက်များကို လွယ်ကူစွာသိရှိနိုင်မည်ဖြစ်ပါသည်။ ဤစာအုပ်သည် သဲကုန်းမြို့နယ်၏ ဒေသဆိုင်ရာအချက်အလက်များ(၂၀၁၆ ခုနှစ် ၊သြဂုတ်လကုန်ထိ) အခြေအနေ ကိုသက်ဆိုင်ရာဌာနအသီးသီးမှပေးပို့သော ကိန်းဂဏန်းများနှင့်အညီ ပြုစုတင်ပြထားခြင်းဖြစ်ပါ သည်။

တည်နေရာ၊ အကျယ်အဝန်း

၂။      သဲကုန်းမြို့နယ်သည် မြောက်လတ္တီတွဒ် ၁၇ ဒီကရီ ၂၅ မိနစ်မှ ၁၈ ဒီကရီ ၄၅ မိနစ်နှင့် အရှေ့လောင်ဂျီတွဒ် ၉၅ ဒီကရီ ၁၇ မိနစ်မှ ၉၅ ဒီကရီ ၃၅ မိနစ်အကြားတည်ရှိပါသည်။ ပင်လယ်ရေမျက်နှာပြင်အထက်(၁၀၃.၆) ပေတွင်တည်ရှိပါသည်။ သဲကုန်းမြို့နယ်ကို သဲကုန်းမြို့၊ ပုတီးကုန်းမြို့၊ အင်းမမြို့တို့နှင့် ဖွဲ့စည်းထားပြီး သဲကုန်းမြို့သည် ဧရိယာစတုရန်းမိုင်(၉.၅၅) ၊  ပုတီးကုန်းမြို့သည်ဧရိယာစတုရန်းမိုင်( ၀.၇၈)နှင့် အင်းမမြို့သည် ဧရိယာစတုရန်းမိုင်(၃.၁၅) ကျယ်ဝန်းပြီး သဲကုန်းမြို့နယ်၏ အကျယ်အဝန်းမှာဧရိယာ စတုရန်းမိုင်ပေါင်း (၂၉၉.၈၇) ကျယ်ဝန်းပါသည်။

နယ်နမိတ်

၃။      သဲကုန်းမြို့နယ်၏ အရှေ့ဘက်တွင် ပေါက်ခေါင်းမြို့နယ်နှင့် ပေါင်းတည်မြို့နယ် ၊ အနောက် ဘက်တွင် ရွှေတောင်မြို့နယ် ၊ တောင်ဘက်တွင် ပေါင်းတည်မြို့နယ်နှင့် နတ္တလင်းမြို့နယ်  ၊ မြောက် ဘက်တွင် ပြည်မြို့နယ်တို့နှင့် နယ်နိမိတ်ချင်း ထိစပ်လျှက်ရှိပါသည်။

 

မြေမျက်နှာသွင်ပြင်၊ ရာသီဥတု

၄။         သဲကုန်းမြို့နယ်၏အရှေ့ဘက်နှင့် အနောက်ဘက်တို့တွင် တောင်စွယ်တောင်တန်းများ တည်ရှိပြီး အလယ်ပိုင်းတွင် မြေပြန့်လွင်ပြင်များ တည်ရှိကာ တောင်ဘက် အနိမ့်ပိုင်းတွင် အင်းမအင်း တည်ရှိပါသည်။ သဲကုန်းမြို့နယ်တွင် ဈေးချောင်း၊ သဲကုန်းကြီး ချောင်းနှင့် ၀က်ပုတ် ချောင်းတို့မှတောင်မှမြောက်သို့စီးဆင်းပြီးမြစ်မခချောင်းမှာမြောက်မှတောင်သို့(၆)မိုင်ခန့်ဖြတ်သန်းစီးဆင်းပါသည်။ သင်္ဘော/စက်လှေများ ၀င်ထွက်သွားလာနိုင်ခြင်းမရှိသေးပါ။ သဲကုန်းမြို့နယ်သည်  ပူအိုက်စွတ်စိုသောရာသီဥတုရှိပြီး၊ အမြင့်ဆုံးအပူချိန် (၃၃.၄c)နှင့်အနိမ့်ဆုံးအပူချိန်မှာ(၁၉.၆c)ဖြစ်ပါသည်။ ၂၀၁၆ခုနှစ် သြဂုတ်လအထိ မိုးရွာရက်(၆၇)ရက်၊ မိုးရေချိန်လက်မ(၆၁.၈၉)လက်မ ရှိပြီး နွေရာသီတွင်အမြင့်ဆုံးအပူချိန်မှာ (၃၄.၇၃C)ရှိပါသည်။

သဘာဝပေါက်ပင်များ

၅။      သဲကုန်းမြို့နယ်အတွင်း ပေါက်ရောက်သည့် သဘာဝပေါက်ပင်များမှာကျွန်း ၊ ပျဉ်းကတိုး ၊ သစ်ရာပင်များပေါက်ရောက်ပြီး ရှားပါးဆေးဘက် ဝင်ဖြစ်သည့်  ဘုမ္မရာဇာနှင့်အခြားသစ်ဝါးများမှာ သက္ကယ်၊ဓနိ ၊ဝါးပင်များ ပေါက်ရောက်ပါသည်။

သဘာဝပတ်ဝန်းကျင်လက်ရှိအခြေအနေ

၆။      သဲကုန်းမြို့နယ်၏လက်ရှိသဘာဝပတ်ဝန်းကျင်အခြေအနေမှာ သစ်တောဖုံးလွှန်းမှု(၃၄.၂၁) ရာခိုင်နှုန်းရှိပါသည်။ ၎င်းအနက်မှ ကြိုးဝိုင်းသစ်တောဖုံးလွှမ်းမှုမှာ(၁၉.၀၃) ရာခိုင်နှုန်းဖြစ်ပြီး ကြိုး ပြင်ကာကွယ်တောဖုံးလွှမ်းမှုမရှိပါ။

သဘာဝပတ်ဝန်းကျင်ထိန်းသိမ်းရေးလုပ်ငန်းများ

၇။      သဲကုန်းမြို့နယ်သည် သဘာဝပတ်ဝန်းကျင်ထိန်းသိမ်းရေးလုပ်ငန်းများအတွက် ကြိုးဝိုင်းသစ်တော(၃၆၅၀၂) ဧက ထိန်းသိမ်းထားရှိပါသည်။သစ်တောစိုက်ခင်းတည်ထောင်နိုင်မှုမှာ သစ်မာ (၂၄၅) ဧကဖြစ်ပါသည်။

သဘာဝဘေးအန္တရာယ်ကျရောက်မှု

၈။      သဲကုန်းမြို့နယ်သည် အပူပိုင်းအတွင်းတွင်တည်ရှိသဖြင့် သဘာဝဘေးအန္တရာယ် ကျရောက် လေ့ရှိပါသည်။သဲကုန်းမြို့နယ်အတွင်း သဘာဝဘေးအန္တရာယ်ကျရောက်မှုမှာ ၂၀၁၆ခုနှစ်တွင် မီးဘေး(၁)ကြိမ်၊ဖြစ်ပွားပြီးအဆောက်အဦ(၁)ခု ၊ ဆုံးရှုံးမှုတန်ဘိုး(၁၇၅၀၀၀)ကျပ် နှင့်လေဘေး(၇)ကြိမ်ဖြစ်ပွားပြီး အဆောက်အဦ(၃၆)ခု၊ ဆုံးရှုံးမှုတန်ဘိုး(၂၅၇၂၇၄၅၀)ကျပ် ပျက်စီးဆုံးရှုံးခဲ့ပါသည်။

အုပ်ချုပ်ရေးဆိုင်ရာအချက်အလက်များ

၉။      အုပ်ချုပ်ရေးဆိုင်ရာအချက်အလက်များမှာအောက်ပါအတိုင်းဖြစ်ပါသည်-

          (က)   အိမ်ခြေ၊ အိမ်ထောင်စု၊ လူဦးရေအခြေအနေ

သဲကုန်းမြို့နယ်တွင်မြို့(၃)မြို့၊ရပ်ကွက်(၁၁)ရပ်ကွက်၊ ကျေးရွာအုပ်စု(၄၉)အုပ်စုနှင့် ကျေးရွာပေါင်း( ၃၂၂ ) ရွာတို့ဖြင့် ဖွဲ့စည်းထားပါသည်။ အိမ်ခြေ(၃၄၆၆၅) ၊အိမ်ထောင်စု(၃၆၁၃၈)ရှိပြီး အသက်(၁၈)နှစ်အထက်ကျား(၄၆၅၂၁)ဦး၊မ(၅၄၀၉၆)ဦး၊ စုစုပေါင်း(၁၀၀၆၁၇)ဦး ဖြစ်ပြီး၊(၁၈)နှစ်အောက်ကျား(၁၄၈၈၂)ဦး၊မ(၁၄၃၀၇)ဦး၊ စုစုပေါင်း(၂၉၁၈၉) ဦးရှိပါသည်။မြို့နယ်၏စုစုပေါင်းလူဦးရေမှာ ကျား(၆၁၄၀) ဦး၊  မ(၆၈၄၀)ဦး၊စုစုပေါင်း(၁၂၉၈၀၆)ဦးရှိပါသည်။နေထိုင်သည့်လူမျိုးများမှာ ကချင်(၁)  ဦး၊ ကရင်(၁၅၁၈)ဦး၊ ချင်း(၁)ဦး ၊ မွန်(၁)ဦး ၊ ဗမာ(၁၂၇၈၉၀)ဦး ၊ ရခိုင်(၂) ဦး၊ ရှမ်း(၄)ဦးနှင့်အခြား (၃၈၉)ဦးတို့ နေထိုင်ကြပါသည်။ကိုးကွယ်သည့်ဘာသာများမှာ ဗုဒ္ဓဘာသာ (၁၂၉၄၀၇)ဦး၊ ခရစ်ယာန်ဘာသာ(၉၀)ဦး၊ဟိန္ဒူဘာသာ(၁၇)ဦး၊အစ္စလာမ်  ဘာသာ(၂၉၂)ဦးကိုးကွယ်နေထိုင်ကြပါသည်။ နိုင်ငံခြားသား နေထိုင်မှုမှာတရုတ်လူမျိုး(၃၁)ဦး၊ အန္ဒိယ(၁၈၉)ဦး၊ ဘင်္ဂလားဒေ့ရှ်(၁၆၅)ဦးနှင့် အခြား(၄)ဦးတို့နေထိုင်ကြပါ သည်။

(ခ)    ဌာနဆိုင်ရာရုံးများနှင့် ဝန်ထမ်းအင်အားများစာရင်း

သဲကုန်းမြို့နယ်အတွင်းရှိဌာနဆိုင်ရားများနှင့်ဝန်ထမ်းအင်အားစာရင်းမှာ အောက်ပါအတိုင်းဖြစ်ပါသည်-

စဉ် ဌာနဆိုင်ရာအမည် ခွင့်ပြု ခန့်ထား လစ်လပ်
အ    ရာ    ရှိ အဆင့် အ ခြား အ ဆင့် ပေါင်း အရာရှိ အဆင့် အခြား အဆင့် ပေါင်း အရာရှိ

အဆင့်

အခြား အဆင့် ပေါင်း
မြို့နယ်ထွေ/အုပ်ဌာန ၈၇ ၈၉ ၈၃ ၈၄
ပုတီးကုန်းမြို့အုပ်ချုပ် ရေးမှူးရုံး ၁၇ ၁၇ ၁၆ ၁၆
မြန်မာနိုင်ငံရဲတပ်ဖွဲ့ ၃၆ ၁၆၈ ၂၀၄ ၁၉ ၁၂၂ ၁၄၁ ၁၇ ၄၆ ၆၃
မီးသတ်ဦးစီဌာန ၃၉ ၄၆ ၂၃ ၂၄ ၁၆ ၂၂
စည်ပင်သာယာရေးအဖွဲ့ ၁၂၂ ၁၂၅ ၃၀ ၃၂ ၉၂ ၉၃
သ/မဦးစီးဌာန ၄၆ ၅၁ ၁၃ ၁၈ ၃၃ ၃၃
စိုက်ပျိုးရေး ၄၁ ၄၂ ၄၀ ၄၁
ဆည်မြောင်း ၅၁ ၅၂ ၅၁ ၅၂
လယ်/စီအင်း ၄၃ ၄၄ ၃၈ ၃၉
စက်မှုလယ်ယာ ၈၄ ၈၅ ၄၁ ၄၂ ၄၃ ၄၃
၁၀ တိုင်းရင်းဆေး
၁၁ တိ/မွေး/ကု
၁၂ ဆက်သွယ်ရေး(အိတ်ချိန်း) ၁၄ ၁၄ ၁၄ ၁၄
၁၃ ဆက်သွယ်ရေးစာတိုက် ၁၆ ၁၆ ၁၆ ၁၆
၁၄ သစ်တော ၂၀ ၂၁ ၁၆ ၁၇
၁၅ မြန်မာ့လျှပ်စစ်လုပ်ငန်း ၄၉ ၄၉ ၃၂ ၃၂ ၁၇ ၁၇
၁၆ လဝက ၁၄ ၁၅ ၁၀ ၁၁
၁၇ စက်မှုသီးနှံ ၂၂ ၂၄ ၁၂ ၁၃ ၁၀ ၁၁
၁၈ စီမံကိန်း ၁၀
၁၉ အား/ကာ
၂၀ ပညာရေး ၁၆ ၁၇၄၅ ၁၇၆၁ ၁၄ ၁၅၉၉ ၁၆၁၃ ၁၄၆ ၁၄၈
၂၁ ကျန်းမာရေး ၁၀ ၁၆၀ ၁၇၀ ၁၅၁ ၁၅၉ ၁၁
၂၂ တရားရုံး ၁၆ ၂၀ ၁၃ ၁၅
၂၃ ဥပဒေ
၂၄ စာရင်းရုံး ၁၃ ၁၄ ၁၀ ၁၁
၂၅ အခွန် ၁၄ ၁၅
၂၆ မြန်မာ့စီးပွားရေးဘဏ် ၁၇ ၁၈ ၁၇ ၁၈
၂၇ လမ်းဦးစီး ၁၉ ၂၀ ၁၀ ၁၁
၂၈ ရထားပို့ဆောင်ရေး ၂၄ ၂၇ ၂၄ ၂၇
၂၉ ပြန်/ဆက်
၃၀ လယ်ဖွံ့ဘဏ် ၁၆ ၁၇ ၁၂ ၁၃
၃၁ စိုက်ပျိုးရေးသုတေသန ၁၀ ၁၁ ၁၀ ၁၁
၃၂ ကုန်သွယ်မှုမြှင့်တင်ရေး ၁၀ ၁၀
၃၃ ကျေးလက်ဒေသဖွံ့ဖြိုးရေး ၂၆ ၂၇ ၁၈ ၁၉
၃၄ မြို့နယ်ကော်မရှင်အဖွဲ့ခွဲ
စုစုပေါင်း ၁၁၆ ၂၉၃၈ ၃၀၅၄ ၇၆ ၂၄၅၆ ၂၅၃၂ ၃၉ ၄၈၂ ၅၂၁

 

(ဂ)     တရားစီရင်ရေး

သဲကုန်းမြို့နယ်အတွင်း၂၀၁၆ခုနှစ်သြဂုတ်လအထိ တရားစီရင်ရေးဆောင်ရွက် ထားရှိမှုအခြေအနေမှာအမှုကြီး(၁၀)မျိုးဖြစ်ပွားမှုမရှိပါ။ အခြားအမှု(၁၀)မျိုး တွင်ဖြစ်ပွားမှု(၁၀၄)မှု၊စွဲဆိုမှု(၄၆)မှုနှင့်လက်ကျန်မှု(၅၈)မှုရှိပြီး ၊ကြိုတင်ကာ ကွယ်မှု(၁၁)မျိုးတွင် ဖြစ်ပွားမှု (၉၈၄)မှု၊စွဲဆိုမှု(၉၆၈)မှုနှင့် လက်ကျန်မှု (၁၆) မှုရှိပါသည်။

                   (ဃ)    ကာကွယ်ရေးနှင့်လုံခြုံရေး

သဲကုန်းမြို့နယ်၏ကာကွယ်ရေးနှင့် လုံခြုံရေးဖြန့်ချထားရှိမှုအခြေအနေမှာ တပ်မဌာနချုပ်(၁)ခု၊တပ်ရင်း(၄)ခု၊ရဲတပ်ဖွဲ့စခန်း(၄)ခုနှင့် ရဲတပ်ဖွဲ့အင်အား (၁၅၈)ဦးရှိပြီး၊ ရဲတပ်ဖွဲ့နှင့်လူဦးရေအချိုးမှာ(၁:၈၂၁)ဖြစ်ပါသည်။မီးသတ် စခန်း(၄)ခုရှီပြီး မီးသတ်တပ်ဖွဲ့ဝင် သန္ဓေနှင့်အရန် စုစုပေါင်းအင်အားမှာ(၈၁၉) ဦးနှင့် မီးသတ်ယာဉ်(၈)စီး၊ရေသည်ယာဉ်(၅)စီး၊ အပေါ့စားမီးသတ်စက်(၆) လုံးရှိပါသည်။

(င)     ရွေးချယ်ခံရသောလွှတ်တော်ကိုယ်စားလှယ်များ

သဲကုန်းမြို့နယ်၏ ပြည်သူ့လွှတ်တော်ကိုယ်စားလှယ်မှာ ဦးအောင်သန်း၊ အမျိုးသားဒီမိုကရေစီအဖွဲ့ချုပ်ပါတီ၊ အမျိုးသားလွှတ်တော် ကိုယ်စားလှယ်မှာ ဦးအေးချို ၊ အမျိုးသားဒီမိုကရေစီအဖွဲ့ချုပ်ပါတီ ၊ တိုင်းဒေသကြီးလွှတ်တော်ကိုယ်စားလှယ်များမှာဦးဇော်နိုင်ဦးနှင့် ဦးဇော်လင်းထိုက်၊ အမျိုးသားဒီမိုကရေစီ  အဖွဲ့ချုပ်ပါတီတို့ဖြစ်ပါသည်။

 စီးပွားရေးဆိုင်ရာအချက်အလက်များ

၁၀။    စီးပွားရေးဆိုင်ရာအချက်အလက်များမှာအောက်ပါအတိုင်းဖြစ်ပါသည်-

          (က)   မြေအသုံးချမှု

သဲကုန်းမြို့နယ်တွင် အသားတင်စိုက်ပျိုးမြေဧရိယာပေါင်း(၉၆၄၁၄)ဧက၊ စားကျက် မြေ(၂၁၃)ဧက၊ စက်မှုလုပ်ငန်းသုံးမြေ( ၉၃)ဧက၊ မြို့ရွာနှင့်အခြားမြေ(၃၈၅၀၉)ဧက၊ ကြိုးဝိုင်း/ကြိုးပြင်ကာကွယ်တောဧရိယာ(၃၆၅၀၂)ဧက၊ စိုက်ပျိုးခြင်းမပြုနိုင်သော ဧရိယာ(၂၀၀၈၁) ဧက၊ စိုက်ပျိုးမြေစုစုပေါင်း(၁၉၁၉၁၇) ဧကရှိပါသည်။

          (ခ)    စိုက်ပျိုးရေးလုပ်ငန်း

သဲကုန်းမြို့နယ်၏ စိုက်ပျိုးရေးလုပ်ငန်းဆောင်ရွက်နိုင်မှုအခြေအနေမှာတစ်ဖက်ပါ  အတိုင်းဖြစ်ပါသည်-

 

(၁)    အဓိကသီးနှံ(၁၀)မျိုးစိုက်ပျိုးထုတ်လုပ်မှု

စဉ် သီးနှံ
အမည်
၂၀၁၆-၂၀၁၇ လျာထားဧက ၂၀၁၆-၂၀၁၇ ခုနှစ်
စိုက် ရိတ် နှုန်း အထွက်

(တင်း)

စပါးပေါင်း နွေ ၆၉၁၆
မိုး ၈၂၆၃၁ ၈၂၆၃၁
‌မြေပဲ မိုး ၆၇၄၉ ၆၇၇၄ ၁၂၆၀ ၅၄.၇၅ ၆၈၉၈၅
ဆောင်း ၄၅၄၅
နှမ်း မိုး ၅၈၉၁ ၅၈၇၅ ၁၂၄၂ ၉.၉၈ ၃၂၃၉၅
ဆောင်း ၂၃၃၁
‌နေကြာ ၁၀
မတ်ပဲ ၂၆၁၆၂
ပဲတီစိမ်း မိုး ၄၃၉ ၄၃၉
ဆောင်း ၂၃၇၇
ပဲစဉ်းငုံ ၁၀၅၇ ၁၀၄၈
ဝါ ၅၃၅ ၁၃၄
ကြံ ၃၇၅၅ ၃၇၅၅
၁၀ အစေ့ထုတ်ပြောင်း

(၂)    နှစ်ရှည်သီးနှံစိုက်ပျိုးမှုအခြေအနေ

စဉ် သီးနှံအမည် စိုက် (ဧက) ရိတ် (ဧက) အထွက်နှုန်း  (ပိဿာ) အထွက်ပေါင်း (ပိဿာ)
သစ်ဆိမ့် ၇၇၀
ရာဘာ
အုန်း ၂၂၁ ၂၂၁ ၃၈၇၀.၀၀ ၈၅၅၂၇၀
ကွမ်းသီး/ရွက် ၁၂၁ ၁၂၁ ၅၈၉၀.၀၀ ၇၁၂၆၉၀
ကော်ဖီ
လက်ဖက်
မြို့နယ်ချုပ် ၁၁၁၂ ၃၄၂

 

(၃)    ဒေသတွင်းဆန်ဖူလုံမှုရာခိုင်နှုန်း

စဉ် အကြောင်းအရာ ရေတွက် ပုံ ၂၀၁၅-၁၆ အမှန် ၂၀၁၆-၁၇ လျာထား မှတ်

ချက်

လူဦးရေ ဦး ၁၂၉၇၁၂ ၁၂၉၈၀၆  
လူတစ်ဦးတစ်နှစ်စားသုံးမှု  
-ကျေးလက်နေ တင်း ၁၀၃၂၃၉ ၁၅၄၉၄၄၀  
-မြို့နေ တင်း ၂၆၄၇၃ ၃၁၈၁၂၀  
ဝမ်းစာလိုအပ်ချက် တင်း ၁၈၆၆၂၆၁ ၁၈၆၇၅၆၀  
စပါးစိုက်ဧကပေါင်း ဧက ၈၃၇၃၀ ၈၉၅၄၇  
-အထွက်နှုန်း တင်း ၇၄.၄၈ ၇၆.၆၅  
-အထွက်တင်း တင်း ၆၂၃၆၃၁၀ ၆၈၆၃၅၂၂  
လာမည့်နှစ်စပါးစိုက်ဧက ဧက ၈၃၇၃၀ ၈၉၅၄၇  
ချန်လပ်ရမည့်တင်း တင်း ၁၆၇၄၆၀ ၁၇၉၀၉၄  
အသုံးပြုတင်း တင်း ၂၂၈၄၉၁၁ ၂၃၁၅၂၉၅  
ပိုလျှံမှု/လိုအပ်မှု တင်း ၆၀၆၈၈၅၀ ၆၄၁၅၇၈၇  
ဝမ်းစာကျန်ရှိမှု တင်း ၆၀၆၈၈၅၀ ၆၄၁၅၇၈၇  
၁၀ ဆန်ဖူလုံမှု ရာခိုင်နှုန်း ၂၇၂.၉၃ ၂၉၆.၄၄  

(၄)    ဒေသတွင်းဆီဖူလုံမှုရာခိုင်နှုန်း

စဉ် အကြောင်းအရာ ရေတွက်ပုံ ၂၀၁၅-၁၆ အမှန် ၂၀၁၆-၁၇ လျာထား မှတ်

ချက်

လူဦးရေ ဦး ၁၂၉၇၁၂ ၁၂၉၈၀၆  
လူတစ်ဦးတစ်နှစ်

စားသုံးမှု

ပိဿာ  
ဝမ်းစာလိုအပ်ချက် မက်/တန် ၁၂၇၀.၆၅ ၁၂၇၁.၅၇  
ဆီထွက်ရှိမှု တင်း ၂၃၈၈.၃၇ ၇၂၈၇၀၁  
အလေအလွင့်နှင့်အခြား တင်း ၇၁၅၁၆.၅ ၇၀၃၃၇.၀  
ချန်လှပ်ရမည့်တင်း ဧက ၆၈၈၄၁.၂၅ ၆၈၇၉၄.၅  
အသုံးပြုမှု မက်/တန် ၂၄၄၀.၂၃ ၂၄၃၀.၇၃  
ပိုလျှံမှု/လိုအပ်မှု မက်/တန် ၁၂၆၅ ၁၁၅၉.၁၆  
ဆီဖူလုံမှု ရာခိုင်နှုန်း ၁၈၈.၈၀ ၁၉၁.၁၆  

 

          (ဂ)    လယ်ယာသုံးစက်ကိရိယာသုံးစွဲမှုအခြေအနေနှင့်ထယ် ၊ ထွန်  ၊ ကျွဲ ၊ နွားကောင်ရေ

                   သဲကုန်းမြို့နယ်ရှိ အစိုးရပိုင်   လယ်ယာသုံးစက်ကိရိယာပစ္စည်းများမှာ လယ်ထွန်စက်

(၂၅)စီး၊ Combine Havester (၈)စီးတို့ရှိပြီး ပုဂ္ဂလိကပိုင်လယ်ယာသုံးစက်ကိရိ ယာ ပစ္စည်းများမှာလယ်ထွန်စက်(၈၄)စီး၊ လက်တွန်းထွန်စက်(၁၅၄၈)စီး၊ Combine Havester(၁၅)စီး၊ ရိတ်သိမ်းစက်(၃)စီး၊ ချွေလှေ့စက်(၂၃၀)စီးနှင့် ရေစုပ်စက်(၇၀၁) လုံးတို့ရှိပြီး လယ်ယာသုံးထယ်အရေအတွက်(၁၃၃၃၀)၊ထွန်အရေအတွက်(၁၈၀၀၀)

ကျွဲ၊နွားကောင်ရေ(၃၆၃၉၀)ရှိပါသည်။

          (ဃ)   မွေးမြူရေးလုပ်ငန်းများ

သဲကုန်းမြို့နယ်၏ ၂၀၁၆ခုနှစ် သြဂုတ်လကုန်ထိမွေးမြူရေးလုပ်ငန်းဆောင်ရွက်နိုင်မှု အခြေအနေမှာကျွဲ(၇၈၅၃)ကောင်၊နွား(၆၁၂၄၁)ကောင်၊ဝက်(၃၇၇၃၀)ကောင်၊ကြက်

(၁၄၈၅၇၈၈) ကောင်၊သိုး/ဆိတ်(၃၀၆၈)ကောင် ၊ အသားထုတ်လုပ်မှုပိဿာမှာ နွား (၄၆၁၈၃၅)၊ ဝက်(၁၆၂၇၉၆၅)၊ သိုး/ဆိတ်(၈၆၃၅)၊ကြက်(၂၂၉၂၈၈၀)၊ဘဲ(၅၆၅၅၀၀) ပိဿာထုတ်လုပ်လျက်ရှိ၍ ကြက်ဥ(၂၄၈၈၂၃၆၅) ၊ ဘဲဥ(၅၂၀၈၀၄၅)လုံးနှင့် နို့စား နွားကောင်ရေ(၅၅)ကောင်မွေးမြူထားပြီး နို့ထွက်ပိဿာ(၈၀၃၀၀)ပိဿာထွက်ရှိပါ သည်။ ငါး/ပုဇွန်မွေးမြူရေးအခြေအနေမှာငါးကန်(၁၁၁၃)ကန်၊(၅၃၀၇.၈၅)ဧကရှိပြီး ထုတ်လုပ်မှုပိဿာမှာ(၇၈၉၄.၄၅)ပိဿာထုတ်လုပ်လျက်ရှိပါသည်။ ရေချိုငါးဖမ်းလုပ် ငန်းမှလေလံအရေအတွက်(၂၁)ခုရှိ၍ ထုတ်လုပ်မှုတန်မှာ (၂၅၅၅.၁၄)တန်ရှိပါသည်။

          (င)    စက်မှုလက်မှုလုပ်ငန်းများ

သဲကုန်းမြို့နယ်၏ စက်မှုလက်မှုလုပ်ငန်းဆောင်ရွက်နိုင်မှုအခြေအနေမှာ ပန်းဘဲလုပ် ငန်းအရေအတွက်(၁၅) ခု၊ လုပ်သား(၁၅)ဦး၊ ပန်းထိမ်လုပ်ငန်းအရေအတွက်(၃၀) ခု ၊ လုပ်သား(၆၀)ဦး၊ယက္ကန်းလုပ်ငန်း(ချည်ထည်)အရေအတွက်(၁၅)ခု၊လုပ်သား(၇၅)ဦး တို့ဖြင့်ဆောင်ရွက်လျက်ရှိပါသည်။

          (စ)    သစ်တောလုပ်ငန်းဆောင်ရွက်မှုအခြေအနေ

သဲကုန်းမြို့နယ်တွင်ကြိုးဝိုင်းဧရိယာ(၃၆၅၀၂)ဧကရှိပြီး ပေါက်ရောက်သောအပင်များ မှာအင်ကြင်း၊သစ်ရာ ၊ နဘဲ၊ထောက်ကြံ့၊ချင်ယုတ်၊ရှား၊စစ်၊ ဗြူး၊ ပျဉ်းကတိုး၊  ဖန်ခါး၊ ဝါးဖြူ၊သိုက်ဝါး၊မြစ်ဝါးတို့ဖြစ်ပါသည်။

          (ဆ)   စွမ်းအင်နှင့်လျှပ်စစ်ကဏ္ဍ

သဲကုန်းမြို့နယ်တွင် ပုဂ္ဂလိကပိုင် ဓါတ်ဆီ ၊ ဒီဇယ်အရောင်းဆိုင်(၅)ဆိုင်ရှိပြီး၊ (၁) နှစ် ရောင်းချမှုမှာဓါတ်ဆီ(၈၇၁၂၀)လီတာ ၊ဒီဇယ်(၁၀၉၄၁၆)လီတာဖြစ်ပါသည်။နိုင်ငံပိုင် ဓါတ်အားခွဲရုံ(၂)ရုံမှဓါတ်အား(၄၄၀၀)ကီလိုဝပ်ထုတ်လွှတ်လျက်ရှိပြီး၊ ထရန်စဖော်မာ (၃၃)လုံးမှ(၄၆၄၄)ကီလိုဝပ်ဖြန့်ဖြူးလျက်ရှိပါသည်။သဲကုန်းမြို့နယ်အနေဖြင့် လျှပ်စစ် ဓါတ်အားသုံးစွဲမှုပမာဏမှာ(၁၈၀၀)ကီလိုဝပ်ရှိပြီး ရရှိသည့်ပမာဏမှာ (၄၄၀၀) ကီလို ဝပ်ဖြစ်ပါသည်။

 

          (ဇ)    ဆက်သွယ်ရေးကဏ္ဍ

                   သဲကုန်းမြို့နယ်တွင်ဆက်သွယ်ရေးစာတိုက်(၃)ခု   ၊  အော်တိုတယ်လီဖုန်း(၇၉၁)လုံး၊

မိုဘိုင်းဖုန်း(၈၅၉၆)လုံးရှိပြီး အင်တာနက်အသုံးပြုသူဦးရေမှာ(၈၁၀၀)ခန့်နှင့်ဖုန်းသုံး စွဲမှုရာခိုင်နှုန်း(၇.၂၃)ရာခိုင်နှုန်းဖြစ်ပါသည်။

          (စျ)   ပို့ဆောင်ရေးနှင့်လမ်းပန်းဆက်သွယ်ရေး

သဲကုန်းမြို့နယ်၏ပို့ဆောင်ရေးနှင့်   လမ်းပန်းဆက်သွယ်ရေးအခြေအနေမှာ ရန်ကုန်- ပြည်မီးရထားလမ်း(၁၃.၂၅)မိုင်ဖြတ်သန်းပြီး ဘူတာကြီး(၃) ခုနှင့် ဘူတာသေး(၁)ခုရှိ ပါသည်။ကားလမ်းအနေဖြင့်ရန်ကုန်-ပြည်ကားလမ်းမကြီးမှာ သဲကုန်းမြို့နယ်အတွင်း

(၁၂မိုင်၂ ဖာလုံ) ဖြတ်သန်းပြီး  ဝက်ပုတ်-ပုတီးကုန်း-သဲကုန်းလမ်း(၂၂မိုင်)ရှိပါသည်။

သဲကုန်း-ရန်ကုန် ပြေးဆွဲလျက်ရှိသည့်မော်တော်ယာဉ်လိုင်း(၃)လိုင်းမှ မော်တော်ယာဉ် (၇)စီး ပြေးဆွဲလျက်ရှိပါသည်။ သဲကုန်းမြို့နယ်အတွင်း ပေ(၁၈၀)အထက် တံတား(၁) စင်း၊ ပေ(၅၀)အောက်တံတား(၁၅၈)စင်းရှိပါသည်။

          (ည)   သမဝါယမအသင်းများ

                   သဲကုန်းမြို့နယ်တွင် သမဝါယမအသင်းပေါင်း (၂၅၀) သင်းရှိပြီး အသင်းစု (၁) ခု ရှိပါ

သည်။

          (ဋ)    စီးပွားရေးဆိုင်ရာအခြေခံအဆောက်အဦများ

သဲကုန်းမြို့နယ်တွင်  စီးပွားရေးဆိုင်ရာ   အခြေခံအဆောက်အဦများအနေဖြင့် အစိုးရ ပိုင်စျေး( ၅ ) စျေး၊ ဆိုင်ခန်းအရေအတွက်  ( ၁၃၄၆ ) ခန်း၊ ပုဂ္ဂလိကပိုင် စတိုးဆိုင်နှင့်    အရောင်းဆိုင်(၂၈၆) ဆိုင်ရှိပါသည်။

          (ဌ)    ပုံနှိပ်လုပ်ငန်းနှင့်မီဒီယာလုပ်ငန်းများ

သဲကုန်းမြို့နယ်တွင် ပုံနှိပ်လုပ်ငန်းနှင့်မီဒီယာလုပ်ငန်းအနေဖြင့် ပုဂ္ဂလိကပိုင်ကွန်ပျူတာ  ဆိုင်(၂)ဆိုင်ရှိပြီး အစိုးရနေ့စဉ်ထုတ်သတင်းစာ(၁)ရက်လျှင် (၁၄၁) စောင်နှင့်ပြန်/ဆက်  ဦးစီးဌာနမှ ထုတ်လုပ်ဖြန့်ချီသော   ဒို့ကျေးရွာဂျာနယ်(၁)ရက်လျှင်(၂၉၀)စောင်ဖြန့်ဝေ  လျက်ရှိပါသည်။

          (ဍ)    ပြည်တွင်းအသားတင်ထုတ်လုပ်မှုနှင့်ဝန်ဆောင်မှုတန်ဘိုး

                   သဲကုန်းမြို့နယ်၏   ပြည်တွင်းအသားတင်ထုတ်လုပ်မှုနှင့်      ဝန်ဆောင်မှုတန်ဘိုးကို အောက်ပါအတိုင်း ဖော်ပြအပ်ပါသည်-

 

စဉ် အကြောင်းအရာ ၂၀၁၅-၁၆ အသားတင် ထုတ်လုပ်မှု တန်ဖိုး ၂၀၁၆-၁၇
ရည်မှန်း ချက်တန်ဖိုး
၂၀၁၆ -၂၀၁၇  ခုနှစ် ဆောင်ရွက်နိုင်မှု
တန်ဖိုး ‌အကောင် အထည် ဖော်နိုင်မှု တိုး တက်မှု%
ထုတ်လုပ်မှုတန်ဖိုး ၁၀၇၃၄.၂ ၁၅၂၄၇၆.၆ ၁၀၅၈၈.၂ ၆.၉ ၃.၁
ဝန်ဆောင်မှု ၆၀၀၅၂.၆ ၃၀၀၆၇.၄ ၇၃၈၁.၄ ၂၄.၅ ၂၀.၉
ကုန်သွယ်မှုတန်ဖိုး ၃၆၀၁.၅ ၄၉၅၁၅.၅ ၃၆၂၀.၄ ၇.၃ ၀.၈
အသားတင်ထုတ်လုပ်မှု နှင့်ဝန်ဆောင်မှုတန်ဖိုး ၂၀၃၈၈.၃ ၂၃၂၀၅၉.၅ ၂၁၅၉၀.၀ ၉.၃ ၅.၀

လူမှုရေးဆိုင်ရာအချက်အလက်များ

၁၁။    သဲကုန်းမြို့နယ်တွင်ရှိသော လူမှုရေးဆိုင်ရာအချက်အလက်များမှာ အောက်ပါအတိုင်းဖြစ်ပါ သည်-

          (က)   ပညာရေးကဏ္ဍ

သဲကုန်းမြို့နယ်တွင် အ.ထ.က ကျောင်း(၈)ကျောင်း ၊ ဆရာ/ဆရာမဦးရေ(၂၃၉)ဦး ၊ ကျောင်းသား/သူဦးရေ (၇၂၇၁)ဦး ၊ အ.လ.က ကျောင်း(၆)ကျောင်း ၊ ဆရာ/ဆရာမ ဦးရေ (၁၅၂)ဦး ၊ ကျောင်းသား/သူဦးရေ(၂၃၀၄)ဦး၊အ.မ.ကကျောင်း(၁၇၈) ကျောင်း ဆရာ/ဆရာမဦးရေ(၈၉၆)ဦးတို့ရှိပါသည်။ ကျောင်းနေအရွယ် (၅) နှစ် ပြည့်ကလေး များ ကျောင်းအပ်နှံမှုမှာကျောင်းသား(၁၀၀၇)ဦး ၊ ကျောင်းသူ(၈၈၄)ဦး ၊ စုစုပေါင်း (၁၈၉၁)ဦး ကျောင်းအပ်နှံမှုရာခိုင်နှုန်းမှာ (၁၀၀%)ဖြစ်ပါသည်။စာတက်မြောက်မှု ရာခိုင်နှုန်းအနေဖြင့် မြို့နယ်လူဦးရေ(၁၂၉၈၀၆)တွင် (၁၅)နှစ် အထက်လူဦးရေ (၁၂၃၅၈၇)ရှိပြီး စာတက်မြောက်သူဦးရေ (၁၂၃၅၈၇) ဖြစ်သည့်အတွက် စာတတ်မြောက် မှုရာခိုင်နှုန်းမှာ (၁၀၀%)ဖြစ်ပါသည်။

(ခ)    စာကြည့်တိုက်များဖွင့်လှစ်နိုင်မှု

စာကြည့်တိုက်များဖွင့်လှစ်နိုင်မှုအခြေအနေမှာ ပြန်/ဆက်ဦးစီးဌာနမှ (၂၀)ခု ၊ ကိုယ့်အားကိုယ်ကိုးစာကြည့်တိုက်မှာ (၂) ခု ၊ စုစုပေါင်း(၂၂)ခု ဖွင့်လှစ်နိုင်ခဲ့ပါသည်။

          (ဂ)    ကျန်းမာရေးကဏ္ဍ

သဲကုန်းမြို့နယ်တွင်အစိုးရပိုင်(၂၅)ကုတင်ခန့်ဆေးရုံ(၁)ခု၊(၁၆)ကုတင်ခန့်တိုက်နယ်ဆေးရုံ(၃)ခု၊ပုဂ္ဂလိကဆေးခန်း(၂)ခုဖွင့်လှစ်ထားရှိပါသည်။ကျေးလက်ကျန်းမာရေးဌာန (၆)ခု ၊ ကျေးလက်ကျန်းမာရေးဌာနခွဲ (၃၁)ခု ၊ ဆရာဝန်ဦးရေ (၇)ဦး ၊ သူနာပြု ဦးရေ (၂၃) ဦး ၊ လက်ထောက်ကျန်းမာရေးမှူး (၄)ဦး တို့မှ တာဝန်ယူ၍ ကုသလျှက် ရှိပါသည်။ဒေသတွင်း ဖြစ်ပွားမှုအများဆုံးရောဂါများမှာ ငှက်ဖျား ၊ဝမ်းလျှော၊တီဘီ၊ ဝမ်းကိုက် ၊ အသည်းရောင်ရောဂါတို့ဖြစ်ကြပါသည်။

          (ဃ)   လူမှုရေးအသင်းအဖွဲ့များ

သဲကုန်းမြို့နယ်တွင် လူမှုရေးအသင်းအဖွဲ့များအနေဖြင့် NGO အဖွဲ့အင်အားစာရင်း မှာ အမျိုးသမီးရေးရာ (၁၁၃၂၁)ဦးရေ ၊ မိခင်/ကလေးအသင်း (၁၄၆၉၅) ဦးရေ ၊ စစ်မှုထမ်းဟောင်း (၂၁၀)ဦး ၊ ကြက်ခြေနီ(၄၂၉)ဦး ၊ အရန်မီးသတ်(၇၉၅)ဦးရှိပြီး အသင်းအဖွဲ့အနေဖြင့်မြို့နယ်လူငယ်အဖွဲ့ချုပ်အသင်းတစ်သင်းရှိပြီး လူမှုရေးလုပ်ငန်း များကို ဆောင်ရွက်လျှက်ရှိပါသည်။

          (င)    အားကစားနှင့်ဖျော်ဖြေရေးလုပ်ငန်းများ

သဲကုန်းမြို့နယ်တွင် အားကစားနှင့်ဖျော်ဖြေရေးလုပ်ငန်းများအနေဖြင့် ဘောလုံးကွင်း (၁)ကွင်း ၊ ဘော်လီဘော(၁)ကွင်း ၊ တင်းနစ်(၁) ကွင်း တို့ရှိပါသည်။

          (စ)    ဘာသာရေးဆိုင်ရာအချက်အလက်များ

သဲကုန်းမြို့နယ်ရှိ သာသနိကအဆောက်အဦများမှာ ဘုရား (၇)  ဆူ ၊ စေတီ(၇၆) ဆူ၊ ဘုန်းကြီးကျောင်း (၂၄၁) ကျောင်း ၊ ဓမ္မာရုံ (၂၀၂) ခုရှိပြီး ၊ သီတင်းသုံးနေထိုင်သော ရဟန်းသာမဏေအရေအတွက်မှာ (၁၀၀၀) ပါးခန့်နှင့် သီလရှင်အရေအတွက်မှာ(၄၃) ပါးခန့် သီတင်းသုံးနေထိုင်လျှက်ရှိပါသည်။ အခြားဘာသာရေးအဆောက်အဦများ အနေဖြင့် ခရစ်ယာန်ဘုရားရှိခိုးကျောင်း (၁) ကျောင်း ၊ အစ္စလာမ်ဝတ်ပြုကျောင်း (၃) ကျောင်း ၊ ဟိန္ဒူဘုရားကျောင်း (၁) ကျောင်းတို့ရှိပါသည်။

ကျေးလက်ဒေသဖွံ့ဖြိုးရေး

၁၂။    သဲကုန်းမြို့နယ်အတွင်း ၂၀၁၆-၂၀၁၇ ဘဏ္ဍာရေးနှစ် ၊ အထွေထွေအုပ်ချုပ်ရေးဦးစီးဌာန ၊ ကျေးလက်ဒေသဖွံ့ဖြိုးရေး ရန်ပုံငွေကျပ်သိန်း(၅၀)ဖြင့် အကောင်အထည်ဖော်ဆောင်ရွက်နိုင်ရန်အတွက် လက်ပံလုံ့လှကျေးရွာအုပ်စု ၊ တလိုင်းခုံကျေးရွာ သောက်သုံးရေကန် တူးဖော်ခြင်းလုပ်ငန်း (အရှည် ၁၀၀ ပေ  ၊ အကျယ် ၁၀၀ပေ ၊ အနက် ၆ ပေ) အား နိုင်ငံတော်မှခွင့်ပြုငွေ (၅၀)သိန်း ၊ ပြည်သူလူထုထည့်ဝင်ငွေ (၁၀)သိန်း ၊ စုစုပေါင်း (၆၀) သိန်းဖြင့် ဆောင်ရွက်သွားနိုင်ရေးလိုအပ် သော စာရင်းဇယားများနှင့်အတူ တင်ပြထားရှိပြီးဖြစ်ပါသည်။

ယဉ်ကျေးမှုနယ်မြေများ

၁၃။    သဲကုန်းမြို့နယ်အတွင်း ယဉ်ကျေးမှုနယ်မြေများမရှိပါ။

 

ဒေသသမိုင်းအကျဉ်း       

၁၄။    သဲကုန်းမြို့နယ်မှာ သရေခေတ္တရာပြည်မြို့တွင် ဒွတ္တပေါင်မင်းကြီး လက်ထက် စစ်သူကြီး( ၇ ) ဦးအား သရေခေတ္တရာနှင့် အရံမြို့နယ်များ တည်ရန်မိန့်ဆိုခဲ့ရာ မဟာစစ်သူကြီး (မိုးကုတ်တိုက်) သည် သဲကုန်းမြို့ ကောလသိင်္ဂစစ်သူကြီး(ကာလသိဂါတိုက်)သည် ကန့်လန့်ကုန်း(ပုတီးကုန်း) စလင်္ကာစစ်သူကြီး(စလင်္ကာသူတိုက်) သည် ဆင်မြီးဆွဲ ၊ မဟာဗိုလ်စစ်သူကြီး (မဟာဗိုလ်တိုက်)သည် အင်းမမြို့တို့ကို အရံမြို့များအဖြစ် တည်ခဲ့ရာတွင် မိုးကုတ်တိုက်(တောင်မင်းညို)ကစစ်ပြု၍ ပျက်ဆီး ခဲ့ရကြောင်းနှင့် အင်္ဂလိပ် အစိုးရလက်ထက် ၁၈၈၇ ခုနှစ် ၊ မေလ ( ၁ ) ရက်နေ့တွင် ရန်ကုန်-ပြည် မီးရထားလမ်းဖောက်လုပ်ခဲ့ပြီး မီးရထားသွားလာသည့် အချိန်မှစ၍ မြို့ပြ အုပ်ချုပ်ရေးအတွက် မြို့ပိုင်ရုံးစိုက်ချိန်မှစတင်၍ သဲကုန်း ၊ ပုတီးကုန်း  ၊ အင်းမ ၊ ဆင်မြီးဆွဲတိုက်နယ်များပါ၀င်သော သဲကုန်းမြို့နယ်ကို သတ်မှတ် ခဲ့ခြင်းဖြစ်ပါသည်။ ပြည်ထဲရေးနှင့် သာသနာရေး၀န်ကြီးဌာန (အထွေထွေအုပ်ချုပ်ရေးဦးစီးဌာန) ၏ (၂၄. ၆ .၇၂) ရက်စွဲပါအမိန့်ကြော်ငြာစာအမှတ် ၊ (၁၀၃/ ၂၄/စိတ် ၁) အရ ၁၉၇၀ ခုနှစ် ၊ မြို့ပိုင် ဦးသိန်းတင်နှင့်လက်ထက် မြို့ပိုင်များအုပ်ချုပ်မှုဆိုင်ရာ ဆောင်ရွက်ခဲ့ပြီး မြို့ပိုင်ဦးမန်းညွန့်မောင် လက်ထက်မှစ၍ မြို့နယ်အုပ်ချုပ်ရေးမှူးအဖြစ် အသွင် ပြောင်းကာ ယခု ဦးလွင်မင်း(ပ/၃၉၅၅)လက်ထက်အထိ အုပ်ချုပ်မှုဆိုင်ရာများကိုဆောင်ရွက်လျှက် ရှိပါသည်။

သဲကုန်းမြို့နယ်တွင်ကျင်းပသည့်အထင်ကရပွဲတော်များ

၁၅။    သဲကုန်းမြို့နယ်တွင် နှစ်စဉ်ကျင်းပမြဲဖြစ်သော အထင်ကရပွဲတော်များမှာ အောက်ပါအတိုင်း ဖြစ်ပါသည်-

(က)   နှစ်စဉ်ကျင်းပမြဲဖြစ်သောပွဲတော်များနှင့်ကျင်းပသည့်အချိန်

သဲကုန်းမြို့နယ်အတွင်း နှစ်စဉ်ကျင်းပမြဲဖြစ်သော တန်ခိုးကြီး ဘုရားပွဲတော်များမှာ သဲကုန်းမြို့ ၊ အမှတ်(၂) ရပ်ကွက်အတွင်း တည်ထားကိုးကွယ်သော ကန်သာယာ ရေလယ်ကျွန်းဘုရားပွဲတော်ကို နှစ်စဉ်ပြာသိုလဆန်း(၈)ရက်နေ့မှ (၁၅)ရက်နေ့အထိ စည်ကားသိုက်မြိုက်စွာနှစ်စဉ် ကျင်းပပြုလုပ်လျှက်ရှိပါသည်။

          (ခ)    ကန်သာယာရေလည်ကျွန်းစေတီတော်ဘုရားမြေပုံ

(ဂ)    ကန်သာယာရေလည်ကျွန်းစေတီတော်ဘုရားသမိုင်းကြောင်း

သာသနာတော်သက္ကရာဇ် (၁၀၁)ခုနှစ်တွင် ဒွတ္တဘောင် မင်းကြီးသည် သရေခေတ္တရာ ပြည်ကို တည်ထောင်တော်မူသည်။ ဒွတ္တဘောင်မင်းကြီး၏ မြောက်နန်းမိဖုရား ဥမ္မာရဒေဝီ က ဒွက္ကစံ ဟူသော သားတော်ကိုလည်းကောင်း ၊ အလယ်နန်းမိဖုရား ပိဿနိုးမိဖုရားက ဒွတ္တရာဇ်ဟူသော သားတော်ကို လည်းကောင်း ၊ ဖွားမြင်ခဲ့သည်။ ဒွက္ကစံ နှင့် ဒွတ္တရာဇ် တို့မှာ မဏိသေလ ခေါ်  ရွှေကျောင်းဆောင်တောင်ကုန်းပေါ်တွင် ရှင်စန္ဒာသီရိနှင့် ရှင်စန္ဒဂရာဇ် ဟူသော ရဟန္တာအဖြစ်သတင်း သုံးနေထိုင်ကြသည်။ ဒွတ္တဘောင်မင်းကြီးသည်မဇ္ဇျိမဒေသ ဝေသာလီပြည်တွင် ဒုတိယသင်္ဂါယနာတင်သော  ကာလာသောကမင်းနှင့်ထီးပြိုင်နန်းပြိုင်ဖြစ်သည်။ သရေခေတ္တရာခေါ် ရသေ့မြို့၏အရံ(၇)တိုက်တွင် သဲကုန်းမြို့သည် မိုးကုတ်တိုက်ထဲတွင် ပါဝင်သည်။ ဒွတ္တဘောင် မင်းကြီးသည်သား ရဟန္တာများ သတင်းသုံးရာ ရွှေကျောင်းဆောင်သို့ သွားစဉ် လမ်းခရီတစ်ထောင့်အဖြစ် ဤကန်သာယာနေရာ၌ တပ်ချရပ်နားခဲ့သည်။ လျှိုမြောင် (၂)ခုကြားတွင် သာယာလှပသော ကုန်းကမူကလေးကို တွေ့မြင်ရသဖြင့် ကုန်းကမူ ထက်တွင် ဉာဏ်တော်(၇)တောင်မြင့်သော စေတီတော်ကိုတည်၍ ဓါတ်တော်မွေတော် တို့ကိုဌာပနာခဲ့သည်။ လျှိုမြောင်ကိုပိတ်၍ တစ်ဖက်ပိတ်ဆယ်အဖြစ် ဆယ်ဖို့တော်မူခဲ့ သည်။ နီးစပ်ရာတိုက်နယ်များမှ တိုက်မှူးကြီးများလည်း ဝိုင်းဝန်းကူညီ ဆောင်ရွက်ခဲ့ ကြသည်။မြန်မာသက္ကရာဇ် ၁၂၇၀ ခုနှစ် ၊ ခရစ်သက္ကရာဇ်၁၉၀၈ ခုနှစ်ခန့်တွင် ဦးရွှေဓါး၊ဦးစိုင်+ဒေါ်မဲနှင့်သူကြီးများ ရာအိမ်မှူးများ ၊ ဂေါပကလူကြီးများ ဦးဆောင် ၍ ပြည်သူများနှင့်ပူးပေါင်းကာဉာဏ်တော်(၁၅)တောင်မြင့်သော စေတီတော်မြတ်ကြီး ဖြစ်အောင် ဒုတိယအကြိမ်ပြုပြင် တည်ဆောက်ခဲ့ပါ သည်။မြန်မာသက္ကရာဇ် ၁၂၈၉ ခု ၊ ခုနှစ်သက္ကရာဇ် ၁၉၂၇ ခုနှစ်တွင် သဲကုန်းမြို့မှ တိရိစ္ဆာန်ဆေးကုဆရာကြီး ဦးတင့် စသော သူကြီး(၇) ပိုင်ပါ ဘာသာရေးစိတ်ဝင်စားသူများ ဦးဆောင်ကာ ဉာဏ်တော် (၁၅)တောင်စေတီကို ဉာဏ်တော်အတောင်(၆၀)အထိ ငုံတည်ကာ ဘုရားရင်ပြင် ကုန်းတော်ကို ရှစ်မြှောင့်ပုံဖြစ်အောင် တတိယအကြိမ်မွမ်းမံပြင်ဆင်ခဲ့သည်။ နှစ်စဉ် တန်ဆောင်မုန်းလတွင်ဘုရားပွဲတော်ကျင်းပပြုလုပ်ခဲ့ပြီးယခုအခါတွင်တန်ဆောင်မုန်း လအစား ပြာသိုလတွင် ကျင်းပလာခဲ့ရာ ၁၃၇၈ခုနှစ် ပြာသိုလတွင် (၅၄)ကြိမ်မြောက် ထိ ရောက်ရှိခဲ့ပါသည်။၁၃၇၁- ၁၃၇၂ ခုနှစ်တွင် သဲကုန်းသီတဂူဆရာတော်ဘုရားကြီး ဒေါက်တာအရှင်ဉာဏိဿရက ဦးဆောင်၍ စေတီတော်ကြီးပြုပြင်၍ စေတနာရှင် ရပ်သူရွာသားများ ပါဝင်ကုသိုလ်ယူပြီး ပစ္စည်းလှူဒါန်းခြင်း ၊ ဝတ္ထုငွေကြေးလှူဒါန်း ခြင်းများ ဆောင်ရွက်ခဲ့ပြီး ၁၃၇၂ခုနှစ် တပေါင်းလဆန်း (၄) ရက်နေ့ နံနက်ပိုင်းမှစ၍ စိန်ဖူးတော် တင်ပွဲသံဃာအပါး (၁၀၀) ဖြင့် အနေကဇာတင် ရွတ်ဆိုပူဇော်ပွဲများ ကျင်းပပြုလုပ်ပြီး တပေါင်းလဆန်း(၄)ရက်နေ့တွင် သီတဂူဆရာတော်ဘုရားကြီး၏ တရားပွဲဖြင့် လှူဒါန်းမှုအစုစုကို ရေစက်သွန်းချ အမျှဝေကာ ထီးတော်တင်လှူပွဲကြီး အောင်မြင်စွာ ပြီးစီးခဲ့ပါသည်။

နိဂုံး

၁၆။    သဲကုန်းမြို့နယ်၏ ဒေသဆိုင်ရာအချက်အလက်များကို ဌာနဆိုင်ရာများမှပေးပို့သော  အချက် အလက်များ ၊ ဒေသဆိုင်ရာအချက် အလက်စာစောင်များ ၊ မှတ်တမ်းများအပေါ်တွင် အခြေခံလျက် အကျဉ်းချုံးပြုစုထားခြင်းဖြစ်ပါသည်။ ဒေသဆိုင်ရာအချက်အလက်များ အစီရင်ခံစာအား မှတ်တမ်းတင်စုစည်းတင်ပြခြင်းအားဖြင့် သဲကုန်းမြို့နယ်တစ်ခုလုံး၏အချက်အလက်နှင့် ဖွံ့ဖြိုးတိုးတက်မှုအခြေအနေ များကို လေ့လာသိရှိနိုင်ပြီး မိမိတို့၏လုပ်ငန်းများကို အထောက်အကူပြုမည်ဖြစ်ပါကြောင်း တင်ပြအပ် ပါသည်။