ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ဧပြီ ၆ (ရေတာရှည်) ================================== ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဧပြီလ(၆)ရက်နေ့ မွန်းလွဲ(၂)နာရီအချိန်က တာဝန်ရှိသူများနှင့်အတူ ရေတာရှည်မြို့၊ အမှတ်(၃)ရပ်ကွက်တွင် မြို့နယ်ခန်းမ တည်ဆောက်နေမှုအား သွားရောက်ကြည့်ရှုစစ်ဆေးပြီး လိုအပ်သည်များ လမ်းညွှန်မှာကြားခဲ့သည်။ ရေတာရှည်မြို့နယ်ခန်းမအား ပဲခူးတိုင်းဒေသကြီးအစိုးရအဖွဲ့ စည်ပင်သာယာရေးနှင့် လူမှုရေးဝန်ကြီးဌာန၏ ၂၀၁၇-၁၈ခု ဘဏ္ဍာရေးနှစ် ခွင့်ပြုငွေကျပ် (၁၆၈.၂၄၉)သန်းဖြင့် အလျား(၁၀၅)ပေ၊ အနံ(၆၀)ပေ၊ အမြင့်(၁၄)ပေ သံကူကွန်ကရစ် (၁)ထပ်ခန်းမ အဆောက်အဦအဖြစ် အာရှဓနစွမ်းအားသစ်ကုမ္ပဏီမှ တာဝန်ယူတည်ဆောက်ခြင်းဖြစ်သည်။ ထို့နောက် ဝန်ကြီးချုပ်သည် ရေတာရှည်မြို့နယ် စည်ပင်သာယာရေးအဖွဲ့ရုံးတွင် တောင်ငူခရိုင် စည်ပင်သာယာရေးကော်မတီဥက္ကဌ ဦးခင်မောင်ဌေး၊ ရေတာရှည်မြို့နယ်အုပ်ချုပ်ရေးမှူး ဦးမြို့နိုင်၊ မြို့နယ်စည်ပင်သာယာအမှုဆောင်အရာရှိ ဦးအောင်မြင့်ဌေးနှင့် ဝန်ထမ်းများ မြို့မိမြို့ဖများနှင့် တွေ့ဆုံပြီး ဒေသဖွံ့ဖြိုးတိုးတက်ရေးအတွက် ဆွေးနွေးလမ်းညွှန်မှုများ ပြုလုပ်ခဲ့ကြောင်း သတင်းရရှိသည်။

ဧပြီ ၅ (ပြည်) ============================ ပဲခူးတိုင်းဒေသကြီး ပြည်မြို့နယ် စိုက်ပျိုးရေးဦးစီးဌာန ၊ လက်ခုပ်ပင်စခန်းနယ်မြေတွင် ဧပြီလ (၅)ရက်နေ့၊ နံနက် (၉) နာရီအချိန်က တောင်သူမျိုးစေ့ သန့်စင်စက် ဖွင့်ပွဲအခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးအောင်ဇော်နိုင်၊ လွှတ်တော်ကိုယ်စားလှယ်များနှင့် တိုင်းဒေသကြီး စိုက်ပျိုးရေးဦးစီးဌာန ညွှန်ကြားရေးမှူး ဦးလှမြင့်တို့က ဖဲကြိုးဖြတ်ဖွင့်လှစ်ပေးသည်။ ထို့နောက် စိုက်ပျိုးရေး မွေးမြူရေးနှင့်ဆည်မြောင်း ဝန်ကြီး ဦးအောင်ဇော်နိုင်က “ စိုက်ပျိုးထုတ်လုပ်ရရှိသော မျိုးစေ့များမှာ မျိုးကောင်း မျိုးသန့်ဖြစ်ရုံနှင့်မပြီးပဲ သန့်စင်ဖို့လိုအပ်ကြောင်း ၊ ဒေသအလိုက်စိုက်ပျိုးထွက်ရှိလာသည့်မျိုးစေ့များအား စံချိန်စံညှွန်းမီစေရေးအတွက် မျိုးစေ့ သန့်စင်ခြင်းမဖြစ်မနေဆောင်ရွက်နိုင်ရန် မျိုးစေ့သန့်စင်စက်များကို ပံ့ပိုးဆောင်ရွက်ပေးခြင်းဖြစ်ကြောင်း” ပြောကြားပြီးတိုင်းဒေသကြီး စိုက်ပျိုးရေးဦးစီးဌာန ညွှန်ကြားရေးမှူး ဦးလှမြင့်ကတိုင်းဒေသကြီးအတွင်းရှိမြို့နယ်များတွင် မျိုးစေ့သန့်စင်စက်များဆောင်ရွက်ပေးမည့် အစီအစဉ်များနှင့် ပတ်သက်၍ ရှင်းလင်းပြောကြားကာ တောင်သူတစ်ဦးက ကျေးဇူးတင်စကား ပြန်လည်ပြောကြားသည်။ ယင်းနောက် …

ဧပြီ ၅ (ပဲခူး) ===============           ပဲခူးတိုင်းဒေသကြီးအစိုးရအဖွဲ့ရုံး၊ အတွင်းရေးမှူးရုံးခန်း၌ ဧပြီလ (၅)ရက်နေ့၊ နံနက် (၉)နာရီခွဲ အချိန်က ပဲခူးမြို့၊ သနပ်ပင်လမ်း အဆင့်မြှင့် တင်ခြင်းလုပ်ငန်းနှင့် ရန်ကုန် – မန္တလေးလမ်း – ဘုရားလမ်း – ဆေးရုံလမ်းနှင့် လမ်း(၃၀)တို့ဆုံရာတွင် မီးပွိုင့်အသစ်တပ်ဆင်နေမှုနှင့်ပတ်သက်၍ လုပ်ငန်းများအားလုံး သတ်မှတ်အချိန်မီ ပြီးစီးနိုင်ရေး လုပ်ငန်းညှိနှိုင်းအစည်းအဝေး ကျင်းပသည်။           ရှေးဦးစွာ ပဲခူးတိုင်းဒေသကြီးလမ်းဦးစီးဌာန၊ ဦးဇော်ထွန်းက ရန်ကုန် – မန္တလေးလမ်း – ဘုရားလမ်း – ဆေးရုံလမ်းနှင့် လမ်း(၃၀)တို့ဆုံရာတွင် မီးပွိုင့်အသစ်တစ်ခု ဆောက်လုပ်နေမှုနှင့် သနပ်ပင်လမ်း အဆင့်မြှင့်တင်ခြင်းလုပ်ငန်းများ ဆောင်ရွက်နေမှုတို့ကိုလည်းကောင်း၊ ပဲခူးတိုင်း ဒေသကြီးစည်ပင်သာယာရေးအဖွဲ့၊ ညွှန်ကြားရေးမှူး ဦးအောင်မြင့်က သနပ်ပင်လမ်း ရေစီးရေလာ ကောင်းမွန်စေရေး၊ ပြည်သူများ ယာဉ်အန္တရာယ် လမ်းအန္တရာယ် ကင်းရှင်းစေရန် ရေမြောင်းများ၊ ပလပ်ဖောင်းများ …

နေပြည်တော် ဧပြီ ၄ =================== လယ်ယာမြေနှင့် အခြားမြေများသိမ်းဆည်းခံရမှုများ ပြန်လည်စိစစ်ရေးဗဟို ကော်မတီ၏ ပဉ္စမအကြိမ်လုပ်ငန်းညှိနှိုင်းအစည်းအဝေး (၁/၂၀၁၈)ကို ယနေ့မွန်းလွဲ ၁ နာရီတွင် နေပြည်တော်ရှိ ပြည်ထဲရေးဝန်ကြီးဌာန စုစည်းခန်းမ၌ ကျင်းပရာ လယ်ယာမြေနှင် အခြားမြေများ သိမ်းဆည်း ခံရမှုများ ပြန်လည်စိစစ်ရေးဗဟိုကော်မတီဥက္ကဋ္ဌ ဒုတိယသမ္မတ ဦးဟင်နရီဗန်ထီးယူ တက်ရောက် အမှာစကား ပြောကြားသည်။ အစည်းအဝေးသို့ ဗဟိုကော်တီဒုတိယဥက္ကဋ္ဌများဖြစ်ကြသည့် ပြည်ထောင်စုဝန်ကြီး ဒုတိယဗိုလ်ချုပ်ကြီး ကျော်ဆွေနှင့် ဒေါက်တာအောင်သူ၊ ဗဟိုကော်မတီဝင် ပြည်ထောင်စုဝန်ကြီး ဒုတိယဗိုလ်ချုပ်ကြီး စိန်ဝင်းနှင့် ဦးခင်မောင်ချို၊ နေပြည်တော် ကောင်စီဥက္ကဋ္ဌ ဒေါက်တာမျိုးအောင်၊ တိုင်းဒေသကြီးနှင့် ပြည်နယ်အစိုးရအဖွဲ့ ဝန်ကြီးချုပ်များနှင့် တာဝန်ရှိသူများ တက်ရောက်ကြသည်။ အစည်းအဝေးတွင် ဒုတိယသမ္မတက လယ်ယာမြေနှင့် အခြားမြေများ သိမ်းဆည်းခံရမှုများ ပြန်လည်စိစစ်ရေး ဗဟိုကော်မတီအနေဖြင့် ယခင်ချမှတ်ထားသည့် မူဝါဒ၊ လုပ်ငန်းစဉ်၊ လမ်းညွှန်ချက်များနှင့် ပတ်သက်၍ မြေပြင်တွင်ပိုမိုထိရောက်စွာ ဆောင်ရွက်နိုင်ရေးအတွက် …

နေပြည်တော် ဧပြီ ၄ ========================= e-Government ဦးဆောင်ကော်မတီ၏ ပထမအကြိမ် လုပ်ငန်းညှိနှိုင်းအစည်းအဝေးကို ယနေ့နံနက် ၉ နာရီခွဲတွင် နေပြည်တော်ရှိ ပို့ဆောင်ရေးနှင့် ဆက်သွယ်ရေးဝန်ကြီးဌာန အစည်းအဝေးခန်းမ၌ ကျင်းပရာ e-Government ဦးဆောင်ကော်မတီ နာယက နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်၍ အမှာစကားပြောကြားသည်။ အစည်းအဝေးတွင် ဦးဆောင်ကော်မတီ နာယက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က “ e-Government ပတ်သက်လို့ ကျွန်မတို့ အစကတည်းက စီးပွားရေးနဲ့ ပတ်သက်ပြီး ချထားတဲ့ မူဝါဒ ၁၂ ချက်ထဲမှာ တစ်ချက်ပါဝင်ပါတယ်။ အဲဒီအထဲမှာ ဖြစ်မြောက်အောင် လုပ်မယ်ဆိုတာ ပါဝင်ပါတယ်။ ဒါကို e-Government ဖြစ်မြောက်အောင် လုပ်မယ်ဆိုရင်လည်း ကျွန်မတို့ရဲ့ ဒီနှစ်အတွင်းမှာ အဲဒီဘက်က နှောင့်နှေးနေတာကိုလည်း သတိပြုမိပါတယ်။ e-Government မြန်မြန်လုပ်ဖို့၊ တိုးတက်ဖို့ဆိုရင် အချက် ၃ ချက်က …