ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ပဲခူး ဒီဇင်ဘာ ၁၄ ==================           ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ ဒီဇင်ဘာလ(၁၄)ရက်နေ့၊ နံနက်ပိုင်းက သမဝါယမအသင်းများ စပါးစိုက်ပျိုးမှုထုတ်လုပ်မှု အထွက်နှုန်းတိုးတက်မြင့်မာရေး လုပ်ငန်းညှိနှိုင်း အစည်းအဝေး ကျင်းပပြုလုပ်ခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းက ပဲခူးတိုင်းဒေသကြီးအတွင်း စိုက်ပျိုးထုတ် လုပ်မှု ဖွံ့ဖြိုးတိုးတက်စေရေးအတွက် နိုင်ငံ့စီးပွားမြှင့်တင်ရေးရန်ပုံငွေဖြင့် သမဝါယမအသင်းပေါင်း(၃၅) သင်း၊ အသင်းသားဦးရေ(၃၀၉၅)ဦးအား လယ်မြေဧရိယာ(၁၆၀၀၀)ဧကအတွက် ငွေကျပ်(၃.၂)ဘီလီယံ တန်ဖိုးရှိ သွင်းအားစုနှင့် မျိုးကောင်းမျိုးသန့်များ ပံ့ပိုးပေးထားခဲ့ပြီးဖြစ်ကြောင်း၊ စိုက်ပျိုးရေးလုပ်ငန်းဆောင် ရွက်သည့် သမဝါယမအသင်းများအနေဖြင့် တစ်နှစ်(၂)သီးမှ (၃)သီးသို့ သီးထပ်စွမ်းအား တိုးတက်စိုက်ပျိုး နိုင်မှာသာ အကျိုးအမြတ်များစွာ ရရှိနိုင်မှာဖြစ်ကြောင်း၊ စိုက်ပျိုးသီးနှံများအလိုက် သတ်မှတ်ထားသည့် ပန်းတိုင်ရည်မှန်းချက်များ ပြည့်မီစေရေးအတွက် မျိုး၊ မြေ၊ ရေ၊ နည်း လမ်း(၄)သွယ် ပြည့်စုံကောင်းမွန်ရန် လိုအပ်မှာဖြစ်ကြောင်း၊ မိမိတို့၏ လယ်မြေများအား မြေဆီလွှာများအာဟာရ ပြန်လည်ဖွံ့ဖြိုးစေရေး …

ပဲခူး ဒီဇင်ဘာ ၁၃ ==============           ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်း ဦးဆောင်၍ ဒီဇင်ဘာလ(၁၃)ရက်နေ့၊ နံနက်ပိုင်းက အစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ ဒေသတစ်ခု ထုတ်ကုန်တစ်မျိုး ပိုမိုထုတ်လုပ် တင်ပို့ရန်  Action Plan ရေးဆွဲနိုင်ရေး လုပ်ငန်းညှိနှိုင်း အစည်းအဝေး ကျင်းပပြုလုပ်သည်။           ရှေးဦးစွာ ပဲခူးတိုင်းဒေသကြီး အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုး တိုးတက်ရေးအေဂျင်စီ နာယက၊ တိုင်းဒေသကြီး ဝန်ကြီးချုပ် ဦးမျိုးဆွေဝင်းက မိမိတို့တိုင်းဒေသကြီးအတွင်း စီးပွားရေးလုပ်ငန်းများ စုစုပေါင်း၏(၉၀)ရာခိုင်နှုန်းခန့်သည် စိုက်ပျိုးရေးနှင့် မွေးမြူရေးကို အခြေခံသည့် အသေးစား၊ အငယ်စားနှင့် အလတ်စား(MSMEs) စီးပွားရေးလုပ်ငန်းများဖြစ်ပါကြောင်း၊ သဘာဝမြေဩဇာ ထုတ်လုပ်ခြင်း၊ လက်မှုလယ်ယာမှ စက်မှုလယ်ယာသို့ ပြောင်းလဲနိုင်ရေးတွက် လူတန်းစားမရွေး သုံးစွဲနိုင်သည့် တန်ဖိုးနည်း လယ်ယာသုံးစက်ကိရိယာများ တီထွင်ကြံဆထုတ်လုပ်ခြင်းလုပ်ငန်းများကိုလည်း အားပေးမြှင့် တင်ပေးသွားရမှာဖြစ်ကြောင်း၊ MSMEs လုပ်ငန်းများ …

ပဲခူး ဒီဇင်ဘာ ၁၁ ===================           ပဲခူးတိုင်းဒေသကြီးအစိုးရအဖွဲ့၊ တော်ဝင်ဟံသာ အစည်းအဝေးခန်းမ၌ ဒီဇင်ဘာလ(၁၁)ရက်နေ့၊ နံနက်ပိုင်းက ဝန်ကြီးချုပ် ဦးမျိုးဆွေဝင်း ဦးဆောင်၍ စိုက်ပျိုးထုတ်လုပ်မှုမြင့်မားရေးနှင့် ပန်းတိုင်အထွက်နှုန်း ပြည့်မီရေး လုပ်ငန်းညှိနှိုင်းအစည်းအဝေးအမှတ်စဉ် (၇/၂၀၂၃) ကျင်းပပြုလုပ်သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းက စိုက်ပျိုးသီးနှံအလိုက် ပန်းတိုင်အထွက်နှုန်းရရှိ ရေးအတွက် မျိုး၊ မြေ၊ ရေ၊ နည်း ပြည်စုံကောင်းမွန်စေရန် လိုအပ်ပြီး မြေဆီလွှာဖွံ့ဖြိုးတိုးတက်စေရေးအတွက် သစ်စိမ်းမြေဩဇာ(ပိုက်ဆံလျှော်) တိုးချဲ့စိုက်ပျိုးနိုင်ရေး ဆောင်ရွက်သွားရမှာဖြစ်ကြောင်း၊ ရရှိနိုင်သည့် ရေအရင်းအမြစ်အပေါ်မူတည်၍ သီးနှံစိုက်စွမ်းအား တိုးတက်ရေးဆောင်ရွက်ပေးနေသလို တောင်သူများ ကိုလည်း စိုက်ပျိုးရေကို အလေအလွင့်မရှိ အကျိုးရှိရှိ သုံးစွဲနိုင်ရေး အသိပညာပေးခြင်း ဆောင်ရွက်သွားရမှာ ဖြစ်ကြောင်း၊ ဆောင်းသီးနှှံသည် ဒေသတွင်း ဆီဖူလုံမှုအတွက် အဓိကအထောက်အကူပြုသလို နိုင်ငံခြားဝင်ငွေ ရှာဖွေပေးသည့် သီးနှံစိုက်ရာသီဖြစ်၍ သတ်မှတ်ဧကပြည့်မီစေရေးနှင့် မြေလပ်မရှိ စိုက်ပျိုးနိုင်ရေး …

တောင်ငူ ဒီဇင်ဘာ ၉ ====================           ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့ရုံး တာဝန်ရှိသူများ လိုက်ပါ လျက် ဒီဇင်ဘာလ(၉)ရက်နေ့၊ နံနက်ပိုင်းက တောင်ငူခရိုင်အတွင်း နိုင်ငံ့စီးပွားမြှင့်တင်ရေးရန်ပုံငွေဖြင့် အောင်မြင်စွာဆောင်ရွက်လျက်ရှိသော မွေးမြူရေးလုပ်ငန်းများအား ကွင်းဆင်းကြည့်ရှုအားပေးခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် တောင်ငူမြို့နယ်၊ ငါးဖယ်အင်းကျေးရွာအုပ်စုရှိ နိုင်ငံ့စီးပွားမြှင့်တင်ရေးရန်ပုံငွေဖြင့် အောင်မြင်စွာ ဆောင်ရွက်လျက်ရှိသော မွေးမြူရေးလုပ်ငန်းရှင် ဒေါ်သန္တာကျော်အေး၏ (DYL)အသားတိုးဝက်ကောင်ရေ(၁၇၀) မွေးမြူရေးခြံသို့ သွားရောက်ကြည့်ရှု အားပေးခဲ့ပြီး ဝန်ကြီးချုပ်က တိရစ္ဆာန်ရောဂါကျရောက်မှုမရှိစေရေးနှင့် ဒေသတွင်းအသားစားသုံးမှုဖူလုံစေ ရေးအတွက် တစ်ပိုင်တစ်နိုင် ဝက်မွေးမြူရေးအဆင့်မှ စီးပွားဖြစ်မွေးမြူနိုင်ရေး၊ မျိုးကောင်းမျိုးသန့်ရရှိရေးနှင့် အချိန်တိုကာလအတွင်း အသားအများဆုံး ထုတ်လုပ်ပေးနိုင်သည့် ဝက်မွေးမြူရေးအား တိုးချဲ့ဆောင်ရွက်ရန် တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့သည်။           ထို့နောက် တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့်အဖွဲ့သည် တောင်ငူမြို့သန့်ရှင်းသာယာ လှပစေရေး ရှေးဟောင်းကျုံးအတွင်း ဗေဒါပင်များဆယ်ယူနေမှုအား …

ပဲခူး ဒီဇင်ဘာ ၈ ==================           ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ ဒီဇင်ဘာလ(၈)ရက်နေ့၊ နံနက်ပိုင်းက ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်း ဦးဆောင်၍ ခရိုင်/မြို့နယ် စီမံ အုပ်ချုပ်ရေးအဖွဲ့၊ ဥက္ကဋ္ဌများနှင့် လပတ်လုပ်ငန်းညှိနှိုင်း အစည်းအဝေး ကျင်းပပြုလုပ်သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းက ခရိုင်/မြို့နယ်စီမံအုပ်ချုပ်ရေးအဖွဲ့၊ ဥက္ကဋ္ဌ များနှင့် လစဉ်တွေ့ဆုံ၍ လုပ်ငန်းညှိနှိုင်း အစည်းအဝေးပြုလုပ်ရခြင်းသည် မြို့နယ်အလိုက် စိုက်ပျိုးရေး၊ မွေးမြူရေးနှင့် MSMEs လုပ်ငန်းများ အရှိန်အဟုန်ဖြင့် ဖွံ့ဖြိုးတိုးတက်စေရေး ခေါ်ယူတွေ့ဆုံရခြင်းဖြစ်ပြီး မြို့နယ်အလိုက် လိုအပ်ချက်များရှိပါက ပွင့်ပွင့်လင်းလင်း တင်ပြပေးစေလိုကြောင်း၊ လာမည့်နွေစပါးရာသီ အမီ တန်ဖိုးနည်းလက်ဆွဲကောက်စိုက်စက်များ ကျယ်ကျယ်ပြန့်ပြန့်သုံးစွဲနိုင်ရေး မြို့နယ်အလိုက် ဝယ်ယူ လိုသည့် အရေအတွက်အား ကြိုတင်စာရင်းပေးထားရန်ဖြစ်ကြောင်း၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ များအနေဖြင့် မိမိတို့မြို့နယ်အတွင်း စိုက်ပျိုးနိုင်သည့် မြေနေရာများအား မြေလပ်မရှိစိုက်ပျိုးနိုင်ရေးနှင့် …