Home / လက်ပံတန်းမြို့နယ်

လက်ပံတန်းမြို့နယ်

သာယာဝတီခရိုင်အတွင်း စက်မှုလယ်ယာစနစ်တကျလယ်မြေစီမံကိန်းဆောင်ရွက်နေမှုနှင့် Community Learning Centre ဆောက်လုပ်နေမှုအား ဝန်ကြီးချုပ် စစ်ဆေးကြည့်ရှု

FI

လက်ပံတန်း မတ် ၁၀ ======================= ၂၀၁၈-၂၀၁၉ ဘဏ္ဏာနှစ်၊ ပဲခူးတိုင်းဒေသကြီးအစိုးရအဖွဲ့ငွေလုံးငွေရင်းရန်ပုံငွေဖြင့် ဖော်ထုတ်သော စက်မှုလယ်ယာ စနစ်ကျလယ်မြေ(၁၀၂)ဧက ဖော်ထုတ်ရေးစီမံကိန်းအခြေအနေအားရှင်းလင်းတင်ပြခြင်းကို မတ်လ(၁၀) ရက်နေ့ နံနက်(၁၀း၃၀)အချိန်က သာယာဝတီခရိုင်၊လက်ပံတန်းမြို့နယ်၊ ရေကန်ကျေးရွာအုပ်စု၊ မင်းလမ်းကျေးရွာရှိ ကွင်းအမှတ်(၁၀၉၈၊သပြေပင်ကွင်း)၌ကျင်းပ ပြုလုပ်ခဲ့သည်။ ရှေးဦးစွာဝန်ကြီးချုပ်က လယ်စိုက်ဖို့အချိန်မှီမမှီ၊ ရေလုံလောက်စွာရရှိမှုရှိမရှိ မေးမြန်းရာ ပဲခူးတိုင်းစိုက်ပျိုးရေးညွှန်ကြားရေးမှူး ဦးလှမြင့်ကပြန်လည်ရှင်းလင်းတင်ပြသည်။စက်မူလယ်ယာဦးစီးဌာန တိုင်းဒေသကြီးဦးစီးမှူးညွှန်ကြားရေးမှူး ဦးဝင်းရွှေက စက်မူလယ်ယာစနစ်တကျလယ်မြေ(၁၀၂)ဧကဖော်ထုတ်ရေးစီမံကိန်းတွင် လုပ်ငန်းများဖော်ထုတ်ဆောင်ရွက်ထားမှုအခြေအနေများအား ရှင်းလင်းတင်ပြခဲ့သည်။ ဆက်လက်၍ မင်းလှမြို့နယ် သာယာကုန်းကျေးရွာအုပ်စု မင်းလှမြို့နယ် စိုက်ပျိုးရေးဦးစီးဌာန မှ Community Learning Center RC ၁ထပ် ဆောက်လုပ်နေမှုအား ပဲခူးတိုင်းဝန်ကြီးချုပ်နှင့် စိုက်ပျိုးရေးမွေးမြူရေးနှင့်ဆည်မြောင်းဝန်ကြီးတို့ ကွင်းဆင်းကြည့်ရှုစစ်ဆေးကြသည်။ အဆိုပါ အဆောက်အဦအား ၂၀၁၈-၂၀၁၉ဘဏ္ဏာရေးနှစ် ခွင့်ပြုငွေကျပ် ၄၉.၃ သန်းဖြင့် Red Full Moon ကုမ္ပဏီမှတာဝန်ယူဆောင်ရွက်မည်ဖြစ်ပြီး RC(၁)ထပ် (၆၀ပေ×၃၅ပေ×၁၂ပေ)ရှိကြောင်း သိရှိရသည်။

Read More »

ပဲခူးတိုင်းဒေသကြီးဝန်ကြီးချုပ် လက်ပံတန်း-ကျွန်းကလေးလမ်းပေါ်ရှိ တံတားအမှတ်(၃/၈၉)တည်ဆောက်ခြင်းအား ကြည့်ရှု

FI

မတ် ၁၀ (လက်ပံတန်း) =============== ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် မတ်လ(၁၀)ရက်နေ့ နံနက်(၈)နာရီအချိန်က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးအောင်ဇော်နိုင်၊ ဌာနဆိုင်ရာအကြီးအကဲများနှင့်အတူ လက်ပံတန်းမြို့နယ် လက်ပံတန်း-ကျွန်းကလေးလမ်းပေါ်ရှိ လက်ပံတန်းမြို့အဝင် တံတားအမှတ်(၃/၈၉)တည်ဆောက်ခြင်းအား သွားရောက်ကြည့်ရှုစစ်ဆေးသည်။ ဝန်ကြီးချုပ်နှင့်အဖွဲ့အား ပဲခူးတိုင်းဒေသကြီးလမ်းဦးစီးဌာန ညွှန်ကြားရေးမှူး(မြို့ပြ) ဦးဇော်ထွန်းက တံတားအမှတ်(၃/၈၉) တည်ဆောက်ခြင်းလုပ်ငန်းများနှင့်ပတ်သက်၍ ရှင်းလင်းတင်ပြရာ ဝန်ကြီးချုပ်မှလိုအပ်သည်များလမ်းညွှန်မှာကြားပြီး တည်ဆောက်ရေးလုပ်ငန်းခွင်သို့ လှည့်လည်ကြည့်ရှုကြသည်။ အဆိုပါတံတားသည် လက်ပံတန်း-ကျွန်းကလေးလမ်း မိုင်(၈၈/၃)နှင့်မိုင်(၈၈/၄)အကြားရှိ ယခင်သစ်သားတံတားနေရာတွင် အရှည်(၁၄၀)ပေ၊ အကျယ်(၄၀)ပေ နှစ်လမ်းသွားသံကူကွန်ကရစ်တံတားအဖြစ် ဖေဖော်ဝါရီလ(၁)ရက်နေ့မှစတင်ကာ ၂၀၁၈-၂၀၁၉ခုဘဏ္ဍာရေးနှစ် တိုင်းဒေသကြီးအစိုးရအဖွဲ့ ခွင့်ပြုရန်ပုံငွေကျပ်(၅၀၄)သန်းဖြင့် IDECO Co.,Ltdမှတာဝန်ယူကာ စက်တင်ဘာလအပြီးပြန်လည် တည်ဆောက်ခြင်းဖြစ်ကြောင်း သတင်းရရှိသည်။ တံတားအမှတ်(၃/၈၉)သည် လက်ပတန်း မြို့အဝင်တံတားဖြစ်ပြီး ယခင်မူလက ဘေလီတံတားဖြစ်လို့ တစ်လမ်းမောင်းတံတားဖြစ်ရာ ခံနိုင်ဝန် အကန့်အသတ်ရှိသည့်အတွက် RCC နှစ်လမ်းသွားတံတားအဖြစ် ပြန်လည်တည်ဆောက်ပေးမှာဖြစ်သဖြင့် ပြည်သူများစိတ်ချမ်းမြေ့စွာ အသုံးပြုနိုင်မှာဖြစ်ကြောင်း ပဲခူးတိုင်းဒေသကြီးလမ်းဦးစီးဌာန ညွှန်ကြားရေးမှူး(မြို့ပြ) …

Read More »

အခွန်ထမ်းများအား ဂုဏ်ပြုမှတ်တမ်းလွှာ ပေးအပ်ခြင်းအခမ်းအနား ကျင်းပပြုလုပ်

FI

ဇူလိုင် ၂၀ =========================== ၂၀.၇.၂၀၁၇ ရက်နေ့တွင် သာယာဝတီ၊ လက်ပံတန်းမြို့၊ မင်းလှမြို့နယ်များ၌  ၂၀၁၆-၂၀၁၇ အခွန်စည်း ကြပ်နှစ်အတွင်း အခွန်တာဝန်ကျေပွန်စွာထမ်းဆောင်ခဲ့သော အခွန်ထမ်းများအား ဂုဏ်ပြုမှတ်တမ်းလွှာ ပေးအပ်ခြင်းအခမ်းအနား ကျင်းပပြုလုပ်သည်။ အဆိုပါအခမ်းအနားသို့ ပဲခူးတိုင်းဒေသကြီး လွှတ်တော်ဥက္ကဌ ဦးခင်မောင်ရင်၊ ပဲခူးတိုင်းဒေသကြီးအစိုးရအဖွဲ့၊ စီမံကိန်းနှင့် ဘဏ္ဍာရေးဝန်ကြီးဌာန၊ ၀န်ကြီး ဦးညွန့်ရွှေ ၊ပြည်တွင်းအခွန်များဦးစီးဌာနညွှန်ကြားရေးမှူး၊ ရသုံးမှန်းခြေငွေစာရင်းဦးစီးဌာန ညွှန်ကြားရေးမှူး၊ လွှတ်တော်ကိုယ်စားလှယ်များ ဌာနဆိုင်ရာဝန်ထမ်းများနှင့် အခွန်ထမ်းပြည်သူများ တက်ရောက်ခဲ့ကြောင်း သိရသည်။

Read More »

ပြည်သူ့အကျိုးပြု ရေလှူဒါန်းခြင်းပြုလုပ်

FI

ဧပြီ ၁၀ (ပဲခူး) ======================================       ဧပြီလ(၉)ရက်နေ့၊ ညနေ(၃)နာရီမှ (၅)နာရီထိ လက်ပံတန်းမြို့နယ်ရဲတပ်ဖွဲ့မှူး ရဲမှူးဖုန်းမြင့် ဦးစီးတပ်ဖွဲ့ဝင် (၁၈)ဦးသည် လက်ပံတန်း မြို့နယ်၊ ရေပျံရွာသစ်ကျေးရွာသို့ သောက်ရေသန့်ဗူးကြီး(၁၇၀)ဗူး ဂါလံ(၈၅၀)ဂါလံ၊ တန်ဖိုးငွေ(၅၄၀၀ဝိ/-)နှင့် ဧပြီလ(၉) ရက်နေ့၊ နံနက်(၉)နာရီမှ ညနေ(၄)နာရီထိ ပြည်မြို့၊ အမှတ်(၁)နယ်မြေရဲစခန်းမှ စခန်းမှူး ရဲအုပ်ဇော်တင့်ကြိုင် ဦးစီး တပ်ဖွဲ့ဝင် (၂၁)ဦးသည် ပြည်မြို့၊ ဘိုကုန်းအုပ်စု/ကျေးရွာ၊ ကျောက်လေးအိုးကျေးရွာနှင့် အောင်လံမြို့နယ်၊ ကျောက်အိုးကြီးကျေးရွာ၊ အာဏာရာလင်္ကာရဘုန်းကြီးကျောင်းတိုက်သို့ သွားရောက်ပြီး သောက်ရေသန့်ဗူးကြီး(၄၀၀)ဗူး(၂၀၀၀)ဂါလံ၊ တန်ဖိုးငွေ(၁၅၅၀၀ဝိ/-) တို့အား ကျေးရွာနေပြည်သူများအတွက် အသီးသီး သွားရောက်လှူဒါန်းခဲ့ကြောင်း သိရသည်။

Read More »

ဝန်ကြီးချုပ်ထံသို့ မြန်မာနိုင်ငံကြက်ခြေနေအသင်းမှ လာရောက်တွေ့ဆုံ

IMG_4076

အောက်တိုဘာ  ၂၇ (ပဲခူး) ————————–           ၂၀၁၆ ခုနှစ်၊ အောက်တိုလာလ ၂၇ ရက်နေ့၊ နံနက်(၀၉:၀၀) အချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းထံသို့ မြန်မာနိုင်ငံ ကြက်ခြေနီအသင်းမှ တာဝန်ရှိသူများ လာရောက်တွေ့ဆုံခဲ့ကြသည်။               အဆိုပါတွေ့ဆုံပွဲအခမ်းအနားသို့ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်း၊ ပဲခူးတိုင်းဒေသကြီးအစိုးရအဖွဲ့၊ ညွှန်ကြားရေးမှူး ဦးလှမင်းထွဋ်၊ သာယာဝတီခရိုင်အုပ်ချုပ်ရေးမှူး၊ မိုးညိုမြို့နယ် အုပ်ချုပ်ရေးမှူးနှင့် လက်ပံတန်းမြို့နယ်အုပ်ချုပ်ရေးမှူး တို့ တက်ရောက်ခဲ့သည်။                    အခမ်းအနား၌ မြန်မာနိုင်ငံကြက်ခြေနီအသင်းအနေဖြင့် ၂၀၁၆ ခုနှစ်၊ ဇူလိုင်လနှင့် သြဂုတ်လအတွင်း ရေဘေးသင့်ခဲ့သော မြို့နယ်များအနက် မိုးညိုမြို့နယ်နှင့် လက်ပံတန်းမြို့နယ်အတွင်းရှိ အိမ်ထောင်စုများအား မြန်မာနိုင်ငံကြက်ခြေနီအသင်းမှ သတ်မှတ်ထားသော စည်းကမ်းချက်များနှင့်အညီ ထောက်ပံ့ပေးအပ်နိုင်ရေးကိစ္စရပ်များ လာရောက်တင်ပြဆွေးနွေးခဲ့သည်။                       ထို့နောက် ဝန်ကြီးချုပ်က မိမိတို့ပဲခူးတိုင်းဒေသကြီးအတွင်းရှိ ရေဘေးသင့်အိမ်ထောင်စုများ ယခုလိုလာရောက်ကူညီ ထောက်ပံ့ပေးမှုအပေါ် ကျေးဇူးတင်ရှိကြောင်း၊ နှစ်စဉ် …

Read More »

အစိုးရစက်မှုလက်မှုသိပ္ပံ(လက်ပံတန်း)သို့ ဝန်ကြီးချုပ်သွားရောက်

IMG_3083

စက်တင်ဘာ ၁၃ ၂၀၁၆ ခုနှစ်၊ စက်တင်ဘာလ ၁၃ ရက်နေ့၊ နံနက်(၁၀)အချိန်က ပဲခူးတိုင်းဒေသကြီး အစိုးရအဖွဲ့၊ ဝန်ကြီးချုပ် ဦးဝင်းသိန်းနှင့် စိုက်ပျိုးရေး၊မွေးမြူရေးနှင့်ဆည်မြောင်း ဝန်ကြီးဌာန၊ ဝန်ကြီး ဦးအောင်ဇော်နိုင်တို့သည် လက်ပံတန်းမြို့၊ အစိုးရစက်မှုလက်မှု သိပ္ပံသို့ သွားရောက်ကြည့်ရှုခဲ့သည်။ အစိုးရစက်မှုလက်မှုသိပ္ပံ(လက်ပံတန်း)ကျောင်း၊ တာဝန်ရှိသူတစ်ဦးမှ ကျောင်း၏ဖွဲ့စည်း ထားရှိမှု၊ သင်ကြားနေမှု၊ သင်ယူနေမှုတို့အား Power Point ဖြင့် ရှင်းလင်းတင်ပြခဲ့ရာ၊ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်မှ လိုအပ်သည်များ ပြန်လည်ဖြည့်စွက်မှာကြားခဲ့ပါသည်။

Read More »