Home / တောင်ငူမြို့နယ်

တောင်ငူမြို့နယ်

တောင်ငူမြို့နယ်နှင့် အုတ်တွင်းမြို့နယ်များ ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှု

FI

စက်တင်ဘာ ၁၂ (တောင်ငူ/အုတ်တွင်း) ======================= ပဲခူးတိုင်းဒေသကြီးဝန်ကြီးချုပ်ဦးဝင်းသိန်းသည် စက်တင်ဘာလ(၁၂)ရက်နေ့ နံနက်(၈)နာရီအချိန် အစိုးရအဖွဲ့ဒုတိယညွှန်ကြားရေးမှုး၊ တောင်ငူခရိုင်/ မြို့နယ်အုပ်ချုပ်ရေးမှုး၊ စည်ပင်သာယာကော်မတီဝင်များ၊ စည်ပင်အမှုဆောင်ရာရှိတို့နှင့်အတူ တောင်ငူမြို့ သန့်ရှင်းသာယာလှပရေးနှင့် တရားဥပဒေစိုးမိုးရေးအတွက် လှည့်လည်ကြည့်ရှုစစ်ဆေးကြသည်။ ရှေးဦးစွာ ဝန်ကြီးချုပ်နှင့်အဖွဲ့သည် ဘုရင့်နောင်ပန်းခြံလမ်းဆုံနှင့် မင်းကြီးညိုပန်းခြံလမ်းဆုံတို့တွင် ပဲခူးမြို့၌ ပြုလုပ်ထားသော လမ်းမီးတိုင်အကြီးပုံစံအတိုင်း လမ်းမီးထွန်းနိုင်ရေးအတွက် ကြည့်ရှုကြပြီး မြို့အင်္ဂါရပ်နှင့်ညီညွှတ်စေရန်နှင့် ပြည်သူများစိတ်ချမ်းသာစွာ အပမ်းဖြေအနားယူနိုင်ရေးအတွက် ကျုံးအားအမြဲသန့်ရှင်းသာယာလှပနေစေရန်၊ တရားဥပဒေစိုးမိုးရေးနှင့် ယာဉ်အန္တရယ်ကင်းရှင်းရေးတို့အတွက်လည်း အဓိကထားဂရုပြုလုပ်ဆောင်ပေးကြရန် တာဝန်ရှိသူများကို လမ်းညွှန်မှာကြားခဲ့သည်။ ထို့နောက် ဝန်ကြီးချုပ်သည် တောင်ငူခရိုင်ဘေးအန္တရာယ်ဆိုင်ရာစီမံခန့်ခွဲရေး ဦးစီးဌာနမှုးရုံး တည်ဆောက်မည့် မြေနေရာအား သွားရောက်ကြည့်ရှုပြီး လိုအပ်သည်များမှာကြားကာ အုတ်တွင်းမြို့နယ် ဝါးတီးကျေးရွာအုပ်စု ဝါးတီးကျေးရွာ ဝါတီးရွာမဘုန်းကြီးကျောင်းတော်ကြီးတွင် ကျေးလက်ဒေသ ဖွံ့ဖြိုးရေးအတွက် ဒေသခံပြည်သူများနှင့် တွေ့ဆုံပွဲ ကျင်းပပြုလုပ်ခဲ့သည်။ ယင်းနောက် ဝန်ကြီးချုပ်နှင့်အဖွဲ့သည် အုတ်တွင်းမြို့ ပဲခူးလမ်းရပ်ကွက်ရှိ စည်ပင်ပိုင် မြို့တော်ခန်းမလျာထားနေရာအား ပန်ခြံအဖြစ်တည်ဆောက်နိုင်ရေးအတွက် သွားရောက်ကြည့်ရှုခဲ့ကြောင်း သိရသည်။

Read More »

ရေတာရှည်မြို့နယ်အတွင်း ရေဘေးသင့်ပြည်သူများအတွက် ပြန်လည်ထူထောင်ရေးလုပ်ငန်းများ ဆောင်ရွက်ရန်ညှိနှိုင်းဆွေးနွေး

FI

စက်တင်ဘာ ၁၁ (တောင်ငူ) ======================== စက်တင်ဘာလ (၁၁)ရက်နေ့၊ မွန်းလွဲ(၃)နာရီခွဲအချိန်က တောင်ငူခရိုင် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမ၌ ရေတာရှည်မြို့နယ်အတွင်း ရေဘေးသင့်ပြည်သူများအတွက် ပြန်လည်ထူထောင်ရေးလုပ်ငန်းများ ဆောင်ရွက်ရန် ညှိနှိုင်းဆွေးနွေး ကျင်းပခဲ့သည်။ ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ အတွင်းရေးမှူး ဦးတိုးဝင်းက ရေတာရှည်မြို့နယ်၊ ဆွာချောင်းရေလှောင်တမံ ရေပိုလွှဲ ပဲ့ကျမှုဖြစ်စဉ်ကြောင့် ပျက်စီးဆုံးရှုံး ခဲ့သည့် လမ်း/တံတား၊ စာသင်ကျောင်း၊ ကျန်းမာရေးဌာန စသည့်တို့အတွက် လိုအပ်ငွေ တင်ပြတောင်းခံရာတွင်  ယာယီပြင်ဆင်ရန် ကုန်ကျစရိတ်၊ အပြီးသတ်ပြင်ဆင်ရန် ကုန်ကျစရိတ်  သေချာစိစစ်တင်ပြရန်လိုအပ်ကြောင်း၊ ရေကြီးနစ်မြှုပ်ခဲ့သည့် လယ်ယာမြေနှင့်ပတ်သက်၍ မျိုးစပါးထောက်ပံ့ပေးမည့် အခြေအနေ၊ အခြားသီးနှံ ပြောင်းလဲစိုက်ပျိုးသွားမည့် အခြေအနေများ ကျေးရွာအုပ်စုတစ်ခုချင်းအလိုက် သေချာစိစစ်ဆောင်ရွက်ရန်၊ ပဲခူးမြစ်၊ စစ်တောင်းမြစ်၊ ဧရာဝတီမြစ်နှင့် မြစ်မခမြစ်တို့အား ရေရှည်မြစ်ကမ်းပါး ထိန်းသိမ်း ခြင်းလုပ်ငန်းတို့ဆောင်ရွက်ရန် စိစစ်စေလိုကြောင်း၊ ပညာရေးအနေဖြင့် စာသင်ကျောင်း၊ ပရိဘောဂနှင့် ကျောင်းသုံးစာအုပ်များ လိုအပ်ချက်ကို ပဲခူးတိုင်းဒေသကြီးပညာရေး …

Read More »

ဆွာချောင်းရေလှောင်တမံရေပိုလွဲ ကျိုးပေါက်မှုကြောင့် ရေဘေးသင့်ပြည်သူများ ပြန်လည်ထူထောင်နိုင်ရေးထောက်ပံ့

FI

စက်တင်ဘာ ၄ (တောင်ငူ) ============================ စက်တင်ဘာလ(၄)ရက်နေ့ ညနေ(၄)နာရီအချိန်က ပဲခူးတိုင်းဒေသကြီး ဝန်ကြီးချုပ်နှင့်အဖွဲ့သည် တောင်ငူခရိုင် ရေတာရှည်မြို့နယ်အုပ်ချုပ်ရေးမှူးရုံးတွင် ဖွင့်လှစ်ထားသော ရေးဘေးကယ်ဆယ်ရေးစခန်း၌ ရေဘေးသင့်ပြည်သူများအတွက် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန် ထောက်ပံ့ငွေနှင့် ပစ္စည်းများထောက်ပံ့ပေးအပ်ခဲ့သည်။ ရှေးဦးစွာ ဝန်ကြီးချုပ်မှ ဆွာချောင်းရေလှောင်တမံ ရေပိုလွဲကြိုးပေါက်မှုကြောင့် ပြိုလဲနေအိမ် (၁၈၅)လုံးအတွက် (၁)အိမ်လျှင် ဇင့်သွပ်(၂၅)ချပ်နှုန်းဖြင့် စုစုပေါင်း(၄၆၃၅)ချပ်အား ထောက်ပံ့ပေးအပ်ခဲ့သည်။ ထိုနောက် စေတနာရှင်အလှူရှင်များဖြစ်ကြသော ကညွှတ်ကွင်းမြို့နေ သူရဦးရွှေမန်း+ဒေါ်စန်းရီ၊ ဒေါ်စန်းကြည်၊ ဦးအောင်မြင့်+ဒေါ်ကြည်ဝင်း မိသားစုတို့က လှူဒါန်းသော ဆန်တစ်တင်းခွဲ(၂၁)အိပ်၊ ဆန်(၁၂)ပြည်အိပ်(၆၀)၊ ရေသန့်ဘူး(၉၆)ကပ်၊ (MKTJ)အထပ်သားကုမ္ပဏီမှ အထပ်သားစိုက်စုံ (၈၀၃)ချပ် စုစုပေါင်းကျသင့်ငွေ (၉၉၃၆၉၀၀)ကျပ်၊ ပဲခူးမြို့နေ ဦးတင်စိုး+ဒေါ်စန်းစန်းမူ (နေလဝန်းပွဲရုံးမိသားစု)က ရေဘေးကြောင့် သေဆုံးသူ ရေတာရှည်မြို့နယ်မှ (၄)ဦး ဖြူးမြို့နယ်မှ (၁)ဦး စုစုပေါင်း(၅)တို့အတွက် တစ်ယောက်(၃)သိန်းနှုန်းဖြင့် ကျပ်ငွေ(၁၅)သိန်းတို့အား ဝန်းကြီးချုပ် ဦးဝင်းသိန်း၊ ခရိုင်အုပ်ချုပ်ရေးမှူး ဦးမိုးထက်နှင့် မြို့နယ်အုပ်ချုပ်ရေးမှူးတို့ထံ …

Read More »

တောင်ငူခရိုင်အတွင်းရှိ ရေဘေးသင့်ပြည်သူများအတွက် အလှူငွေ လာရောက်လှူဒါန်း

40684046_477523069394105_5229233085014343680_n

စက်တင်ဘာ ၂ (တောင်ငူ) ===================== စက်တင်ဘာလ(၂)ရက်နေ့ နံနက်(၈:၃၀)နာရီအချိန်က တောင်ငူမြို့၊ ခပေါင်းခန်းမတွင်ဖွင့်လှစ်ထားသော တောင်ငူခရိုင်ကယ်ဆယ်ရေးကွပ်ကဲမှုရုံးတွင် တောင်ငူခရိုင်အတွင်းရှိ ရေဘေးသင့်ပြည်သူများအတွက် အလှူငွေ ပေးအပ်လှူဒါန်းခြင်းအခမ်းအနား ကျင်းပပြုလုပ်သည်။ တောင်ငူခရိုင်အတွင်းရှိ ရေဘေးသင့်ပြည်သူများ ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် ထူးလင်းကုမ္ပဏီမှ မန်နေးဂျင်ဒါရိုက်တာဦးထူးအောင်က အလှူ ငွေကျပ်သိန်း(၅၀)အား ပေးအပ်လှူဒါန်းရာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက လက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ကြောင်း သိရသည်။

Read More »

ဝန်ကြီးချုပ် ဦးဝင်းသိန်း ရေးဘေးကယ်ဆယ်ရေးစခန်းနှင့် တံတားပြင်ဆင်နေမှုအား သွားရောက်ကြည့်ရှု

FI

စက်တင်ဘာ ၁(တောင်ငူ) ================== စက်တင်ဘာလ(၁)ရက်နေ့၊ နံနက်ပိုင်းတွင် ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် တောင်ငူမြို့၊ အမှတ်(၂၀)ရပ်ကွက်၊ လောကုတ္တရာစေတီ၊ ဓမ္မာရုံ၌ ဖွင့်လှစ်ထားသည့် ယာယီရေဘေးကယ်ဆယ်ရေးစခန်းသို့ သွားရောက်ပြီး ရေဘေးသင့်ပြည်သူများအား အားပေးစကားပြောကြားခဲ့ပြီး၊ ထောက်ပံ့ငွေ၊ ရေသန့်၊ ဆန်နှင့် အခြားထောက်ပံ့ရေးပစ္စည်းများ ပေးအပ်ခဲ့သည်။ ဆက်လက်၍ ဝန်ကြီးချုပ်နှင့်အဖွဲ့သည် ရေတာရှည်မြို့နယ်၊ ဆွာချောင်းပေါ်ရှိ ဆွာမြို့ အရှေ့ဘက်ကမ်းနှင့် အနောက်ဘက်ကမ်း(ရေနီးကျေးရွာနှင့် သရက်တောကျေးရွာ) ဆက်သွယ်ထားသည့် ရေနီးကျေးရွာချင်းဆက်တံတား ပြင်ဆင်နေမှုအား ကြည့်ရှုစစ်ဆေးခဲ့ပြီး ရေရှည်ဆက်လက်ဆောင်ရွက်ရမည့် လုပ်ငန်းများအား လမ်းညွှန်မှာကြားခဲ့သည်။ ထို့နောက် ဆွာမြို့အုပ်ချုပ်ရေးမှူးရုံးသို့ ရောက်ရှိခဲ့ရာ၊ ရေတာရှည်မြို့နယ် အုပ်ချုပ်ရေးမှူးက ဆွာချောင်းရေလှောင်တမံနှင့်ပတ်သက်၍ ရေဘေးသင့်ခံခဲ့ရသည့် အခြေအနေများအား ရှင်းလင်းတင်ပြရာ၊ ဝန်ကြီးချုပ်က ရေဘေးကယ်ဆယ်ရေးလုပ်ငန်းများ အပြင် ပြန်လည်ထူထောင်ရေးလုပ်ငန်းများ ဆောင်ရွက်ရန် လိုအပ်ချက်များအား လမ်းညွှန်မှာ ကြားခဲ့သည်။

Read More »

တောင်ငူမြို့ရေဘေးကယ်ဆယ်ရေးစခန်းများရှိ ရေဘေးသင့်ပြည်သူများသို့ ဆန်ရိက္ခာဖိုး ထောက်ပံ့

1

သြဂုတ် ၃၀ (တောင်ငူ) ================== သြဂုတ်လ (၃၀)ရက်နေ့၊ ည(၇)နာရီအချိန်က လူမှုဝန်ထမ်းကယ်ဆယ်ရေးနှင့်ပြန်လည် နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေး၊ ပဲခူးတိုင်း ဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းနှင့် တာဝန်ရှိသူများသည် တောင်ငူမြို့နယ် အတွင်းရှိ ရေဘေးကယ်ဆယ်ရေးစခန်းများသို့ ဆန်ရိက္ခာဖိုးငွေများ ထောက်ပံ့ပေးခဲ့သည်။ တောင်ငူမြို့နယ်အတွင်းရှိ ရေဘေးကယ်ဆယ်ရေးစခန်း (၃၅)ခုရှိ ရေဘေးသင့်ပြည်သူ (၁၉၆၄၇)ဦးအတွက် တစ်ဦးလျှင် (၇)ရက်စာ (၂၁၀၀)နှုန်းဖြင့် စုစုပေါင်း ဆန်ရိက္ခာဖိုး ထောက်ပံ့ငွေ (၄၁၂၅၈၇၀ဝိ/-)အား ထောက်ပံ့ပေးခဲ့သည်။ ထို့နောက် ပြည်ထောင်စုဝန်ကြီး၊ ဝန်ကြီးချုပ်နှင့် အဖွဲ့သည် တောင်ငူမြို့နယ်နှင့် ရေတာရှည်မြို့နယ်တို့ရှိ ရေဘေးကယ်ဆယ်ရေးခစန်းများမှ ကိုယ်ဝန်ဆောင်မိခင်များနှင့် (၆)လ အောက်ကလေးငယ်များအတွက် သီးခြားထောက်ပံ့ငွေများ ပေးအပ်ခဲ့ကြောင်း သတင်းရရှိသည်။

Read More »

ဝန်ကြီးချုပ် ဦးဝင်းသိန်း လမ်း/တံတားများနှင့် ကယ်ဆယ်ရေးစခန်းများသို့ သွားရောက်ကြည့်ရှု

FI

သြဂုတ် ၃၀ (ရေတာရှည်) ============= သြဂုတ်လ (၃၀)ရက်နေ့၊ နံနက်ပိုင်းတွင် ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဝန်ကြီး ဦးအောင်ဇော်နိုင်၊ ခရိုင်/မြို့နယ်အဆင့် ဌာနဆိုင်ရာများနှင့်အတူ ရေတာရှည်မြို့နယ်၊ ရန်ကုန်-မန္တလေး လမ်းဟောင်း၊ မိုင်တိုင်အမှတ် (၁၉၈/၇)နှင့် (၁၉၉/၀)ကြားရှိ တံတားအမှတ် (၄/၁၉၉)တံတား ပျက်စီးခဲ့မှုနှင့် ဘေလီတံတား ဆောက်လုပ်နေမှုတို့အား သွားရောက်ကြည့်ရှုရာ ဆောက်လုပ်ရေးဝန်ကြီးဌာန၊ ညွှန်ကြားရေးမှူးချုပ် ဦးအုန်းလွင်မှ လမ်း/တံတားများ၏ အခြေအနေများ၊ ရေကျချိန်တွင် ပြန်လည်ဆင်သွားမည့် အခြေအနေများအား ရှင်းလင်းတင်ပြ ခဲ့မှုအပေါ် ဝန်ကြီးချုပ်က ယာဉ်အန္တရာယ် ကင်းရှင်းစေရန် နေ့/ည ဝန်ထမ်းများချထားရန်၊ တံတားအား အချိန်မီပြီးစီးနိုင်ရေးနှင့် လမ်း/တံတား အခြေအနေများအား ရေကျချိန်တွင် အပိုင်းလိုက် စစ်ဆေးသွားရန် မှာကြားခဲ့သည်။ ဆက်လက်၍ ဝန်ကြီးချုပ်နှင့်အဖွဲ့သည် ရေတာရှည်မြို့နယ်၊ ဆွာမြို့၊ ရန်ကုန်-မန္တလေးလမ်းဟောင်း ဆွာမင်းလမ်းအုပ်စုရှိ ဆွာချောင်းရေလျှံမှုကြောင့် ပြိုလဲ/ပျက်စီးသွားသည့် …

Read More »

ဝန်ကြီးချုပ် ဦး၀င်းသိန်း တောင်ငူမြို့ ရေဘေးကယ်ဆယ်ရေးစခန်းများသို့ သွားရောက်ကြည့်ရှု

FI

သြဂုတ် ၃၀ (တောင်ငူ) ================= သြဂုတ်လ(၃၀)ရက်နေ့ နံနက်အပိုင်းအချိန်က တောင်ငူမြို့ပေါ်ရပ်ကွက် (၈/၉/၁၀)တို့တွင် ရေများဝင်ရောက်လာပြီဖြစ်သည့်အတွက် ရပ်ကွက်နေပြည်သူများ ယာယီနေထိုင်နိုင်ရန်အတွက် ရပ်ကွက်(၈)ရှိ အထက(၆)တွင်ကယ်ဆယ်ရေးစခန်းဖွင့်လှစ်ထားရှိသည်။ ရပ်ကွက်နေပြည်သူများ ကယ်ဆယ်ရေးစခန်းသို့ ရွေ့ပြောင်းနေထိုင်မှုအား ဝန်ကြီးချုပ်၊ စိုက်ပျိုးရေး မွေးမြူရေးနှင့် ဆည်မြောင်းဝန်ကြီးနှင့် လွှတ်တော်ကိုယ်စားလှယ်များမှ သွားရောက်ကြည့်ရှု အားပေးကူညီခဲ့ကြပြီး (၆)လအောက် ကလေးငယ်များကိုလည်း ထောက်ပံ့ငွေများ ပေးအပ်ခဲ့ကြောင်း သိရသည်။

Read More »