ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ဇန်နဝါရီ ၁၄ (ပဲခူး) ======================= ဇန်နဝါရီလ (၁၄)ရက်နေ့၊ မွန်းလွဲ(၁:၁၅)အချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဧည့်ခန်းမသို့ ဒေသဖွံ့ဖြိုးရေးလုပ်ငန်းဆိုင်ရာကိစ္စရပ်များ ပူးပေါင်းဆောင်ရွက်နိုင်ရန် UNDP မှ Resident Representative , Mr. Gordon Johnson ဦးဆောင်သော ကိုယ်စားလှယ်အဖွဲ့မှ လာရောက်ရှင်းလင်းတင်ပြခဲ့သည်။ ရှေးဦးစွာ  Mr. Gordon Johnson က ပဲခူးတိုင်းဒေသကြီးအတွင်း ဒေသဖွံ့ဖြိုးရေးကိစ္စရပ်များအား ပဲခူးတိုင်းဒေသကြီးအစိုးရအဖွဲ့နှင့် ပူးပေါင်းဆောင်ရွက်လျက်ရှိရာ အထိုက်အလျောက် အောင်မြင်မှုများ ရရှိနေပြီဖြစ်ပါကြောင်း၊ ယခုအခါ UNDP မှ ပဲခူးတိုင်းဒေသကြီး တာဝန်ခံသည် စာချုပ်သက်တမ်းပြည့်၍ ဝန်ထမ်းအသစ်များ ထပ်မံခန့်အပ်ကာ ဒေသဖွံ့ဖြိုးရေးလုပ်ငန်းများကို ဆက်လက်ဆောင်ရွက် သွားမည်ဖြစ်ပါကြောင်း၊ ၂၀၂၀-၂၀၂၁ ခုနှစ်များတွင်လည်း လူမှုရေးနှင့် သဘာဝပတ်ဝန်းကျင် ထိခိုက်မှုမရှိစေဘဲ တည်ဆောက်ရေးလုပ်ငန်းများကို ဆောင်ရွက်သွားမည်ဖြစ်ပြီး အလှူရှင်နိုင်ငံများမှလည်း UNDP ၏ လုပ်ငန်းဆောင်ရွက်မှုများကို အချိန်တိုင်း စောင့်ကြည့်လေ့လာလျက်ရှိပါကြောင်း ရှင်းလင်းတင်ပြခဲ့သည်။ …

ဇန်နဝါရီ ၁၃ (ဖြူး) =================== ပဲခူးတိုင်းဒေသကြီးစည်ပင်သာယာရေးအဖွဲ့၏ ကယ်ဆယ်ရေးနှင့် စောင့်ရှောက်ရေးရန်ပုံငွေဖြင့် ဖြူးမြို့နယ်၊ ဇေယျဝတီမြို့၊ မြို့မ(၁)ရပ်ကွက်အတွင်း ကျောက်ချောလမ်းခင်းခြင်းအတွက် ဖြူးမြို့နယ် စည်ပင်သာယာရေးအဖွဲ့မှ အိတ်ဖွင့်တင်ဒါ ခေါ်ယူခြင်းအား ပြည်တွင်းလုပ်ငန်းရှင်များ သိရှိနိုင်ပါရန် အသိပေးအပ်ပါသည်။ အပြည့်အစုံကြည့်ရှုရန်————————

ဇန်နဝါရီ ၁၂ (ရွှေကျင်) ———————— ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဇန်နဝါရီလ(၁၂)ရက်နေ့ နေ့လည်(၁၂:၃၀)နာရီအချိန်က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးအောင်ဇော်နိုင်၊ တိုင်းဒေသကြီး လွှတ်တော်ကိုယ်စားလှယ်များ၊ တိုင်း၊ ခရိုင်၊ မြို့နယ်အဆင့် ဌာနဆိုင်ရာများနှင့်အတူ ရွှေကျင်မြို့နယ် မူစေးခိုတောင်တန်းပေါ်ရှိ သမိုင်းဝင်ကျိုက်ထီးရိုးလေး စေတီတော်မြတ်ကြီးသို့ သွားရောက်ဖူးမျှော်ခဲ့ကြသည်။ ဝန်ကြီးချုပ်နှင့်အဖွဲ့သည် ကျိုက်ထီးရိုးလေးစေတီတော်မြတ်ကြီးသို့ ဖူးမျှော်ကြည်ညိုခဲ့သည့်အပြင် စေတီတော်မြတ်ကြီး၏ ရင်ပြင်တော်ရှိ ဘုန်းတော်ကြီးကျောင်း၌ မြို့နယ်သံဃနာယအဖွဲ့ဥက္ကဌ ဆရာတော်နှင့် ဆရာတော်ကြီးများထံ လှူဖွယ်ဝတ္ထုပစ္စည်းများ ဆက်ကပ်လှူဒါန်းခြင်း၊ ကျိုက်ထီးရိုးလေး စေတီတော်မြတ်ကြီး ဘက်စုံဖွံ့ဖြိုးရေး အသုံးပြုနိုင်ရန်အတွက် ဂေါပကအဖွဲ့ထံသို့ အလှူငွေများပေးအပ်လှူဒါန်းခြင်းများ ပြုလုပ်ခဲ့ကြသည်။ ကျိုက်ထီးရိုးလေး စေတီတော်မြတ်ကြီးသည် လွန်ခဲ့သောနှစ်ပေါင်း (၅၀၀)ခန့် သက္ကရာဇ်(၈၆၀)ဝန်းကျင်တွင် မူစေးခိုရွာသူကြီး ဦးစောလယ်ကော်ဖူးနှင့်ဇနီးတို့မှ ကျိုက်ထိုမြို့ရှိဆံတော်ရှင် ကျိုက်ထီးရိုးစေတီတော်မြတ်ကြီးအား တောင်ယာလုပ်ငန်းအပြီး သွားရောက်ဖူးမျှော်ရာ ကျိုက်ထီးရိုးတောင်အနီး မတ်စောက်သော တောင်နေရာအရောက်တွင် ဆက်မတက်နိုင်သဖြင့် ညအိပ်ရပ်နားခဲ့ကြသည်။ ညအိပ်စဉ်ထူးဆန်းသော အိမ်မက်မက်ပြီး …

ဇန်နဝါရီ ၁၂ (ဖြူး) ————————– ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဇန်နဝါရီလ(၁၂)ရက်နေ့ နံနက်(၉:၃၀)နာရီအချိန်က စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဦးအောင်ဇော်နိုင်နှင့်အတူ ဖြူးမြို့နယ်အတွင်း တည်ဆောက်နေသည့် ဖြူးချောင်းရေလှောင်တမံ ဘက်စုံစီမံကိန်း ဆည်ရေသောက်စနစ် တည်ဆောက်ခြင်းလုပ်ငန်းခွင် ဆောင်ရွက်နေမှုအား သွားရောက်ကြည့်ရှု စစ်ဆေးခဲ့ကြသည်။ ဝန်ကြီးချုပ်နှင့်အဖွဲ့အား ဆည်မြောင်းနှင့်ရေအသုံးချရေးဦးစီးဌာန၊ တည်ဆောက်ရေး(၁)ညွှန်ကြားရေးမှူး ဦးအောင်မြင့်နှင့် ဆည်မြောင်းနှင့်ရေအသုံးချရေးဦးစီးဌာန၊ တိုင်းဒေသကြီးညွှန်ကြားရေးမှူး ဦးကိုကိုဦးတို့က ရှင်းလင်းတင်ပြကြပြီး ဝန်ကြီးချုပ်မှ လုပ်ငန်းခွင် အန္တရာယ်ကင်းရှင်းရေး၊ နိုင်ငံတော်ဘဏ္ဍာငွေ အလေအလွင့်မရှိစေရေး၊ တည်ဆောက်တူးဖော်ခြင်းလုပ်ငန်း အရည်အသွေးပြည့်မီအောင် စနစ်တကျ ကြီးကြပ်ဆောင်ရွက်ရေးနှင့် အခြားလိုအပ်သည်များကို လမ်းညွှန်မှာကြားခဲ့ပြီး လုပ်ငန်းခွင်အတွင်း လှည့်လည်ကြည့်ရှုကြသည်။ ဖြူးချောင်းရေလှောင်တမံ ဘက်စုံစီမံကိန်းလုပ်ငန်းသည် ဖြူးမြို့နယ် ရန်ကုန်-မန္တလေးအမြန်လမ်းမကြီး မိုင်တိုင်(၁၁၅)၏ အနောက်ဘက်(၅)မိုင်ခန့်အကွာတွင် တည်ရှိပြီး ဖြူးမြို့နယ်နှင့် အုတ်တွင်းမြို့နယ်အတွင်းရှိ စီမံကိန်းလျာထားရေသောက်ဧရိယာ (၉၀၀၀၀)ဧကကို စိုက်ပျိုးရေပေးဝေနိုင်ရန်နှင့် ရေအားလျှပ်စစ် တပ်ဆင်အင်အား (၂၀)မဂ္ဂါဝပ်(၂)လုံးဖြင့်နှစ်စဉ် ပျမ်းမျှကီလိုဝပ်နာရီ(၁၂၀)သန်း ထုတ်လုပ်သွားနိုင်ရန်အပြင် စစ်တောင်းမြစ်ရေးကြီးရေလျှံမှုမှ …

ဇန်နဝါရီလ ၁၁ (ရေတာရှည်) ___ _________________ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းသည် ဒီဇင်ဘာလ(၁၁)ရက်နေ့ မွန်းလွဲ(၁)နာရီအချိန်က ရေတာရှည်မြို့နယ်၊ ကြံနွယ်ကျေးရွာအုပ်စု၊ ကြံသနွယ်ကျေးရွာတွင် ကျင်းပပြုလုပ်သည့် ကျေးရွာလျှပ်စစ်မီးလင်းရေးဖွင့်ပွဲသို့ တက်ရောက်ပြီး ဖွင့်လှစ်ပေးခဲ့ကြောင်းသိရသည်။ ရှေးဦးစွာ ကြံသနွယ်ကျေးရွာ လျှပ်စစ်မီးလင်းရေးအတွက် ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီး ဦးအောင်ဇော်နိုင်၊ တိုင်းဒေသကြီး လွှတ်တော်ကိုယ်စားလှယ် ဒေါက်တာကျော်ကျော်နှင့် တိုင်းဒေသကြီး လျှပ်စစ်အင်ဂျင်နီယာဦးရဲဝဏ္ဏတို့က ဖဲကြိုးဖြတ် ဖွင့်လှစ်ပေးကြပြီး ဝန်ကြီးချုပ်မှ ဖျော်ဖြေတင်ဆက်ကြသည့် ဒိုးပတ်အဖွဲ့၊ ဘင်ခရာအဖွဲ့နှင့် ပန်းပွားအကအဖွဲ့တို့အား ချီးမြှင့်ငွေများ ပေးအပ်ချီးမြင့်ခဲ့သည်။ ရေတာရှည်မြို့နယ်၊ ကြံသနွယ်ကျေးရွာ လျှပ်စစ်မီးလင်းရေးအတွက် လျှပ်စစ်နှင့်စွမ်းအင်ဝန်ကြီးဌာနမှ NEP စီမံကိန်း ထောက်ပံ့ငွေကျပ်(၄.၅)သန်းဖြင့် (၁.၅)မိုင်ရှိ (11KV)ဓာတ်အားလိုင်းနှင့် 11/0.4KV(200)KVA ထရန်စဖော်မာ(၁)လုံးတို့အား NEP phase-1(၂)မိုင်အတွင်း ကျေးရွာအစီအစဉ်တွင် ဆောင်ရွက်ပေးခဲ့ပြီး ကျေးရွာနေပြည်သူများမှ ကျေးရွာအတွင်း (400V)ဓာတ်အားလိုင်း(၁၂)မိုင်အတွက် ထည့်ဝင်ငွေကျပ်(၃၉.၆)သန်း၊ …