(၁၀၅)နှစ်မြောက် အမျိုးသားအောင်ပွဲနေ့ အထိမ်းအမှတ် အကြိုပဒေသာကပွဲသို့ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် ဇနီး ဒေါ်စိုးစိုးသက်တို့ တက်ရောက်ချီးမြှင့်

ပဲခူး နိုဝင်ဘာ ၁၃

          ပဲခူးမြို့၊ အမှတ်(၃)အခြေခံပညာအထက်တန်းကျောင်း၌ နိုဝင်ဘာလ(၁၃)ရက်နေ့၊ နံနက်ပိုင်းက (၁၀၅)နှစ်မြောက် အမျိုးသားအောင်ပွဲနေ့ အထိမ်းအမှတ် အကြိုပဒေသာကပွဲ ကျင်းပပြုလုပ်ရာ ပဲခူးတိုင်း ဒေသကြီး ဝန်ကြီးချုပ် ဦးမျိုးဆွေဝင်းနှင့် ဇနီး ဒေါ်စိုးစိုးသက်တို့ တက်ရောက်ချီးမြှင့်ပေးခဲ့ကြသည်။

          ရှေးဦးစွာ အမှတ်(၃)အခြေခံပညာအထက်တန်းကျောင်းမှ ဘင်ခရာသံစုံတီးဝိုင်းဖြင့် Grade 12 ကျောင်းသား/သူများက “ကျောင်းသီချင်း”ဖြင့်လည်းကောင်း၊ Grade 10 ကျောင်းသား/သူများက “အမျိုးသား နေ့ကြွေးကြော်သံ”သီချင်းဖြင့်လည်းကောင်း၊ Grade 8 ကျောင်းသူ မအိမြတ်ချယ်က “စကားဝါမြေ”သီချင်း ဖြင့်လည်းကောင်း၊ အဆို၊ အက၊ အရေး၊ အတီးပြိုင်ပွဲ ရွှေတံဆိပ်သုံးဆုရှင် တေးသံရှင် မဧကရီအောင်က “တောသူအချစ်” သီချင်းဖြင့်လည်းကောင်း၊ Grade 9 ကျောင်းသူ မမေဘုန်းမြတ်က “ပန်းရည်ဘဏ်တိုက်” သီချင်းဖြင့်လည်းကောင်း သီဆိုကပြဖျော်ဖြေတင်ဆက်ခဲ့ကြသည်။ ၎င်းနောက် တိုင်းဒေသကြီး ဝန်ကြီးချုပ်နှင့် ဇနီးတို့က တီးခတ်သီဆိုကပြဖျော်ဖြေတင်ဆက်ခဲ့ကြသည့် ကျောင်းသား/သူများအား ဂုဏ်ပြုဆုများနှင့် ဆရာ/ ဆရာမများအတွက် အဝတ်အထည်များ ချီးမြှင့်ပေးအပ်ခဲ့ကြောင်း သတင်းရရှိသည်။