Home / မိုးညိုမြို့နယ်

မိုးညိုမြို့နယ်

မိုးညိုမြို့နယ် စည်ပင်သာယာရေးအဖွဲ့မှ အရပ်ရပ်အခွင့်အရေးလိုင်စင် ၂၀၁၉-၂၀၂၀ခု ဘဏ္ဍာရေးနှစ် ဈေးပြိုင်တင်ဒါခေါ်ယူခြင်း

MN FI

သြဂုတ် ၁၃ (မိုးညို) ==================== မိုးညိုမြို့နယ် စည်ပင်သာယာရေးအဖွဲ့၏ အရပ်ရပ်အခွင့်အရေးလိုင်စင်ကို ၂၀၁၉-၂၀၂၀ ခု ဘဏ္ဍာရေးနှစ်အတွက် ဈေးပြိုင်တင်ဒါ ခေါ်ယူခြင်းအား သိရှိနိုင်ပါရန် အသိပေးကြေငြာအပ်ပါသည်။ အပြည့်အစုံကြည့်ရှုရန်————–

Read More »

မိုးညိုမြို့နယ်၊ ထိန်တောကျေးရွာအုပ်စု၌ ဒေသခံပြည်သူများနှင့်တွေ့ဆုံ

FI

ဇွန် ၂၃ (မိုးညို) ================= ဇွန်လ (၂၃)ရက်နေ့၊ နံနက်(၉)နာရီအချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် မိုးညိုမြို့နယ်၊ ထိန်တောကျေးရွာ၊ သိဒ္ဓိကာရုံကျောင်းတိုက် ဓမ္မာရုံ၌ ဒေသခံပြည်သူများနှင့် တွေ့ဆုံပွဲပြုလုပ်ခဲ့သည်။ ရှေးဦးစွာ ဝန်ကြီးချုပ် ဦးဝင်းသိန်းက လူထုတွေ့ဆုံပွဲသည် ပြည်သူများအကြား ဖြစ်ပေါ်နေတဲ့ ပြဿနာများကို ဖြေရှင်းဆောင်ရွက်ပေးရန်၊ ပြည်သူများကလည်း အများနှင့်သက်ဆိုင်သော ပြဿနာများကို စုပေါင်းညှိနှိုင်းအဖြေရှာတတ်စေရန် ပြုလုပ်ပေးခြင်းဖြစ်ကြောင်း၊ ခေတ်အဆက်ဆက် ကျင့်သုံးခဲ့တဲ့ နိုင်ငံရေးစနစ်လွှဲမှားမှုကြောင့် ဆင်းရဲနွမ်းပါးမှုတွေ များပြားခဲ့ရာမှစ၍ တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့ ယုံကြည်မှုလျော့နည်းခဲ့ပြီး ပြဿနာများ စတင်ပေါ်ပေါက်ခဲ့ရကြောင်း၊ ဒီအခြေအနေများသည် အစိုးရများအနေဖြင့် ပြည်သူလူထုအကြားမှာ ဒီမိုကရေစီစနစ် အောင်မြင်အောင် မကျင့်သုံးနိုင်ခဲ့၍ဖြစ်ကြောင်း၊ ယခုအခါ ဒီမိုကရေစီစနစ်ကို အရှိန်အဟုန်ဖြင့် ဖော်ဆောင်နေသည့် ဒီမိုကရေစီအစိုးရသစ် လက်ထက်ကိုရောက်ရှိလာခဲ့ပြီးဖြစ်ကြောင်း၊ ဘယ်ကိစ္စကိုမဆို အတ္တ၊ ပရ မျှတစွာ တွေးခေါ်ခြင်း၊ စုပေါင်းဆွေးနွေးခြင်း၊ ပါဝင်ပတ်သက်သူများအားလုံး ပူးပေါင်းပါဝင်၍ ပြဿနာများကို …

Read More »

နေရာလပ်မကျန် ကျေးရွာဖွံ့ဖြိုးတိုးတက်ရေး ပဲခူးတိုင်းဒေသကြီး ဝန်ကြီးချုပ်နှင့် လူထုတွေ့ဆုံပွဲများကျင်းပပြုလုပ်

FI

မိုးညို မတ် ၉ =================== သာယာဝတီခရိုင် မိုးညိုမြို့နယ် ဖိုးစတောကျေးရွာအုပ်စု ရတနာသီရိဓမ္မဗိမာန်ကျောင်းတိုက်၌ မတ်လ(၉)ရက်နေ့၊ နေ့လည်(၁၂) နာရီအချိန်က ဒေသဖွံ့ဖြိုးရေးနှင့် ဒေသလိုအပ်ချက်များပေါင်းစပ်ဖြည့်ဆည်းပေးနိုင်ရေးအတွက် ပဲခူးတိုင်းဒေသကြီးဝန်ကြီးချုပ်နှင့် ဒေသခံပြည်သူလူထုတွေ့ဆုံပွဲကျင်းပပြုလုပ်သည်။ တွေ့ဆုံပွဲတွင် ဝန်ကြီးချုပ်ဦးဝင်းသိန်းက ကျေးရွာများတွင် အုပ်ချုပ်ရေးကိစ္စ၊ လမ်းပန်းဆက်သွယ်ရေးကိစ္စ၊ မီးလင်းရေးကိစ္စရပ်များနှင့် လူမှုဘဝဖွံ့ဖြိုးတိုးတက်ရေးကိစ္စရပ်များကို ဆောင်ရွက်ရမည်ဖြစ်သောကြောင့် ဒေသခံများအနေဖြင့်မိမိတို့ ကျေးရွာဖွံ့ဖြိုးတိုးတက်ရေးအတွက် သက်ဆိုင်ရာ လွှတ်တော်ကိုယ်စားလှယ်၊ ဌာနဆိုင်ရာများ၊ ရပ်ကွက်ကျေးရွာအုပ်ချုပ်ရေးမှူးများနှင့် ပူးပေါင်း၍ ညှိနှိုင်းပေါင်းစပ် ဆောင်ရွက်ကြရမည်ဖြစ်ကြောင်း အမှာစကားပြောကြားသည်။ ထို့နောက် ဖိုးစတောကျေးရွာရပ်မိရပ်ဖတစ်ဦးက ကျေးရွာတွင်တရားဥပဒေစိုးမိုးဖို့ဆောင်ရွက်ပေးနိုင်ပါရန်၊ မြေစာကျေးရွာအုပ်စုမှ ကမ်းပြိုခဲ့ရာမှ မြေနုကျွန်းများပေါ်ထွန်းလာရာမှ မြေဧကများပြန်လည်ခွဲဝေမှု မျှတခြင်းမရှိသောကြောင့် ပြန်လည်ဖြေရှင်းပေးနိုင်ပါရန်၊ ကျေးရွာလမ်းများအဆင့်မြှင့်တင်ပေးရန်တင်ပြရာ ဝန်ကြီးချုပ် သက်ဆိုင်ရာဌာနများနှင့် ပေါင်းစပ်ညှိနှိုင်းပေးခဲ့သည်။ ဆက်လက်၍ ဝန်ကြီးချုပ်နှင့်ဌာနဆိုင်ရာများသည် မိုးညိုမြို့နယ် ကရင်ချောင်ကျေးရွာ ဝိဇယာရာမကျောင်းတိုက်အတွင်း၌ ဒေသခံပြည်သူများနှင့် တွေ့ဆုံကာ ဒေသဖွံ့ဖြိုးရေးလိုအပ်ချက်များကို ပေါင်းစပ်ညှိနှိုင်း ပေးခဲ့သည်။ အဆိုပါတွေ့ဆုံပွဲသို့ ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ်၊ တိုင်းအဆင့်ဌာနဆိုင်ရာများ၊ …

Read More »

သုံးဆယ် − သာယာဝတီ − လက်ပံတန်း − မင်းလှ − မိုးညိုမြို့နယ်တို့ရှိ စျေးများအား FDA သွားရောက်စစ်ဆေး

50485411_320637028562704_2400230954267312128_n

ဇန်နဝါရီ ၃၁ (မိုးညို) ==================== ပဲခူးတိုင်းဒေသကြီး အစိုးရအဖွဲ့လမ်းညွှန်မှုဖြင့် ပဲခူးတိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာနမှူး ဒေါက်တာနီနီအေးဦးဆောင်သော အဖွဲ့သည် ဇန်နဝါရီလအတွက် ဒုတိယအကြိမ်မြောက်  Mobile Lab Van ဖြင့် စစ်ဆေးခြင်းအဖြစ် (၃၀.၁.၂၀၁၉) နှင့် (၃၁.၁.၂၀၁၉) ရက်နေ့များတွင် မြို့နယ်အစားအသောက်နှင့် ဆေးဝါးကြီးကြပ်ကွပ်ကဲရေးကော်မတီ ဥက္ကဌနှင့် အဖွဲ့ဝင်များ၊ နှီးနွယ်အဖွဲ့များပူးပေါင်း၍ သုံးဆယ် − သာယာဝတီ − လက်ပံတန်း − မင်းလှ − မိုးညိုမြို့တို့ရှိ စျေး(၅)စျေးတွင် Mobile Lab Van (နယ်လှည့်ဓါတ်ခွဲစစ်ဆေးရေးကား)ဖြင့် အစားအသောက်များနှင့် အလှကုန်များအား နမူနာကောက်ယူစစ်ဆေးခြင်း၊ အသိပညာပေးခြင်းနှင့် အရေးယူဆောင်ရွက်ခြင်းများကို ဆောင်ရွက်ခဲ့ကြပြီး သုံးဆယ်မြို့− သာယာဝတီမြို့ − မင်းလှမြို့ − မိုးညိုမြို့ − လက်ပံတန်းမြို့များရှိ မြို့မစျေးများတွင် မုန့်ဟင်းခါးမုန့်ဖတ်၊ ပဲပြား၊ ပဲတီချဉ်၊ မျှစ်၊ …

Read More »

မိုးညိုမြို့နယ်၊ ဇီးပင်အုပ်စုအတွင်းရှိ ကုလားပဲ၊ နေကြာစိုက်ပျိုးထားရှိမှုနှင့် ပေါက်ခေါင်းမြို့နယ် အတွင်းရှိ တောင်နဝင်းဆည်သို့ သွားရောက်ကြည့်ရှုစစ်ဆေး

FI - Copy

ဇန်နဝါရီ ၂၀ (မိုးညို/ပေါက်ခေါင်း) ========================= ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် တိုင်းဒေသကြီးအဆင့် ဌာနဆိုင်ရာများ လိုက်ပါလျက် ဇန်နဝါရီလ(၂၀)ရက်နေ့၊ နံနက်ပိုင်းက မိုးညိုမြို့နယ်၊ ဇီးပင်ကျေးရွာအုပ်စု၊ ဘုံလုံးအိုင်ကျေးရွာရှိ တောင်သူ ဦးလှမြင့်၊ ဦးဇော်လင်း၊ ဦးလှဝင်း၊ ဦးဌေးဝင်းတို့ စိုက်ပျိုးထားသော ကုလားပဲစိုက်ကွက်နှင့် ဆီထွက်သီးနှံ နေကြာစံပြစိုက်ကွက်များသို့ သွားရောက်ကြည့်ရှုခဲ့ပြီး၊ တောင်သူများနှင့် ရင်းရင်းနှီးနှီးတွေ့ဆုံကာ ဆန်စပါးပြီးနှင့် ပဲအမျိုးမျိုးနှင့် ဆီထွက်သီးနှံသည် မြန်မာနိုင်ငံ၏ အဓိကစိုက်ပျိုးရေးထုတ်ကုန်များဖြစ်ကြောင်း၊ ယခင်က လက်မှုလယ်ယာမှ စက်မှုလယ်ယာစနစ်သို့ ပြောင်းလဲနေသလို သမားရိုးကျ စိုက်ပျိုးနည်းစနစ်မှ သိပ္ပံနည်းကျ စိုက်ပျိုးနည်းစနစ်များသို့ ပြောင်းလဲနေပြီဖြစ်ကြောင်း၊ တောင်သူကြီးများအနေဖြင့်လည်း သက်ဆိုင်ရာ မြို့နယ်တိုင်းတွင် ဖွင့်လှစ်ထားသည့် စိုက်ပျိုးရေးစခန်းများနှင့် ပူးပေါင်း၍ မျိုးကွဲ၊ မျိုးသစ်များ ဖော်ထုတ်စိုက်ပျိုးစေလိုကြောင်း၊ ဆောင်သီးနှံသည် ပျက်စီးမှုနည်းပါးပြီး တောင်သူများအတွက် ဝင်ငွေရရှိမှု ပိုမိုမြင့်မားသဖြင့် အထူးအလေးထား စိုက်ပျိုးစေလိုပါကြောင်းနှင့် မိမိတို့ဒေသအတွင်းရှိ အခြားတောင်သူများသို့လည်း နည်းပညာများ …

Read More »

ဇိနမာန်အောင် ဆုတောင်းပြည့်စေတီတော် ထီးတော်တင်လှူပွဲနှင့် လေးမျက်နှာစေတီတော်၊ ဗုဒ္ဓမြတ်စွယ်တော် ဖွင့်လှစ်ပွဲသို့ ဝန်ကြီးချုပ် ဦးဝင်းသိန်း တက်ရောက်ပူဇော်

FI

ဇန်နဝါရီ ၂၀ (မိုးညို/ပေါက်ခေါင်း) ========================= ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းသည် တိုင်းဒေသကြီးအဆင့် ဌာနဆိုင်ရာများ လိုက်ပါလျက် ဇန်နဝါရီလ(၂၀)ရက်နေ့၊ နံနက် (၇)နာရီအချိန်က မိုးညိုမြို့နယ်၊ ဘုံလုံးအိုင်ကျေးရွာရှိ ဇိနမာန်အောင် ဆုတောင်းပြည့်စေတီတော် ရွှေထီးတော်တင်လှူပွဲသို့ တက်ရောက်ပူဇော်ခဲ့သည်။ ရှေးဦးစွာ ဆရာတော်၊ သံဃာတော်များ၊ ဝန်ကြီးချုပ် ဦးဝင်းသိန်းနှင့် အဖွဲ့တို့သည် နမောဒဿသုံးကြိမ်ရွတ်ဆို အခမ်းအနားအား ဖွင့်လှစ်ခဲ့ပြီး၊ ရန်ကုန်တိုင်းဒေသကြီး၊ မရမ်းကုန်းမြို့နယ်၊ ဇွဲစုံသာသနာရာမကျောင်းတိုက်ကြီး၏ နယက၊ တိုင်းဒေသကြီး သံဃနာယကအဖွဲ့ဝင် အဂ္ဂမဟာဇောတိကဓဇ ဘဒ္ဒန္တဓမ္မပိယဆရာတော်ကြီးထံမှ ကိုးပါးသီလခံယူ ဆောက်တည်ခဲ့ပြီး အန္တရာယ်ကင်းပရိတ်တရားတော် နာယူခဲ့ကြသည်။ ထို့နောက် ဝန်ကြီးချုပ် ဦးဝင်းသိန်းနှင့် ဥပသကာများမှ ပရိတ်ချည်၊ ပရိတ်သဲ၊ ပရိတ်ရေ၊ ပရိတ်ပန်းများယူဆောင်၍ စေတီတော်၏ ဝတ္တကမြေအား ပတ်ဖျန်းဖွဲ့ချည်ခြင်း၊ စိန်ဖူးတော်၊ ငှက်မြတ်နားတော်၊ ရွှေထီးတော်တို့အား ဆရာတော်ကြီးများထံ ဆက်ကပ်လှူဒါန်းခဲ့ပြီး၊ ဝန်ကြီးချုပ်မှ သာသနာရေးဆိုင်ရာ ကိစ္စရပ်များ လျှောက်ထားခဲ့သည်။ …

Read More »

မိုးညိုမြို့ ဗုဒ္ဓမြတ်စွယ်တော်(၇၈)ကြိမ်မြောက် ဗုဒ္ဓပူဇနိယပွဲတော်ကျင်းပ

FI

နိုဝင်ဘာ ၁၇ (မိုးညို) ================ နိုဝင်ဘာလ(၁၇)ရက်နေ့ မွန်းလွဲ(၂)နာရီအချိန်က မိုးညိုမြို့ ဗုဒ္ဓမြတ်စွယ်တော် ကျွန်းကျောင်း ကျောင်းတိုက်တွင် မိုးညိုမြို့နယ်လုံးဆိုင်ရာ ဗုဒ္ဓမြတ်စွယ်တော် (၇၈)ကြိမ်မြောက် ဗုဒ္ဓပူဇနိယပွဲတော်အခမ်းအနားကျင်းပပြုလုပ်သည်။ ဆရာတော် သံဃာတော်များနှင့် ပဲခူးတိုင်းဒေသကြီးဝန်ကြီးချုပ်နှင့် လွှတ်တော်ဥက္ကဌအမှုးပြုသော ဧည့်ပရိတ်သတ်များက နမောတဿ သုံးကြိမ်ရွတ်ဆိုဘုရားကန်တော့၍ အခမ်းအနားကိုဖွင့်လှစ်ပြီး နိုင်ငံတော်သံဃာ့ဗဟိုဝန်ဆောင် ဝေဇယန္တာကျောင်းဆရာတော်ထံမှ ငါးပါးသီလခံယူဆောက်တည်ကြသည်။ ထို့နောက် ဂန္ဓကုဋီတိုက်၌ ကိန်းဝပ်စံပါယ်လျှက်ရှိသည့် ဗုဒ္ဓမြတ်စွယ်တော်အား အပူဇော်ခံဓမ္မာရုံပလ္လင်ပေါ်သို့ ဆရာတော်ကြီးများ၊ ဝန်ကြီးချုပ်၊ လွှတ်တော်ဥက္ကဌ၊ ဝန်ကြီး၊ လွှတ်တော်ကိုယ်စားလှယ်များနှင့်လူပရိတ်သတ်များက လက်ဆင့်ကမ်းပင့်ဆောင်ပူဇော်ကြပြီး ဆရာတော်သံဃာတော်တို့က ရောင်ခြည်တော်ဘုရားပင့်ဂါထာရွတ်ဆိုပူဇော်ခြင်း၊ ဗုဒ္ဓဘိသေကမင်္ဂလာဆင်ယင်ကျင်းပပူဇော်ခြင်း၊ နတ်/ဗြဟ္မာတို့အား ပင့်ဖိတ်ခြင်းများပြုလုပ်ကြသည်။ ယင်းနောက် ပဲခူးတိုင်းဒေသကြီးဝန်ကြီးချုပ် ဦးဝင်းသိန်းက သာသနာရေးဆိုင်ရာများလျှောက်ထားကာ နိုင်ငံတော်သြဝါဒစရိယဆရာတော်က သြဝါဒကထာမြွက်ကြားတော်မူပြီး ဆရာတော်ကြီးများ လှူဖွယ်ဝထ္ထုပစ္စည်းများ ဆက်ကပ်လှူဒါန်းခြင်း၊ အလှူရှင်များက ဂေါပကအဖွဲ့ထံအလှူ ငွေများပေးအပ်လှူဒါန်းများပြုလုပ်ကြသည်။ မိုးညိုမြို့နယ်လုံးဆိုင်ရာ ဗုဒ္ဓမြတ်စွယ်တော် (၇၈)ကြိမ်မြောက် ဗုဒ္ဓပူဇနိယပွဲတော်ကြီးတွင် ဆရာတော်သံဃာတော်အရှင်သူမြတ်များက (၃)ရက်တိုင်တိုင် ဗုဒ္ဓမြတ်စွယ်တော်အား …

Read More »

ရေဘေးသင့်ပြည်သူများအတွက် ဆိုလာမီးအိမ်များထောက်ပံ့ပေးအပ်

FI

နိုဝင်ဘာ ၂၇ (မိုးညို) ============== နိုဝင်ဘာလ(၁၇)ရက်နေ့ မွန်းလွဲ(၁:၃၀)နာရီအချိန်က မိုးညိုမြို့နယ် ဗုဒ္ဓမြတ်စွယ်တော် ကျွန်းကျောင်း ကျောင်းတိုက်တွင် မိုးညိုမြို့နယ်အတွင်းရှိ ဇူလိုင်၊ သြဂုတ်၊ စက်တင်ဘာလများတွင် ရေဘေးဒဏ်ခံခဲ့ရသော ပြည်သူများအတွက် ဆိုလာမီးအိမ်များ ထောက်ပံ့ပေးအပ်ပွဲကျင်းပပြုလုပ်သည်။ အဆိုပါအခမ်းအနားတွင် ပဲခူးတိုင်းဒေသကြီးဝန်ကြီးချုပ်ဦးဝင်းသိန်းနှင့် လွှတ်တော်ဥက္ကဌဦးခင်မောင်ရင်တို့က မိုးညို မြို့နယ်အတွင်းရှိ ရေဘေးသင့်ပြည်သူများအတွက် အာဆီယံလူသားချင်းစာနာထောက်ထားမှုဆိုင်ရာ ညှိနှိုင်းမှုဗဟိုဌာန(AHA Center)မှလှူ ဒါန်းသော ဆိုလာမီးအိမ်အလုံး(၁၀၀)အား တိုင်းဒေသကြီးလွှတ်တော်ကိုယ်စားလှယ်များနှင့် မြို့နယ်အုပ်ချုပ်ရေးမှုးတို့ထံ ပေးအပ်ခဲ့ကြောင်းသိရသည်။ အာဆီယံလူသားချင်းစာနာထောက်ထားမှုဆိုင်ရာ ညှိနှိုင်းမှုဗဟိုဌာန(AHA Center) မှ ပဲခူးတိုင်းသေကြီးအတွင်းရှိ ရေဘေးသင့်ပြည်သူများအတွက် ဆိုလာမီးအိမ်အလုံး(၃၀၀၀)လှူ ဒါန်းပေးခဲ့ရာ ပဲခူးတိုင်းဒေသကြီးဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ အဆိုပါ ဆိုလာမီးအိမ်များအား ကဝမြို့နယ်(၁၀၀)လုံး၊ ဝေါမြို့နယ်(၁၀၀)လုံး၊ ညောင်လေးပင်မြို့နယ်(၅၀၀)လုံး၊ ကျောက်တံခါးမြို့နယ်(၁၀၀)လုံး၊ ကျောက်ကြီးမြို့နယ်(၂၅၀)လုံး၊ ဖြူ းမြို့နယ်(၁၀၀)လုံး၊ အုတ်တွင်းမြို့နယ်(၂၀၀)လုံး၊ ရေတာရှည်မြို့နယ်(၉၅၀)လုံးနှင့် မိုးညို မြို့နယ်(၁၀၀) ဖြန့်ဝေထောက်ပံ့ ပေးသွားမည်ဖြစ်ကြောင်း သိရသည်။

Read More »

မိုးညိုမြို့တွင် ဗိုလ်ချုပ်အောင်ဆန်းရုပ်ထု ဖွင့်ပွဲကျင်းပပြုလုပ်

FI

ဇူလိုင် ၁၅ (မိုးညို) ========================== ပဲခူးတိုင်းဒေသကြီး၊ သာယာဝတီခရိုင်၊ မိုးညိုမြို့နယ်၊ စည်ပင်သာယာပန်းခြံတွင် ဇူလိုင်လ(၁၅)ရက်နေ့ နံနက်(၁၀)နာရီအချိန်က ဗိုလ်ချုပ်အောင်ဆန်းရုပ်ထု ဖွင့်ပွဲအခမ်းအနား ကျင်းပပြုလုပ်သည်။ ရှေးဦးစွာ ဗိုလ်ချုပ်အောင်ဆန်းရုပ်ထုအား ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ လွှတ်တော်ဥက္ကဌ ဦးခင်မောင်ရင်၊ ပြည်သူ့လွှတ်တော်ကိုယ်စားလှယ်ဦးကျော်မျိုးမင်း၊ အမျိုးသားလွှတ်တော်် ကိုယ်စားလှယ် Drဝင်းမြင့်၊ တိုင်းဒေသကြီး လွှတ်တော်ကိုယ်စားလှယ်များဖြစ်သည့် ဦးဝင်းကိုနှင့် ဦးအေးကိုတို့က ဖဲကြိုးဖြတ် ဖွင့်လှစ်ပေးကြသည်။ ထို့နောက် ကမ္ဗည်းမော်ကွန်းကျောက်စာအား ဝန်ကြီးချုပ်နှင့် လွှတ်တော်ဥက္ကဌတို့က စက်ခလုတ်နှိပ်ဖွင့်လှစ်ပေးပြီး အမွှေးနံ့သာရည်များ ပက်ဖြန်းကာ စုပေါင်းမှတ်တမ်းတင် ဓာတ်ပုံရိုက်ကူးကြသည်။ ယင်းနောက် ဝန်ကြီးချုပ်သည် မိုးညိုမြို့နယ် အထွေထွေအုပ်ချုပ်ရေးဦးစီးဌာနမှူးရုံး အစည်းအဝေးခန်းမတွင် ဌာနဆိုင်ရာများ၊ မြို့မိမြို့ဖများ၊ စည်ပင်ကော်မတီများနှင့် တွေ့ဆုံပြီး ဝန်ထမ်းများသွားလာနေထိုင်ရေး ၊ လုပ်ငန်းခွင်တွင် အဂတိကင်းရှင်းရေး၊ သဘာဝဘေးဒဏ် ကြိုတင်ကာကွယ်ရေး၊ အခြေခံပညာကျောင်းများ အချိန်မီပြီးစီးရေး၊ ရပ်ကွက်/ကျေးရွာ အုပ်ချုပ်ရေးမှူးရွေးချယ်သည့်ကိစ္စများ၊ သိမ်းဆည်းမြေကိစ္စများနှင့် ဆည်မြောင်းတာတမံ …

Read More »

ပြည်သူပူးပေါင်းပါဝင်သော မြို့နယ်ဖွံ့ဖြိုးရေးစီမံကိန်းရေးဆွဲရေးဆိုင်ရာ အလုပ်ရုံဆွေးနွေးပွဲသို့ ဝန်ကြီး ဦးညွန့်ရွှေတက်ရောက်

FI

အောက်တိုဘာ ၂၇(ပဲခူး) ========================== အောက်တိုဘာလ ၂၇ ရက်နေ့ (၀၉:၃၀)နာရီအချိန်ပဲခူးတိုင်းဒေသကြီး၊ မိုးညိုမြို့နယ်အထွေထွေအုပ်ချုပ်ရေးဦးစီးဌာန၊ အစည်းအဝေးခန်းမ၌ ပြည်သူပူးပေါင်းပါဝင်သော မြို့နယ်ဖွံ့ဖြိုးရေးစီမံကိန်းရေးဆွဲခြင်းသင်တန်းနှင့် အလုပ်ရုံဆွေးနွေးပွဲ ကျင်းပပြုရာ ပဲခူးတိုင်းဒေသကြီးအစိုးရအဖွဲ့၊ စီမံကိန်းနှင့်ဘဏ္ဍာရေးဝန်ကြီး ဦးညွန့်ရွှေ တက်ရောက် အမှာစကားပြောကြားခဲ့သည်။ အဆိုပါအခမ်းအနား၌ မိုးညိုမြို့နယ်အထွေထွေအုပ်ချုပ်ရေးမှူးက မိုးညိုမြို့နယ်၏ ဒေသဆိုင်ရာအချက်အလက်များ၊ အားသာချက်၊ အားနည်းချက်များ တင်ပြခဲ့ရာ၊ ဝန်ကြီး က UNDP အကူညအညီ အထောက်အပံ့ဖြင့် မိုးညိုမြို့နယ်ဖွံ့ဖြိုးရေးစီမံကိန်းလုပ်ငန်းများ ဆောင်ရွက်ရာတွင် ပညာရေး၊ ကျန်းမာရေး၊ လမ်းပန်းဆက်သွယ်ရေးနှင့် ကယ်ဆယ်ရေးလုပ်ငန်းများတွင် အမှန်တကယ်အကျိုးရှိရှိ အသုံးပြုနိုင်ရေး မှာကြားခဲ့သည်။ အခမ်းနားသို့ ဝန်ကြီး ဦးညွန့်ရွှေ၊ UNDP မှMs.Anki Dellnas နှင့် တာဝန်ရှိ ဌာနေကိုယ်စားလှယ်များ၊ လွှတ်တော်ကိုယ်စားလှယ်များ၊ မိုးညိုမြို့နယ်အုပ်ချုပ်ရေးမှူး၊ ဌာနဆိုင်ရာဝန်ထမ်းများ၊ ရပ်ကွက်/ကျေးရွာအုပ်ချုပ်ရေးမှူးများ၊ သင်တန်းသား/သင်တန်းသူများ တက်ရောက်ခဲ့ကြောင်း သိရသည်။

Read More »