Home / တိုင်းဒေသကြီးအစိုးရအဖွဲ့နှင့် ဌာနဆိုင်ရာများ / ဝန်ကြီးချုပ် ဦးဝင်းသိန်း မိုးညိုမြို့နယ် ထန်းပင်ကုန်းကျေးရွာအုပ်စု ငါးကျီးရွာတံတား တည်ဆောက်နေမှုအား သွားရောက်ကြည့်ရှုစစ်ဆေး

ဝန်ကြီးချုပ် ဦးဝင်းသိန်း မိုးညိုမြို့နယ် ထန်းပင်ကုန်းကျေးရွာအုပ်စု ငါးကျီးရွာတံတား တည်ဆောက်နေမှုအား သွားရောက်ကြည့်ရှုစစ်ဆေး

 မိုးညို ဖေဖော်ဝါရီ ၉

===================

ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် တာဝန်ရှိသူများသည် မိုးညိုမြို့နယ်နှင့် ကြို့ပင်ကောက်မြို့နယ်လမ်း ဆက်သွယ်ရာလမ်းရှိ ငါးကျီးရွာတံတားတည် ဆောက်နေမှုအား ဖေဖော်ဝါရီ(၉)ရက်နေ့ နေ့လည် (၁)နာရီအချိန်က သွားရောက်ကြည့်ရှုစစ်ဆေးခဲ့ပြီး လိုအပ်သည်များ လမ်းညွှန်မှာကြားခဲ့ကြောင်း သိရသည်။
ရှေးဦးစွာ တံတားတည်ဆောက်ရေး ရှင်းလင်းဆောင်၌ ဝန်ကြီးချုပ်က “တံတားတည်ဆောက်ရာတွင် ဒေသမြေအနေအထား အခြေအနေနှင့်အညီ တံတားခိုင်ခံမှုအရည် အသွေး ပြည့်မှီစွာတည်ဆောက်ရန် လမ်းညွှန်မှာကြားပြီးနောက် ကျေးလက်လမ်းဖွံ့ဖြိုးရေးဦးစီးဌာန ခရိုင်အင်ဂျင်နီယာမှူးက တံတားတည်ဆောက်နေမှုနှင့် ပုံစံဆောင်ရွက်ထားရှိမှုများကို ရှင်းလင်းတင်ပြခဲ့သည်။
အဆိုပါ ငါးကျီးတံတားသည် ၂၀၁၉-၂၀၂၀ခု ဘဏ္ဍာရေးနှစ်တွင် တိုင်းဒေသကြီး ခွင့်ပြုရန်ပုံငွေ(၆၁၄.၄)သန်းဖြင့် ဟန်သီရိကုမ္ပဏီက ယခု နှစ်ဖေဖော်ဝါရီလတွင် စတင်ကာ တာဝန်ယူဆောက်လုပ်ပြီး ငါးကျီးတံတားသည် အလျားပေ(၃၂၀)ပေ၊ အကျယ် (၂၀)ပေရှိသော (RC)တိုင်သံဘောင်ယက်မ ကွန်ဂရစ်တံတားအမျိုးအစားဖြစ်ကာ “တံတားပြီးစီးပါက မိုးညိုမြို့နယ်နှင့် ကြို့ပင်ကောက်မြို့နယ်အတွင်းရှိ ကျေးရွာ အုပ်စု (၇)အုပ်စု၊ကျေးရွာ (၄၅)ရွာနေ ပြည်သူများ၏ ထုတ်ကုန်ကောက်ပဲ သီးနှံများနှင့် ပညာရေးကျန်းမာရေးဆက်သွယ်သွားလာရေးအတွက် များစွာအကျိုးဖြစ် ထွန်းလာမည်ဖြစ်ကြောင်း သတင်းရရှိသည်။