နေ့စဉ်သတင်းများ

နောက်ဆုံးရသတင်းများ

ပဲခူးမြို့တွင် ကမ္ဘာ့အိုဇုန်းလွှာထိန်းသိမ်းရေးနေ့ အထိမ်းအမှတ် အခမ်းအနားကျင်းပ

FI

စက်တင်ဘာ ၁၆ (ပဲခူး) ============== ပဲခူးမြို့ မြို့တော်ခန်းမတွင် စက်တင်ဘာလ(၁၆)ရက်နေ့ နံနက်(၉)နာရီအချိန်က ကမ္ဘာ့အိုဇုန်းလွှာထိန်းသိမ်းရေးနေ့ အထိမ်းအမှတ် အခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီးအစိုးရအဖွဲ့ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်းက ကျွန်ုပ်တို့အားလုံးအနေဖြင့် ဒြပ်ပစ္စည်းများသုံးစွဲမှုကို လျော့ချနိုင်ရေးအတွက် ကန့်သတ်ချက်၊ တားမြစ်ချက်များကို အပြည့်အဝ လိုက်နာဆောင်ရွက်ခြင်းဖြင့် ဝိုင်းဝန်းကြိုးပမ်း ပူးပေါင်းဆောင်ရွက်သွားကြရန်လိုကြောင်း အဖွင့်အမှာစကားပြောကြားပြီး ကုလသမဂ္ဂအတွင်းရေးမှူးချုပ်၏ သဝဏ်လွှာကို ပဲခူးတိုင်းဒေသကြီး ပတ်ဝန်းကျင်ထိန်းသိမ်းရေးဦးစီးဌာန၊ တိုင်းတာဝန်ခံအရာရှိ ဒုတိယညွှန်ကြားရေးမှူး ဦးဇော်မင်းအုန်းမှ ဖတ်ကြားသည်။ ထို့နောက် ကမ္ဘာ့အိုဇုန်းလွှာထိန်းသိမ်းရေးနေ့ အထိမ်းအမှတ်Video Clipအားပြသပြီး ကမ္ဘာ့အိုဇုန်းလွှာထိန်းသိမ်းရေးနေ့ အထိမ်းအမှတ် အခြေခံပညာအထက်တန်းအဆင့် ဆုရရှိသူများအား ပဲခူးတိုင်းဒေသကြီး ဥပဒေချုပ် ဦးအုန်းမြင့်မှလည်းကောင်း၊ အလယ်တန်းအဆင့် စာစီစာကုံးပြိုင်ပွဲတွင် ဆုရရှိသူများအား သယံဇာတ၊ သဘာဝပတ်ဝန်းကျင် ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်းကလည်းကောင်း ဆုများပေးအပ်ချီးခဲ့ကြောင်းသိရသည်။ အိုဇုန်းလွှာသည် ကမ္ဘာ့မြေပြင်အထက်(၆)မိုင်မှ (၃၁)မိုင်အတွင်း ကမ္ဘာ့လေထု၏ …

Read More »

ဝန်ကြီးချုပ် ဦးဝင်းသိန်း ရေဘေးရှောင်ပြည်သူများအတွက် အလှူရှင်များ လာရောက်ထောက်ပံ့ပေးမှုကို လက်ခံခဲ့ပြီး ရေဘေးရှောင်စခန်းများသို့ သွားရောက်အားပေးစကားပြောကြား

FI

စက်တင်ဘာ ၁၅ (ပဲခူး) =================== စက်တင်ဘာလ (၁၅)ရက်နေ့၊ မွန်းလွဲ(၃:၃၀)အချိန်က  ပဲခူးမြို့၊ ဗုဒ္ဓအသံဓမ္မဗိမာန်အောက်ထပ်၌ ဖွင့်လှစ်ထားသော ပဲခူးတိုင်းဒေသကြီး ရေဘေးကယ်ဆယ်ရေးကွပ်ကဲမှုရုံးသို့ ရန်ကုန်တိုင်းဒေသကြီး၊ တိုင်းဒေသကြီးလွှတ်တော်ကိုယ်စားလှယ် ဒေါ်သက်ထားနွယ်ဦးဆောင်သော သာကေတမြို့နယ်လုံးဆိုင်ရာ ရေဘေးထောက်ပံ့ကူညီရေးအဖွဲ့မှ   ပဲခူးမြို့နယ်အတွင်းရှိ ရေးဘေးသင့်ပြည်သူများအတွက် ဆန်အိတ်(၁၀၀)နှင့် အလှူငွေကျပ်သိန်း(၁၀၀)လာရောက် လှူဒါန်းပွဲသို့ ဝန်ကြီးချုပ် ဦးဝင်းသိန်းမှ တက်ရောက်လက်ခံရယူခဲ့သည်။ ထို့နောက် ဝန်ကြီးချုပ်နှင့်အဖွဲ့သည် ပဲခူးမြို့အတွင်း ရေဘေးရှောင်ကယ်ဆယ်ရေးစခန်းများ ဖွင့်လှစ်ထားရှိသော ကျွန်းသာယာရပ်ကွက်ရှိ အနောက်ရွှေနံ့သာကျောင်းတိုက်၊ ကလျာဏီရပ်ကွက်ရှိ ကလျာဏီသိမ်ကျောင်းနှင့် အထက(၇)၊ မြို့သစ်(ဂ)ရပ်ကွက်ရှိ ပုညကာရီဆုတောင်းပြည့်စာသင်တိုက် ရေဘေးရှောင်ကယ်ဆယ်ရေးစခန်းများသို့ သွားရောက်၍ ရေဘေးရှောင်ပြည်သူများအား ရင်းရင်းနှီးနှီးလိုက်လံနှုတ်ဆက် အားပေးစကားများ ပြောကြားခဲ့သည်။ ပဲခူးမြို့နယ်အတွင်း ပဲခူးမြစ်ရေ မြင့်တက်ခဲ့မှုကြောင့် ရေဘေးရှောင်ကယ်ဆယ်ရေးစခန်း (၂၇)ခု ဖွင့်လှစ်ခဲ့ရာ၊ ယခုအခါ ပဲခူးမြစ်ရေသည် စိုးရိမ်ရေအမှတ်အောက်သို့ ပြန်လည်ကျဆင်းသွားပြီဖြစ်၍ စက်တင်ဘာလ (၁၅)ရက်နေ့၊ မွန်းလွဲ(၃:၃၀)အချိန်တွင် ရေဘေးရှောင်ကယ်ဆယ်ရေးခစန်း(၇)ခု ပြန်လည်ပိတ်သိမ်းခဲ့ပြီး ကျန်ရှိသော ရေဘေးရှောင်ကယ်ဆယ်ရေးစခန်း(၂၀)ခုတွင် …

Read More »

ပဲခူးမြို့နယ်အတွင်း ရေကြီးရေလျှံဖြစ်ပေါ်မှုကြောင့် စာသင်ကျောင်းအချို့ ခေတ္တပိတ်ထား

70205741_689049558241454_6297361519902457856_n

စက်တင်ဘာ ၁၄ (ပဲခူး) =============== ပဲခူးမြစ်ရေသည် စိုးရိမ်အမှတ်ကျော်လွန်ပြီး ပဲခူးမြို့ပေါ်ရှိ ရပ်ကွက်အချို့နှင့် မြို့နယ်အတွင်းရှိ ကျေးရွာအချို့သို့ မြစ်ရေများဝင်ရောက်မှုဖြစ်ပေါ်ခဲ့ရာ အခြေခံပညာကျောင်းအချို့ ယာယီခေတ္တပိတ်ထားရကြောင်း သိရသည်။ ပဲခူးမြို့နယ်အတွင်း ရေကြီးရေလျှံဖြစ်ပေါ်နေခြင်းကြောင့် စက်တင်ဘာလ(၁၄)ရက်နေ့တွင် ပဲခူးမြို့ပေါ်နှင့် မြို့နယ်အတွင်းရှိ ကျေးရွာများမှ အခြေခံပညာကျောင်း (၂၄)ကျောင်းပိတ်ထားရပြီး အဆိုပါ ပိတ်ထားခဲ့ရသည့်ကျောင်း (၂၄)ကျောင်းတွင် သင်ကြားပေးသည့် ဆရာ/မ(၂၇၇)ဦး KGတန်းမှ G11တန်းအထိ ကျောင်းသား/သူ (၇၂၁၃)ဦးရှိကြောင်း သိရသည်။ ပိတ်ထားသည့် ကျောင်းများမှာ မူလွန်-မဇင်း(ခ)၊ မူလွန်-ဥဿာ(၆)၊ အလက(ခွဲ)မဲခုံ၊ မူလွန်-အုတ်ဖိုကျုံးရိုး၊ မူလွန်-လက်ပံခုန်၊ မူလွန်-ကျုံပကန်၊ မူလွန်-ကျောက်ကြီးစု၊ အလက(ခွဲ)ကွေ့တန်းရှည်၊ အထက(၄)၊ အလက(ခွဲ)ကျိုက်ဒေးယုံ၊ အထက(ခွဲ)၅၊ အထက(ခွဲ၈၊ အလက(ခွဲ)အောက်စီတီး(အရှေ့)၊ မူလွန်-ကျိုက်ကေ၊ မူလွန်-မြို့လေး၊ မူလွန်-မုန်တိုင်းရပ်၊ အလက(ခွဲ)အောက်စီတီး(အနောက်)၊ မူလွန်-အထက်စီတီး(အရှေ့)၊ မူလွန်-အထက်စီတီး(အနောက်)၊ မူလွန်-သရက်သုံးပင်၊ မူလွန်-မြို့သစ်(ဂ)၊ အလက(ခွဲ)အဝိုင်း၊ မုလွန်-ဇိုင်းဂနိုင်းကြီးနှင့် အလက(ခွဲ)ရွာသစ်တို့ဖြစ်ကြောင်း သတင်းရရှိသည်။

Read More »

ကျောက်ကြီးမြို့နယ် နတ်သံကွင်းဒေသ နတ်သံကွင်း မြို့မဈေးသစ်ဖွင့်ပွဲ အခမ်းအနားကျင်းပပြုလုပ်

FI

စက်တင်ဘာ ၁၄ (ကျောက်ကြီး) =============== စက်တင်ဘာလ(၁၄)ရက်နေ့ နံနက်(၉)နာရီအချိန်က ပဲခူးတိုင်းဒေသကြီး ကျောက်ကြီးမြို့နယ် နတ်သံကွင်းဒေသ၌ နတ်သံကွင်း မြို့မဈေးသစ်ဖွင့်ပွဲအခမ်းအနား ကျင်းပပြုလုပ်သည်။ အခမ်းအနားတွင် ပဲခူးတိုင်းဒေသကြီးလွှတ်တော် ဥက္ကဌ ဦးခင်မောင်ရင်က အမှာစကားပြောကြားပြီး ပဲခူးတိုင်းဒေသကြီးအစိုးရအဖွဲ့ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်းနှင့် ကရင်တိုင်းရင်းသား လူမျိုးများရေးရာဝန်ကြီး ဒေါ်နော်ပွယ်စေးတို့က နတ်သံကွင်း မြို့မဈေးတည်ဆောက်ပြီးစီးမှုနှင့်ပတ်သက်၍ ဝမ်းမြောက်စကား ပြောကြားသည်။ ထို့နောက် ကျောက်ကြီးမြို့နယ် တိုင်းဒေသကြီးလွှတ်တော်ကိုယ်စားလှယ်ဦးတင်ဆန်းဦးက ကျေးဇူးတင်စကားပြန်လည်ပြောကြားပြီး နတ်သံကွင်းမြို့မဈေးသစ်တည်ဆောက်ရေးကော်မတီ ဥက္ကဌမှ ဈေးသစ်ကြီးအောင်မြင်စွာတည်ဆောက်ဖွင့်လှစ်နိုင်ရေး ဆောင်ရွင်ခဲ့မှုများနှင့်ပတ်သက်၍ ရှင်းလင်းပြောကြားသည်။ ယင်းနောက် နတ်သံကွင်း မြို့မဈေးသစ်နှင့်ပတ်သက်သည့် စာရွက်စာတမ်းများအား တည်ဆောက်ရေးကော်မတီ ဥက္ကဌ ဦးကျင်မွှေးနှင့် အတွင်းရေးမှူးတို့က ကျောက်ကြီးမြို့နယ် စည်ပင်သာယာရေးကော်မတီ ဥက္ကဌ ဦးထွန်းဇော်ဦးနှင့် အမှုဆောင်အရာရှိ ဦးအောင်စိုးဝင်းထံ လွှဲပြောင်းပေးအပ်ပြီး ဖွင့်ပွဲအထိမ်းအမှတ်အလံများ ပေးအပ်ကြသည်။ ထို့နောက် နတ်သံကွင်းဒေသ နတ်သံကွင်းမြို့မဈေးသစ်ကြီးအား ပဲခူးတိုင်းဒေသကြီး လွှတ်တော်ဥက္ကဌ …

Read More »

ပဲခူးမြို့၊ ရေဘေးရှောင်ပြည်သူများအတွက် ပြည်ထောင်စုဝန်ကြီး ဒေါက်တာဝင်းမြတ်အေးမှ လာရောက်ကူညီထောက်ပံ့

FI

စက်တင်ဘာ ၁၃ (ပဲခူး) =============== စက်တင်ဘာလ(၁၃)ရက်နေ့၊ ညနေ(၅:၃၀)အချိန်က ပဲခူးမြို့၊ ဗုဒ္ဓအသံဓမ္မဗိမာန်အောက်ထပ်၌ ဖွင့်လှစ်ထားသော ပဲခူးတိုင်းဒေသကြီး ရေဘေးကယ်ဆယ်ရေးကွပ်ကဲမှုရုံးသို့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေး ရောက်ရှိခဲ့ပြီး  ရေးဘေးရှောင် ပြည်သူများအတွက် ထောက်ပံ့ငွေများ ဆောင်ရွက်ပေးခဲ့သည်။ ရှေးဦးစွာ ပြည်ထောင်စုဝန်ကြီး ဒေါက်တာဝင်းမြတ်အေးက အဖွင့်အမှာစကားပြောကြားခဲ့ပြီး၊ ပဲခူးတိုင်းဒေသကြီးအစိုးရအဖွဲ့၊ ဝန်ကြီး ဦးညွန့်ရွှေမှ ရေဘေးရှောင်စခန်းများ ဖွင့်လှစ်ထားရှိမှုနှင့် ထောက်ပံ့ပေးနိုင်ရေး စီစဉ်ဆောင်ရွက်မှုများအား ရှင်းလင်းတင်ပြခဲ့သည်။ ထို့နောက် ပြည်ထောင်စုဝန်ကြီးမှ ရေဘေးရှောင်ပြည်သူများအတွက် (၃)ရက်စာ (၁၉)ပြည်ဝင် ဆန်အိတ်(၅၄၉)အိတ်၊ ခေါက်ဆွဲခြောက် လူ(၁)ဦး (၁)ထုပ်နှုန်းဖြင့် (၃)ရက်စာ အထုပ်ပေါင်း(၄၁၅၀၅)ထုပ်၊ စုစုပေါင်းတန်ဖိုးငွေကျပ်(၉,၄၀၉,၉၅ဝိ/-)တို့အား ထောက်ပံ့ပေးအပ်ရာ၊ ဝန်ကြီး ဦးညွန့်ရွှေက လက်ခံရယူခဲ့ပြီး၊ ပဲခူးတိုင်းဒေသကြီးအစိုးရအဖွဲ့မှလည်း ပဲခူးမြို့ရှိ ရေဘေးရှောင်ခစန်း (၂၃)ခုရှိ လူဦးရေ(၁၃၈၃၅)ဦးအတွက် (၁)ဦးလျှင် (၁)ရက်စာ ဆန်(၂)ဗူးနှုန်းဖြင့် (၄)ရက်စာ (၂၄)ပြည်ဝင် ဆန်အိတ် …

Read More »