ပဲခူးတိုင်းဒေသကြီး အစိုးရအဖွဲ့ Bago Region Government – Official Website

   ရေတာရှည် သြဂုတ် ၂ဝ။ ပဲခူးတိုင်းဒေသကြီး တောင်ငူခရိုင် ရေတာရှည်မြို့နယ် စိုင်တမော့ကြီးကျေးရွာ ကွင်းအမှတ် (၆၇ဝ-ခ)တောင်သူ ဦးချို၏ လယ်ကွက်၌ စက်မှုလယ်ယာ ဦးစီးဌာန အမှတ်(၄၈)စက်မှု လယ်ယာစခန်းက ကောက်စိုက်စက်ဖြင့် စိုက်ပျိုးမှု သရုပ်ပြပွဲကို ယနေ့နံနက် ၈ နာရီတွင် ကျင်းပကြောင်း သိရသည်။      အဆိုပါ ကောက်စိုက်စက်ဖြင့် စိုက်ပျိုးမှု သရုပ်ပြပွဲသို့ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် ဌာနဆိုင်ရာ တာဝန်ရှိသူများ၊ ရေတာရှည်မြို့နယ် ဝန်းကျင်မှ တောင်သူ ၄ဝဝ ဦးခန့် စိတ်ပါဝင်စားစွာ လာရောက် လေ့လာကြသည်။ ထို့နောက် လာရောက် လေ့လာကြသော တောင်သူများကို တိုင်းဒေသကြီး စိုက်ပျိုးရေး ဦးစီးဌာန ဦးစီးမှူး ဦးလှမြင့်က စပါးပျိုးထောင်နည်း စနစ်၊ ပျိုးပင်များ ထားသိုပုံ စနစ်များကို ရှင်းလင်း ပြောကြားပြီး တိုင်းဒေသကြီး …

(၁၈-၈-၂၀၁၆) ရက်နေ့နံနက်ပိုင်းက ပဲခူးတိုင်းဒေသကြီးဝန်ကြီးချုပ် ဦးဝင်းသိန်းနှင့် အစိုးရအဖွဲ့သည် ဝေါမြို့နယ် လေဘေးသင့်နေရာများသို့သွားရောက်ကြည့်ရှုစစ်ဆေးခဲ့ကြပြီး ဝေါမြို့နယ်၊ လေးအိမ်စုကျေးရွာ အခြေခံပညာအထက်တန်းကျောင်း(ခွဲ) စာသင် ကျောင်း၌ လေဘေးသင့်ပြည်သူများအတွက် အလှူငွေနှင့် ထောက်ပံ့ရေး ပစ္စည်းများ ပေးအပ်လှူဒါန်းပွဲ အခမ်းအနားအား ကျင်းပခဲ့ပါသည်။ အဆိုပါအခမ်းအနား တွင် ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်မှ အဖွင့်အမှာ စကားပြော ကြားပြီး၊ ပဲခူးတိုင်းဒေသကြီးလူမှုဝန်ထမ်း ကယ်ဆယ်ရေးနှင့် ပြန်လည်နေရာ ချထားရေးဦးစီးဌာန၊ ညွှန်ကြားရေးမှူး ဦးသိန်းဌေးအောင်မှ ဌာန၏ ရည်ရွယ်ချက်နှင့် သဘာဝဘေးအန္တရာယ် ကျရောက်လာပါက ကယ်ဆယ်ရေးပစ္စည်များ အချိန်မီထောက်ပံ့ပေးနိုင်မည် ဖြစ်ပါကြောင်း ပြောကြားခဲ့ပါသည်။