Home / ရေတာရှည်မြို့နယ်

ရေတာရှည်မြို့နယ်

ဝန်ကြီးချုပ် ဦးဝင်းသိန်း ရေတာရှည်-ကရင်ချောင်းလမ်း အဆင့်မြှင့်တင်ခြင်းလုပ်ငန်း ဆောင်ရွက်နေမှုအား ကြည့်ရှုစစ်ဆေး

FI

သြဂုတ် ၁၈ (ရေတာရှည်) =============== ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း သြဂုတ်လ(၁၈)ရက်နေ့ ညနေ(၆)နာရီအချိန်က တောင်ငူခရိုင်အုပ်ချုပ်ရေးမှူး၊ အစိုးရအဖွဲ့ရုံးမှ ဒုတိယညွှန်ကြားရေးမှူးနှင့် ဌာနဆိုင်ရာများလိုက်ပါလျှက် ရေတာရှည်မြို့နယ် ရေတာရှည်-ကရင်ချောင်းလမ်း အဆင့်မြင့်တင် တိုးချဲ့ခြင်းလုပ်ငန်း ဆောင်ရွက်နေမှုအား ကြည့်ရှုစစ်ဆေးသည်။ ရေတာရှည်-ကရင်ချောင်း လမ်းအား(ဝ/၀)မိုင်မှ (၁/၂)မိုင်အထိ (၁)မိုင်(၂)ဖာလုံကို ရေတာရှည်မြို့နယ် လမ်းဦးစီးဌာနမှ တာဝန်ယူ၍ လမ်းလယ်ကျွန်းနှင့် နှစ်လမ်းသွား ကျောက်ချောလမ်းအဖြစ် အဆင့်မြှင့်တင်ခင်းခြင်း လုပ်ငန်းဆောင်ရွက်နေမှုနှင့် ပတ်သက်ပြီး တောင်ငူခရိုင်လမ်းဦးစီးဌာနမှ ခရိုင်ဦးစီးမှူး ဦးဝင်းမောင်ထွန်းမှ ရှင်းလင်းတင်ပြရာ ဝန်ကြီးချုပ်က လိုအပ်သည်များ လမ်းညွှန်မှာကြားပြီး လုပ်ငန်းဆောင်ရွက်ထားရှိမှုအား လိုက်လံကြည့်ရှု စစ်ဆေးခဲ့ကြောင်းသိရသည်။

Read More »

ဝန်ကြီးချုပ် ဦးဝင်းသိန်း ရေတာရှည်မြို့ မှန်စီကျေးရွာဒေသခံပြည်သူများနှင့်တွေ့ဆုံ

FI

သြဂုတ် ၁၈ (ရေတာရှည်) ================ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် သြဂုတ်လ(၁၈)ရက်နေ့ မွန်းလွဲ(၂:၃၀)နာရီအချိန်က ရေတာရှည်မြို့နယ်၊ ရေတာရှည်မြို့၊ ဆွာမင်းလမ်းကျေးရွာအုပ်စု မှန်စီကျေးရွာဘုန်းတော်ကြီးကျောင်းတွင် ဒေသခံများ၏ လိုအပ်ချက်များ ဖြည့်ဆည်းဆောင်ရွက်ပေးနိုင် ဒေသခံပြည်သူများနှင့်တွေ့ဆုံပွဲကျင်းပပြုလုပ်သည်။ ရှေးဦးစွာ ဝန်ကြီးချုပ် ဦးဝင်းသိန်းက လောကနိယာမ သဘောတရားအရ ပြုပြင်ပြောင်းလဲမှုသည် အချိန်နှင့်အမျှ ပြောင်းလဲ နေပါကြောင်း၊ ပြုပြင်ပြောင်းလဲမှုရေစီးကြောင်းတွင် လိုက်ပါနိုင်မှ မိမိတို့နိုင်ငံ ဖွံ့ဖြိုး တိုးတက်ပြီး နိုင်ငံသူနိုင်ငံသားများ၏ လူမှုစီးပွားဘ၀ မြင့်မားတိုးတက်လာမည် ဖြစ်ပါကြောင်း၊ ဒီမိုကရေစီစနစ်သည် ဖက်ဒရယ်ပြည်ထောင်စုအတွက် အထောက်အပံ့ဖြစ်ပြီး ဖယ်ဒရယ် ပြည်ထောင်စုသည် ဒီမိုကရေစီခိုင်မြဲရေးကိုအားပေးပါကြောင်း၊ ထို့ကြောင့် ဒီမိုကရေစီ ဖက်ဒရယ်ပြည်ထောင်စုတည်ဆောက်မည်ဟု သန္နိဋ္ဌာန်ချထားခြင်းဖြစ်ပါကြောင်းနှင့် ဒီမိုကရေစီစနစ်တွင် ချစ်ခြင်း၊ မုန်းခြင်းမရှိဘဲ လူသားအားလုံး ဥပဒေအောက်တွင် လုံခြုံအေးချမ်းစွာ နေထိုင်နိုင်ရန်ပင်ဖြစ်ကြောင်း ပြောကြားခဲ့သည်။ ထို့နောက် တက်ရောက်လာကြသူများက မှန်စီကျေးရွာမှ တိုးဂိတ်လမ်းကြောင်းနှင့် စာသင်ကျောင်းခြံစည်းရိုးတို့အား ပြုပြင်ပေးရန်၊ ကြံသနွယ်ကျေးရွာအုပ်စု၊ …

Read More »

မြို့လှမြို့ အောင်တော်မူတောရဓမ္မရိပ်သာကျောင်းတိုက် ဆရာတော်အား ဝန်ကြီးချုပ် ဦးဝင်းသိန်းသွားရောက်ဖူးမျှော်

FI

သြဂုတ် ၁၈ (ပဲခူး) =================== ပဲခူးတိုင်းဒေသကြီး ဝန်းကြီးချုပ် ဦးဝင်းသိန်း ယနေ့ မွန်းလွဲ(၁:၃၀)နာရီအချိန်က ရေတာရှည်မြို့နယ် မြို့လှမြို့ အောင်တော်မူတောရဓမ္မရိပ်သာကျောင်းတိုက်သို့ သွားရောက်ပြီး ပဓာနနာယကဆရာတော်အား ဖူးမျှော်ကန်တော့လှူဖွယ်ဝတ္ထုပစ္စည်းများ ဆက်ကပ်လှူဒါန်းခဲ့ကြောင်း သိရသည်။

Read More »

ဝန်ကြီးချုပ် ဦးဝင်းသိန်းနှင့် မြို့လှမြို့ဒေသခံပြည်သူများနှင့်တွေ့ဆုံပွဲကျင်းပပြုလုပ်

FI

သြဂုတ် ၁၈ (မြို့လှ) ============ သြဂုတ်လ(၁၈)ရက်နေ့ နံနက်(၉:၃၀)နာရီအချိန်က မြို့လှမြို့ အမှတ်(၃)ရပ်ကွက် သာသနာ့ဗိမာန်တော်ကြီးတွင် ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် လွှတ်တော်ကိုယ်စားလှယ်များ၊ ဌာနဆိုင်ရာများ၊ ဒေသခံပြည်သူများနှင့် တွေ့ဆုံပွဲ ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက မိမိတို့အစိုးရအနေဖြင့် အာဏာကို တစ်စုတစ်ဖွဲ့တည်းက ချုပ်ကိုင်ထား၍မရဘဲ ခွဲဝေသုံးစွဲနိုင်ရန်၊ ဗဟိုအဆင့်မှာလည်း လုပ်ပိုင်ခွင့်များ လျော့ချလျက်ရှိပြီး တိုင်းဒေသကြီး/ ပြည်နယ်များတွက် ခွဲဝေချထားပေးနိုင်ရန် ကြိုးစားဆောင်ရွက်လျက်ရှိကြောင်း၊ ပြည်သူ့အကျိုးရှေရှုလျက် ဘယ်လိုစီမံကိန်းပဲ လုပ်လုပ် ပြည်သူလူထု၏ ဆန္ဒနှင့်အညီ မြေပြင်ကွင်းဆင်း အသိပေးဆောင်ရွက်လျက်ရှိကြောင်း၊ အနာဂတ်လူငယ်များအတွက် အခြေခံရေသောက်မြစ်ဖြစ်သော ပညာရေးစနစ်ကိုလည်း ပြုပြင်ပြောင်းလဲရေး လုပ်ငန်းစဉ်များ အရှိန်အဟုန်ဖြင့် ကြိုးစားဆောင်ရွက်လျက်ရှိရာ ဆရာ/ဆရာမများ၊ ပြည်သူများကလည်း ပူးပေါင်းပါဝင်ဆောင်ရွက်ရန် လိုအပ်မည်ဖြစ်ကြောင်း အဖွင့်အမှာစကားပြောကြားပြီး ပြည်သူ့လွှတ်တော်ကိုယ်စားလှယ် ဦးကြည်မိုးနိုင်နှင့် အမျိုးသားလွှတ်တော်ကိုယ်စားလှယ် ဒေါက်တာဒေါ်တင်တင်ဝင်းတို့က ဒေသဖွံ့ဖြိုးရေး လိုအပ်ချက်များအား ဆွေးနွေးပြောကြားသည်။ ထို့နောက် …

Read More »

မြေယာနှင့် သီးနှံလျော်ကြေးငွေ ပေးအပ်ခြင်း အခမ်းအနားကျင်းပပြုလုပ်

FI

သြဂုတ် ၁၈ (ရေတာရှည်) ============= သြဂုတ်လ(၁၈)ရက်နေ့ နံနက်(၈:၃၀)နာရီအချိန်က ရေတာရှည်မြို့နယ် အထွေထွေအုပ်ချုပ်ရေးဦးစီးဌာနရုံးတွင် ရေတာရှည်-ကရင်ချောင်းလမ်းပေါ်ရှိ စစ်တောင်မြစ်ကူးတံတား (ရေတာရှည်) ချဉ်းကပ်လမ်း ဖောက်လုပ်စဉ် ပါဝင်သွားသော မြေဧကများအား မြေယာလျော်ကြေးငွေပေးအပ်ပွဲ အခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက အဖွင့်အမှာစကားပြောကြားပြီး ရေတာရှည်-ကရင်ချောင်း လမ်းပေါ်ရှိ စစ်တောင်မြစ်ကူးတံတား( ရေတာရှည်) ချဉ်းကပ်လမ်း ဖောက်လုပ်စဉ် ပါဝင်သွားသော မြေဧကများအား ဝန်ကြီးချုပ် ဦးဝင်းသိန်း၊ တောင်ငူမြို့နယ် တိုင်းဒေသကြီး လွတ်တော်ကိုယ်စားလှယ် ဦးအေးမင်းဝင်း၊ ပဲခူးတိုင်းဒေသကြီး လမ်းဦးစီးဌာန ညွှန်ကြားရေးမှူး(မြို့ပြ) ဦးဇော်ထွန်းနှင့် တောင်ငူခရိုင်အုပ်ချုပ်ရေးမှူး ဦးမိုးထက်တို့က မြေယာနှင့် သီးနှံလျော်ကြေးငွေများ ပေးအပ်ကြကာ တောင်သူတစ်ဦးက ကျေးဇူးတင်စကား ပြန်လည်ပြောကြားသည်။ မြေယာလျော်ကြေးငွေပေးအပ်ရာတွင် ရေတာရှည်-ကရင်ချောင်းလမ်းပေါ်ရှိ စစ်တောင်မြစ်ကူးတံတား (ရေတာရှည်) ချဉ်းကပ်လမ်း ဖောက်လုပ်စဉ် ပါဝင်သွားသည့် တောင်ငူဖက်ခြမ်းမှ (၁၇.၃၇)ဧကနှင့် ရေတာရှည်ဖက်ခြမ်းမှ(၂၁.၁၁) ဧက …

Read More »

ရေတာရှည်မြို့နယ် စည်ပင်သယာရေးအဖွဲ့မှ အရပ်ရပ်အခွင့်အရေးလိုင်စင် ၂၀၁၉-၂၀၂၀ခု ဘဏ္ဍာရေးနှစ် ဈေးပြိုင်တင်ဒါခေါ်ယူခြင်း

1

သြဂုတ် ၉ (ရေတာရှည်) ==================== ရေတာရှည်မြို့နယ် စည်ပင်သာယာရေးအဖွဲ့၏ အရပ်ရပ်အခွင့်အရေးလိုင်စင်ကို ၂၀၁၉-၂၀၂၀ ခု ဘဏ္ဍာရေးနှစ်အတွက် ဈေးပြိုင်တင်ဒါ ခေါ်ယူခြင်းအား သိရှိနိုင်ပါရန် အသိပေးကြေငြာအပ်ပါသည်။ အပြည့်အစုံကြည့်ရှုရန်————————–

Read More »

ကျေးရွာဖွံ့ဖြိုးရေးရန်ပုံငွေ(VDP)ဖြင့်ဆောင်ရွက်သည့် ကျေးရွာလမ်း ဖွင့်ပွဲအခမ်းအနားသို့ ဝန်ကြီးချုပ် ဦးဝင်းသိန်းတက်ရောက်ဖွင့်လှစ်

FI

ဇွန် ၁၆ (ရေတာရှည်) ================================== တောင်ငူခရိုင်၊ ရေတာရှည်မြို့နယ်၊ ချောင်းဂွကျေးရွာ၊ ရွာတွင်းလမ်းဖွင့်ပွဲအား ဇွန်လ (၁၆)ရက်နေ့၊ မွန်းလွဲပိုင်းက ကျင်းခဲ့ရာ ဝန်ကြီးချုပ် ဦးဝင်းသိန်း တက်ရောက်ဖွင့်လှစ်ပေးခဲ့သည်။ ရှေးဦးစွာ ဝန်ကြီးချုပ် ဦးဝင်းသိန်းက နိုင်ငံတော်တည်ဆောက်ရေးလုပ်ငန်းများတွင် ငြိမ်းချမ်းရေးသည် ပဓာနဖြစ်ပြီး ငြိမ်းချမ်းရေးရရှိမှသာ ဒေသဖွံ့ဖြိုးရေးလုပ်ငန်းများ အရှိန်အဟုန်ဖြင့် ဆောင်ရွက်နိုင်မည်ဖြစ်ကြောင်း၊ မိမိတို့အစိုးရနေဖြင့် မြို့ပြ/ကျေးလက် လူမှုစီးပွားဘဝများ  ဟန်ချက်ညီညီ ဖွံ့ဖြိုးတိုးတက်စေရန် ကြိုးစားဆောင်ရွက်လျက်ရှိကြောင်း၊ ယခုဖွင့်လှစ်ပေးသည့် ကျေးရွာတွင်းလမ်းသည် ပြည်သူဗဟိုပြုစီမံကိန်းအရ ဒေသခံပြည်သူများကိုယ်တိုင် လိုအပ်ချက်ကို ဆောင်ရွက်ခြင်းဖြစ်ကြောင်း၊ ဒီလိုပြည်သူဗဟိုပြုစီမံကိန်းများသည် ဒီမိုကရေစီအစိုးရ၏ အောင်မြင်သော လုပ်ငန်းဆောင်ရွက်မှုတွင် တစ်ခုအပါဝင်ဖြစ်ပြီး ပြည်သူကိုယ်တိုင် မိမိတို့ဒေသ၏ လိုအပ်ချက်များကို ပါဝင်ဆောင်ရွက်ရခြင်းပင်ဖြစ်ကြောင်း၊ အဆိုပါကျေးရွာတွင်းလမ်းအား ဒေသခံပြည်သူများအနေဖြင့် ရေရှည်တည်တံ့နိုင်စေရေး ထိန်းသိမ်းစောင့်ရှောက်ကြစေလိုကြောင်း အမှာစကား ပြောကြားခဲ့သည်။ ထို့နောက် အမျိုးသားလွှတ်တော်ကိုယ်စားလှယ် ဒေါက်တာဒေါ်တင်တင်ဝင်း၊ တောင်ငူခရိုင်အုပ်ချုပ်ရေးမှူးနှင့် ပဲခူးတိုင်းဒေသကြီး ကျေးလက်ဒေသဖွံ့ဖြိုးရေးဦးစီးဌာနတို့က အမှာစကားပြောကြားခဲ့ပြီးနောက် တက်ရောက်လာသည့် …

Read More »

ဒီမိုကရေစီစနစ် ရှင်သန်မှသာ ငြိမ်းချမ်းပြီး ဖွံ့ဖြိုးတိုးတက်သော လူ့အသိုက်အဝန်းတစ်ရပ်ကို ထူထောင်နိုင်မည်ဖြစ်ကြောင်း ဝန်ကြီးချုပ် ပြောကြား

FI

ဇွန် ၈ (ရေတာရှည်) ========================= ရေတာရှည်မြို့နယ်၊ သိုင်းဝကျေးရွာအုပ်စု၊ တုံးကြီးကျေးရွာ အခြေခံပညာမူလတန်းလွန်ကျောင်း၌ ဇွန်လ (၈)ရက်နေ့၊ နံနက်(၉)နာရီအချိန်က ဝန်ကြီးချုပ် ဦးဝင်းသိန်းသည် ဒေသခံပြည်သူများနှင့် တွေ့ဆုံပွဲ ကျင်းပပြုလုပ်ခဲ့သည်။ ရှေးဦးစွာ ဝန်ကြီးချုပ် ဦးဝင်းသိန်းက နိုင်ငံတော်၏ အတိုင်ပင်ခံပုဂ္ဂိုလ် လမ်းညွှန်ချက်နှင့်အညီ ပြည်သူတွေကြားတွင် ရှိသော ပြဿနာရပ်များ၊ အခက်အခဲများအား အစိုးရ၊ ဌာနဆိုင်ရာ၊ ပြည်သူ ပူးပေါင်းဆွေးနွေး အဖြေရှာပေးနိုင်ရန် လူထုတွေ့ဆုံပွဲများ ပြုလုပ်ပေးရခြင်းဖြစ်ကြောင်း၊ နိုင်ငံတော်၏ အဓိကရည်မှန်းချက်ဖြစ်သော ဖက်ဒရယ်ဒီမိုကရေစီနိုင်ငံတော်သစ်ကြီးဆီသို့ ကူးပြောင်းရာမှာ ပြည်သူများအနေဖြင့် မတူကွဲပြားမှုကို လက်ခံပြီး ပူးပေါင်းဆောင်ရွက်တက်သော ဒီမိုကရက်တစ် အခြေခံအသိတရားရှိရန် လိုအပ်ကြောင်း၊ လူထုတွေ့ဆုံပွဲမှတစ်ဆင့် ပါးစပ်နှင့်ပြောနေသော ဒီမိုကရေစီဝါဒမဟုတ်ပဲ အမှန်တကယ် မြေပြင်တွင် ပူးပေါင်းဆောင်ရွက်တတ်သော အလေ့အကျင့်ကောင်းများ ပေါ်ထွန်းလာစေရန် ရည်ရွယ်ချက်ဖြင့် လာရောက်ရဖြစ်ကြောင်း၊ နိုင်ငံတော်၏ အတိုင်ပင်ခံပုဂ္ဂိုလ် လမ်းညွှန်ချက်တစ်ခုဖြစ်သော ဒီမိုကရေစီ၏ အခြေခံရေသောက်မြစ်ဖြစ်သည့် ပညာရေးစနစ်အား …

Read More »

သဘာဝပါတ်ဝန်းကျင်စိမ်းလန်းစိုပြေစေရေး သစ်ပင်များစိုက်ပျိုးပေး

FI

ရေတာရှည် ဇွန် ၈ =================== ဇွန်လ(၈)ရက်နေ့ နံနက်(၇:၃၀)အချိန်က ရေတာရှည်မြို့နယ် ကျွန်းတောစုကျေးရွာ အလက(ခွဲ)ကျောင်း၌ မိုးရာသီသစ်ပင်စိုက်ပျိုးပွဲတော် ကျင်းပပြုလုပ်ရာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း သစ်ပင်များ စိုက်ပျိုးပေးကြောင်း သတင်းရရှိသည်။ အဆိုပါကျောင်း၌ ကျွန်း၊ ပျဉ်းကတိုး၊ သပြေ၊ စိန်ပန်း၊ သရက်၊ ငှက်ပျော အစရှိသောသစ်ပင် ပျိုးပင်ပေါင်းများစွာ ပါဝင်သော အပင်(၁၉၆၀)ပင်အား ပဲခူးတိုင်းဒေသကြီး ဝန်ကြီးချုပ်၊ တိုင်းဒေသကြီး၊ ခရိုင်၊ မြို့နယ်အုပ်ချုပ်ရေးမှူးများ၊ အမျိုးသမီးများရေးရာ မိခင်နှင့်ကလေးစောင့်ရှောက်ရေးအဖွဲ့၊ ကျောင်းသားကျောင်းသူနှင့် ဒေသခံပြည်သူများ (၃၀၀)ဦးခန့် တက်ရောက်စိုက်ပျိုးကြကြောင်း သိရသည်။

Read More »

ဝန်ကြီးချုပ် ဦးဝင်းသိန်း ဆွာရေဘေးကြောင့် ပြောင်းရွှေ့မည့်လူများ နေထိုင်ရန် အိမ်ယာဆောက်လုပ်မှုနေအား ကြည့်ရှုစစ်ဆေး

FI

မေ ၁၅ (ရေတာရှည်) ===================== မေလ (၁၅)ရက်နေ့၊ မွန်းလွဲ(၁:၃၀)အချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် ကျွန်းတောစုကျေးရွာ(ရွာဟောင်း)၊ လှည်းလမ်းကူးကျေးရွာနှင့် သမဆည်ကျေးရွာတို့မှ အိမ်ထောင်စုများ အတွက် ပြောင်းရွှေ့မည့်လူများ နေထိုင်ရန် အိမ်ယာဆောက်လုပ်နေမှုအား လှည့်လည်ကြည့်ရှုစစ်ဆေးခဲ့သည်။ ထို့သို့ စစ်ဆေးရာတွင် ဝန်ကြီးချုပ်က မိုးရာသီမရောက်မီ ပြည်သူများ အမိုးအကာအောင် အမြန်ဆုံးရောက်ရှိစေရေး၊ ဌာနဆိုင်ရာများအနေဖြင့်လည်း လိုအပ်သည်များ ပံ့ပိုးကူညီဆောင်ရွက်ပေးရန် တာဝန်ရှိသူများအား လမ်းညွှန်မှာကြားခဲ့ပြီး ဒေသခံပြည်သူများနှင့် ရင်းရင်းနှီးနှီး လိုက်လံတွေ့ဆုံနှုတ်ဆက်ခဲ့ကြောင်း သိရသည်။ အဆိုပါခရီးစဉ်တွင် ဝန်ကြီးချုပ် ဦးဝင်းသိန်းနှင့်အတူ တောင်ငူခရိုင်အုပ်ချုပ်ရေးမှူး ဦးမိုးထက်၊ ပဲခူးတိုင်းဒေသကြီးအစိုးရအဖွဲ့ ဒုတိယညွှန်ကြားရေးမှူး ဦးအောင်ဆွေ၊ ရေတာရှည်မြို့နယ် အုပ်ချုပ်ရေးမှူး ဦးမင်းနိုင်အောင်တို့ လိုက်ပါသွားခဲ့ကြောင်း သတင်းရရှိသည်။

Read More »