ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ဇန်နဝါရီ ၇ (ပဲခူး) ===================== ဇန်နဝါရီလ (၇)ရက်နေ့၊ မွန်းလွဲ(၂:၃၀)အချိန်က ပဲခူးတိုင်းဒေသကြီးအစိုးရအဖွဲ့ရုံး၊ ဝန်ကြီးချုပ်၏ ဧည့်ခန်းမသို့ လျှပ်စစ်မော်တော်ကားထုတ်လုပ်ခြင်းနှင့် တောင်သူအကျိုးပြု ဓာတုကင်းလွတ် စိုက်ခင်းများ စိုက်ပျိုးနိုင်ရေး Phyo Kyaw Co., Ltd မှ Corporate Executive Manager ဦးမင်းရှိန် ဦးဆောင်သော ကိုယ်စားလှယ်အဖွဲ့ လာရောက်တွေ့ဆုံခဲ့သည်။ ရှေးဦးစွာ Phyo Kyaw Co., Ltd မှ Corporate Executive Manager ဦးမင်းရှိန်က မိမိတို့ကုမ္ပဏီနှင့် ဟန်ဂေရီနိုင်ငံမှ နည်းပညာရှင်းများနှင့် ပူးပေါင်း၍ ပဲခူးဒေသတွင် EV Bus Car (လျှပ်စစ်မော်တော်ကား)ထုတ်လုပ်ဖြန့်ဖြူးပြေးဆွဲခြင်းနှင့် တောင်သူအကျိုးပြု ဓာတုကင်းလွတ် စိုက်ခင်းများ စိုက်ပျိုးထုတ်လုပ်နိုင်ရေး လာရောက်ဆွေးနွေးခဲ့သည်။ ထို့နောက် ဝန်ကြီးချုပ် ဦးဝင်းသိန်းက ယနေ့ကမ္ဘာ့နိုင်ငံအသီးသီးတွင် ရာသီဥတုဖောက်ပြန်၍ ရေဘေး၊ မီးဘေး၊ ငလျင်ဒဏ် စသည့်သဘာဝဘေးဒုက္ခများ …

ဇန်နဝါရီ ၇ (ရေတာရှည်) ============= ပဲခူးတိုင်းဒေသကြီးအစိုးရအဖွဲ့၏ ဒေသဖွံ့ဖြိုးရေးရန်ပုံငွေဖြင့် ရေတာရှည်မြို့အတွင်း ဆောင်ရွက်မည့် တည်ဆောက်ရေးလုပ်ငန်း(၃)ခုနှင့် ပဲခူးတိုင်းဒေသကြီးစည်ပင်သာယာရေးအဖွဲ့၏ ကယ်ဆယ်ရေးနှင့် စောင့်ရှောက်ရေးရန်ပုံငွေဖြင့် မြို့လှမြို့အတွင်း ဆောင်ရွက်မည့် တည်ဆောက်ရေးလုပ်ငန်း(၃)ခု စုစုပေါင်း တည်ဆောက်ရေးလုပ်ငန်း (၆)ခုအတွက် ရေတာရှည်မြို့နယ် စည်ပင်သာယာရေးအဖွဲ့မှ အိတ်ဖွင့်တင်ဒါ ခေါ်ယူခြင်းအား ပြည်တွင်းလုပ်ငန်းရှင်များ သိရှိနိုင်ပါရန် အသိပေးအပ်ပါသည်။ အပြည့်အစုံကြည့်ရှုရန်————————

ပဲခူး ၅ ဇန်နဝါရီ ————————— စတုတ္ထအကြိမ်မြောက် ပဲခူးတိုင်းဒေသကြီး ဝန်ကြီးချုပ်ဖလား လျှပ်တပြတ်ဂေါက်သီးရိုက်ပြိုင်ပွဲကို ဇန်နဝါရီလ(၅)ရက်နေ့ နံနက်(၇)နာရီအချိန်က ပဲခူးမြို့၊ (၁၀)မိုင်ကုန်းရှိ ဟံသာဝတီဂေါက်ကွင်းတွင် ကျင်းပပြုလုပ်သည်။ အခမ်းအနားသို့ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် အစိုးရအဖွဲ့ဝင်ဝန်ကြီးများ၊ တိုင်းဒေသကြီးအတွင်းရှိ ဌာနဆိုင်ရာများ၊ မြို့နယ်များကိုယ်စားပြု ဂေါက်သီးရိုက် အားကစားသမားများ ဖိတ်ကြားထားသူများ တက်ရောက်ကြပြီး ဝန်ကြီးချုပ် ဦးဝင်းသိန်းက နှုတ်ခွန်းဆက်စကားပြောကြားကာ ပြိုင်ပွဲဝင်ဂေါက်သီးရိုက် အားကစားအသင်းများအား လိုက်လံနှုတ်ဆက်ပြီး အဖွင့်ဂေါက်သီးများကိုရိုက်၍ ပြိုင်ပွဲအား ဖွင့်လှစ်ပေးခဲ့သည်။ ပဲခူးတိုင်းဒေသကြီးအစိုးရအဖွဲ့ဝန်ကြီးချုပ်ဖလား ဂေါက်သီးရိုက်ပြိုင်ပွဲတွင် ပြိုင်ပွဲဝင်အားကစာသမား (၈၈)ဦးမှ ကြေးတန်း၊ ငွေတန်း၊ ရွှေတန်းပြိုင်ပွဲ အမျိုးအစားများတွင် ဝင်ရောက်ယှဉ်ပြိုင်ကြသည်။ ထို့နောက် ညနေ(၆)နာရီအချိန်တွင် ဆုချီးမြင့်ခြင်းအခမ်းအနား ကျင်းပပြုလုပ်ရာ ပဲခူးတိုင်းဒေသကြီး အစိုးရအဖွဲ့အတွင်းရေးမှူး ဦးခင်မောင်ဆန်း၊ ညွှန်ကြားရေးမှူး ဦးအောင်ဟိန်းကျော်၊ ဒုတိယညွှန်ကြားရေးမှူး ဦးအောင်ဆွေ၊ ပဲခူးခရိုင်အုပ်ချုပ်ရေးမှူး ဦးရဲထွဋ်နှင့် တာဝန်ရှိသူများက ဆုများအသီးသီး ပေးအပ်ချီးမြှင့်ကြပြီး …

ဇန်နဝါရီ ၄ (ပဲခူး) ======================= ဇန်နဝါရီလ (၄)ရက်နေ့၊ ည(၆)နာရီအချိန်က ပဲခူးတိုင်းဒေသကြီးအစိုးရအဖွဲ့ရုံးဝန်းအတွင်း၌ (၇၂)နှစ်မြောက်လွတ်လပ်ရေးနေ့ အထိမ်းအမှတ် ဂုဏ်ပြုညစာစားပွဲနှင့် ထူးချွန်သူများများအား ဂုဏ်ပြုဆုပေးအပ်ချီးမြှင့်ခြင်း အခမ်းအနား ကျင်းပပြုလုပ်သည်။ ရှေးဦးစွာ ဝန်ကြီးချုပ် ဦးဝင်းသိန်းက ယနေ့သည် နယ်ချဲ့ဗြိတိသျှတို့ရဲ့ အလံကိုဖြုတ်ချပြီး ပြည်ထောင်စုသမ္မတမြန်မာနိုင်ငံတော် အလံကိုဂုဏ်ယူဝံ့ကြွားစွာ လွှင့်ထူနိုင်ခဲ့သည် သမိုင်းဝင်နေ့တစ်နေ့ပင်ဖြစ်ကြောင်း၊ မြန်မာနိုင်ငံအနေဖြင့် လွှတ်လပ်ရေးကို ရရှိခဲ့သော်လည်း နှစ်ပေါင်း(၇၀)ကျော်ကြာသည်အထိ ဒေသတစ်ခုနှင့်တစ်ခု၊ ဘာသာတစ်ခုနှင့်တစ်ခု၊ လူမျိုး တစ်မျိုးနှင့်တစ်မျိုး ညီမျှခြင်းကိုမရရှိခဲ့၍ ယနေ့အချိန်ထိ ပြည်တွင်းစစ်ပွဲတွေ ဖြစ်ပွားလျက်ရှိကြောင်း၊ အတိတ်သမိုင်းတုန်းကလည်း မတူကွဲပြားမှုတွေကို စုပေါင်းအားတစ်ရပ်အနေဖြင့် အသုံးမချနိုင်ခဲ့၍ သူ့ကျွန်ဘဝကို ရောက်ရှိခဲ့ရသည်ကို သင်ခန်းစာရယူကြရမှာဖြစ်ကြောင်း၊ လွှတ်လပ်ရေးရယူနိုင်ရန်အတွက် ကျောင်းသားခေါင်းဆောင်၊ နိုင်ငံရေးခေါင်းဆောင်၊ တပ်မတော်ခေါင်းဆောင်စသည့် ဂုဏ်ပုဒ်များဖြင့် ပြည့်စုံသော ဗိုလ်ချုပ်အောင်ဆန်း၏ ဂုဏ်ကျေးဇူးကို အထူးအလေးထားရန်လိုအပ်ပြီး ဗိုလ်ချုပ်အောင်ဆန်း မှာကြားခဲ့သည့် တိုင်းရင်းသားစည်းလုံးညီညွှတ်ရေးကို အထူးအလေးထား ဆောင်ရွက်ကာ ပြည်တွင်းငြိမ်းချမ်းရေးနှင့်အတူ ဖက်ဒရယ်ဒီမိုကရေစီ …

ပဲခူး ဇန်နဝါရီ ၄ =============== ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် ပဲခူးမြို့တွင်၊ (၇၂)နှစ် မြောက်လွတ်လပ်ရေးနေ့ အထိမ်းအမှတ် အားကစားပြိုင်ပွဲများကို ကျင်းပပြုလုပ်ရာ ဇန်နဝါရီလ(၄)ရက်နေ့ နံနက်(၁၀)နာရီက ပဲခူးမြို့ ရွှေမော်ဓောဘုရားလမ်းရှိ တိုင်းဒေသကြီးအားကစားခန်းမ၌ ဆုပေးပွဲအခမ်းအနား ကျင်းပပြုလုပ်သည်။ အထိမ်းအမှတ်ပြိုင်ပွဲများတွင် ပိုက်ကျော်ခြင်း၊ ရိုးရာခြင်း၊ ပြေးပွဲပြိုင်ပွဲများ၊ အမျိုးသား ဖူဆယ်ဘောလုံး၊ စစ်တုရင်၊ တင်းနစ်၊ ကြက်တောင်၊‌ ခေါင်းအုံးရိုက်၊‌ လျှော်တိုင်တတ်၊ ထုပ်ဆီးထိုး၊ မီနီမာရသွန်၊ ဘိလိယက်စနူကာ ပြိုင်ပွဲများယှဉ်ပြိုင်ကျင်းပရာ ဆုရရှိသူများကို ပဲခူးတိုင်းဒေသကြီး ဝန်ကြီးချုပ် ဦးဝင်းသိန်း၊ တိုင်းဒေသကြီးလွှတ်တော်ဥက္ကဋ္ဌ ဦးခင်မောင်ရင်၊ အားကစားနှင့် ကာယပညာဦးစီးဌာန ညွှန်ကြားရေးမှူး ဦးစိုးနိုင်နှင့် တာဝန်ရှိသူများက ဆုများအသီးသီး ပေးအပ်ချီးမြှင့်ကြသည်။ (၇၂)နှစ်မြောက် လွတ်လပ်ရေးနေ့ အထိမ်းအမှတ်အဖြစ် ပဲခူးမြို့ ရပ်ကွက်ကျေးရွာများ၌ အားကစားပြိုင်ပွဲများ၊ ပျော်ပွဲရွှင်ပွဲများ ကျင်းပပြုလုပ်ကြကြောင်း သိရသည်။