Home / ပဲခူးမြို့နယ်

ပဲခူးမြို့နယ်

ပဲခူးတိုင်းဒေသကြီးအစိုးရအဖွဲ့မှ ဝါဆိုသင်္ကန်းဆက်ကပ်လှူဒါန်း

FI

ဇူလိုင် ၁၅ (ပဲခူး) ============== ပဲခူးမြို့ ဗုဒ္ဓအသံဓမ္မဗိမာန်တော်ကြီးတွင် ဇူလိုင်လ(၁၅)ရက်နေ့ နံနက်(၉:၃၀)နာရီအချိန်က ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ ဝါဆိုသင်္ကန်းဆက်ကပ်လှူဒါန်းပွဲ ကျင်းပပြုလုပ်သည်။ ရှေးဦးစွာ နမောတဿ သုံးကြိမ်ဘုရားကန်တော့၍ အခမ်းအနားကိုဖွင့်လှစ်ပြီး မြို့မစာသင်တိုက်ပဓာနနာယက၊ နိုင်ငံတော်သြဝါဒစရိယ အဂ္ဂမဟာပဏ္ဍိတဘဒ္ဒန္တဂန္ဓမာ ဆရာတော်ထံမှ ဝန်ကြီးချုပ် အမှူးပြုသော ဝန်ကြီးများ၊ ဌာနဆိုင်ရာများနှင့် ဧည့်ပရိတ်များက ငါးပါးသီလ ခံယူဆောက်တည်ကာ ဆရာတော်သံဃာတော်အရှင်သူမြတ်များက မေတ္တာသုတ်ပရိတ်တရားတော်များ ရွတ်ပွားသရဇ္ဈာယ်တော်မူကြသည်။ ထို့နောက် ဆရာတော်သံဃာတော် အရှင်သူမြတ်များထံ ဝန်ကြီးချုပ်၊ လွှတ်တော်ဥက္ကဌ၊ ဝန်ကြီးများ၊ ဥပဒေချုပ်၊ စာရင်းစစ်ချုပ်၊ အစိုးရအဖွဲ့ အတွင်းရေးမှူးနှင့် ဌာနဆိုင်ရာများက ဝါဆိုသင်္ကန်းနှင့် လှူဖွယ်ဝတ္ထုပစ္စည်းများ ဆက်ကပ်လှူဒါန်းကြပြီး  မြို့မစာသင်တိုက်ပဓာနနာယက၊ နိုင်ငံတော်သြဝါဒစရိယ အဂ္ဂမဟာပဏ္ဍိတဘဒ္ဒန္တဂန္ဓမာဆရာတော်ထံမှ အနုမောဒနာတရားနာယူကာ လှူဒါန်းမှုအစုစုအတွက် ရေစက်သွန်ချ အမျှအတမ်းပေးဝေကြကာ ဗုဒ္ဓသာသနံ စိရံတိဌတု သုံးကြိမ်ရွတ်ဆိုဆုတောင်း၍ အခမ်းအနားကို ရုပ်သိမ်းကြသည်။ ယင်းနောက် ရတနာရွှေမိုး ငွေမိုးရွာသွန်းပြီး ဆရာတော်သံဃာတော် …

Read More »

ကဏ္ဍစုံပါဝင်ပတ်သက်သူများနှင့် ရွေးကောက်ပွဲဆိုင်ရာ ဆွေးနွေးပွဲ ကျင်းပပြုလုပ်

FI

ဇူလိုင် ၁၂ (ပဲခူး) ============== ဇူလိုင်လ(၁၂)ရက်နေ့ နံနက်(၁၀)နာရီအချိန်က ပဲခူးမြို့၊ မြို့တော်ခန်းမတွင် ပြည်ထောင်စုရွေးကောက်ပွဲကော်မရှင်နှင့် ပဲခူးတိုင်းဒေသကြီးအတွင်းရှိ ရွေးကောက်ပွဲကော်မရှင်အဖွဲ့ခွဲများ၊ နိုင်ငံရေးပါတီများ၊ အရပ်ဘက်လူမှုအဖွဲ့အစည်းများစုပေါင်း၍ ရွေးကောက်ပွဲဆိုင်ရာဆွေးနွေးပွဲ အခမ်းအနားကျင်းပပြုလုပ်သည်။ ရှေးဦးစွာ ပြည်ထောင်စုရွေးကောက်ပွဲကော်မရှင်အဖွဲ့ဝင် (ပဲခူးတိုင်းဒေသကြီးနယ်မြေတာဝန်ခံ) ဦးထွန်းခင်က ပြည်ထောင်စုရွေးကောက်ပွဲကော်မရှင်အနေဖြင့် ရွေးကောက်ပွဲများကို လွတ်လပ်ရမည်၊ တရားမျှတရမည်၊ ပွင့်လင်းမြင်သာမှုရှိရမည်၊ အများယုံကြည်လက်ခံသည့်ရွေးကောက်ပွဲဖြစ်ရမည်၊ ပြည်သူ့ဆန္ဒနှင့် တထပ်တည်းဖြစ်ရမည်ဟူသော စံ(၅)ရပ်နှင့်အညီ ကျင်းပသွားမည်ဖြစ်ကြောင်း၊ ပြည်ထောင်စုရွေးကောက်ပွဲကော်မရှင်အနေဖြင့် ရွေးကောက်ပွဲလုပ်ငန်းစဉ်များကို အချိန်ဇယားချမှတ်ပြီး ဆောင်ရွက်လျှက်ရှိကြောင်း၊ ၂၀၂၀ပြည့်နှစ် အထွေထွေရွေးကောက်ပွဲအတွက် ကြိုတင်ပြင်ဆင်သည့်အနေဖြင့် ယခု၂၀၁၉ခုနှစ်ကို မဲဆန္ဒရှင်စာရင်းပြင်ဆင်သည့်နှစ်ဖြစ်ပြီး ဆန္ဒမဲပေးပိုင်ခွင့်ရှိသူ နိုင်ငံသားအားလုံး မဲပေးပိုင်ခွင့်မဆုံးရူံးစေရေးအတွက် မဲဆန္ဒရှင်စာရင်းတွင် ပါဝင်စေရေးနှင့် မှန်ကန်တိကျသော မဲစာရင်းရရှိရေးအတွက် အထူးအလေးထား ဆောင်ရွက်လျှက်ရှိကြောင်း၊ လူဦးရေစာရင်းကောက်ယူရေးအဖွဲ့ လာရောက်ချိန်တွင် အချက်အလက်များ မှန်ကန်ရေးအတွက် မဲဆန္ဒရှင်ပြည်သူလူထု၏ ပူးပေါင်းဆောင်ရွက်မှု အမှန်တကယ်လိုအပ်ကြောင်း၊ ပြည်သူများအနေနဲ့ မဲပေးခြင်းဖြင့် ဒီမိုကရေစီအခွင့်အရေးအား ရယူကြပြီး ဒီမိုကရေစီစနစ် ရှင်သန်အောင်ဖော်ဆောင်ကြစေလိုကြောင်း …

Read More »

အုတ်တွင်းမြို့တွင် ဗိုလ်ချုပ်အောင်ဆန်းမြင်းစီးရုပ်တု ဖွင့်ပွဲကျင်းပပြုလုပ်

FI

ဇူလိုင် ၁၁ (ပဲခူး) ============ (၇၂)နှစ်မြောက် အာဇာနည်နေ့အခမ်းအနားအား ကြိုဆိုသောအားဖြင့် ဇူလိုင်လ(၁၁)ရက်နေ့ နံနက်(၈)နာရီအချိန်က ပဲခူးတိုင်းဒေသကြီး အုတ်တွင်းမြို့နယ်၊ အုတ်တွင်းမြို့ စည်ပင်သာယာပန်းခြံအတွင်း၌ အမျိုးသားခေါင်းဆောင် လွတ်လပ်ရေးဗိသုကာကြီး ဗိုလ်ချုပ်အောင်ဆန်း မြင်းစီးရုပ်တု ဖွင့်ပွဲအခမ်းအနား ကျင်းပပြုလုပ်သည်။ ရှေးဦးစွာ ဘင်ခရာတီးဝိုင်းအဖွဲ့မှ နိုင်ငံတော်သီချင်းတီးမှုတ်၍ ဝန်ကြီးချုပ်အမှုးပြုသော အခမ်းအနားတက်ရောက်လာသူများက နိုင်ငံတော်အလံကိုအလေးပြုပြီး ဗိုလ်ချုပ်အောင်ဆန်း မြင်းစီးရုပ်တုအား ဝန်ကြီးချုပ်ဦးဝင်းသိန်း၊ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်း၊ ပြည်သူ့လွှတ်တော်ကိုယ်စားလှယ် ဒေါ်ချိုချို၊ အမျိုးသားလွှတ်တော်ကိုယ်စားလှယ် ဦးမင်းဦးနှင့် မတည်အလှူရှင် အုတ်တွင်း(ကြယ်နီ)မိသားစုတို့က ဖဲကြိုးဖြတ် ဖွင့်လှစ်ပေးသည်။ ထို့နောက် ဝန်ကြီးချုပ်ဦးဝင်းသိန်းမှ ယနေ့သည် အုတ်တွင်းမြို့နယ်အတွက် မင်္ဂလာအပေါင်းနှင့် ပြည့်စုံသော နေ့ထူးနေ့မြတ် တစ်ရက်ဖြစ်ကြောင်း၊ ကျွန်တော်တို့ရဲ့ လွတ်လပ်ရေးဗိသုကာကြီး၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ အထိမ်းအမှတ်ဖြစ်သော ဗိုလ်ချုပ်မြင်းစီးရုပ်တုအား ရေရှည်တည်တံ့ခိုင်မြဲစွာတည်ရှိနိုင်ရေး၊ နောင်လာနောင်သားတို့အတွက် စံနမူနာထားအပ်သည့် အထိမ်းအမှတ် ဗိုလ်ချုပ်မြင်းစီးရုပ်တုအား အုတ်တွင်းမြို့နယ် …

Read More »

အနည်းဆုံးအခကြေးငွေ ပြင်ဆင်သတ်မှတ်နိုင်ရေး ပထမအကြိမ် သုံးပွင့်ဆိုင်ညှိနှိုင်းအစည်းအဝေးကျင်းပ

FI

ဇူလိုင် ၉ (ပဲခူး) ===================== ဇူလိုင်လ(၉)ရက်နေ့ မွန်းလွဲ(၂)နာရီအချိန်က ပဲခူးတိုင်းဒေသကြီးအစိုးရအဖွဲ့ရုံး အစည်းအဝေးခန်းမတွင် တိုင်းဒေသကြီး အနည်းဆုံးအခကြေးငွေ သတ်မှတ်ရေးဆိုင်ရာကော်မတီမှဦးဆောင်၍ အနည်းဆုံးအခကြေးငွေပြင်ဆင်သတ်မှတ်နိုင်ရေး ပထမအကြိမ် သုံးပွင့်ဆိုင်ညှိနှိုင်းအစည်းအဝေး ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး အနည်းဆုံးအခကြေးငွေ ပြင်ဆင်သတ်မှတ်ရေးဆိုင်ရာ အမျိုးသားကော်မတီဥက္ကဌ၊ စီမံကိန်းနှင့်ဘဏ္ဍာရေးဝန်ကြီး ဦးညွန့်ရွှေက ယခုဆွေးနွေးပွဲသည် ၂၀၁၈ခုနှစ် အနည်းဆုံးအခကြေးငွေသတ်မှတ်ပြီးနောက် ပထမအကြိမ်ပြုလုပ်သည့် ဆွေးနွေးပွဲဖြစ်ကြောင်း၊ တက်ရောက်လာကြသည့် အလုပ်ရှင်ကိုယ်စားလှယ်၊ အလုပ်သမားကိုယ်စားလှယ်များ၏ အကြံပြုဆွေးနွေးမှုများကို ကြားသိလိုကြောင်း၊ သို့မှသာ ပဲခူးတိုင်းဒေသကြီး အနည်းဆုံးအခကြေးငွေသတ်မှတ်ရေးဆိုင်ရာ ကော်မတီအနေဖြင့် အမျိုးသားကော်မတီသို့ အဆိုပြုနှုန်းထားတင်ပြရာ၌ အလုပ်ရှင်၊ အလုပ်သမားတို့၏ အကြံပြုချက်နှုန်းထားများကို အလေးနက်ထားစဉ်းစားနိုင်ပြီး သင့်တင့်လျှောက်ပတ်သော လက်ခံနိုင်သော နှုန်းထားတစ်ခု ရရှိမှာဖြစ်ကြောင်း၊ ဒါကြောင့်တက်ရောက်လာသူများက အကြံပြုချက်များ၊ အဆိုပြုနှုန်းထားများအား ဆွေးနွေးပေးကြရန် အဖွင့်အမှာစကား ပြောကြားသည်။ ထို့နောက် ပဲခူးတိုင်းဒေသကြီး အနည်းဆုံးအခကြေးငွေပြင်ဆင်သတ်မှတ်ရေးဆိုင်ရာ အမျိုးသားကော်မတီ အတွင်းရေးမှူး ဦးအောင်ငြိမ်းက အနည်းဆုံးအခကြေးငွေ ပြင်ဆင်သတ်မှတ်ရေးဆိုင်ရာကိစ္စရပ်များနှင့်စပ်လျဉ်း၍ …

Read More »

စွမ်းအားမြင့်မီးဖိုများ ဖြန့်ဖြူးခြင်းစီမံကိန်းစတင်ခြင်း အလုပ်ရုံဆွေးနွေးပွဲသို့ ဝန်ကြီးချုပ်တက်ရောက်

FI

ဇူလိုင် ၉ (ပဲခူး) =============== ပဲခူးမြို့ မြို့တော်ခန်းမတွင် ဇူလိုင်လ(၉)ရက်နေ့ နံနက်(၉)နာရီအချိန်က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ စိုက်ပျိုးရေးဦးစီးဌာန၊ ကိုရီးယားအပြည်ပြည်ဆိုင်ရာပူးပေါင်းဆောင်ရွက်မှု အေဂျင်စီ (KOICA)နှင့် ကိုရီးယားရာသီဥတုပြောင်းလဲမှုဗဟိုဌာန (Koica CCC)တို့ပူးပေါင်းပြီး မြန်မာနိုင်ငံအတွင်း စွမ်းအားမြင့်မီးဖိုများဖြန့်ဖြူးခြင်းစီမံကိန်း စတင်ခြင်း အလုပ်ရုံဆွေးနွေးပွဲနှင့် စီမံကိန်းအကောင်အထည်ဖော်မည့်သူများ ညှိနှိုင်းဆွေးနွေးပွဲ ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက အဖွင့်အမှာစကားပြောကြားပြီး စီမံကိန်းဒါရိုက်တာ စိုက်ပျိုးရေးဦးစီးဌာန ဒုတိယညွှန်ကြားရေးမှူးချုပ် ဦးအေးကိုကိုက စီမံကိန်းနှင့်ပတ်သက်၍ ရှင်းလင်းပြောကြားကာ ကိုရီယားရာသီဥတုပြောင်းလဲမှုဗဟိုဌာနမှ Mr.Seojoon Heo ကနှုတ်ခွန်းဆက်စကား ပြောကြားသည်။ ထို့နောက် မြန်မာနိုင်ငံ စဉ့်အသင်းမှ မီးဖိုထုတ်လုပ်သူ ဦးမြင့်အောင်က စွမ်းအားမြှင့်မီးဖို အသုံးဝင်ပုံအား ရှင်းလင်းဆွေးနွေးတင်ပြီး ပဲခူးတိုင်းဒေသကြီး စိုက်ပျိုးရေးဦးစီးဌာန၊ တိုင်းဒေသကြီးဦးစီးမှူး ဦးလှမြင့်က မီးဖိုများဖြန့်ဖြူးရေးနှင့်ပတ်သက်၍ ရှင်းလင်းပြောကြားကာ သယံဇာတ၊ သဘာဝပတ်ဝန်းကျင်ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်းက နိဂုံးချုပ်အမှာစကား …

Read More »

ဦးထွန်းထွန်းဦး အမည်စာရင်းအား ပဲခူးတိုင်းဒေသကြီး လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် တိုင်းဒေသကြီးလွှတ်တော်မှ အတည်ပြု

0-02-06-13f989947a883b41f81905ecf3aafc85c213481d0de14e66c1a44d0d0e071728_871d60d7

ပဲခူး ဇူလိုင် ၉ ====================== ဇူလိုင်လ(၉)ရက်နေ့ နံနက်(၁၀)နာရီက ပဲခူးတိုင်းဒေသကြီးလွှတ်တော်ရုံး အစည်းအဝေးခန်းမတွင် ဒုတိယအကြိမ် ပဲခူးတိုင်းဒေသကြီးလွှတ်တော် အရေးပေါ်အစည်းအဝေး (၁/၂၀၁၉) တတိယနေ့တွင် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးတစ်ဦး အမည်စာရင်းအား အတည်ပြုခဲ့ကြောင်း သိရသည်။ အဆိုပါအစည်းအဝေးသို့ တက်ရောက်ခွင့်ရှိသူ တိုင်းဒေသကြီး လွှတ်တော်ကိုယ်စားလှယ်(၇၆)ဦးအနက် (၆၈)ဦး(၈၇.၄၇)%တက်ရောက်ပြီး ပဲခူးတိုင်းဒေသကြီး ဝန်ကြီးချုပ်က အဆိုပြုတင်သွင်းသော ပဲခူးတိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် ဦးထွန်းထွန်းဦး ပေါင်းတည်မြို့နယ် မဲဆန္ဒနယ်အမှတ်(၂)အား ကန့်ကွက်သူမရှိသောကြောင့် လွှတ်တော်ဥက္ကဋ္ဌက အတည်ပြုကြောင်း ကြေငြာခဲ့သည်။ ပဲခူးတိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် လွှတ်တော်မှအတည်ပြုသော ပေါင်းတည်မြို့နယ် မဲဆန္ဒနယ်အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးထွန်းထွန်းဦးသည် အမှတ်(၃၈)လမ်း၊ အုတ်ဖို(၁)ရပ်ကွက်၊ ပေါင်းတည်မြို့တွင် နေထိုင်လျက်ရှိပြီး B.Sc(Chemistry) ဖြင့် ဘွဲ့ရရှိခဲ့ကာ ၂၀၁၅ ခုနှစ် ရွေးကောက်ပွဲတွင် မဲရလဒ်(၂၈၂၁၉)ဖြင့် (၇၀.၂၃)%ဖြင့် ရွေးချယ်တင်မြှောက်ခံရသူဖြစ်သည်။ …

Read More »

ပဲခူးတိုင်းဒေသကြီး ဝန်ကြီးချုပ် လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာနဝန်ကြီး အမည်စာရင်း အဆိုပြုတင်ပြ

FI

ပဲခူး ဇူလိုင် ၈ ================ ဇူလိုင်လ(၈)ရက်နေ့ နံနက်(၁၀)နာရီအချိန်က ပဲခူးတိုင်းဒေသကြီးလွှတ်တော်ရုံးအစည်းအဝေးခန်းမ၌ ဒုတိယအကြိမ်ပဲခူးတိုင်းဒေသကြီးလွှတ်တော် အရေးပေါ်အစည်းအဝေး (၁/၂၀၁၉)ကျင်းပပြုလုပ်သည်။ အဆိုပါအစည်းအဝေးသို့ တက်ရောက်ခွင့်ရှိသူ တိုင်းဒေသကြီးလွှတ်တော်ကိုယ်စားလှယ် (၇၆)ဦးအနက် (၇၀)ဦး (၉၂.၁၁)%တက်ရောက်ပြီး ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက ပဲခူးတိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအမည်စာရင်းအား အဆိုပြုတင်ပြခဲ့သည်။ ထို့နောက် ပဲခူးတိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီးအဖြစ် ဝန်ကြီးချုပ်မှ အဆိုပြုတင်ပြသော ပြည်ခရိုင်၊ ပေါင်းတည်မြို့နယ် မဲဆန္ဒနယ်အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးထွန်းထွန်းဦးအား သက်ဆိုင်ရာအရည်အချင်းများနှင့် မပြည့်စုံကြောင်း သက်သေအထင်အရှားပြ၍ ကန့်ကွက်လိုသည့် လွှတ်တော်ကိုယ်စားလှယ်များရှိပါက စာရင်းတင်သွင်းရန် လွှတ်တော်ဥက္ကဋ္ဌ ဦးခင်မောင်ရင်က ပြောကြားကြောင်း သတင်းရရှိသည်။

Read More »

ဝန်ကြီးချုပ် ဦးဝင်းသိန်း အင်းတကော်မြို့၌ ဒေသခံပြည်သူများနှင့်တွေ့ဆုံ

FI

ဇူလိုင် ၆ (ပဲခူး) ================== ဇူလိုင်လ (၆)ရက်နေ့၊ မွန်းလွဲ(၁)နာရီအချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်  ဦးဝင်းသိန်းသည် ပဲခူးမြို့နယ်၊ အင်းတကော်မြို့၊ အမှတ်(၅)ရပ်ကွက်၊ အခြေခံပညာအထက်တန်းကျောင်း၊ ကုမုဒြာခန်းမ၌ ဒေသခံပြည်သူများနှင့် တွေ့ဆုံပွဲ ပြုလုပ်ခဲ့သည်။ ရှေးဦးစွာ ဝန်ကြီးချုပ် ဦးဝင်းသိန်းက နိုင်ငံတော်အတိုင်ပင်ခံပုဂ္ဂိုလ်မှ ပြည်သူများကြားရှိ ပြဿနာများကို လူထုတွေ့ဆုံပွဲမှတစ်ဆင့် ဖြေရှင်းရန် လမ်းညွှန်ခဲ့သဖြင့် မိမိတို့အနေဖြင့် ပြည်သူ၊ အစိုးရ၊ ဌာနဆိုင်ရာများနှင့် သုံးပွင့်ဆိုင်တွေ့ဆုံဖြေရှင်းပေးရန် လာရောက်ခဲ့ရခြင်းဖြစ်ကြောင်း၊ အဓိကအားဖြင့် ပြည်သူများအကြား ဖြစ်ပေါ်နေသည့် ပြဿနာကို ထဲထဲဝင်ဝင် အရှိန်အဟုန်ဖြင့် ဖြေရှင်းပေးနိုင်ရန် လူထုတွေ့ဆုံပွဲများကို မြို့နယ်/ကျေးရွာများအလိုက် ပြုလုပ်ပေးနေရခြင်းဖြစ်ကြောင်း၊ ယခင်ခေတ်ကာလများတွင် ပြဿနာများကို အာဏာ/အင်အားသုံး၍ ဖြေရှင်းခဲ့သဖြင့် လူထုကြားတွင် မကျေနပ်မှုများ၊ အညှိုးအတေးများ ဖြစ်ပေါ်လာရာမှတစ်ဆင့် ခွဲခြားမှုများ၊ တစ်ဦးနှင့်တစ်ဦး၊ တစ်ဖွဲ့နှင့်တစ်ဖွဲ့ ယုံကြည်မှုများနည်းပါးလာကာ နောက်ဆုံးအဆင့် ပြည်တွင်းစစ်ဖြစ်ပွားတာပဲ ရရှိခဲ့ကြောင်း၊ ဒါကြောင့် မိမိတို့ …

Read More »

မြို့ဦးကင်းတံတားတည်ဆောက်နေမှုအား ပြည်ထောင်စုဝန်ကြီးနှင့် ဝန်ကြီးချုပ်တို့မှ သွားရောက်ကြည့်ရှုစစ်ဆေး

FI

ဇူလိုင် ၆ (ပဲခူး) ==================== ဇူလိုင်လ (၆)ရက်နေ့၊ နံနက်(၁၁:၃၀)အချိန်က ပဲခူးမြို့၊ ပဲခူးမြစ်ကူးတံတားသစ်ဖြစ်သော မြို့ဦးကင်းတံတား တည်ဆောက်ရေးလုပ်ငန်းခွင့်သို့ ပြည်ထောင်စုဝန်ကြီး ဒေါက်တာဟန်ဇော်နှင့် ဝန်ကြီးချုပ် ဦးဝင်းသိန်းတို့ သွားရောက်ကြည့်ရှုစစ်ဆေးခဲ့သည်။ ရှေးဦးစွာ မြို့ဦးကင်းတံတား တည်ဆောက်ရေးရှင်းလင်းဆောင်၌ တံတားဦးစီးဌာန၊ ညွှန်ကြားရေးမှူးချုပ် ဦးရွှေလေးနှင့် ညွှန်ကြားရေးမှူး ဦးဇော်ထွန်း(မြို့ပြ)တို့က ပဲခူးမြစ်ကူးတံတား မြို့ဦးကင်းတံတား တည်ဆောက်နေမှုအခြေအနေများအား ရှင်းလင်းတင်ပြခဲ့ရာ ပြည်ထောင်စုဝန်ကြီးနှင့် ဝန်ကြီးချုပ်တို့မှ လိုအပ်သည်များ ဖြည့်စွက်လမ်းညွှန်မှာကြားခဲ့သည်။ ပဲခူးမြစ်ကူးတံတား(မြို့ဦးကင်း)တံတားသည် (၅၁၈.၄)ပေ ရှည်လျားပြီး (၂၈)ပေအကျယ် (၂)လမ်း၊ လူသွားလမ်း တစ်ဖက်လျှင်(၆)ပေအကျယ်၊ ဘိုးပိုင်အုတ်မြစ်ဖြစ်ပြီး သံကူကွန်ကရစ်တံတားတစ်စင်းဖြစ်၍ ယင်းတံတားတည်ဆောက်ပြီးစီးပါက ပဲခူးမြို့၏ အရှေ့ဘက်မြို့ရှောင်လမ်း ပေါ်ထွက်လာကာ မြို့အတွင်း ယာဉ်ကြောကြပ်တည်းမှု လျော့နည်းသွားမည်ဖြစ်ကြောင်း သိရှိရသည်။ အဆိုပါ မြို့ဦးကင်းတံတားသည် စိန်သာလျောင်းလမ်းနှင့် သမိန်ဗရမ်းလမ်းအား ပဲခူးမြို့ကိုဖြတ်၍ ဆက်သွယ်ပေးမည့် တံတားတစ်ခုဖြစ်ပြီး ပဲခူးတိုင်းဒေသကြီး၏ ၂၀၁၈-၂၀၁၉ ခု ဘဏ္ဍာရေး …

Read More »

ဝန်ကြီးချုပ် ဦးဝင်းသိန်း ပဲခူးမြို့နယ် ကျောက်တန်းစံပြကျေးရွာ၌ သစ်ပင်ချစ်သူများဖိုရမ်သို့ တက်ရောက်

FI

ဇူလိုင် ၆ (ပဲခူး) ================ ဇူလိုင်လ(၆)ရက်နေ့ နံနက်(၉)နာရီအချိန်က ပဲခူးမြို့နယ် ကျောက်တန်းစံပြကျေးရွာရှိ ပန်းပျိုးလက်တောစခန်းကျောင်းတွင် ၂၀၁၉ ခုနှစ် သစ်ပင်ချစ်သူများဖိုရမ် အစည်းအဝေး ကျင်းပပြုလုပ်သည်။ ရှေးဦးစွာ ပန်းပျိုးလက်ဆရာတော် ဒေါက်တာ အရှင်ပညောဘာသက အဖွင့်သြဝါဒစကားမိန့်ကြားပြီး ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် သယံဇာတ၊ သဘာဝပတ်ဝန်းကျင် ထိန်းသိမ်းရေးနှင့် စည်ပင်သာယာရေးဝန်ကြီး ဒေါက်တာစောညိုဝင်းတို့က အမှာစကားပြောကြားကာ သစ်ပင်ချစ်သူများဖိုရမ် ကျင်းပပြုလုပ်နိုက်ရေးအတွက် အလှူရှင်များမှ အလှူငွေပေးအပ်လှူဒါန်းရာ ဝန်ကြီးချုပ် ဦးဝင်းသိန်းနှင့် လွှတ်တော်ဥက္ကဌ ဦးခင်မောင်ရင်တို့က လက်ခံရယူကြသည်။ ထို့နောက် အမှတ်တရ စုပေါင်းဓာတ်ပုံရိုက်ကြပြီး “အမိမြေစိမ်းလန်းရေး ရေရှည်မျှော်ကာတွေး” ခေါင်းစဉ်ဖြင့် မိုးလေဝသပညာရှင် ဒေါက်တာထွန်းလွင်၊ သစ်တောပညာရှင် ဦးတင်အေး၊ သဘာဝပတ်ဝန်းကျင်ပညာရှင် ဒေါ်ဒေဝီသန့်စင် စသည့် ပညာရှင်(၃)ဦးက ဆွေးနွေးကြသည်။ ယင်းနောက် စကားဝိုင်းဆွေးနွေးခြင်း အစီအစဉ်ဖြင့် “လူများကလက်ခံထားသည့် တာဝန်ယူရမည့်အခြေအနေ” နှင့်ပတ်သက်၍ ပဲခူးတိုင်းဒေသကြီးအစိုးရအဖွဲ့၊ သယံဇာတ၊ …

Read More »