Home / ကဝမြို့နယ်

ကဝမြို့နယ်

ကဝ-ခမေကြီးကျေးလက်ကွန်ကရစ်လမ်းသစ် ဖွင့်ပွဲကျင်းပပြုလုပ်

FI

မေ ၂၁ (ပဲခူး) ================ မေလ(၂၁)ရက်နေ့ နံနက်(၈)နာရီအချိန်က ပဲခူးတိုင်းဒေသကြီး ကဝမြို့ ကဝ-ခမေကြီးလမ်းပေါ်ရှိ ဖွင့်ပွဲမဏ္ဍပ်၌ ဗြိတိန်နိုင်ငံပြည်သူများ၏လှူ ဒါန်းငွေဖြင့် UNDP ကပံ့ပိုးကူညီပြီး ကျေးလက်လမ်းဦးစီးဌာနက အကောင်အထည်ဖော်ဆောင်ရွက်ခဲ့သော ကဝ-ခမေကြီးကျေးလက်ကွန်ကရစ်လမ်းသစ် ဖွင့်ပွဲအခမ်းအနားကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီးဝန်ကြီးချုပ်ဦးဝင်းသိန်းက မိမိတို့အစိုးရအနေဖြင့် လမ်းပန်းဆက်သွယ်ရေးကဏ္ဍကို အထူးသဖြင့် ကျေးလက်ဒေသများရဲ့လမ်းပန်းဆက်သွယ်ရေးကို ပိုမိုကောင်းမွန်အောင်ဦးစားပေးဆောင်ရွက်နေကြောင်း၊ လမ်းပန်းဆက်သွယ်ရေးကောင်းမွန်လာတာနဲ့ ပညာရေး၊ ကျန်းမာရေး၊ ရောင်းဝယ်ကုန်သွယ်ရေးတွေအားလုံး ကျွဲကူးရေပါဆိုသလို တစ်ဆက်တစ်စပ်ထဲ တိုးတက်ကောင်းမွန်လာမှာဖြစ်ကြောင်း၊ ဒေသခံပြည်သူတွေအနေဖြင့်လည်း ဒီလမ်းကြီးကိုရေရှည်တည်တံ့အောင်ထိန်းသိမ်းဖို့အတွက် ကျေးလက်လမ်းဖွံ့ဖြိုးရေးဦးစီးဌာနနှင့်အတူ ဝိုင်းဝန်းကူညီပေးစေလိုကြောင်း အဖွင့်အမှာစကား ပြောကြားပြီး ဗြိတိန်နိုင်ငံသံအမတ်ကြီး H.E.Mr.Dan Chugg နှင့် ကုလသမဂ္ဂဖွံ့ဖြိုးမှုအစီအစဉ် UNDP Myanmarမှဌာနေကိုယ်စားလှယ်Mr.Peter Batchelor တို့ကနှုတ်ခွန်းဆက် စကားပြောကြားကာ ကဝ-ခမေကြီးကျေးလက်ကွန်ကရစ်လမ်းသစ်အား တာဝန်ယူဖောက်လုပ်ခဲ့သည့် T&VD Companyတာဝန်ရှိသူတစ်ဦးက ကဝ-ခမေကြီး ကျေးလက်ကွန်ကရစ်လမ်းသစ်အား ကျေးလက်လမ်းဖွံ့ဖြိုးရေးဦးစီးဌာန တိုင်းဒေသကြီးဦးစီးမှူး ညွှန်ကြားရေးမှူး ဦးအောင်ကျော်လူထံသို့ လွှဲပြောင်းပေးအပ်သည်။ ထို့နောက် …

Read More »

ပဲခူး-စစ်တောင်းတူးမြောင်းဖြတ် တာဝရေတံခါးတံတားဖွင့်ပွဲနှင့် လူထုတွေ့ဆုံပွဲ အခမ်းအနားသို့ ဝန်ကြီးချုပ် ဦးဝင်းသိန်း တက်ရောက်

FI

သနပ်ပင် ဧပြီ ၂၇ ===================== ဧပြီလ(၂၇)ရက်နေ့ နံနက်(၉)အချိန်က သနပ်ပင်မြို့နယ် တာဝရေတံခါးကျေးရွာ ပဲခူး-စစ်တောင်းတူးမြောင်းဖြတ် တာဝရေတံခါးတံတား ဖွင့်ပွဲအခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဝန်ကြီးချုပ် ဦးဝင်းသိန်း၊ စက်မှုလျှပ်စစ်နှင့် လမ်းပန်းဆက်သွယ်ရေးဝန်ကြီး ဦးသန်းဝင်း၊ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်း၊ ပြည်သူ့လွှတ်တော်ကိုယ်စားလှယ် ဦးမြင့်ဦး၊ တိုင်းဒေသကြီးအမျိုးသားဒီမိုကရေစီအဖွဲ့ ဥက္ကဋ္ဌ ဦးသိန်းဒန်တို့က တာဝရေတံခါး တံတားအား ဖဲကြိုးဖြတ် ဖွင့်လှစ်ပေးပြီးနောက် တံတားအားလှည့်လည် ကြည့်ရှုကြသည်။ အဆိုပါတံတားသည် သံကူကွန်ကရစ်အမျိုးအစားဖြစ်ပြီး တံတားအရှည် ပေ၁၅၀၊အလျား ၁၄ပေ၊ အမြင့် ၁၅ပေရှိကာ တိုင်းဒေသကြီးအစိုးရအဖွဲ့ ခွင့်ပြုရန်ပုံငွေ ကျပ်(၂၅၀)သန်းဖြင့် တည်ဆောက်ထားခြင်းဖြစ်သည်။ တာဝရေတံခါးတံတားသစ်ကြီးသည် မြို့နယ် ၃ မြို့နယ်ဖြစ်သော ပဲခူး-သနပ်ပင်-ကဝမြို့နယ်များသို့ ဖြတ်သန်းသွားလာနိုင်မည်ပြီး ခံနိုင်ဝန်(၂၀)တန်ဖြစ်ကြောင်း သိရသည်။ ဆက်လက်၍ ပဲခူးတိုင်းဒေသကြီးဝန်ကြီးချုပ်နှင့် အစိုးရအဖွဲ့ဝန်ကြီးများသည် ကျေးရွာနေပြည်သူများနှင့် တွေ့ဆုံပွဲကျင်းပပြုလုပ်ရာ အခမ်းအနားတွင် ဝန်ကြီးချုပ်က ကျေးရွာများဖွံ့ဖြိုးတိုးတက်ရေးကိစ္စရပ်များ …

Read More »

ပဲခူးမြစ်ကူးတံတား(ကဝ) တည်ဆောက်ရေးလုပ်ငန်းခွင်သို့ ဝန်ကြီးချုပ် ကြည့်ရှုစစ်ဆေး

FI

ဇန်နဝါရီ ၁၀ (ပဲခူး) ======================== ဇန်နဝါရီလ(၁၀)ရက်နေ့ နံနက်(၁၁:၃၀)နာရီအချိန်က ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် စီမံကိန်းနှင့်ဘဏ္ဍာရေးဝန်ကြီး ဦးညွန့်ရွှေ၊ လွှတ်တော်ကိုယ်စားလှယ်များ၊ ဌာနဆိုင်ရာအကြီးအကဲများနှင့်အတူ တံတားအထူးအဖွဲ့(၉)မှ တာဝန်ယူတည်ဆောက်နေသည့် ပဲခူးမြစ်ကူးတံတား(ကဝ) တည်ဆောက်ရေးလုပ်ငန်းခွင်သို့ သွားရောက်ကြည့်ရှုစစ်ဆေးခဲ့သည်။ ရှေးဦးစွာ ရှင်းလင်းဆောင်၌ ပဲခူးတိုင်းဒေသကြီးလမ်းဦးစီးဌာန ညွှန်ကြားရေးမှူး (မြို့ပြ)ဦးဇော်ထွန်းနှင့် တည်ဆောက်ရေးအဖွဲ့(၃)၊ တံတားအထူးအဖွဲ့(၉)မှ ဒုတိယညွှန်ကြားရေးမှူး ဦးကျော်မျိုးတို့က ပဲခူးမြစ်ကူးတံတား(ကဝ)တည်ဆောက်ခြင်းလုပ်ငန်းနှင့်ပတ်သက်၍ ရှင်းလင်းတင်ပြကြရာ ဝန်ကြီးချုပ်က လုပ်ငန်းခွင်နှင့်ပတ်သက်၍ လိုအပ်သည်များ လမ်းညွှန်မှာကြားပြီး တည်ဆောက်ရေးလုပ်ငန်းခွင် သို့လှည့်လည်ကြည့်ရှုခဲ့သည်။ အဆိုပါ ပဲခူးမြစ်ကူးတံတား(ကဝ)သည် ကဝမြို့ရှောင်လမ်းပေါ်တွင် ၂၀၁၈(၆)လနှင့် ၂၀၁၈-၂၀၁၉ဘဏ္ဍာနှစ် တိုင်းဒေသကြီးခွင့်ပြုရန် ပုံငွေကျပ်သန်း(၂၇၀၀)ဖြင့် အရှည်(၆၀၀)ပေ၊ အကျယ်(၃၀)ပေ၊ ပေ(၁၀၀)အခန်း(၆)ခန်း၊ (၁.၂)မီတာအချင်းရှိ ဘိုးပိုင်အုတ်မြစ် သံကူကွန်ကရစ်ထိပ်အုပ်နှင့် ကိုယ်ထည်၊ အပေါ်ထည် ပေ(၁၀၀)PCယက်မ(၆)ခန်း သံကူကွန်ကရစ်ကြမ်းခင်း လက်ရန်းတို့ဖြင့် တည်ဆောက်မည်ဖြစ်သည်။ အဆိုပါ တံတားတည်ဆောက်မှုပြီးစီးသွားပါက အုန်းနှဲ၊ သက္ကလစသည့်မြို့များမှ လာရောက်ကြသော ရန်ကုန်တိုင်းဒေသကြီးသို့ …

Read More »

ပဲခူးတိုင်းဒေသကြီး ဝန်ကြီးချုပ် မြို့နယ်(၃)မြို့နယ်ဆက်သွယ်နိုင်မည့် ကျားတက်ကွန်ကရစ်တံတား တည်ဆောက်မည့်နေရာအား ကြည့်ရှုစစ်ဆေး

FI

ဇန်နဝါရီ ၁၀ (ကဝ) ================= ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဇန်နဝါရီလ(၁၀)ရက်နေ့ နံနက်(၁၀)နာရီအချိန်က ပဲခူးတိုင်းဒေသကြီး ကျေးလက်လမ်းဦးစီးဌာနမှ အနီးကပ်ကြီးကြပ်မှုဖြင့် တည်ဆောက်မည့် မြို့နယ်(၃)မြို့နယ် ဆက်သွယ်သွားလာနိုင်မည့် ကျားတက်ကွန်ကရစ်တံတား တည်ဆောက်မည့်နေရာအား သွားရောက်ကြည့်ရှုရာ ကျေးလက်လမ်းဦးစီးဌာန ပဲခူးတိုင်းဒေသကြီးဦးစီးမှူး ဦးအောင်ကျော်လူနှင့် ပဲခူးခရိုင်ဦးစီးမှူး ဒေါ်စုစုလှိုင်တို့က ရှင်းလင်းတင်ပြကြသည်။ အဆိုပါတံတားအား ၂၀၁၈-၂၀၁၉ ခု ဘဏ္ဍာရေးနှစ် တိုင်းဒေသကြီးဘတ်ဂျက်ရန်ပုံငွေ ကျပ်သန်း(၃၇၅)သန်းဖြင့် အရှည်(၂၅၀)ပေ အကျယ်(၁၈)ပေ ကွန်ကရစ်တံတားအဖြစ် ကဝမြို့နယ်၊ ကျားတက်ကျေးရွာအနီး ပိုင်ကျုံချောင်းအားဖြတ်၍ တည်ဆောက်မည်ဖြစ်သည်။ ကျားတက်ကွန်ကရစ်တံတား တည်ဆောက်ပြီးစီးသွားပါက ပဲခူး၊ သနပ်ပင်၊ ကဝမြို့နယ်(၃)မြို့နယ်သို့ အချိန်တိုအတွင်း လွယ်ကူလျှင်မြန်စွာ ဆက်သွယ်သွားလာနိုင်မည်ဖြစ်သည့်အပြင် အဆိုပါမြို့နယ်(၃)မြို့နယ်မှ ရပ်ကွက်/ကျေးရွာ(၂၀)၊ အိမ်ခြေ(၅၄၂၁)၊ လူဦးရေ(၂၈၅၃၇)ဦးတို့၏ စီးပွားရေး၊ ပညာရေး၊ ကျန်းမာရေး၊ လူမှုရေးကိစ္စရပ်များ အဆင်ပြေစွာ ဆောင်ရွက်နိုင်ကြမည်ဖြစ်ကြောင်း သတင်းရရှိသည်။

Read More »

ဖလေးကျေးရွာအခြေခံပညာအထက်တန်းကျောင်း ပညာရေးစုံညီပွဲတော်နှင့် ပညာရည်ချွန်ဆုချီးမြှင့်ပွဲ ကျင်းပပြုလုပ်

FI

ဇန်နဝါရီ ၁၀ (ကဝ) ==================== ပဲခူးတိုင်းဒေသကြီး၊ ကဝမြို့နယ် ဖလေးစံပြကျေးရွာ အခြေခံပညာအထက်တန်းကျောင်း၏ ပညာရေးစုံညီပွဲတော်နှင့် ၂၀၁၇-၂၀၁၈ ပညာသင်နှစ် ပညာရည်ချွန်ဆုပေးပွဲအခမ်းအနားကို ဇန်နဝါရီလ(၁၀)ရက်နေ့ နံနက်(၉)နာရီအချိန်က အဆိုပါကျောင်း၌ကျင်းပပြုလုပ်သည်။ ရှေးဦးစွာ ဖလေးစံပြကျေးရွာ အခြေခံပညာအထက်တန်းကျောင်း၊ ကျောင်းသား/သူများက မြန်မာ့ကျောင်းသီချင်းသီဆို၍ အခမ်းအနားကိုဖွင့်လှစ်ပြီး ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက ယနေ့ကာလသည် ပညာရေးဌာန၏ လူ့စွမ်းအားအရင်းအမြစ်များ မွေးထုတ်ပေးရာဖြစ်သော အခြေခံပညာကျောင်းများနှင့် ပညာသင်ယူရာဌာနအားလုံးတွင် တည်ရှိကြသော ကျောင်းသား/သူများ၏ သင်ယူတတ်မြောက်မှုများကို သိသာထင်ရှားစွာ တိုးတက်ဖွံ့ဖြိုးလာရေးကို ဦးတည်သည့် ပိုမိုကောင်းမွန်သော သင်ကြားသင်ယူမှုများကို ဖော်ဆောင်နေချိန်၌ ဆရာ/မများ၊ ကျောင်းသား/သူများ၊ မိဘပြည်သူများအားလုံး ပူးပေါင်းလက်တွဲပြီး ခေတ်မှီဖွံ့ဖြိုးတိုးတက်သော အနာဂတ်နိုင်ငံတော်ကြီး တည်ဆောက်နိုင်အောင် အားလုံးဝိုင်းဝန်း ကြိုးစားသွားကြရန်လိုအပ်ကြောင်း အဖွင့်အမှာစကားပြောကြားသည်။ ထို့နောက် ပဲခူးတိုင်းဒေသကြီးအစိုးရအဖွဲ့၊ လူမှုရေးဝန်ကြီးဒေါ်ညွန့်ညွန့်ဌေးနှင့် စီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေတို့က အမှာစကားပြောကြားကြပြီး ဝန်ကြီးချုပ်နှင့် ဝန်ကြီးများက ဖလေးစံပြကျေးရွာ အခြေခံပညာအထက်တန်းကျောင်း၏ …

Read More »

သဘာဝလေပြင်းတိုက်ခိုက်မှုကြောင့် အမိုးလန်/ပြိုလဲနေအိမ်များအတွက် ထောက်ပံ့ငွေပေးအပ်ပွဲကျင်းပ

FI

အောက်တိုဘာ ၂၃ (ကဝ) ================== အောက်တိုဘာလ(၂၃)ရက်နေ့ နံနက်(၁၀:၃၀)နာရီအချိန်က ပဲခူးတိုင်းဒေသကြီး ကဝမြို့နယ် သက္ကလမြို့၊ မြို့အုပ်ချုပ်ရေးမှုးရုံး၌ သနပ်ပင်မြို့နယ်နှင့် ကဝမြို့နယ်တို့တွင် သဘာဝလေပြင်းတိုက်ခိုက်မှုကြောင့် အမိုးလန်/ပြိုလဲနေအိမ်များအတွက် ထောက်ပံ့ငွေပေးအပ်ပွဲ အခမ်းအနားကျင်းပပြုလုပ်သည်။ ရှေးဦးစွာ လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီးဒေါက်တာဝင်းမြတ်အေးက သနပ်ပင်နှင့်ကဝမြို့နယ်တို့သည် ရေဘေး၊ လေဘေးစသည့်သဘာဝဘေးအန္တရာယ်များနှစ်စဉ်ကြုံတွေ့ရသည့် ဒေသများဖြစ်ကြောင်း မိမိတို့ဌာနအနေဖြင့် သဘာဝဘေးဒဏ်ကြိုတင်ကာကွယ်ရေးလုပ်ငန်းများဆောင်ရွက်နေသလို တစ်ဖက်မှာလည်း ပြန်လည်ထူထောင်ရေးလုပ်ငန်းများ အချိန်နှင့်တစ်ပြေးညီ ဆောင်ရွက်ပေးလျှက်ရှိကြောင်း သဘာဝဘေးဒဏ်ခံစားရသောပြည်သူများ၏ လူမှုစီးပွားဘဝများဖွံ့ဖြိုးတိုးတက်စေရန် လူ့ဂုဏ်သိက္ခာနှင့်ပြည့်စုံသော လူ့အသိုင်းအဝန်းတစ်ရပ်ပေါ်ထွက်လာစေရန် အထူးကြိုးပမ်းဆောင်ရွက်ရာတွင် ပြည်သူများမှလည်းပူးပေါင်းပါဝင်ဆောင်ရွက်ကြရန်လိုအပ်ကြောင်း တက်ရောက်လာသည့်ရပ်ကွက်/ကျေးရွာအုပ်ချုပ်ရေးမှုးများအနေဖြင့်လည်း ယခုထောက်ပံ့ပေးအပ်သည့် ထောက်ပံ့ငွေများကို ပြည်သူများလက်ဝယ်သို့ ရောက်ရှိစေရန်အလေးထားမှာကြားလိုကြောင်း ပြည်သူများအနေဖြင့်လည်း ထောက်ပံ့ငွေများအား မိမိတို့နေအိမ်အားပိုမိုကြံ့ခိုင်အောင် ပြန်လည်တည်ဆောက်ရန်လိုအပ်မည်ဖြစ်ကြောင်း ပြောကြားခဲ့သည်။ ထို့နောက်ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်ဦးဝင်းသိန်းက ပြည်သူများနှင့်တိုက်ရိုက်ထိတွေ့ဆက်ဆံရသည့် ရပ်ကွက်/ကျေးရွာအုပ်ချုပ်ရေးမှုးများသည် အခြေခံကျသည့်အုပ်ချုပ်ရေးမဏ္ဍိုင်တစ်ခုဖြစ်ကြောင်း၊ ပျက်စီးဆုံးရှုံးမှုစာရင်းဇယားများတိကျ မှန်ကန်နေရန်လိုအပ်ကြောင်း၊ သဘာဝဘေးသည်ကြိုတင်မှန်းဆ၍မရနိုင်သော်လည်း ကြိုတင်ကာကွယ်ခြင်း ထိရောက်သောတုန့်ပြန်ကူညီဆောင်ရွက်ပေးနိုင်ခြင်းအားဖြင့် ပြည်သူတို့၏အသက်အိုးအိမ်စည်းစိမ်များ ဆုံးရှုံမှုအနည်းဆုံးဖြစ်စေရန် ကူညီဆောင်ရွက်ပေးသွားမည်ဖြစ်ကြောင်း သဘာဝဘေးဒဏ်ခံစားရသောဒေသများတွင် နေအိမ်လမ်းတံတား …

Read More »

ရေဘေးသင့်ပြည်သူများအား ကရင်တိုင်းရင်းသားလူမျိုးရေးရာဝန်ကြီးမှ သွားရောက်ကူညီထောက်ပံ့

FI

ဇူလိုင် ၃၀ (ပဲခူး) ==================== ကရင်တိုင်းသားလူမျိုးရေးရာဝန်ကြီး နော်ပွယ်စေးသည် ရွှေကျင်မြို့ ရွှေတောင်ဦးစေတီရှိ ငါးထပ်ကြီးဘုရားတန်ဆောင်း ကယ်ဆယ်ရေးစခန်းရှိ ရေဘေးသင့်ပြည်များ၊ ညောင်လေးပင်မြို့နယ်၊ မဒေါက်မြို့ တိုင်တရာကျောင်း ရေဘေးကယ်ဆယ်ရေးစခန်းနှင့် ဘုရားကြီးမြို့ ဦးထွန်းသန်းဓမ္မာရုံတွင် ယာယီထားရှိသော ရေဘေးသင့်ပြည်သူများနှင့် ဘုရားကြီးမြို့ရှိ ရေဘေးသင့်ပြည်သူများအတွက် ဆန်ဖိုးရိက္ခာထောက်ပံ့ခြင်းကို ဇူလိုင်လ (၂၆)ရက်နေ့တွင်လည်းကောင်း၊ ရင်ခွင်မဲ့ကလေးငယ်များ လျော့ချရေးနှင့် ကာကွယ်စောင့်ရှောက်ရေးအသင်း(မြန်မာ)၊ ရှင်စောပုအမျိုးသမီးစွမ်းဆောင်ရှင်များအသင်းတို့နှင့် အတူ ရေဘေးသင့်ပြည်သူများအတွက် ထမင်းထုပ်များ ရေဘူးများနှင့် လိုအပ်သည့်ပစ္စည်းများလှူခြင်းကို ဇူလိုင်လ (၂၇၊၂၈၊၂၉) ရက်နေ့များတွင်လည်းကောင်း၊ ကဝမြို့နယ် လှပေါစာ စားကျက်အတွင်းရှိ စာဖြူစုကျေးရွာနှင့် ဖြူးမြို့နယ်အတွင်းရှိ ရေဘေးသင့်ပြည်သူများအတွက် လိုအပ်သည့် စားသောက်ကုန်များကို သွားရောက်လှူဒါန်းခြင်းတို့ကို ဇူလိုင်လ (၃၀)ရက်နေ့လည်းကောင်း ကူညီဆောင်ရွက်ခဲ့ပါသည်။

Read More »

ဝန်ကြီး ဒေါက်တာစောညိုဝင်း ရေဘေးနှင့် လေဘေးသင့်ပြည်သူများအား ထောက်ပံ့ခြင်းနှင့် ကယ်ဆယ်ရေး စခန်းများသို့ ကြည့်ရှုစစ်ဆေး

FI

ဇူလိုင် ၂၉ (ပဲခူး) ======================= ပဲခူးတိုင်းဒေသကြီးသစ်တော၊ သယံဇာနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဒေါက်တာစောညိုဝင်းသည် ဇူလိုင်လ (၂၉)ရက်နေ့၊ နံနက်ပိုင်းက ပဲခူးမြို့အတွင်းရှိ ညောင်ဝိုင်းတာ ၊ပုဏ္ဏားစုတာ ကြံခိုင်မှုစစ်ဆေးပြီး ရွှေနံ့သာကျောင်းကယ်ဆယ်ရေးစခန်းကြည့်ရှု လိုအပ်သည်များ မေးမြန်းပြီးဖြည့်ဆည်း ဆောင်ရွက်ပေးခဲ့သည်။ ဆက်လက်၍ ဝန်ကြီးသည် မွန်းလွဲပိုင်း၌ သနပ်ပင်မြို့သွားရောက် ခရမ်းကျေးရွာမှ လေဘေးသင့်ခံရသူများနှင့် တာဝကျေးရွာမှ ရေဘေးသင့်ခံရသူများအား ဆန်၊ ဆီ၊ ခေါက်ဆွဲခြောက်များ ထောက်ပံ့ပေးအပ်ခဲ့ပြီးနောက် ဖရဲကျေးရွာသို့သွားရောက်ပြီး ဆန်၊ ဆီ၊ ခေါက်ဆွဲခြောက်နှင့် ကြက်ခြေနီအသင်းမှ ကျန်းမာရေးသုံးပစ္စည်းများ အိမ်သုံး လက်သမားပစ္စည်းများပေးအပ်ခဲ့သည်။ ယင်းနောက် ညနေပိုင်းတွင် ဝန်ကြီးသည် ပဲခူးမြို့ ဥဿာမြို့သစ် ၂ ရပ်ကွက် မြို့သစ်ကျောင်းမှ ရေဘေးကယ်ဆယ်ရေးစခန်းသို့ သွားရောက်ပြီး လိုအပ်သည်များထပ်မံဖြည့်ဆည်းဆောင်ရွက်ပေးခဲ့ ကြောင်း သတင်းရရှိသည်။

Read More »

လေပြင်းတိုက်ခတ်မှုကြောင့် ပျက်စီးဆုံးရှုံးမှုများနှင့်ပတ်သက်၍ ထောက်ပံ့ငွေပေးအပ်

FI

ဧပြီ ၁၈ (ပဲခူး) =================== ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် အစိုးရအဖွဲ့ အတွင်းရေးမှူး ဦးတိုးဝင်း၊ ပဲခူးတိုင်းဒေသကြီးဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ တိုင်းဒေသကြီး ဦးစီးမှူး ဦးသိန်းဌေးအောင်၊ သက်ဆိုင်ရာလွှတ်တော်ကိုယ်စားလှယ်များ၊ ခရိုင်/ မြို့နယ်အုပ်ချုပ်ရေးမှူးများ လိုက်ပါလျက် ဧပြီလ ၁၈ ရက်နေ့၊ နံနက်ပိုင်းက နတ်တလင်း မြို့နယ်နှင့် ပေါင်းတည်မြို့နယ်များ၌ လေပြင်းတိုက်ခတ်မှုကြောင့် ပြိုကျပျက်စီးခဲ့သည့် နေအိမ်များမှ ပြည်သူများအား ရင်းရင်းနှီးနှီး သွားရောက်တွေ့ဆုံအားပေးစကားများ ပြောကြားပြီး ထောက်ပံ့ငွေနှင့် ကယ်ဆယ်ရေးပစ္စည်းများ ပေးအပ်ခဲ့သည်။ ထို့နောက် မွန်းလွဲပိုင်းတွင် ဝန်ကြီးချုပ်နှင့် အဖွဲ့သည် ပေါင်းတည်မြို့နယ်၊ ကြာနီကန်ကျေးရွာအုပ်စု၊ ရှားပေါင်ကျေးရွာ၊ ဘုန်းတော်ကြီးကျောင်း ဓမ္မာရုံ၌   ဧပြီလ (၁၆)ရက်နေ့ လေပြင်းတိုက်ခတ်မှု ကြောင့် လေဘေးသင့်အိမ်ထောင်စုများအား ထောက်ပံ့ငွေပေးအပ်ပွဲ အခမ်းအနားသို့ တက်ရောက်ကာ ဝန်ကြီးချုပ်က သဘာဝဘေးအန္တရာယ်သည် မျှော်မှန်း၍မရသော်လည်း ထိခိုက်ခံရမှု အနည်းဆုံးဖြစ်အောင် ကြိုတင်စီမံထား၍ ရရှိပါကြောင်း၊ နှစ်စဉ် …

Read More »

ကျေးလက်ဒေသ အမျိုးသမီးများ ဖွံ့ဖြိုးတိုးတက်ရေးစီမံချက်ဝင် ကျေးရွာများအား ဆုချီးမြှင့်ခြင်းအခမ်းအနား ကျင်းပပြုလုပ်

FI

မတ် ၁၅ (ပဲခူး) ================================= ပဲခူးတိုင်းဒေသကြီး အမျိုးသမီးရေးရာအဖွဲ့မှကြီးမှုး၍ မတ်လ(၁၅)ရက်နေ့ နံနက်(၉:၃၀)နာရီအချိန်က ပဲခူးမြို့၊ ဥဿ ာမြို့သစ်၊ (၂)ရပ်ကွက်၊ ဗိုလ်ချုပ်အောင်ဆန်းလမ်းရှိ တိုင်းဒေသကြီးအမျိုးသမီးရေးရာအဖွဲ့ရုံး၌ ကျေးလက်ဒေသ အမျိုးသမီးများဖွံ့ဖြိုးတိုးတက်ရေး စီမံချက်ဝင်ကျေးရွာများအား ဆုချီးမြှင့်ခြင်းအခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး အမျိုးသမီးရေးရာအဖွဲ့ ဥက္ကဌ ဒေါ်စန်းစန်းမိုးက အဖွင့်အမှာစကားပြောကြားပြီး ဆုချီးမြှင့်ခြင်းနှင့် ပတ်သက်၍ အမှတ်ပေးစည်းမျဉ်းအား တိုင်းဒေသကြီးအမျိုးသမီးရေးရာအဖွဲ့၊ အတွင်းရေးမှူး ဒေါ်မိုးသူဇာကျော်က ရှင်းလင်းပြောကြားသည်။ ထို့နောက် ပထမဆုရရှိသော တောင်ငူမြို့နယ် ငါးဖယ်အင်းကျေးရွာ၊ ဒုတိယဆုရရှိသော တောင်ငူမြို့နယ် ဆူးတပ်ကျေးရွာ၊ တတိယဆု ရရှိသော ကဝမြို့နယ် ချောင်းခွကျေးရွာတို့အား တိုင်းဒေသကြီးအမျိုးသမီးရေးရာ ဥက္ကဌမှ ဆုများပေးအပ်ချီးမြှင့်ပြီး ဆုရရှိသူတစ်ဦးက ကျေးဇူးတင်စကား ပြန်လည်ပြောကြားသည်။ ထူးချွန်ဆုရွေးချယ်ရာတွင် ပတ်ဝန်းကျင်သန့်ရှင်းရေးနှင့် စိမ်းလန်းစိုပြေရေးကဏ္ဍကို အကောင်ထည်ဖော်နိုင်မှု့ (၁ဝမှတ်)၊ ကူးစက်ရောဂါကာကွယ်ရေး ဆောင်ရွက်မှု(၁ဝမှတ်)၊ အာဟာရကဏ္ဍဆောင်ရွက်မှု (၁ဝမှတ်)၊ ပညာရေးကဏ္ဍဆောင်ရွက်မှု(၁ဝမှတ်)၊ သက်ကြီးရွယ်အိုစောင့်ရှောက်ရေးကဏ္ဍ …

Read More »