ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်း ကျောင်းသား ကျောင်းသူများ စိတ်အေးချမ်းသာစွာ ပညာသင်ကြားနေမှုအား သွားရောက်ကြည့်ရှုအားပေး

ပဲခူး ဇွန် ၃

          ၂၀၂၆-၂၀၂၇ ပညာသင်နှစ် ပဲခူးတိုင်းဒေသကြီးအတွင်းရှိ အခြေခံပညာကျောင်းများဖွင့်လှစ်၍ ကျောင်းသား ကျောင်းသူများ စိတ်အေးချမ်းသာစွာ ပညာသင်ကြားလျက်ရှိရာ ဇွန်လ(၃)ရက်နေ့ နံနက်ပိုင်းက ပဲခူးတိုင်းဒေသကြီး ဝန်ကြီးချုပ် ဦးမျိုးဆွေွဝင်းသည် ပဲခူးခရိုင်၊ သနပ်ပင်မြို့ပေါ်ရှိ အခြေခံ ပညာ ကျောင်းများသို့ သွားရောက်ကြည့်ရှုအားပေးခဲ့သည်။

          ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် တာဝန်ရှိသူများသည် ပဲခူးခရိုင်၊ သနပ်ပင်မြို့၊ အခြေခံပညာအထက်တန်းကျောင်းသို့ ရောက်ရှိခဲ့ပြီး အစည်းအဝေးခန်းမ၌ ဒေသခံဆရာ/ ဆရာမများ၊ ကျောင်းအကျိုးတော်ဆောင်များ၊ ရပ်ကွက်/ကျေးရွာအုပ်စု အုပ်ချုပ်ရေးမှူးများနှင့်တွေ့ဆုံ၍ ၂၀၂၆ – ၂၀၂၇ ပညာသင်နှစ် လျာထားချက်အတိုင်း ကျောင်းအပ်နှံမှုရာနှုန်းပြည့်မီစေရေး၊ ကျောင်းနေ ပျော်ရွှင်စေရေး၊ ကျောင်းထွက်မှုရာခိုင်နှုန်း လျော့နည်းစေရေးနှင့် အနည်းဆုံး KG+Grade 9 သင်ယူ တတ်မြောက်စေရေး ရပ်ကွက်/ကျေးရွာများအလိုက် အသိပညာပေး လှည့်လည်စည်းရုံးဆောင်ရွက်ရန် ပြောကြားခဲ့သည်။

          ထို့နောက် တက်ရောက်လာသည့် ဆရာ/ဆရာမများ၏ တင်ပြချက်များအပေါ် ပေါင်းစပ်ဖြည့်ဆည်း ဆောင်ရွက်ပေးခဲ့သည်။ ၎င်းနောက် ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းသည် သနပ်ပင်မြို့ပေါ်ရှိ အခြေခံပညာအထက်တန်းကျောင်းနှင့် ဈေးပိုင်းရပ်ကွက်၊ အခြေခံပညာအထက်တန်းကျောင်း(ခွဲ)များ၌ ကျောင်းသား ကျောင်းသူများ သတ်မှတ်အတန်းများအလိုက် စိတ်အေးချမ်းသာစွာ ပညာသင်ကြားနေမှု၊ ဆရာ/ဆရာများ၏ သင်ကြားပြသပေးနေမှု၊ နိုင်ငံတော်အစိုးရ၏ ကျောင်းသုံးပြဋ္ဌာန်းစာအုပ်များနှင့် စာရေး ကိရိယာများ ပြည့်စုံစွာ ထောက်ပံ့ပေးအပ်ထားရှိမှု အခြေအနေများအား လိုက်လံကြည့်ရှုအားပေးခဲ့ပြီး အခြေခံပညာကျောင်းများအတွက် လိုအပ်သည်များအား တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက် ပေးခဲ့သည်။

          ပဲခူးတိုင်းဒေသကြီးအတွင်း ၂၀၂၆-၂၀၂၇ ပညာသင်နှစ်တွင် အစိုးရကျောင်းအနေဖြင့် အခြေခံပညာ အထက်တန်း(၅၀၀)ကျောင်း၊ အလယ်တန်း(၂၁၅၉)ကျောင်း၊ မူလတန်း(၁၈၂၃)ကျောင်းတို့ ဖွင့်လှစ်သင် ကြားမည်ဖြစ်ပြီး ဘုန်းတော်ကြီးသင်ပညာရေးကျောင်းအနေဖြင့် အခြေခံပညာအလယ်တန်း(၆၇)ကျောင်း၊ မူလတန်း(၅)ကျောင်း၊ ပုဂ္ဂလိကကျောင်းအနေဖြင့် အခြေခံပညာအထက်တန်းကျောင်း(၈၇)ကျောင်း၊ အလယ်တန်း(၁၆)ကျောင်းနှင့် မူလတန်း(၁၄)ကျောင်းတို့ ဖွင့်လှစ်၍ ပညာသင်ကြားပေးလျက်ရှိပြီး သနပ်ပင်မြို့နယ်တွင် ယနေ့အထိ အစိုးရအခြေခံပညာကျောင်းများတွင် မူလတန်း(၁၈၇၄၂)ဦး၊ အလယ်တန်း (၇၇၂၀)ဦးနှင့် အထက်တန်း(၁၆၂၇)ဦး စိတ်အေးချမ်းသာစွာ ပညာသင်ကြားလျက်ရှိကြောင်း သတင်းရရှိ သည်။