ပဲခူးတိုင်းဒေသကြီး အစိုးရအဖွဲ့ Bago Region Government – Official Website

နိုဝင်ဘာ ၉ (ပဲခူး) ===================================== ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာခန်းမ၌ နိုဝင်ဘာလ(၉)ရက်နေ့၊ နံနက် (၉)နာရီအချိန်က ပဲခူးမြို့၊ လုံခြုံရေး၊ တည်ငြိမ်ရေးနှင့် သန့်ရှင်းသာယာလှပရေးအဖွဲ့ ဒုတိယအကြိမ် လုပ်ငန်းညှိနှိုင်းအစည်းအဝေး ကျင်းပပြုလုပ်သည်။ ရှေးဦးစွာ ဝန်ကြီးချုပ်က လူမျိုးရေး၊ ဘာသာရေးပဋိပက္ခများသည် မြို့တော်များမှစတင်ပြီး ဖြစ်ပွားလေ့ရှိသဖြင့် လုံခြုံရေးနှင့် တည်ငြိမ်ရေးရရှိရန် လိုအပ်ကြောင်း၊ ဒေသဖွံ့ဖြိုးရေးလုပ်ငန်းများ ဆောင်ရွက်နိုင်ရန်အတွက်လည်း သန့်ရှင်းသာယာလှပရေးသည် အရေးကြီးကြောင်း၊ ပထမအကြိမ် အစည်းအဝေး ဆုံးဖြတ်ချက်များအပေါ် ရဲတပ်ဖွဲ့၊ စည်ပင်၊ လျှပ်စစ်၊ လမ်းဦးစီးဌာနတို့မှ လုပ်ငန်း ဆောင်ရွက်ထားရှိမှုတို့အား တင်ပြပေးစေလိုကြောင်းနှင့် အခက်အခဲများရှိပါက တစ်ခါတည်း ဖြေရှင်းဆောင်ရွက်ပေးသွားမည်ဖြစ်ကြောင်း ပြောကြားခဲ့သည်။ ထို့နောက် အစိုးရအဖွဲ့ ဝန်ကြီးများက ပထမအကြိမ် လုပ်ငန်းညှိနှိုင်းအစည်းအဝေးတွင် ဆုံးဖြတ်ချက်(၇)ခု ချမှတ်ထားခဲ့ပြီးဖြစ်ကြောင်း၊ စည်ပင်သာယာရေးအဖွဲ့သည် မြို့တွင်းလမ်းများ နှင့် လမ်းမီးများ ပြင်ဆင်ရန် ဘတ်ဂျက်လျာထားခဲ့ပြီးဖြစ်ပါကြောင်း၊ အခြေခံပညာကျောင်းများ ရှေ့နှင့် ဈေးကြီးရှေ့တို့တွင် ယာဉ်အန္တရာယ်ကင်းရှင်းစေရန် …

နိုဝင်ဘာ ၈ (ပဲခူး) =================================== ပဲခူးမြို့၊ မြို့တော်ခန်းမ၌ နိုဝင်ဘာလ(၈)ရက် နေ့နံက်(၁၀)နာရီအချိန်က ၂၀၁၇-၁၈ခု ဘဏ္ဍာရေးနှစ်တွင် ပဲခူးတိုင်းဒေသကြီး စည်ပင်သာယာရေးအဖွဲ့ ကြီးကြပ်ကွပ်ကဲမှုအောက်ရှိ မြို့နယ်စည်ပင်သာယာရေးအဖွဲ့ (၂၈)ဖွဲ့၏ ကျပ်သိန်း(၁၀၀)အထက် လုပ်ငန်းများ တင်ဒါအောင်မြင်သည့် ကုမ္ပဏီများတွေ့ဆုံပွဲနှင့် မြို့နယ်စည်ပင်သာယာရေးအဖွဲ့များထံ ယာဉ်၊ စက်၊ ယန္တရားများ လွှဲပြောင်းပေးအပ်ပွဲ အခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် စည်ပင်သာယာရေးနှင့် လူမှုရေးဝန်ကြီး ဦးမောင်မောင်လွင်တို့က အမှာစကားပြောကြားပြီး Bago Region Construction Control Authority(BRCCA) ဥက္ကဌ ဦးဝင်းနိုင်ထွန်းက ၂၀၁၇-၁၈ခု ဘဏ္ဍာရေးနှစ်တွင် ပဲခူးတိုင်းဒေသကြီး စည်ပင်သာယာရေးအဖွဲ့၏ ကြီးကြပ်ကွပ်ကဲမှုအောက်ရှိ မြို့နယ်စည်ပင်သာယာရေးအဖွဲ့ (၂၈)ဖွဲ့၏ ကျပ်သိန်း(၁၀၀)အထက် လုပ်ငန်းများအပေါ် BRCCAမှ ဆောင်ရွက်မည့်လုပ်ငန်းစဉ်များနှင့်ပတ်သက်၍ ရှင်းလင်းပြောကြားသည်။ ထို့နောက် ပဲခူးတိုင်းဒေသကြီးအစိုးရအဖွဲ့ ရန်ပုံငွေဖြင့် မြို့နယ်စည်ပင်သာယာရေးအဖွဲ့များအတွက် ဝယ်ယူထားရှိသော ယာဉ်၊ စက်၊ …

နိုဝင်ဘာ ၇ (ပဲခူး) ============================ နိုဝင်ဘာလ ၇ ရက်နေ့၊ မွန်းလွဲ(၂:၃၀)အချိန်က ပဲခူးတိုင်းဒေသကြီးအစိုးရအဖွဲ့ရုံး၊ ဝန်ကြီးချုပ်ရုံး ခန်းသို့ Myanmar Shoe Dynasty Co., Ltd ဒေါ်ညွန့်ညွန့်စိန်၊ ရန်ကုန်မြို့မှ အလှူငွေကျပ် သိန်း(၁၀၀)အား လာရောက်လှူဒါန်းခဲ့သည်။ အဆိုပါလှူဒါန်းငွေ ကျပ်သိန်း(၁၀၀)သည် ရခိုင်ပြည်နယ်အတွင်း လူသားချင်းစာနာမှု အကူအညီထောက်ပံ့ပေးရေး ပြန်လည်နေရာချထားရေး ဖွံ့ဖြိုးရေးစီမံကိန်း(HEHRD) လုပ်ငန်းစဉ်များ အောင်မြင်စွာဆောင်ရွက်နိုင်ရန်အတွက် လာရောက်လှူဒါန်းပေးအပ်ခြင်းဖြစ်ပြီး၊ လှူဒါန်းငွေ အား ပဲခူးတိုင်းဒေသကြီးအစိုးရအဖွဲ့မှ ဝန်ကြီးချုပ် ဦးဝင်းသိန်းနှင့် ညွှန်ကြားရေးမှူး ဦးလှမင်းထွဋ်တို့မှ လက်ခံရယူခဲ့ကာ အလှူရှင်အား ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ ကြောင်း သိရသည်။

နိုဝင်ဘာ ၆ (ပဲခူး) ===================================           ပဲခူးတိုင်းဒေသကြီး၊ သစ်တောဦးစီးဌာနမှ (၂.၁၁.၂၀၁၇) ရက်နေ့ မှ (၅.၁၁.၂၀၁၇) ရက်နေ့အတွင်း တရားမဝင်သစ်ဖမ်းဆီးမှုဆောင်ရွက်ခဲ့ရာ တောင်ငူခရိုင် ရေတာရှည်မြို့နယ်နှင့် အုတ်တွင်းမြို့နယ်၊ပဲခူးခရိုင် ပဲခူးမြို့နယ်၊ ဒိုက်ဦးမြို့နယ်နှင့်ကျောက်တံခါးမြို့နယ်၊ သာယာဝတီခရိုင် မင်းလှမြို့နယ်တို့၌ တရားမဝင်သစ် ဆောင်ရွက်နေမှု (၆) မှု တွေ့ရှိခဲ့ပြီး စုစုပေါင်း ကျွန်း (၉.၅၄၁၀ တန်)၊ သစ်မာ (၀.၂၅၀၈ တန်)၊ အခြားသား (၁.၇၈၄၄ တန်)၊ မီးသွေး (၁၉.၂၀ တန်)၊ ငှက် (၃၉၄ ကောင်) နှင့် ဆက်စပ်ပစ္စည်းများအဖြစ် စက်လှေ (၂) စီး၊ ကား (၁) စီးနှင့် တရားခံ (၄) ဦးအား ဖမ်းဆီးရမိခဲ့ပါသည်။ ဖမ်းဆီးရမိမှုများနှင့် ပတ်သက်၍ တရားဥပဒေနှင့် အညီ အရေးယူဆောင်ရွက်သွားမည်ဖြစ်ပါသည် ။

နိုဝင်ဘာ ၆ (ပဲခူး) ============================ နိုဝင်ဘာလ ၆ ရက်နေ့၊ နံနက်(၉)နာရီအချိန်က ပဲခူးမြို့၊ ဗုဒ္ဓအသံဓမ္မဗိမာန်၌ ပဲခူးတိုင်းဒေသကြီး အလုပ်သမားညွှန်ကြားရေးဦးစီးဌာနမှ ကြီးမှူးပြီး အလုပ်အကိုင် အခွင့်အလမ်းပြပွဲ(Job Fair) ကျင်းပပြုလုပ်သည်။ ရှေးဦးစွာ စီမံကိန်းနှင့်ဘဏ္ဍာရေးဝန်ကြီး ဦးညွန့်ရွှေက အလုပ်အကိုင်အခွင့်အလမ်း တိုးတက်ရရှိစေခြင်းသည် နိုင်ငံဖွံ့ဖြိုးတိုးတက်စေရေး၌ အဓိကအရေးကြီးသည့် အခန်းကဏ္ဍတစ်ခု ဖြစ်ကြောင်း၊ အလုပ်ရှာဖွေသူများနှင့် အလုပ်ရှင်များအတွက်ပါ  နှစ်ဦးနှစ်ဖက် အကျိုးများစွာ ရှိစေသည့် Job Fair ပြပွဲအား ပဲခူးမြို့တွင် ကျင်ပပေးနိုင်ခဲ့ခြင်းအပေါ် ကျေးဇူးတင် ဝမ်းမြောက် ကြောင်း ပြောကြားသည်။ ထို့နောက် ပဲခူးတိုင်းဒေသကြီးအလုပ်သမားညွှန်ကြားရေးဦးစီးဌာန၊ ညွှန်ကြားရေးမှူး ဒေါ်အေးမွန်စိုးက ပြပွဲကျင်းပရခြင်း၏ ရည်ရွယ်ချက်များနှင့်ပတ်သက်ပြီး ရှင်းလင်းပြောကြားပြီး ဝန်ကြီးနှင့် တက်ရောက်လာကြသူများက ပြပွဲအား လိုက်လံကြည့်ရှုအားပေးကြသည်။ အဆိုပါ အလုပ်အကိုင် အခွင့်အလမ်းပြပွဲ(Job Fair)သည် ပဲခူးမြို့၌ ပထမဆုံးအကြိမ် ကျင်းပ ခြင်းဖြစ်ပြီး၊ နိုင်ငံသူ/သားများ …