ပြည်မြို့နယ်အတွင်း အားကစားကဏ္ဍနှင့် သဲကုန်းမြို့နယ်အတွင်း ဒေသခံပြည်သူများ၏ လူမှုစီးပွား ဘဝများ ဘက်စုံမြှင့်တင်ပေးနိုင်ရေး ကွင်းဆင်းဆောင်ရွက်

ပြည် နိုဝင်ဘာ ၂၉

          ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်း၊ အားကစားနှင့်လူငယ်ရေးရာဝန်ကြီး ဌာန၊ ဒုတိယဝန်ကြီး ဦးဇင်မင်းထက်တို့သည် ယမန်နေ့၊ မွန်းလွဲပိုင်းက ပြည်မြို့နယ်အတွင်း အားကစား ကဏ္ဍဘက်စုံမြှင့်တင်ပေးနိုင်ရေး ကွင်းဆင်းဆောင်ရွက်ပေးခဲ့သည်။

          ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့် ဒုတိယဝန်ကြီးတို့သည် ပြည်မြို့၊ ကမ်းနားလမ်းဘေးရှိ ခေတ္တရာဧရာပန်းခြံ ဘက်စုံအဆင့်မြှင့်တင်နေမှု၊ ကမ်းနားလမ်းတိုးချဲ့ဆောင်ရွက်နေ မှု၊ နိုင်ငံတကာအဆင့်မီ Coffee Shop များ တည်ဆောက်နေမှုနှင့် ဘူးခါးရိုးချောင်းအား လူကူးကြိုးတံတား တည်ဆောက်ရေးလုပ်ငန်းခွင်များသို့ ကွင်းဆင်းကြည့်ရှုစစ်ဆေးခဲ့ပြီး လိုအပ်သညများ လမ်းညွှန်မှာကြားခဲ့ သည်။

          ထို့နောက် တိုင်းဒေသကြီး ဝန်ကြီးချုပ်နှင့် ဒုတိယဝန်ကြီးတို့သည် ပြည်မြို့၊ ရွှေဂူရပ်ကွက်ရှိ ခေတ္တရာပြည်သူ့ခန်းမ (ဘက်စုံသုံးအားကစားခန်းမ)နှင့်  မြို့နယ်အားကစားကွင်းများအား ကွင်းဆင်း ကြည့်ရှုစစ်ဆေးခဲ့ပြီး အားကစားကွင်းဧရိယာအတွင်း ကျူးကျော်မှုများမရှိစေရေး၊ အားကစားနှင့်သက်ဆိုင် သည့် အဆောက်အဦများသာထားရှိရန်၊ ဘောလုံးကွင်းဧရိယာအား သန့်ရှင်းသပ်ရပ်မှုရှိစေရေး ဆောင်ရွက် ရန်နှင့် အားကစားပွဲကြည့်စင်များ ပြန်လည်တည်ဆောက်ရန် တာဝန်ရှိသူများအား လမ်းညွှန်မှာကြားခဲ့ သည်။

          ယင်းနောက် ပဲခူးတိုင်းဒေသကြီး ဝန်ကြီးချုပ်နှင့် ဒုတိယဝန်ကြီးတို့သည် ပြည်မြို့၊ ရွာဘဲရပ်ကွက်ရှိ ခရိုင်အားကစားကွင်းနှင့် ဆင်စုရပ်ကွက်၌ ဘက်စုံအားကစားကွင်းနှင့် အားကစားခန်းမတည်ဆောက်နိုင် ရေး ကွင်းဆင်းကြည့်ရှုစစ်ဆေးခဲ့ပြီး ဘက်စုံအဆင့်မြှင့်တင်ပေးနိုင်ရေးနှင့် အားကစားကွင်းတစ်ခု၏ အင်္ဂါရပ်နှင့်အညီဖြစ်စေရေးနှင့် ဝန်ထမ်းအိမ်ရာများ သီးသန့်တည်ဆောက်ရန်၊ မြေယာပိုင်ဆိုင်မှုနှင့် မြေအသုံးချမှုများအား ကွင်းဆင်းတိုင်းတာ စိစစ်တင်ပြရန် တာဝန်ရှိသူများအား လမ်းညွှန်မှာကြားခဲ့သည်။

          ဆက်လက်၍ ပဲခူးတိုင်းဒေသကြီးအစိုးရအဖွဲ့ ဝန်ကြီးချုပ် ဦးမျိုးဆွေဝင်းသည် နတ်တလင်းခရိုင်၊ သဲကုန်း မြို့နယ်၊ ဆင်မြီးဆွဲမြို့သို့ ရောက်ရှိခဲ့ပြီး လူမှုစီးပွားဘဝဖွံ့ဖြိုးတိုးတက်စေရေး ဒေသခံပြည်သူများ နှင့် သွားရောက်တွေ့ဆုံ တိုင်းဒေသကြီးအစိုးရအဖွဲ့အနေဖြင့် ပြည်သူများ၏ လူမှုစီးပွားဘဝများ ဘက်စုံ ဖွံ့ဖြိုးတိုးတက်စေရေး၊ မြို့ပြနှင့်‌ကျေးလက် ဖွံ့ဖြိုးတိုးတက်မှု ကွာဟချက်နည်းပါးစေရေး အလေးထား ဆောင်ရွက်ပေးလျက်ရှိကြောင်း၊ ဒေသခံပြည်သူများ၏ လူမှုစီးပွားဘဝများ ဘက်စုံဖွံ့ဖြိုးတိုးတက် စေရေးအတွက် လာရောက်ရခြင်းဖြစ်ကာ မိမိတို့၏ ရပ်ရွာဒေသ ဖွံ့ဖြိုးတိုးတက်စေရေး ပွင့်ပွင့်လင်းလင်း တင်ပြပေးစေလိုကြောင်းနှင့် မိမိတို့၏ သားငယ်/သမီးငယ်များသည် အနာဂတ်နိုင်ငံတော်ကြီးကို ဦးဆောင် ပုံဖော်ထုဆစ်မည့် ပိသုကာပညာရှင်များဖြစ်၍ ပညာရေးကို ဦးစားပေး အလေးထား သင်ကြားပေးရန် ပြောကြားခဲ့သည်။

          ထို့နောက် တက်ရောက်လာသည့် ဒေသခံပြည်သူများ၏ တင်ပြချက်များအပေါ် သက်ဆိုင်ရာ ကဏ္ဍအလိုက် တိုင်းဒေသကြီးအဆင့်ဌာန ဆိုင်ရာများက ပြန်လည်ဖြေကြားရှင်းလင်းခဲ့ကြပြီး တိုင်းဒေသကြီး ဝန်ကြီးချုပ်က လိုအပ်သည်များ ဖြည့်ဆည်း ဆောင်ရွက်ပေးခဲ့သည်။

          တိုင်းဒေသကြီး ဝန်ကြီးချုပ်သည် ပေါင်းတည်မြို့နယ်၊ ကြူတောကန်ကျေးရွာအုပ်စု၌ ပဲတီစိမ်း မျိုးသန့်စံပြစိုက်ခင်းသို့ သွားရောက်ကြည့်ရှုအားပေးခဲ့ပြီး ပဲတီစိမ်းသီးနှံသည် ပြည်ပပို့ကုန်သီးနှံ ဖြစ်၍ ပိုးသတ်ဆေးသုံးစွဲမှုအပေါ် သတ်မှတ်ချက်များအတိုင်းသာ သုံးစွဲရန်နှင့် ပိုးသတ်ဆေးဓါတ်ကြွင်း ကင်းစင် စေရေး အသိပညာပေးခြင်းများ ကျယ်ကျယ်ပြန့်ပြန့်ဆောင်ရွက်ရန် တာဝန်ရှိသူများအား လမ်းညွှန်မှာကြား ခဲ့ကြောင်း သတင်းရရှိသည်။