ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ဖေဖော်ဝါရီ ၁ (ပဲခူး) ================================= ပဲခူးတိုင်းဒေသကြီး ပြည်သူ့ကျန်းမာရေးဦးစီးဌာနမှကြီးမှူး၍ ဖေဖော်ဝါရီလ(၁)ရက်နေ့ နံက်(၉)နာရီအချိန်က ပဲခူးမြို့၊ သီရိဟံသာခန်းမ၌ ကျန်းမာရေး အသိပညာပေး “Love Question – Life Answer” “အချစ်ပုစ္ဆာဘဝအဖြေရှာ” မျိုးဆက်ပွားကျန်းမာရေးဆိုင်ရာ Mobile Application မိတ်ဆက်ခြင်းအခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး စည်ပင်သာယာရေးနှင့် လူမှုရေးဝန်ကြီး ဒေါ်ညွန့်ညွန့်ဌေးက သုတေသနတွေ့ရှိချက်အရ ဆယ်ကျော်သက်လူငယ်များတွင် ကိုယ်ဝန်ဆောင်မှု၊ မွေးဖွားမှုများမြင့်တက်လာခြင်း၊ HIV/AIDS ဆိုင်ရာ ဗဟုသုတနည်းပါးနေခြင်း၊ စိတ်ကျန်းမာရေးဆိုင်ရာ ပြဿနာ များရှိနေခြင်းတို့သည် အဓိကစိန်ခေါ်မှုများဖြစ်သဖြင့် ဝိုင်းဝန်းကိုင်တွယ် ဖြေရှင်းဖို့လိုအပ်ကြောင်း၊ လူငယ်ဆိုတဲ့အတိုင်း သူ့သဘာဝအလျောက် လေ့လာရင်းစူးစမ်းရင်းကနေ လမ်းမှားကို ရောက်မသွားအောင် ကြိုတင်ကာကွယ်ပေးကြဖို့လိုကြောင်း၊ လူငယ်ထုအတွင်း ကျန်းမာရေးအသိပညာ မြင့်မားစေရန်အတွက် နည်းလမ်းပေါင်းစုံဖြင့် ဆောင်ရွက်သွားကြရန်လိုကြောင်း အဖွင့်အမှာစကားပြောကြားသည်။ ထို့နောက် Mobile Application အကြောင်းကို Health Literacy Promotion …

ဇန်နဝါရီ ၃၀(ပဲခူး) ======================== ဇန်နဝါရီလ (၃၀)ရက်နေ့က ပဲခူးတိုင်းဒေသကြီး လွှတ်တော်အစည်းအဝေးခန်းမ၌ ဒုတိယအကြိမ် ပဲခူးတိုင်းဒေသကြီး လွှတ်တော် အရေးပေါ် အစည်းအဝေး (စတုတ္ထနေ့) ကျင်းပပြုလုပ်ရာ အစည်းအဝေးသို့ တက်ရောက်ခွင့်ရှိသူ (၇၅)ဦးမှ (၆၆)ဦးတက်ရောက်ကာ အစည်းအဝေးသို့ မတတ်ရောက်နိုင်သော လွှတ်တော်ကိုယ်စားလှယ်များက ခွင့်ပန်ကြားခြင်းနှင့် လွှတ်တော်၏ အဆုံးအဖြတ်ကိုယူကာ စတင်ကျင်းပသည်။ အစည်းအဝေးတွင် လွှတ်တော်ဥက္ကဋ္ဌက ပဲခူးတိုင်းဒေသကြီး ဝန်ကြီးချုပ် အဆိုပြုတင်ပြသော လစ်လပ်ဝန်ကြီးဌာန (၂)နေရာအတွက် သနပ်ပင်မြို့နယ်မဲဆန္ဒနယ် ကိုယ်စားလှယ် ဒေါက်တာစောညိုဝင်းနှင့် အုတ်ဖိုမြို့နယ် မဲဆန္ဒနယ် ဒေါ်ညွှန့်ညွှန့်ဌေး(ခ)ဌေးဌေးတို့အား နိုင်ငံတော်သမ္မတမှ ဝန်ကြီးအဖြစ်အတည်ပြု ခန့်အပ်ကြေငြာပြီးဖြစ်ရာ ပဲခူးတိုင်းဒေသကြီးလွှတ်တော်၌ ကတိသစ္စာပြုခြင်းနှင့် ကတိသစ္စာပြုလွှာပေါ်တွင် လက်မှတ်ရေးထိုးကြပြီးနောက် လွှတ်တော်ဥက္ကဋ္ဌ ဦးခင်မောင်ရင်မှ နိဂုံးချုပ်အမှာစကား ပြောကြားပေးသည်။ ပဲခူးတိုင်းဒေသကြီး သနပ်ပင်မြို့နယ်၊ မဲဆန္ဒနယ်အမှတ်(၁) ဒေါက်တာစောညိုဝင်းမှ သစ်တော၊ သယံဇာတနှင့် သဘာဝပတ်ဝန်းကျင်ထိန်သိမ်းရေး ဝန်ကြီးဌာနဝန်ကြီးအဖြစ်လည်းကောင်း၊ ပဲခူးတိုင်းဒေသကြီး အုတ်ဖိုမြို့နယ်၊ မဲဆန္ဒနယ်အမှတ်(၁) …

ဇန်နဝါရီ ၃၀ (ပဲခူး) ======================= ပဲခူးတိုင်းဒေသကြီး၊ သစ်တောဦးစီးဌာနမှ (၂၅.၁.၂၀၁၈) ရက်နေ့ မှ (၂၉.၁.၂၀၁၈) ရက်နေ့အတွင်း တရားမဝင်သစ်ဖမ်းဆီးမှုဆောင်ရွက်ခဲ့ရာ တောင်ငူခရိုင် တောင်ငူမြို့နယ်၊ ရေတာရှည်မြို့နယ်၊ အုတ်တွင်းမြို့နယ်နှင့် ဖြူးမြို့နယ်၊ ပဲခူးခရိုင် ပဲခူးမြို့နယ်နှင့် ကျောက်တံခါးမြို့နယ်၊ ပြည်ခရိုင် ပြည်မြို့နယ်၊ ပေါင်းတည်မြို့နယ်၊ ပေါက်ခေါင်းမြို့နယ်၊ ပန်းတောင်းမြို့နယ်နှင့် သဲကုန်းမြို့နယ်တို့၌ တရားမဝင်သစ်ဆောင်ရွက်နေမှု (၁၁) မှု တွေ့ရှိခဲ့ပြီး  စုစုပေါင်းကျွန်း (၄၀.၄၂၂၆ တန်)၊ သစ်မာ (၂၄.၃၉၅၈ တန်)၊ အခြားသား (၆၁.၅၇၃၄ တန်) နှင့် ဆက်စပ်ပစ္စည်းများအဖြစ် ချိန်းဆော (၃) လက်၊ ကား (၂) စီးနှင့် တရားခံ (၅) ဦးအား ဖမ်းဆီးရမိခဲ့ရာ ဖမ်းဆီးရမိမှုများနှင့်ပတ်သက်၍ တရားဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း သိရှိရသည်။

ဇန်နဝါရီ ၂၈ (ပဲခူး) ================================= ဇန်နဝါရီလ(၂၈)ရက်နေ့ နံနက်(၉)နာရီအချိန်က ပဲခူးမြို့၊ အမှတ်(၁)အခြေခံပညာအထက်တန်းကျောင်း၊ သီရိပညာခန်းမ၌ မြန်မာနိုင်ငံကြက်ခြေနီအသင်း၊ ပဲခူးတိုင်းဒေသကြီး ကြက်ခြေနီကြီးကြပ်မှုကော်မတီမှ ကြီးမှူးဖွင့်လှစ်သော ရှေးဦးပြုစုခြင်း နည်းပြသင်တန်းဆင်းပွဲ အခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းက သင်တန်းဆင်းအမှာစကား ပြောကြားရာတွင် သင်တန်းဆင်း ကြက်ခြေနီတပ်ဖွဲ့ဝင်များအနေဖြင့် မြန်မာနိုင်ငံ ကြက်ခြေနီအသင်း၏ ရည်ရွယ်ချက်ဖြစ်သော ဆင်းရဲဒုက္ ခနည်းပါးသက်သာစေရန်ဟူသော ရည်ရွယ်ချက်ကို အကောင်အထည်ဖော် ဆောင်ရွက်ကြရန်၊ မိမိတို့ရပ်ရွာ၊ မြို့နယ်၊ တိုင်းဒေသကြီးမှတဆင့် မြန်မာနိုင်ငံ ကြက်ခြေနီအသင်း၏ ပုံရိပ်ကို ပိုမိုတောက်ပြောင်ရန် လူမှုဂရုဏာလုပ်ငန်းများကို ဆထက်ထမ်းပိုးဆောင်ရွက်ကြရန်၊ မိမိတို့မြို့နယ် ပြန်ရောက်သည့်အခါ မိမိတို့တက်မြောက်ထားသည့် ပညာရပ်/ဘာသာရပ်များကို ဆင့်ပွားပို့ချပေးကြရန်၊ တိုးတက်လာသည့် ခေတ်နှင့်အညီ ပြောင်းလဲလာသည့် စနစ်များကို မျက်ခြေမပျက် လေ့လာကြဖို့လိုအပ်သည့်အပြင် တက်မြောက်ထားသည့် ပညာများကိုလည်း ကျွမ်းကျွမ်းကျင်ကျင်ဖြစ်ဖို့ မပြတ်လေ့ကျင့်သင်ယူနေကြရန် လမ်းညွှန်ပြောကြားသည်။ ထို့နောက် မြန်မာနိုင်ငံကြက်ခြေနီအသင်း …

ဇန်နဝါရီ ၂၇ (ပဲခူး) ========================= ဇန်နဝါရီလ ၂၇ ရက်နေ့၊ မွန်းလွဲ(၃:၄၅)အချိန်က ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ်သည် တာဝန်ရှိသူများလိုက်ပါလျက် ပဲခူးခရိုင်၊ ရွှေကျင်မြို့နယ်၊ ကွင်းဆိပ်ကျေးရွာ (စစ်တောင်းမြစ်) ကမ်းပြိုကာကွယ်ရေးလုပ်ငန်း တည်ဆောက်နေမှုအား ကွင်းဆင်းကြည့်ရှုစစ်ဆေး ခဲ့သည်။ ရှေးဦးစွာ ဝန်ကြီးချုပ်နှင့်အဖွဲ့အား တည်ဆောက်ရေးရှင်းလင်းဆောင်၌ ပဲခူးတိုင်းဒေသကြီး ရေအရင်းအမြစ်နှင့် မြစ်ချောင်းများဖွံ့ဖြိုးရေးဖွံ့ဖြိုးရေးဦးစီးဌာန၊ ညွှန်ကြားရေးမှူး ဦးဌေးအောင်က စီမံကိန်းဆိုင်ရာအချက်အလက်များအား ရှင်းလင်းတင်ပြရာ၊ ဝန်ကြီးချုပ်က ကမ်းပြိုမှုများကြောင့် ကျေးရွာများ၊ စိုက်ပျိုးမြေများ၊ လူနေအိမ်နှင့် သာသနိကအဆောက်အဦများ ပျက်စီးခြင်း၊ ပြောင်းရွေ့ ပေးရခြင်းများ ဆောင်ရွက်ပေးရကြောင်း၊ ကမ်းပါးပြိုကျမှုများသည် ရေစီးကြောင်းပြောင်းလဲမှု ကြောင့်ဖြစ်ပြီး သဘာဝပတ်ဝန်းကျင် ထိခိုက်ပျက်စီးမှုသည် အခြေခံကျသည့် အချက်တစ်ခုဖြစ် ကြောင်း၊ မြစ်ကြောင်းထိန်းသိမ်းခြင်း လုပ်ငန်းများသည် ရေရှည်ဆောင်ရွက်ရသည့် လုပ်ငန်းစဉ် တစ်ခုဖြစ်ပြီး နောင်အနာဂတ်တွင် ဖြစ်ပေါ်နိုင်သည့် မြစ်ကြောင်းပြောင်းလဲမှုကိုပါ ထည့်သွင်း စဉ်းစား ဆောင်ရွက်စေလိုကြောင်း လမ်းညွှန်မှာကြားခဲ့သည်။ အဆိုပါ …