မြန်မာ့ရိုးရာ မဟာသင်္ကြန်အကြတ်နေ့အား ဒေသခံပြည်သူများနှင့်အတူ တိုင်းဒေသကြီး ဝန်ကြီးချုပ်နှင့် ဇနီးတို့ ပါဝင်ဆင်နွှဲ

ပဲခူး ဧပြီ ၁၅

=================

          ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ ၁၃၈၅-၈၆ ခုနှစ်၊ မြန်မာ့ရိုးရာမဟာသင်္ကြန်ပွဲတော် အကြတ်နေ့အား  စည်ကားသိုက်မြိုက်စွာ ကျင်းပဆောင်ရွက်ခဲ့သည်။

          ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် ဇနီး၊ အစိုးရအဖွဲ့ဝင် ဝန်ကြီးများနှင့် ၎င်းတို့၏ ဇနီးများတို့သည် မဟာသင်္ကြန်အကြတ်နေ့အား ဒေသခံပြည်သူများနှင့်အတူ ပါဝင်ဆင်နွှဲခဲ့ကြခဲ့ကြသည်။

          ထို့နောက် တိုင်းဒေသကြီး ဝန်ကြီးချုပ်နှင့်ဇနီးတို့သည် ဗဟိုမဏ္ဍပ်သို့ ရောက်ရှိလာခဲ့ပြီး ကျောက်ကြီးစု ရပ်ကွက်၏ “နှစ်ဦးတန်ခူးမေ” ယိမ်းအဖွဲ့၊ နန်းတော်ရာရပ်ကွက်၏ယိမ်းအဖွဲ့၊ သံယံဇာတရေးရာဝန်ကြီးဌာန၏ “စိမ်းလန်းမေ”ယိမ်းအဖွဲ့၊ လုံခြုံရေးနှင့်နယ်စပ်ရေးရာဝန်ကြီးဌာန “ပိတောက်ပျိုမေ”ယိမ်းအဖွဲ့၊ အထွေထွေ အုပ်ချုပ်ရေးဦးစီးဌာန၏ “ဟင်္သာပျိုမေ”ယိမ်းအဖွဲ့၊ လမ်းပန်းဆက်သွယ်ရေးဝန်ကြီးဌာန၏ “နှစ်သစ်ပျိုမေ” ယိမ်းအဖွဲ့နှင့် တိုင်းဒေသကြီးရဲတပ်ဖွဲ့၏ “သင်္ကြန်မေ”ယိမ်းအဖွဲ့တို့၏ ဖျော်ဖြေတင်ဆက်မှုများနှင့် နိုင်ငံကျော် အဆိုတော်များ၏ ခေတ်ပေါ်တေးဂီတ ဖျော်ဖြေတင်ဆက်မှုများအား ကြည့်ရှုအားပေးခဲ့ပြီး တာဝန်ရှိသူများက ဂုဏ်ပြုဆုများ အသီးသီးပေးအပ်ချီးမြှင့်ခဲ့ကြသည်။

          ပဲခူးမြို့၌ လွှတ်တော်ရုံးရှေ့ ရေကစားမဏ္ဍပ်၊ ပြင်စည်ဈေးရှိ ရေကစားမဏ္ဍပ်၊ ဥဿာ(၇)ရပ်ကွက် ရေကစားမဏ္ဍပ်၊ ခေါင်းဆေးကျွန်းရေကစားမဏ္ဍပ်၊ လိပ်ပြာကန်ရေကစားမဏ္ဍပ်များ၌ အများပြည်သူများ လွတ်လပ်ပျော်ရွှင်အေးချမ်းစွာ ရေကစားလျက်ရှိပြီး လမ်းတစ်လျှောက် ရေပတ်ခံကားများနှင့် စည်ကားလျက် ရှိကြောင်း သိရှိရသည်။

          ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ လမ်းလျှောက်သင်္ကြန်အတွင်း စတုဒီသာ(ထမင်း+ဟင်း)၊ တိုင်းဒေသကြီးအဆင့် ဌာနဆိုင်ရာမဏ္ဍပ်များမှ မြန်မာမုန့်အမျိုးမျိုးတို့အား နေ့စဉ်ကျွေးမွေးလျက်ရှိပြီး ဗဟိုမဏ္ဍပ်၌လည်း နိုင်ငံကျော်အဆိုတော်များ၏ ပျော်ပျော်ရွှင်ရွှင် မြူးမြူးကြွကြွ ဖျော်ဖြေတင်ဆက်ပေးနေမှု၊ ပြည်သူလူထု၏ ပူးပေါင်းပါဝင်မှုတို့ဖြင့် အေးချမ်းပျော်ရွှင်စည်ကားစွာ အတာရေသဘင်ပွဲ ဆင်နွှဲလျက်ရှိကြောင်း သတင်းရရှိသည်။