Home / ညောင်လေးပင်မြို့နယ်

ညောင်လေးပင်မြို့နယ်

ပြည်သူများ၏အခက်အခဲပြဿနာများ ဖြေရှင်းပေးနိုင်ရန် လူထုတွေ့ဆုံပွဲကျင်းပပြုလုပ်

FI

မတ် ၁၇ (ညောင်လေးပင်) ============== ညောင်လေးပင်မြို့၊ မြို့မ(၂)ရပ်ကွက်၊ တပ်ဦးအောင်ချမ်းသာဘုန်းတော်ကြီးကျောင်းတွင် မတ်လ(၁၇)ရက်နေ့ မွန်းလွဲ(၁)နာရီအချိန်က ပြည်သူများ၏အခက်အခဲပြဿ နာများဖြေရှင်းပေးနိုင်ရန်အတွက် ပဲခူးတိုင်းဒေသကြီးဝန်ကြီးချုပ်နှင့် ဒေသခံပြည်သူများတွေ့ဆုံပွဲ ကျင်းပပြုလုပ်သည်။ အဆိုပါအခမ်းအနားတွင် ပဲခူးတိုင်းဒေသကြီးဝန်ကြီးချုပ်က လူထုနှင့်ပတ်သက်သောပြဿနာများ၊ ဌာနဆိုင်ရာများနှင့် ပတ်သက်သောပြဿနာများ၊ နိုင်ငံတော်နှင့်သက်ဆိုင်သောပြဿနာများကို မြန်မြန်ဆန်ဆန် ပေါင်းစပ်ညှိနှိုင်းဖြေရှင်းနိုင်ရေးအတွက် လူထုတွေ့ဆုံပွဲများ ကျင်းပခြင်းဖြစ်ကြောင်း၊ ပြည်သူများကလည်း မိမိတို့ဒေသအတွက်ဖွံ့ဖြိုးရေးကိစ္စရပ်များ၊ ပြည်သူများ၏ တွေ့ကြုံနေရသည့် အခက်အခဲပြဿနာများကို ပွင့်လင်းစွာတင်ပြပေးရန်၊ ဖွံ့ဖြိုးရေးကိစ္စများ ဆောင်ရွက်ပေးရန်အတွက်လည်း ပြည်သူများက ကျသင့်သောအခွန်အခများကို မှန်ကန်စွာပေးဆောင်ကြရန် အမှာစကားပြောကြားသည်။ ထို့နောက် တက်ရောက်လာကြသောစည်ပင်ကျေးရွာ၊ဇီးကုန်းကြီးကျေးရွာ၊ ကြို့ပင်ကျေးရွာ၊ မုက္ခမူကျေးရွာ၊ မြို့ပေါ်ရပ်ကွက်များရှိ ဒေသခံပြည်သူများက ကမ်းပါးပြိုကြခြင်း ဒဏ်ကာကွယ်ထိန်းသိမ်းပေးရန်ကိစ္စ၊ ကျေးရွာအသီးသီးရှိပြည်သူများက သိမ်းဆည်းခံလယ်ယာမြေများကိစ္စ၊ လျှပ်စစ်မီးလင်းရေးဆိုင်ရာကိစ္စ၊ လမ်းများအဆင့်မြှင့်တင်ရေးကိစ္စ၊ ပုံစံ(၇)ထုတ်ယူရာတွင် ကွင်းအမှတ်မှားယွင်းစွာထုတ်ယူခြင်းကိစ္စ၊ အထွက်တိုးစခန်းကိစ္စ၊ တိုက်နယ်ဆေးရုံခွင့်ပြုပေးရေးကိစ္စ၊ စားကျက်မြေပယ်ဖျက်ပေးရေးကိစ္စ၊ သဘာဝဘေးဒဏ်ခံ လယ်မြေယာအတွက် ထောက်ပံ့မှုပေးဆောင်သည့်ကိစ္စ စသည့်ကိစ္စရပ်များကို တင်ပြရာ ဝန်ကြီးချုပ်က သက်ဆိုင်ရာဌာနများနှင့် …

Read More »

(၁၆)ခုတင်ဆံ့တိုင်းရင်းဆေးရုံ ညောင်လေးပင်မြို့၌ဖွင့်လှစ်

FI

မတ် ၁၇ (ညောင်လေးပင်) ================ ပဲခူးတိုင်းဒေသကြီး ညောင်လေးပင်မြို့၊ မြို့မ(၂)ရပ်ကွက်၊ ကြားတောရ(၁)လမ်း အုတ်ဖိုတောရကျောင်းရှေ့တွင် မတ်လ(၁၇)ရက်နေ့ နံနက်(၉)နာရီအချိန်က ကျန်းမာရေးနှင့် အားကစားဝန်ကြီးဌာန၊ တိုင်းရင်းဆေးပညာဦးစီးဌာနမှ (၁၆)ခုတင်ဆံ့တိုင်းရင်းဆေးရုံ ဖွင့်ပွဲအခမ်းအနားကျင်းပပြုလုပ်သည်။ ရှေးဦးစွာ (၁၆)ခုတင်ဆံ့တိုင်းရင်းဆေးရုံအား ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ ပြည်သူ့လွှတ်တော်ကိုယ်စားလှယ် ဒေါက်တာမြင့်သိန်း၊ အမျိုးသားလွှတ်တော်ကိုယ်စားလှယ် ဒေါ်စန်းစန်းမြင့်၊ တိုင်းရင်းဆေးပညာဦးစီးဌာန ပဲခူးတိုင်းဒေသကြီးဦးစီးမှူး ဦးစိုးမိုး၊ မြို့နယ်အုပ်ချုပ်ရေးမှူး နော်မိုင်လှကြည်တို့က ဖဲကြိုးဖြတ်ဖွင့်လှစ်ပေးပြီး တိုင်းရင်းဆေးရုံ ကမ္ဗည်းမော်ကွန်းအား အမွှေးနံ့သာရည်များပက်ဖျန်းကာ တိုင်းရင်းဆေးရုံအတွင်း လှည့်လည်ကြည့်ရှုကြသည်။ ထို့နောက် ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက အဖွင့်အမှာစကားပြောကြားပြီး တိုင်းရင်းဆေးပညာဦးစီးဌာန တိုင်းဒေသကြီးဦးစီးမှူးက တိုင်းရင်းဆေးရုံများ ဖွင့်လှစ်ရခြင်းနှင့်ပတ်သက်၍ ရှင်းလင်းပြောကြားကာ ဒေသခံတိုင်းရင်းဆေးဆရာတစ်ဦးမှ ကျေးဇူးတင်စကား ပြန်လည်ပြောကြားပြီး အလှူရှင်များအား ဂုဏ်ပြုမှတ်တမ်းလွှာများ ပေးအပ်ချီးမြှင့်ကြသည်။ အဆိုပါ(၁၆)ခုတင်ဆံ့ တိုင်းရင်းဆေးရုံကို ပြည်သူများ၏ကျန်းမာရေးအတွက် ကျန်းမာရေးနှင့် အားကစားဝန်ကြီးဌာန၊ တိုင်းရင်းဆေးပညာဦးစီးဌာန၏ ရည်မှန်းချက်များနှင့်အညီ ပြုစုစောင့်ရှောက်မှု …

Read More »

ဒေသဖွံ့ဖြိုးရေးလုပ်ငန်းများ ပေါင်းစပ်ဆောင်ရွက်နိုင်ရန် ဒေသခံပြည်များနှင့်တွေ့ဆုံ

FI

ဖေဖော်ဝါရီ ၉ (ညောင်လေးပင်) ==================== ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဖေဖော်ဝါရီလ (၉)ရက်နေ့ နံနက်(၁၀)နာရီအချိန်က ညောင်လေးပင်မြို့နယ်၊ မဒေါက်မြို့အနီး ရေပေါ်သောင်ကျေးရွာ သဒ္ဓမ္မာစရရေပေါ်သောင်ဘုန်းတော်ကြီးကျောင်းတွင် ဒေသဖွံ့ဖြိုးရေးလုပ်ငန်းများ ပေါင်းစပ်ဆောင်ရွက်နိုင်ရန်အတွက် ဒေသခံပြည်များနှင့်တွေ့ဆုံပွဲ အခမ်းအနားကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီးဝန်ကြီးချုပ်ဦးဝင်းသိန်းက မိမိနှင့်အဖွဲ့သည် ရေပေါ်သောင်ကျေးရွာနှင့်ပတ်ဝန်းကျင်ကျေးရွာများဖွံ့ဖြိုးရေးအတွက် လာရောက်တွေ့ဆုံခြင်းဖြစ်ကြောင်း၊ တွေ့ဆုံကြုံ တွေ့နေကြသည့်အခက်အခဲပြဿ နာများကို စုပေါင်းညှိနှိုင်းအဖြေရှာကြရန်လိုကြောင်း၊ မည်သည့်ကိစ္စမဆို စည်းလုံးညီညွတ်စွာဖြင့် စုပေါင်းဆောင်ရွက်မည်ဆိုပါက အောင်မည်ဖြစ်ကြောင်း၊ ဒေသဖွံ့ဖြိုးရေးအတွက် တစ်ဦးချင်းစီ၏ပညာရည်မှတ်တမ်းမြင့်မားပြီး အသိပညာပြည့်ဝစေရန်လိုကြောင်း၊ ပြဿ နာတစ်ခုဖြစ်ပေါ်လာပါက အစိုးရအဖွဲ့ကိုသာအားကိုးမှုမပြုဘဲ ပေါင်းစပ်ညှိနှိုင်းဆောင်ရွက်ကြရမှာဖြစ်ကြောင်း၊ ဒီမိုကရေစီနည်းလမ်းကျင့်စဉ်၊ယဉ်ကျေးမှု၊ အနှစ်သာရများအား လူတိုင်းလူတိုင်းသိရှိကြရန်လိုကြောင်း၊ဒေသခံပြည်သူများကလည်း ဒေသဖွံ့ဖြိုးရေးအတွက် ပွင့်လင်းမြင်သာစွာတင်ပြပေးစေလိုကြောင်းအမှာစကားပြောကြားသည်။ ထို့နောက် တက်ရောက်လာကြသော ရေပေါ်သောင်ကျေးရွာ၊ ချောင်းကျိုးကျေးရွာ၊ ဂျောင်းတာကျေးရွာ၊ သောင်ကြီးကျေးရွာများမှဒေသခံပြည်သူမျက ကိုယ်ထူကိုယ်ထဆောင်ရွက်ခဲ့သောလျှပ်စစ်မီးလင်းရေးနှင့်ပတ်သက်၍ နိုင်ငံတော်မှပြန်လည်လွှဲပြောင်းယူရန်နှင့် ကုန်ကျငွေအချို့အားထောက်ပံ့ပေးရန်ကိစ္စ၊ စစ်တောင်းမြစ်ကမ်းဆက်လက်ပြိုကျမှုအခြေအနေမဖြစ်ပေါ်အောင် ကာကွယ်ရေးလုပ်ငန်းများဆောင်ရွက်ပေးရေးကိစ္စ၊ ကျေးရွာချင်းဆက်လမ်းများကောင်းမွန်အောင်ဆောင်ရွက်ပေးရေးကိစ္စ၊ ရေပေါ်သောင်ကျေးရွာရှိအခြေခံပညာအလယ်တန်းကျောင်းခွဲအား အလယ်တန်းကျောင်းအဖြစ် အဆင့်မြှင့်တင်ဖွင့်လှစ်ပေးရန်၊ သောင်ကြီးကျေးရွာအလယ်တန်းကျောင်း အန္တရာယ်ရှိကျောင်းဆောင်အားပြင်ဆင်ပေးရေးကိစ္စ၊ …

Read More »

ရန်ကုန်-မန္တလေး မီးရထားလမ်း အဆင့်မြှင့်တင်ခြင်း(ပထမ)အဆင့် ဖွင့်ပွဲကျင်းပပြုလုပ်

FI

နိုဝင်ဘာ ၁၁ (ညောင်လေးပင်) ===================== ပဲခူးတိုင်းဒေသကြီး၊ ပဲခူးခရိုင်၊ ညောင်လေးပင်မြို့၊ ညောင်လေးပင်ဘူတာ၌ နိုဝင်ဘာလ(၁၁)ရက်နေ့၊ မွန်းလွဲ(၃)နာရီအချိန်က ရန်ကုန်-မန္တလေး မီးရထားလမ်း အဆင့်မြှင့်တင်ခြင်း(ပထမ)အဆင့် ဖွင့်ပွဲအခမ်းအနား ကျင်းပပြုလုပ်သည်။ ရှေးဦးစွာ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ပြည်ထောင်စုဝန်ကြီး ဦးသန့်စင်မောင်၊ ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးဝင်းသိန်းနှင့် မြန်မာနိုင်ငံ ဂျပန်သံအမတ်ကြီး H.E Mr. Ichiro Maruyama တို့က အဖွင့်အမှာစကားပြောကြားခဲ့ပြီး၊ JICA အဖွဲ့၏ အထူးကိုယ်စားလှယ် Mr. Masayuki KARASAWAက လုပ်ငန်းဆောင်ရွက်ခွင့် ရရှိခဲ့မှုအပေါ် ကျေးဇူးတင်စကား ပြန်လည်ပြောကြားခဲ့သည်။ ထို့နောက် Ground Breaking လုပ်ငန်းစတင်ဆောင်ရွက်ခြင်းအား ပြည်ထောင်စုဝန်ကြီး ဦးသန့်စင်မောင်၊ ပဲခူးတိုင်းဒေသကြီးဝန်ကြီးချုပ်ဦးဝင်းသိန်း၊ ဂျပန်နိုင်ငံသံအမတ်ကြီး Mr.Ichiro Maruyama၊ JICA၏Chief Representative Mr.Masayuki Karazawa ၊ ပို့ဆောင်ဆက်သွယ်ရေးဝန်ကြီးဌာန အမြဲတမ်းအတွင်းဝန်ဦးဝင်းခန့်နှင့် တာဝန်ရှိသူများက ဆောင်ရွက်ပေးကြပြီး …

Read More »

စွန့်လွှတ်မြေများအား မူလပိုင်ရှင်သို့ ပေးအပ်ရာတွင် အကျိုးရှိရှိပြန်လည်အသုံးပြုစေလိုကြောင်း ဝန်ကြီးချုပ် မှာကြား

FI

နိုဝင်ဘာ ၂ (ညောင်လေးပင်) ===========================           နိုဝင်ဘာလ (၂)ရက်နေ့၊ နံနက်(၉)နာရီအချိန်က ညောင်လေးပင်မြို့၊ မြို့နယ်နယ်စည်ပင် သာယာရေးရုံး၊ သီရိရတနာခန်းမ၌ တပ်မတော်မှ ပိုလျှံ၍ ပြန်လည်စွန့်လွှတ်သည့် စိုက်ပျိုးမြေ များအား မူလပိုင်ရှင်များသို့ ပြန်လည်လွှဲပြောင်းပေးအပ်ပွဲ ကျင်းပပြုလုပ်သည်။           ရှေးဦးစွာ ဝန်ကြီးချုပ် ဦးဝင်းသိန်းက ပဲခူးတိုင်းဒေသကြီးအစိုးရအနေဖြင့် လယ်ယာမြေနှင့် အခြားမြေများ သိမ်းဆည်းခံရမှုကြောင့် ပြည်သူများ နစ်နာမှုမရှိစေရေး လျှင်မြန်စွာဆောင်ရွက် ပေးလျက်ရှိကြောင်း၊ ပြည်သူ့အစိုးရဖြစ်သည်နှင့်အညီ ပြည်သူတို့ရဲ့ အဓိကလိုအပ်ချက်များကို အတတ်နိုင်ဆုံး ဖော်ဆောင်နေတဲ့ လုပ်ငန်းစဉ်များတွင် ယခုလိုပြန်လည်စွန့်လွှတ်သည့် တောင်သူများရဲ့ မူလစိုက်ပျိုးမြေများကို ဥပဒေနှင့်အညီ လွတ်လွတ်လပ်လပ် လုပ်ကိုင်ခွင့်ရအောင် ဆောင်ရွက်ပေးနေမှုလည်း တစ်ခုအပါအဝင်ဖြစ်ကြောင်း၊ တောင်သူများအနေဖြင့်လည်း ပြန်လည်ရှိလာသည့် စိုက်ပျိုးမြေများကို အကျိုးရှိရှိ ဆောင်ရွက်ကြစေလိုကြောင်းနှင့် ဒီနေ့ထုတ်ပေးလိုက်တဲ့ ယာယီလုပ်ပိုင်ခွင့် ပုံစံ(၃)မှသည် တောင်သူတစ်ဦးချင်းအား လယ်ယာမြေဥပဒေနှင့်အညီ လယ်ယာမြေလုပ်ပိုင်ခွင့်လက်မှတ်ပုံစံ(၇) ရရှိရေး သက်ဆိုင်ရာ ဌာန/အဖွဲ့အစည်းများမှ …

Read More »

ညောင်လေးပင်မြို့နယ်အတွင်းရှိ ရေကြီးနစ်မြဳပ်ပျက်စီးသွားသော စိုက်ခင်းများအတွက် တောင်သူများအား မျိုးစပါးပေးအပ်ပွဲကျင်းပပြုလုပ်

FI

သြဂုတ် ၁၃ (ပဲခူး) ============================= ပဲခူးတိုင်းဒေသကြီး ညောင်လေးပင်မြို့နယ် အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမတွင် သြဂုတ်လ(၁၃)ရက်နေ့ မွန်းလွဲ(၁)နာရီအချိန်က ပဲခူးတိုင်းဒေသကြီးအစိုးရအဖွဲ့မှ ညောင်လေးပင်မြို့နယ်အတွင်းရှိ ရေကြီးနစ်မြှုပ်ပျက်စီးသွားသော စိုက်ခင်းများအတွက် တောင်သူများအား ရက်(၉၀) မျိုးစပါးပေးအပ်ပွဲကျင်းပပြုလုပ်။ ရှေးဦးစွာ ဝန်ကြီးချုပ် ဦးဝင်းသိန်းက အဖွင့်အမှာစကားပြောကြားပြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးအောင်ဇော်နိုင်က ပဲခူးတိုင်းဒေသကြီးအတွင်း တောင်သူများသို့ ထောက်ပံ့ပေးအပ်မှု အခြေအနေများနှင့်ပတ်သက်၍ ရှင်းလင်းပြောကြာကာ တိုင်းဒေသကြီး စိုက်ပျိုးရေးဦးစီးဌာန ညွှန်ကြားရေးမှူး ဦးလှမြင့်က စိုက်ပျိုးရေးဆိုင်ရာကိစ္စရပ်များနှင့် ပတ်သက်၍ ရှင်းလင်းပြောကြားသည်။ ထို့နောက်ဝန်ကြီးချုပ်က မြို့နယ်စိုက်ပျိုးရေး၊ မွေးမြူရေးလုပ်ငန်းများ ကြီးကြပ်မှုကော်မတီ ဥက္ကဌနှင့်အတွင်းရေးမှုးတို့ထံ မျိုးစပါး(၉၉၀)တင်းအားလည်းကောင်း၊ စိုက်ပျိုးရေး မွေးမြူ ရေးနှင့် ဆည်မြောင်းဝန်ကြီးက Unicef မှထောက်ပံ့သော ရေသန့်စင်ဆေးမှုန့်များနှင့် Hygenic Kit Boxများကိုလည်းကောင်း ထောက်ပံ့ပေးအပ်ပြီး တောင်သူများကိုယ်စား မုက္ခမူကျေးရွာအုပ်ချုပ်ရေးမှုးက ကျေးဇူးတင်စကား ပြန်လည်ပြောကြားသည်။ ညောင်လေးပင်မြို့နယ်အတွင်း ရေကြီးနစ်မြုပ်မှုကြောင့် …

Read More »

ရေဘေးသင့်ပြည်သူများအား ကရင်တိုင်းရင်းသားလူမျိုးရေးရာဝန်ကြီးမှ သွားရောက်ကူညီထောက်ပံ့

FI

ဇူလိုင် ၃၀ (ပဲခူး) ==================== ကရင်တိုင်းသားလူမျိုးရေးရာဝန်ကြီး နော်ပွယ်စေးသည် ရွှေကျင်မြို့ ရွှေတောင်ဦးစေတီရှိ ငါးထပ်ကြီးဘုရားတန်ဆောင်း ကယ်ဆယ်ရေးစခန်းရှိ ရေဘေးသင့်ပြည်များ၊ ညောင်လေးပင်မြို့နယ်၊ မဒေါက်မြို့ တိုင်တရာကျောင်း ရေဘေးကယ်ဆယ်ရေးစခန်းနှင့် ဘုရားကြီးမြို့ ဦးထွန်းသန်းဓမ္မာရုံတွင် ယာယီထားရှိသော ရေဘေးသင့်ပြည်သူများနှင့် ဘုရားကြီးမြို့ရှိ ရေဘေးသင့်ပြည်သူများအတွက် ဆန်ဖိုးရိက္ခာထောက်ပံ့ခြင်းကို ဇူလိုင်လ (၂၆)ရက်နေ့တွင်လည်းကောင်း၊ ရင်ခွင်မဲ့ကလေးငယ်များ လျော့ချရေးနှင့် ကာကွယ်စောင့်ရှောက်ရေးအသင်း(မြန်မာ)၊ ရှင်စောပုအမျိုးသမီးစွမ်းဆောင်ရှင်များအသင်းတို့နှင့် အတူ ရေဘေးသင့်ပြည်သူများအတွက် ထမင်းထုပ်များ ရေဘူးများနှင့် လိုအပ်သည့်ပစ္စည်းများလှူခြင်းကို ဇူလိုင်လ (၂၇၊၂၈၊၂၉) ရက်နေ့များတွင်လည်းကောင်း၊ ကဝမြို့နယ် လှပေါစာ စားကျက်အတွင်းရှိ စာဖြူစုကျေးရွာနှင့် ဖြူးမြို့နယ်အတွင်းရှိ ရေဘေးသင့်ပြည်သူများအတွက် လိုအပ်သည့် စားသောက်ကုန်များကို သွားရောက်လှူဒါန်းခြင်းတို့ကို ဇူလိုင်လ (၃၀)ရက်နေ့လည်းကောင်း ကူညီဆောင်ရွက်ခဲ့ပါသည်။

Read More »