ပဲခူး စက်တင်ဘာ ၁၉           ပဲခူးမြို့၊ မြို့တော်ခန်းမ၌ ယမန်နေ့ မွန်းလွဲပိုင်းက ပဲခူးမြို့နယ်အတွင်းရှိ ပြည်သူ့လုံခြုံရေးနှင့် အကြမ်းဖက် နှိမ်နင်းရေးအဖွဲ့ဝင်များနှင့် တွေ့ဆုံပွဲအခမ်းအနား ကျင်းပပြုလုပ်သည်။           ရှေးဦးစွာ ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးဆွေဝင်းသည် နိုင်ငံတော်စီမံအုပ်ချုပ်ရေး ကောင်စီ စတင်တာဝန်ယူစဉ်ကပင် ချမှတ်ထားသည့် ရှေ့လုပ်ငန်းစဉ်(၅)ရပ်နှင့်အညီ အကောင်အထည် ဖော် ဆောင်ရွက်နိုင်ခဲ့ပြီး ယခုအမျိုးသားကာကွယ်ရေးနှင့် လုံခြုံရေးကောင်စီ လက်ထက်တွင်လည်း ချမှတ် ပေးထားသည့် ဦးတည်ချက်(၄)ရပ်ကို အမျိုးသားရေး တာဝန်တစ်ရပ်အနေဖြင့် အောင်မြင်အောင် ဆက်လက် အကောင်အထည်ဖော် ဆောင်ရွက်လျက်ရှိကြောင်း၊ နိုင်ငံတော်အစိုးရအနေဖြင့် ပြည်သူလူထုနှင့် တိုင်းပြည်အနာဂတ်အတွက် မကြာမီ လွတ်လပ်ပြီးတရားမျှတသည့် အထွေထွေရွေးကောက်ပွဲကြီး ကျင်းပ ပေးရန် အချိန်အတိအကျဖြင့် အသိပေးကြေငြာထားပြီးဖြစ်ရာ အကြမ်းဖက်အုပ်စုအဖြစ် ကြေငြာထားသော CRPH , NUG ယင်းတို့၏ လက်အောက်ခံ PDF အမည်ခံ အကြမ်းဖက်သမားများ အထွေထွေရွေးကောက်ပွဲ …

ပဲခူး စက်တင်ဘာ ၁၈        စက်တင်ဘာလ(၁၈)ရက်နေ့၊ နံနက်ပိုင်းက ၂၀၂၅ ခုနှစ်၊ တိုင်းဒေသကြီးနှင့်ပြည်နယ် တင်းနစ်ပြိုင်ပွဲ တွင် ရွှေတံဆိပ်(၇)ဆုဖြင့် စုပေါင်းတံခွန်စိုက် ဆုဖလားရရှိခဲ့သော ပဲခူးတိုင်းဒေသကြီးဂုဏ်ဆောင် တင်းနစ် အားကစားသမားကို ပဲခူးတိုင်းဒေသကြီးနယ်စပ် ပဲခူးမြို့နယ်၊ အင်းတကော်မြို့၊ ဝမ်းဘောဒတ်တံတားမှ စတင်၍ ဂုဏ်ပြုကြိုဆိုခြင်းအားပြုလုပ်ခဲ့ရာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း သွားရောက် ကြိုဆိုဂုဏ်ပြုခဲ့သည်။           ၂၀၂၅ ခုနှစ်၊ တိုင်းဒေသကြီးနှင့်ပြည်နယ် တင်းနစ်ပြိုင်ပွဲတွင် ရွှေတံဆိပ်ဆုများဖြင့် အောင်မြင်မှုများ ရရှိခဲ့သော ပဲခူးတိုင်းဒေသကြီးဂုဏ်ဆောင် တင်းနစ်အားကစားသမားများကို ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် အစိုးရအဖွဲ့ဝင် ဝန်ကြီးများ၊ တိုင်းဒေသကြီး၊ ခရိုင်၊မြို့နယ်အဆင့် ဌာနဆိုင်ရာများ၊ ဆရာ၊ဆရာမများနှင့် ကျောင်းသား၊ကျောင်းသူများ၊ တင်းနစ်အားကစားဝါသနာရှင်များ၊ ပဲခူးမြို့နေပြည်သူ များက ပဲခူးမြို့နယ်အစပ် ဝမ်းဘော်ဒတ်တံတားမှစတင်ပြီး ပဲခူးတိုင်းဒေသကြီးအစိုးရ အဖွဲ့ရုံးအထိ ကားလမ်းဘေးဝဲ/ယာမှ သောင်းသောင်းဖျဖျ စည်ကားသိုက်မြိုက်စွာ ကြိုဆိုခဲ့ကြသည်။           …

ပဲခူး စက်တင်ဘာ ၁၇           ပဲခူးမြို့၊ မြို့တော်ခန်းမ၌ စက်တင်ဘာလ(၁၇)ရက်နေ့၊ နံနက်ပိုင်းက ပဲခူးတိုင်းဒေသကြီးအတွင်းရှိ အာမခံအလုပ်သမားများ၏ သားသမီးများအား ပညာသင်စရိတ်ထောက်ပံ့ခြင်း နှင့် မန္တလေးငလျင်ဘေးသင့် သဘာဝဘေးအန္တရာယ်ကျရောက်မှုဆိုင်ရာ မိသားစုထောက်ပံ့မှု အကျိုးခံစားခွင့်များပေးအပ်ခြင်း အခမ်း အနား ကျင်းပပြုလုပ်ရာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းနှင့် အလုပ်သမား ဝန်ကြီးဌာန၊ ဒုတိယဝန်ကြီး ဦးဝင်းရှိန်တို့ တက်ရောက်ချီးမြှင့်ခဲ့သည်။           ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းက နိုင်ငံတော်၏ ကုန်ထုတ် စွမ်းအားစုတိုးတက်အောင် ဆောင်ရွက်နေသည့် အာမခံအလုပ်သမားများ၏ သားသမီးများ စဉ်ဆက်မပြတ် ပညာသင်ကြားနိုင်ရေးသည် အလွန်အရေးကြီးပြီး မဖြစ်မနေ ပံပိုးကူညီဆောင်ရွက်ပေးရမှာဖြစ်ကြောင်း၊ နိုင်ငံတော်အစိုးရအနေဖြင့် ပထမဆုံးအကြိမ်အဖြစ် ပဲခူးတိုင်းဒေသကြီးအတွင်းရှိ အာမခံအလုပ်သမား များ၏ သားသမီး(၆၀၉၃)ဦးသည် စဉ်ဆက်မပြတ် ပညာသင်ကြားနေသည့်အတွက် ငွေကျပ်(၂၄၄.၄၅၅) သန်းနှင့် မန္တလေးငလျင်လှုပ်ခတ်မှုကြောင့် သဘာဝဘေးအန္တရာယ်ဆိုင်ရာ မိသားစုထောက်ပံ့မှု အကျိုး ခံစားခွင့်(၄၀)ရာခိုင်နှုန်းဖြင့် အာမခံအလုပ်သမား …

ပဲခူး အောက်တိုဘာ ၁၆           ပဲခူးမြို့၊ မြို့တော်ခန်းမ၌ စက်တင်ဘာလ(၁၆)ရက်နေ့၊ မွန်းလွဲပိုင်းက ကမ္ဘာ့အိုဇုန်းလွှာထိန်းသိမ်းရေး နေ့ အခမ်းအနား ကျင်းပပြုလုပ်ရာ တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် ဇနီး ဒေါ်စိုးစိုးသက်တို့ တက်ရောက်ချီးမြှင့်ခဲ့သည်။           ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းက အိုဇုန်းလွှာသည် လေထု အတွင်း သဘာဝအလျောက်တည်ရှိသည့် အပြာရောင်ဖျော့ဖျော့ဓါတ်ငွေ့ဖြစ်ပြီး နေရောင်ခြည်မှလာသည့် ခရမ်းလွန်ရောင်ခြည်ကို ကာကွယ်ပေးထားသည့် အလွှာတစ်ခုဖြစ်ကြောင်း၊ ယနေ့ကမ္ဘာပေါ်ရှိနိုင်ငံများသည် လူနေမှုအဆင့်အတန်း တိုးတက်မြင့်မားလာတာနဲ့အမျှ ခေတ်မီဆန်းသစ်သော လူ့အသုံးအဆောင်ပစ္စည်း များဖြစ်သည့် အအေးပေးစက်ပစ္စည်းများတွင် အိုဇုန်းလွှာကိုပျက်စီးစေသည့် ဒြပ်ပစ္စည်းများပါဝင်လျက်ရှိ သဖြင့် ကမ္ဘာ့ပူနွေးမှုညွှန်းကိန်းနိမ့်ပြီး အိုဇုန်းလွှာထိခိုက်မှုမရှိသော ဒြပ်ပစ္စည်းများအသုံးပြုထားသော ရေခဲ သေတ္တာ၊ လေအေးပေးစက်စသည့် အိမ်အသုံးအဆောင်ပစ္စည်းများကိုသာ ဝယ်ယူအသုံးပြုရမှာဖြစ်ကြောင်း၊ ကမ္ဘာ့လေထုအတွင်း အိုဇုန်းလွှာပျက်စီးစေသည့် ဓာတ်ငွေ့များကင်းဝေးစေရေး၊ ရာသီဥတုပြောင်းလဲမှု လျှော့ချနိုင်ရေးတို့မှတစ်ဆင့် ပစ္စုပ္ပန်နှင့်အနာဂတ်မျိုးဆက်တွေအတွက် ရေရှည်စဉ်ဆက်မပြတ် ဖွံ့ဖြိုး တိုးတက်ရေးကို များစွာအထောက်အပံ့ဖြစ်စေနိုင်မှာဖြစ်ကြောင်းနှင့် …

ပဲခူး စက်တင်ဘာ ၁၅         ပဲခူးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် တပ်မတော်စစ်သည်မိသားစုများ အလုပ်အကိုင် အခွင့်အလမ်းများ ဖြစ်ထွန်းပေါ်ပေါက်လာစေနှင့် မိသားစုတစ်ပိုင်တစ်နိုင် ကိုယ်ပိုင်လုပ်ငန်းငယ်များ ထူထောင်နိုင်ရေးနှင့် ဝင်ငွေတိုးတက်ရရှိစေရေးအတွက် စက်တင်ဘာလ (၁၅)ရက်နေ့၊ နံနက်ပိုင်းက ပဲခူးမြို့ ရန်ငြိမ်းအေးခန်းမ၌ “အသက်မွေးဝမ်းကျောင်းပညာ [စက်ချုပ်၊ စားသောက်ကုန်၊ လူသုံးကုန်] သင်တန်းများ” ဖွင့်ပွဲအခမ်းအနားကျင်းပပြုလုပ်ရာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း တက်ရောက်ဖွင့်လှစ်ပေးခဲ့သည်။        ရှေ့ဦးစွာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းက ပဲခူးတိုင်းဒေသကြီးအတွင်း ကျေးလက်ဒေသဖွံ့ဖြိုးတိုးတက်ရေး၊ လူမှုစီးပွားဘဝမြင့်မားတိုးတက်ရေး၊ မြို့ပြနှင့်ကျေးလက်နေပြည်သူ များ အလုပ်အကိုင်အခွင့်အလမ်းများ ဖြစ်ထွန်းပေါ်ပေါက်လာစေရေး၊ တစ်ဘက်တစ်လမ်းမှ မိသားစုဝင်ငွေ တိုးပွားရရှိရေး၊ တစ်ပိုင်တစ်ပိုင် အသေးစားကုန်ထုတ်လုပ်ငန်းများ ထူထောင်လုပ်ကိုင်ဆောင်ရွက်လာနိုင် စေရေးနှင့် လူ့စွမ်းအားအရင်းအမြစ်များ ဖွံ့ဖြိုးတိုးတက်လာစေရေးတို့အတွက် အသက်မွေးဝမ်းကျောင်း အထောက်အကူပြုပညာရပ်သင်တန်းများကို လအလိုက် နယ်ပယ်ဒေသအစုံတွင် ဖွင့်လှစ်ပေးလျက်ရှိ ကြောင်း၊ ယခုဖွင့်လှစ်သည့်သင်တန်းများမှ သင်ကြားပေးလိုက်တဲ့ ပညာရပ်များသည် သင်တန်းပြီးဆုံး …

ပဲခူး စက်တင်ဘာ ၁၃           ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့ တာဝန်ရှိသူများနှင့် အတူ ယမန်နေ့၊ မွန်းလွဲပိုင်းက ပဲခူးမြို့နယ်အတွင်းရှိ အခြေခံပညာကျောင်းများသို့ ကျောင်းသုံးဗလာစာအုပ်များ သွားရောက်ချီးမြှင့်ပေးအပ်ခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် ပဲခူးမြို့၊ အင်းဝင်ရပ်ကွက်ရှိ အခြေခံ ပညာအထက်တန်းကျောင်း(ခွဲ)၊ ပုဏ္ဍားစုရပ်ကွက်ရှိ အခြေခံပညာအထက်တန်းကျောင်း(ခွဲ)နှင့် ဇိုင်းဂနိုင်း တောင်ပိုင်းရပ်ကွက်ရှိ အခြေခံပညာအလယ်တန်းကျောင်း-ခွဲ(ဖောင်တော်ဦး)ကျောင်းများသို့ သွားရောက် ၍ ကျောင်းသား/သူများ အေးချမ်းပျော်ရွှင်စွာ ပညာသင်ကြားနေမှုအား လိုက်လံကြည့်ရှုအားပေးခဲ့ပြီး ကျောင်းသုံး ဗလာစာအုပ်များ ချီးမြှင့်ပေးအပ်ခဲ့ကာ ကျောင်းအုပ်ကြီးများ၊ ဆရာ/ ဆရာမများ၊ ကျောင်း အကျိုးတော်ဆောင်များနှင့် တွေ့ဆုံ၍ လိုအပ်သည်များ ပေါင်းစပ်ဖြည့်ဆည်းဆောင်ရွက်ပေးခဲ့သည်။           ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းသည် စက်တင်ဘာ(၁၂)နေ့၊ မွန်းလွဲပိုင်းမှ စ၍ ပဲခူးမြို့နယ်ရှိ အခြေခံပညာအထက်တန်းကျောင်းခွဲ(၃)ခု၊ အခြေခံပညာအလယ်တန်းကျောင်းခွဲ(၄)ခု နှင့် အခြေခံပညာမူလတန်းလွန်ကျောင်း(၃)ခု၊ စုစုပေါင်းအခြေခံပညာစာသင်ကျောင်း(၁၀)ခုအတွက် …

ပဲခူး စက်တင်ဘာ ၁၂           ပဲခူးမြို့၊ ကုတင်(၅၀၀)ဆံ့အထွေထွေရောဂါကုပြည်သူ့ဆေးရုံကြီး၊ အောင်သုခဆေးကုသဆောင်၌ စက်တင်ဘာလ(၁၂)ရက်နေ့ နံနက်ပိုင်းက (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အထိမ်းအမှတ် ပဲခူးတိုင်းဒေသကြီးရဲတပ်ဖွဲ့မှ စုပေါင်းသွေးလှူဒါန်းပွဲ ကျင်းပပြုလုပ်ရာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းနှင့် အစိုးရအဖွဲ့ တာဝန်ရှိသူများ သွားရောက်ကြည့်ရှုအားပေးခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့တာဝန်ရှိသူများနှင့်အတူ ပဲခူမြို့၊ ကုတင်(၅၀၀)ဆံ့ အထွေထွေရောဂါကုပြည်သူ့ဆေးရုံကြီး၊ အောင်သုခဆေးကုသဆောင်သို့ ရောက်ရှိခဲ့ပြီး (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အထိမ်းအမှတ် ပဲခူးတိုင်းဒေသကြီး/ခရိုင်/ မြို့နယ် ရဲတပ်ဖွဲ့မှူးရုံးများရှိ ရဲတပ်ဖွဲ့ဝင်များ၊ ယာဉ်ထိန်းရဲတပ်ဖွဲ့ဝင်များ စုစုပေါင်းတပ်ဖွဲ့ဝင်(၁၅၀)ဦးကျော်မှ စုပေါင်းသွေးလှူဒါန်းနေမှု ကြည့်ရှုအားပေးခဲ့ပြီး အာဟာရဖြည့်စွက်စာများနှင့် ချီးမြှင့်ငွေများ ပေးအပ်ခဲ့ ကြောင်း သိရှိရသည်။           ထို့နောက် တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် (၆၁)နှစ်မြောက် မြန်မာနိုင်ငံရဲတပ်ဖွဲ့နေ့ အထိမ်းအမှတ် လာရောက်သွေးလှူဒါန်းကြသည့် ရဲတပ်ဖွဲ့ဝင်များအား ရင်းရင်းနှီးနှီး လိုက်လံနှုတ်ဆက် …

ပဲခူး စက်တင်ဘာ ၁၁           ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာအစည်းအဝေးခန်းမ၌ စက်တင်ဘာလ(၁၁) ရက်နေ့၊ နံနက်ပိုင်းက တိုင်းဒေသကြီးအတွင်း ပါတီစုံဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေး လုပ်ငန်းညှိနှိုင်း အစည်းအဝေး ကျင်းပပြုလုပ်သည်။           ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းက နိုင်ငံတော်စီမံအုပ်ချုပ်ရေး ကောင်စီ၏ ရှေ့လုပ်ငန်းစဉ်(၅)ရပ်နှင့် နိုင်ငံတော်ကာကွယ်ရေးနှင့် လုံခြုံရေးကောင်စီ၏ ဦးတည်ချက်(၄)ရပ် တို့တွင်လည်းကောင်း အထွေထွေရွေးကောက်ပွဲ အောင်မြင်စွာကျင်းပနိုင်ရေးတို့ကို ထည့်သွင်းထားပြီးဖြစ် သည့်အပြင် ရွေးကောက်ပွဲကျင်းပမည့် အချိန်ကာလကိုလည်း အတိအကျ ထုတ်ပြန်ထားပြီးဖြစ်ကြောင်း၊ ပဲခူးတိုင်းဒေသကြီးတွင် ပါတီစုံဒီမိုကရေစီ အထွေထွေရွေးကောက်ပွဲအား အပိုင်း(၃)ပိုင်းခွဲ၍ ကျင်းပသွား မည်ကာ ပြည်သူများ အေးချမ်းခြုံလုံစွာ ဆန္ဒမဲပေးနိုင်ရေး၊ ကိုယ်စားလှယ်လောင်းများ၏ လုံခြုံရေးနှင့်  မဲရုံ လုံခြုံရေးများကို အခြားမိတ်ဖက်အဖွဲ့အစည်းများနှင့် ပူးပေါင်းဆောင်ရွက်သွားရမှာဖြစ်ကြောင်း၊ တိုင်း ဒေသကြီးအတွင်း ၂၀၂၅ ခုနှစ်၊ ဒီဇင်ဘာလ(၂၈)ရက်နေ့တွင် စတင်ကျင်းပမည့် ပါတီစုံဒီမိုကရေစီအထွေထွေ ရွေးကောက်ပွဲ …

ပဲခူး စက်တင်ဘာ ၁၀           ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ စက်တင်ဘာလ(၁၀) ရက်နေ့၊ နံနက်ပိုင်းက ခရိုင်/မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌများနှင့် လုပ်ငန်းညှိနှိုင်း အစည်းအဝေး (၅/၂၀၂၅) ကျင်းပပြုလုပ်သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းက စိုက်ပျိုးသီးနှံ အလိုက် ပန်းတိုင်အထွက် နှုန်းရရှိရေး မျိုး၊ မြေ၊ ရေ၊ နည်း ပြည်စုံကောင်းမွန်ရန်လိုအပ်မှာဖြစ်ပြီး မွေးမြူရေးနှင့်ပတ်သက်၍ ဒေသနှင့် ကိုက်ညီပြီး ရာသီဥတုနှင့် ပိုးမွှားရောဂါဒဏ်ခံနိုင်သည့် ဒေသတွင်း မျိုးကောင်းမျိုးသန့်များကို ရွေးချယ် မွေးမြူသွားရမှာဖြစ်ကြောင်း၊ ရေကြီးရေနက်ကွင်းရှိ လယ်မြေများအား ရေလျော့ထုတ်ပေးနိုင်ပါက မိုးကောင်း သောက်လယ်မြေများအဖြစ် ပြောင်းလဲနိုင်ပြီး သီးနှံထပ်စွမ်းအား တိုးတက်လာမှာဖြစ်ကြောင်း၊ ပြည်ပသို့တင်ပို့သည့်သီးနှံများတွင်သုံးစွဲသည့် ပိုးသတ်ဆေး၊ မှိုသတ်ဆေးများ နှင့်ပတ်သက်၍ သေချာ ဆန်းစစ်သုံးစွဲရန်နှင့် စိုက်ပျိုးရေးနှင့် မွေးမြူရေးထွက်ကုန်များ အစားအစာ ဘေးကင်းလုံခြုံစေရေး အသိပညာပေးခြင်းများ ကျယ်ကျယ်ပြန့်ပြန့်ဆောင်ရွက်သွားရ …

ပဲခူး စက်တင်ဘာ ၉           ပဲခူးတက္ကသိုလ် ဘွဲ့နှင်းသဘင်ခန်းမ၌ စက်တင်ဘာလ(၉)ရက်နေ့၊ နံနက်ပိုင်းက မြန်မာ့အနာဂတ် မျက်နှာစာ လူငယ်မဟာဗျူဟာဖိုရမ် – ၂ဝ၂၅ “အတွေ့အကြုံစကားဝိုင်း ဆွေးနွေးပွဲ အခမ်းအနား ” ကျင်းပပြုလုပ်ရာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း တက်ရောက်ချီးမြှင့်ပေးခဲ့သည်။        ရှေးဦးစွာ အခမ်းအနားတတ်ရောက်လာကြသူအားလုံးက ပြည်ထောင်စုသမ္မတမြန်မာနိုင်ငံတော်အလံ အား အလေးပြုကြပြီး အမှတ်(၃)အခြေခံပညာအထက်တန်းကျောင်းမှ ကျောင်းသား၊ ကျောင်းသူများက“လူငယ့်အားမာန်” သီချင်းဖြင့်  သီဆိုဖျော်ဖြေကြသည်။         ထို့နောက် ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးဆွေဝင်းက လူငယ်ဆိုသည်မှာ လူ့ဘောင် အဖွဲ့အစည်းတစ်ခုမှာ အားကိုအားထားပြုကြရတဲ့ လူ့စွမ်းအားအရင်းအမြစ်တစ်ခုဖြစ်ပြီး ခေတ်စနစ်တွေ နှင့်အညီ မျိုးဆက်သစ်လူငယ်တွေသည် အတွေးအခေါ်ပိုင်း၊ အတွေ့အကြုံပိုင်း၊ အရည်အသွေးပိုင်းနဲ့ ကိုယ်စွမ်းကိုယ်စပိုင်းတွေမှာ ထူးချွန်ထက်မြက်နေဖို့ လိုအပ်နေမှာဖြစ်ကာ အဲဒီလိုဖြစ်ပေါ်နိုင်ဖို့ လူငယ် တွေရဲ့ ကြိုးစားအားထုတ်မှု အခွင့်အလမ်းနဲ့ စွမ်းရည်မြှင့်တင်ရေးပိုင်းတွေကို ဖွံ့ဖြိုးရေးလမ်းကြောင်း ပေါ်မှာ …