ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ပဲခူး ဖေဖော်ဝါရီ ၁၆ ======================           ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်းသည် အစိုးရအဖွဲ့ တာဝန်ရှိသူများလိုက် ပါလျက် ဖေဖော်ဝါရီလ(၁၆)ရက်နေ့၊ နံနက်ပိုင်းက ကဝမြို့နယ်အတွင်း‌ ဒေသဖွံ့ဖြိုးရေးလုပ်ငန်းများ ကွင်းဆင်းကြည့်ရှုစစ်ဆေးခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့်အဖွဲ့သည် အလယ်ကျေးရွာအနီး တိုင်းဒေသ ကြီးအစိုးရအဖွဲ့ ရန်ပုံငွေကျပ်(၈.၅)သန်းဖြင့် ရိုးပိတ်မြေသားတမံ(၃)ခုပြုလုပ်၍ နွေစပါး(၁၅၀)ဧက တိုးချဲ့ စိုက်ပျိုးနေမှုအား ကြည့်ရှုစစ်ဆေးခဲ့ပြီး မျိုးကောင်းမျိုးသန့်ရရှိရေး၊ ပန်းတိုင်အထွက်နှုန်းရရှိရေးနှင့် သွင်း အားစုများ အချိန်မီရရှိရေး တာဝန်ရှိသူများအား လမ်းညွှန်မှာကြားခဲ့သည်။ ၎င်းနောက် အုန်းနှဲစံပြကျေးရွာ၊ အခြေခံပညာအထက်တန်းကျောင်းသို့ သွားရောက်ခဲ့ပြီး ကျောင်းသူ/ကျောင်းသားများ စိတ်အေးချမ်းသာစွာ ဖြင့် စာမေးပွဲဖြေဆိုနေမှုအား ကြည့်ရှုအားပေးခဲ့ပြီး ခေတ်မီကလေးကစားကွင်းတစ်ခုနှင့် ဆရာ/ဆရာမများ အား ထောက်ပံ့ငွေများပေးအပ်ခဲ့ကာ အဆိုပါကျောင်းဝန်းအတွင်း စက်မှု၊ စိုက်ပျိုးရေးနှင့် မွေးမြူရေးအထက် ကျောင်း၊ (၁)ထပ်ကျောင်းဆောင်သစ် ဆောက်လုပ်နေမှုအား ကြည့်ရှုစစ်ဆေးခဲ့ပြီး ဝင်/ထွက်လမ်းများ ကောင်းမွန်စေရေး၊ …

ပဲခူး ဖေဖော်ဝါရီ ၁၄ =======================           ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာ အစည်းအဝေးခန်းမ၌ ဖေဖော်ဝါရီလ(၁၃)ရက်နေ့၊ နံနက်ပိုင်းက မြို့ပြများ သန့်ရှင်းသာယာလှပစေရေး မြို့နယ်စည်ပင်သာယာရေးကော်မတီ ဥက္ကဋ္ဌများ၊ မြို့နယ် စည်ပင်သာယာရေးအဖွဲ့ အမှုဆောင်အရာရှိများနှင့် လုပ်ငန်းညှိနှိုင်းအစည်းအဝေး အမှတ်စဉ် (၂/၂၀၂၃) ကျင်းပပြုလုပ်ခဲ့သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်းက မြို့နယ်အလိုက် မိမိတို့မြို့ သန့်ရှင်းသာယာ လှပစေရေးသည် စည်ပင်သာယာရေးအဖွဲ့များတွင် တာဝန်ရှိကြောင်း၊ စည်ပင်သာယာရေး၏ လုပ်ငန်းများ သည် ပြည်သူလူထုအတွက် ဝန်ဆောင်မှုများ ဆောင်ရွက်ပေးရသည့်ဌာနဖြစ်ပြီး အစိုးရ၏ ပုံရိပ်တစ်ခု လည်းဖြစ်ကြောင်း၊ မြို့ပြဖွံ့ဖြိုးတိုးတက်ရေးလုပ်ငန်းများ ဆောင်ရွက်ရာတွင် ရရှိသည့်အခွန်ဝင်ငွေပေါ်တွင် မူတည်နေပြီး မိမိတို့ တိုင်းဒေသကြီးအစိုးရအဖွဲ့မှလည်း နှစ်စဉ်ပံ့ပိုးဆောင်ရွက်ပေးလျက်ရှိကြောင်း၊ မကြာမီ ဘဏ္ဍာရေးနှစ် ကုန်ဆုံးတော့မည်ဖြစ်၍ ရသင့်ရထိုက်သည့် အခွန်ဘဏ္ဍာငွေများကို ကြွေးကျန်မရှိ အပြည့် အဝ ကောက်ခံရရှိရန်လိုအပ်ကြောင်း၊ မြို့နယ်အလိုက် အခွင့်အရေးအရပ်ရပ်လိုင်စင်များအား သတ်မှတ် …

ညောင်လေးပင် ဖေဖော်ဝါရီ ၁၃ =============== ညောင်လေးပင်မြို့၊ မြို့မ(၃)ရပ်ကွက်၊ မီးရထားဘူတာ ခရီးသွားစင်္ကြန်၌ ဖေဖော်ဝါရီလ(၁၃)ရက်နေ့၊ မွန်းတည့်(၁၂:၂၀)အချိန်ခန့်တွင် NUG, CRPH, လက်အောက်ခံ PDFအကြမ်းဖက်သမား များက မိုင်းထောင်ဖောက်ခွဲခဲ့ရာ ခရီးသွားပြည်သူ(၃)ဦးသေဆုံးပြီး၊ ထိခိုက်ဒဏ်ရာရရှိသော ခရီးသွားပြည်သူ(၈)ဦး၊ နိုင်ငံ့ဝန်ထမ်း(မီးရထားဝန်ထမ်း) (၁)ဦး ထိခိုက်ဒဏ်ရာရရှိခဲ့သည်။ အဆိုပါ ထိခိုက်ဒဏ်ရာရရှိသူများအား မွန်းလွဲပိုင်းတွင် တိုင်းဒေသကြီး ဝန်ကြီးချုပ် ဦးမျိုးဆွေဝင်း၊ တောင်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်ထိန်ဝင်းနှင့် အစိုးရအဖွဲ့ တာဝန်ရှိသူများက ညောင်လေးပင်မြို့နယ် ပြည်သူဆေးရုံကြီးသို့ သွားရောက်ကြည့်ရှုခဲ့ပြီး တစ်ကိုယ်ရေးသုံး ပစ္စည်းများ၊ ထောက်ပံ့ငွေများ ထောက်ပံ့ပေးအပ်ခဲ့ပြီး အားပေးစကား ပြောကြားခဲ့သည်။ ထို့နောက် ထိခိုက်ဒဏ်ရာရရှိသူများအား ပဲခူးမြို့ ကုတင်(၅၀၀)ဆံ့ အထွေထွေရောဂါကု ဆေးရုံကြီးသို့ ပြောင်းရွှေ့ကုသနိုင်ရေး တာဝန်ရှိသူများနှင့် ပေါင်းစပ်ညှိနှိုင်း ဆောင်ရွက်ပေးခဲ့ကာ သေဆုံးသူ(၃)ဦးအတွက် သက်ဆိုင်သူ မိသားစုဝင်များအား ထောက်ပံ့ငွေများ ပေးအပ်ခဲ့ကြောင်း သိရှိရသည်။

ပဲခူး ဖေဖော်ဝါရီ ၁၂ ===================             ပဲခူးတိုင်းဒေသကြီးအစိုးရအဖွဲ့ရုံး၌ (၇၆)နှစ်မြောက်၊ ပြည်ထောင်စုနေ့ အခမ်းအနားအား ဖေဖော်ဝါရီလ (၁၂)ရက်နေ့၊ နံနက်ပိုင်းက ကျင်းပပြုလုပ်ခဲ့ရာ တိုင်းဒေသကြီး ဝန်ကြီးချုပ်နှင့် အစိုးရအဖွဲ့ တာဝန်ရှိသူများ တက်ရောက်ခဲ့သည်။           ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး အောင်သောင်းထိုက်နှင့် အစိုးရအဖွဲ့ တာဝန်ရှိသူများ၊ ဌာနဆိုင်ရာများ တက်ရောက်ခဲ့ကြပြီး နံနက်(၅:၃၀) အချိန်တွင် အလံတင်ဂုဏ်ပြုတပ်ဖွဲ့နှင့်အတူ နိုင်ငံတော်အလံအား အလံတိုင်ထိပ်သို့ လွှင့်တင်၍ အလေးပြုခဲ့ ကြသည်။           ထို့နောက် နံနက်(၇)နာရီအချိန်တွင် သဝဏ်လွှာဖတ်ပွဲ အခမ်းအနားအား ဆက်လက်ကျင်းပပြလုပ်ရာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးမျိုးဆွေဝင်း၊ တောင်ပိုင်းတိုင်းစစ်ဌာနချုပ် တိုင်းမှူး၊ အစိုးရအဖွဲ့ တာဝန်ရှိသူများ၊ တပ်မတော် အရာရှိကြီးများ၊ ဌာနဆိုင်ရာများ တက်ရောက်ခဲ့ကြပြီး နိုင်ငံတော်အလံနှင့် ကျဆုံးလေပြီးသော ရဲဘော်အပေါင်းအား ဂုဏ်ပြုတပ်ဖွဲ့နှင့်အတူ အလေးပြုခဲ့ကြသည်။ ၎င်းနောက် နိုင်ငံတော်စီမံအုပ်ချုပ်ရေးကောင်စီ …

ပဲခူး ဖေဖော်ဝါရီ ၁၁ =================           ပဲခူးမြို့၊ ရွှေမော်ဓောစေတီ အနောက်ဘက်မုခ်၊ ယာဉ်ရပ်နားကွင်းအတွင်း၌ ဖေဖော်ဝါရီလ(၁၀)ရက် နေ့၊ ညနေပိုင်းက (၇၆)နှစ်မြောက် ပြည်ထောင်စုနေ့ အထိမ်းအမှတ် ပဲခူးမြို့၌၊ သစ်သီးဝလံပန်းမန်ပြပွဲ/ ပြိုင်ပွဲနှင့် MSMEs ဒေသထုတ်ကုန် ဈေးရောင်းပွဲတော် ကျင်းပပြုလုပ်သည်။           ရှေးဦးစွာ တိုင်းဒေသကြီး ဝန်ကြီးချုပ် ဦးမျိုးဆွေဝင်း၊ တိုင်းဒေသကြီး တရားလွှတ်တော် တရားသူကြီးချုပ် နှင့် တာဝန်ရှိသူများက (၇၆)နှစ်မြောက် ပြည်ထောင်စုနေ့ အထိမ်းအမှတ် သစ်သီးဝလံပန်းမန်ပြပွဲ/ပြိုင်ပွဲနှင့် MSMEs ဒေသ ထုတ်ကုန် ဈေးရောင်းပွဲတော်အား ဖဲကြိုးဖြတ် ဖွင့်လှစ်ပေးခဲ့သည်။ ၎င်းနောက် တိုင်းဒေသကြီး ဝန်ကြီးချုပ် ဦးမျိုးဆွေဝင်းသည် ဖွင့်ပွဲအခမ်းအနား၌ လာရောက်ကပြဖျော်ဖြေပေးသည့် ဘင်ခရာအဖွဲ့၊ ပန်းပွားအကအဖွဲ့နှင့် တိုင်းရင်းသားယဉ်ကျေးမှုအဖွဲ့တို့အား ဂုဏ်ပြုငွေများ ပေးအပ်ခဲ့သည်။           ထို့နောက် တိုင်းဒေသကြီး ဝန်ကြီးချုပ် ဦးမျိုးဆွေဝင်းနှင့်အဖွဲ့သည် ခရိုင်(၆)ခုမှ ထွက်ရှိသည့် …