ပဲခူးတိုင်းဒေသကြီး အစိုးရအဖွဲ့ Bago Region Government – Official Website

နိုဝင်ဘာ ၁၇ (မိုးညို) ================ နိုဝင်ဘာလ(၁၇)ရက်နေ့ မွန်းလွဲ(၂)နာရီအချိန်က မိုးညိုမြို့ ဗုဒ္ဓမြတ်စွယ်တော် ကျွန်းကျောင်း ကျောင်းတိုက်တွင် မိုးညိုမြို့နယ်လုံးဆိုင်ရာ ဗုဒ္ဓမြတ်စွယ်တော် (၇၈)ကြိမ်မြောက် ဗုဒ္ဓပူဇနိယပွဲတော်အခမ်းအနားကျင်းပပြုလုပ်သည်။ ဆရာတော် သံဃာတော်များနှင့် ပဲခူးတိုင်းဒေသကြီးဝန်ကြီးချုပ်နှင့် လွှတ်တော်ဥက္ကဌအမှုးပြုသော ဧည့်ပရိတ်သတ်များက နမောတဿ သုံးကြိမ်ရွတ်ဆိုဘုရားကန်တော့၍ အခမ်းအနားကိုဖွင့်လှစ်ပြီး နိုင်ငံတော်သံဃာ့ဗဟိုဝန်ဆောင် ဝေဇယန္တာကျောင်းဆရာတော်ထံမှ ငါးပါးသီလခံယူဆောက်တည်ကြသည်။ ထို့နောက် ဂန္ဓကုဋီတိုက်၌ ကိန်းဝပ်စံပါယ်လျှက်ရှိသည့် ဗုဒ္ဓမြတ်စွယ်တော်အား အပူဇော်ခံဓမ္မာရုံပလ္လင်ပေါ်သို့ ဆရာတော်ကြီးများ၊ ဝန်ကြီးချုပ်၊ လွှတ်တော်ဥက္ကဌ၊ ဝန်ကြီး၊ လွှတ်တော်ကိုယ်စားလှယ်များနှင့်လူပရိတ်သတ်များက လက်ဆင့်ကမ်းပင့်ဆောင်ပူဇော်ကြပြီး ဆရာတော်သံဃာတော်တို့က ရောင်ခြည်တော်ဘုရားပင့်ဂါထာရွတ်ဆိုပူဇော်ခြင်း၊ ဗုဒ္ဓဘိသေကမင်္ဂလာဆင်ယင်ကျင်းပပူဇော်ခြင်း၊ နတ်/ဗြဟ္မာတို့အား ပင့်ဖိတ်ခြင်းများပြုလုပ်ကြသည်။ ယင်းနောက် ပဲခူးတိုင်းဒေသကြီးဝန်ကြီးချုပ် ဦးဝင်းသိန်းက သာသနာရေးဆိုင်ရာများလျှောက်ထားကာ နိုင်ငံတော်သြဝါဒစရိယဆရာတော်က သြဝါဒကထာမြွက်ကြားတော်မူပြီး ဆရာတော်ကြီးများ လှူဖွယ်ဝထ္ထုပစ္စည်းများ ဆက်ကပ်လှူဒါန်းခြင်း၊ အလှူရှင်များက ဂေါပကအဖွဲ့ထံအလှူ ငွေများပေးအပ်လှူဒါန်းများပြုလုပ်ကြသည်။ မိုးညိုမြို့နယ်လုံးဆိုင်ရာ ဗုဒ္ဓမြတ်စွယ်တော် (၇၈)ကြိမ်မြောက် ဗုဒ္ဓပူဇနိယပွဲတော်ကြီးတွင် ဆရာတော်သံဃာတော်အရှင်သူမြတ်များက (၃)ရက်တိုင်တိုင် ဗုဒ္ဓမြတ်စွယ်တော်အား …

နိုဝင်ဘာ ၂၇ (မိုးညို) ============== နိုဝင်ဘာလ(၁၇)ရက်နေ့ မွန်းလွဲ(၁:၃၀)နာရီအချိန်က မိုးညိုမြို့နယ် ဗုဒ္ဓမြတ်စွယ်တော် ကျွန်းကျောင်း ကျောင်းတိုက်တွင် မိုးညိုမြို့နယ်အတွင်းရှိ ဇူလိုင်၊ သြဂုတ်၊ စက်တင်ဘာလများတွင် ရေဘေးဒဏ်ခံခဲ့ရသော ပြည်သူများအတွက် ဆိုလာမီးအိမ်များ ထောက်ပံ့ပေးအပ်ပွဲကျင်းပပြုလုပ်သည်။ အဆိုပါအခမ်းအနားတွင် ပဲခူးတိုင်းဒေသကြီးဝန်ကြီးချုပ်ဦးဝင်းသိန်းနှင့် လွှတ်တော်ဥက္ကဌဦးခင်မောင်ရင်တို့က မိုးညို မြို့နယ်အတွင်းရှိ ရေဘေးသင့်ပြည်သူများအတွက် အာဆီယံလူသားချင်းစာနာထောက်ထားမှုဆိုင်ရာ ညှိနှိုင်းမှုဗဟိုဌာန(AHA Center)မှလှူ ဒါန်းသော ဆိုလာမီးအိမ်အလုံး(၁၀၀)အား တိုင်းဒေသကြီးလွှတ်တော်ကိုယ်စားလှယ်များနှင့် မြို့နယ်အုပ်ချုပ်ရေးမှုးတို့ထံ ပေးအပ်ခဲ့ကြောင်းသိရသည်။ အာဆီယံလူသားချင်းစာနာထောက်ထားမှုဆိုင်ရာ ညှိနှိုင်းမှုဗဟိုဌာန(AHA Center) မှ ပဲခူးတိုင်းသေကြီးအတွင်းရှိ ရေဘေးသင့်ပြည်သူများအတွက် ဆိုလာမီးအိမ်အလုံး(၃၀၀၀)လှူ ဒါန်းပေးခဲ့ရာ ပဲခူးတိုင်းဒေသကြီးဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ အဆိုပါ ဆိုလာမီးအိမ်များအား ကဝမြို့နယ်(၁၀၀)လုံး၊ ဝေါမြို့နယ်(၁၀၀)လုံး၊ ညောင်လေးပင်မြို့နယ်(၅၀၀)လုံး၊ ကျောက်တံခါးမြို့နယ်(၁၀၀)လုံး၊ ကျောက်ကြီးမြို့နယ်(၂၅၀)လုံး၊ ဖြူ းမြို့နယ်(၁၀၀)လုံး၊ အုတ်တွင်းမြို့နယ်(၂၀၀)လုံး၊ ရေတာရှည်မြို့နယ်(၉၅၀)လုံးနှင့် မိုးညို မြို့နယ်(၁၀၀) ဖြန့်ဝေထောက်ပံ့ ပေးသွားမည်ဖြစ်ကြောင်း သိရသည်။

နိုဝင်ဘာ ၁၇ (ပဲခူး) ================   ပဲခူးမြို့၊ ဥဿာသီရိစာသင်တိုက် ဝိမလသီရိဗိမာန်တော်ကြီးတွင် နိုဝင်ဘာလ(၁၇)ရက်နေ့ နံနက်(၉:၃၀)နာရီအချိန်က ပဲခူးတိုင်းဒေသကြီး၊ ခရိုင်၊ မြို့နယ်အထွေထွေအုပ်ချုပ်ရေးဦးစီးဌာန ဝန်ထမ်းမိသားစုများ စုပေါင်းမဟာဘုံကထိန်သင်္ကန်း ဆက်ကပ်လှူဒါန်းပွဲကျင်းပပြုလုပ်သည်။ ရှေးဦးစွာ နမောတဿ သုံးကြိမ်ရွတ်ဘုရားကန်တော့၍ အခမ်းအနားကိုဖွင့်လှစ်ပြီး ဥဿာသီရိစာသင်တိုက် ပဓာနနာယက အဂ္ဂမဟာပဏ္ဍိတ ဒေါက်တာဘဒ္ဒန္တသူရီယဆရာတော်ထံမှ ငါးပါးသီလခံယူဆောက်တည်ကာ ဆရာတော်သံဃာတော်အရှင်သူမြတ်များက မေတ္တာသုတ်ပရိတ်တရားတော်များ ချီးမြှင့်တော်မူကြသည်။ ထို့နောက် ပဲခူးတိုင်းဒေသကြီး လုံခြုံရေးနှင့်နယ်စပ်ရေးရာဝန်ကြီး ဗိုလ်မှုးကြီး လှမျိုးရွှေနှင့်ဇနီး၊ အထွေထွေအုပ်ချုပ်ရေးဦးစီးဌာန ပဲခူးတိုင်းဒေသကြီးအုပ်ချုပ်ရေးမှုး ဦးတိုးဝင်းနှင့်ဇနီး၊ ညွှန်ကြားရေးမှုး ဦးတင်ထူးမောင်နှင့်ဇနီး၊ ပဲခူးခရိုင်အုပ်ချုပ်ရေးမှုး ဦးရဲထွဋ်နှင့်ဇနီး၊ မြို့နယ်အုပ်ချုပ်ရေးမှုးများက ဆရာတော်သံဃာတော်အရှင်သူမြတ်များအား ကထိန်သင်္ကန်း၊ လှူဖွယ်ဝတ္ထုနှင့် ပစ္စည်းများဆက်ကပ်လှူဒါန်းပြီး ကထိန်အနုမောဒနာတရားနာကြားကာ လှူဒါန်းမှုအစုစုအတွက် ရေစက်သွန်းချအမျှအတမ်းပေးဝေပြီး ဗုဒ္ဓသာသနံစိရံတိဌတု သုံးကြိမ်ရွတ်ဆို ဆုတောင်း၍ အခမ်းအနားကိုရုပ်သိမ်းခဲ့သည်။ ယင်းနောက်ဆရာတော် သံဃာတော်အရှင်သူမြတ်များအား နေ့ဆွမ်းဆက်ကပ်လှူဒါန်းကြသည်။ ပဲခူးတိုင်းဒေသကြီးအထွေထွေအုပ်ချုပ်ရေးဦးစီးဌာန ဝန်ထမ်းမိသားစုများ၏ ယနေ့ငွေပဒေသာပင်၊ ပစ္စည်းပဒေသာပင်နှင့် အခြားလှူဒါန်းမှုအစုစုတန်ဖိုးမှာ …

နိုဝင်ဘာ ၁၇ (ပဲခူး) ================== နိုဝင်ဘာလ (၁၇)ရက်နေ့၊ နံနက်(၉)နာရီအချိန်က သာယာဝတီခရိုင်၊ အုတ်ဖိုမြို့၊ မြို့တော်ခန်းမ၌ ပြည်သူလူထုနှင့် တွေ့ဆုံပွဲ ကျင်းပပြုလုပ်ခဲ့သည်။ ရှေးဦးစွာ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်းက မိမိတို့နိုင်ငံရဲ့ ဖွဲ့စည်းပုံအခြေခံဥပဒေအရ ဥပဒေပြုရေး၊ အုပ်ချုပ်ရေးနှင့် တရားဥပဒေစိုးမိုးရေး မဏ္ဍိုင်ကြီး(၃)ရပ်ဟာ အရေးပါလှပြီး အပြန်အလှန် အမှီပြုနေတာလည်း တွေ့ရမှာဖြစ်ကြောင်း၊ ဒီမိုကရေစီ စနစ်အရ ပြည်သူများရဲ့ အခန်းကဏ္ဍဟာ အထူးအလေးထားရမှာဖြစ်ပါကြောင်း၊ ပြည်သူများ ပူးပေါင်းဆောင်ရွက်မှု (Public Participation) ကောင်းလေ လုပ်ငန်းများ ပိုမို အောင်မြင်လေဖြစ်ပြီး ဒီလိုဆောင်ရွက်ရာမှာ Media များရဲ့ ပံ့ပိုးကူညီမှုဟာလည်း များစွာ အရေးပါတာကို တွေ့ရမှာဖြစ်ကြောင်း၊ မိမိတို့နိုင်ငံအနေဖြင့် ဖြတ်သန်းလာခဲ့ကြရတဲ့ နိုင်ငံရေး အုပ်ချုပ်ရေး သမိုင်းကြောင်းတွေအရ တစ်ချို့နေရာတွေမှာ တရားဥပဒေ စောင့်ထိန်းလိုက်နာမှု စည်းကမ်းမရှိမှု၊ အသိအပြင် အတွေ့အကြုံနည်းပါးမှု၊ လုပ်ငန်းဆောင်ရွက်မှု အပေါ် …

နိုဝင်ဘာ ၁၇ (ပဲခူး) ================ ပဲခူးတိုင်းဒေသကြီးတွင် နှစ်စဉ်ကျင်းပမြဲဖြစ်သော လူထုစုပေါင်းလမ်းလျှောက်ပွဲကို နိုဝင်ဘာလ(၁၇)ရက်နေ့ နံနက်(၅:၃၀)နာရီအချိန်က ပဲခူးမြို့ ရွှေမော်ဓောဘုရားလမ်း တိုင်းဒေသကြီးအားကစားနှင့်ကာပညာဦးစီးဌာနရုံးရှေ့မှစတင်၍ စုရပ်လုပ်ကာ ကျင်းပပြုလုပ်သည်။ အဆိုပါ စုပေါင်းလမ်းလျှောက်ပွဲသို့ လုံခြုံရေးနှင့်နယ်စပ်ရေးရာဝန်ကြီးဗိုလ်မှုးကြီးလှမျိုးရွှေ၊ လွှတ်တော်ဒုတိယဥက္ကဌဦးကြည်ဇင်နှင့် တိုင်း၊ ခရိုင်၊ မြို့နယ်ဌာနဆိုင်ရာအကြီးအကဲများ၊ ဝန်ထမ်းများ၊ အခြေခံပညာကျောင်းသား/သူများ၊ အဆင့်မြင့်ပညာကျောင်းသား/သူများ၊ လူမှုရေးအသင်းအဖွဲ့များ၊ သူနာပြုသင်တန်းကျောင်းမှသင်တန်းသူများ၊ စက်ရုံ အလုပ်ရုံလုပ်သားများ၊ ရပ်ကွက်နေပြည်သူများပါဝင်ကာ စုစုပေါင်းအင်အား(၁၅၂၃၅)ဦးကျော်တက်ရောက်ကာ ရွှေမော်ဓော်ဘုရားလမ်း၊ ရှင်စောပုလမ်းနှင့်သနပ်ပင်လမ်းများသို့ လမ်းလျှောက်ကြပြီး ရွှေမော်ဓောဘုရားအနောက်ဖက်မုခ်ယာဉ်ရပ်နားကွင်းတွင် စုပေါင်းကိုယ်လက်ကြံ့ခိုင်ရေးလေ့ကျင့်ခန်းအတွဲ(၁)(၂)တို့ကိုစုပေါင်းလုပ်ကြသည်။ ၂၀၁၈ခုနှစ် ပဲခူးတိုင်းဒေသကြီးလူထုအားကစားလ စုပေါင်းလမ်းလျှောက်ပွဲကို နှစ်စဉ်ကျင်းပခဲ့သော ဒီဇင်ဘာလအပတ်စဉ် စနေနေ့များအပြင် ပြည်သူတစ်ရပ်လုံး အားကစားလှုပ်ရှားမှုပိုမိုဆောင်ရွက်နိုင်ရေးအတွက် နိုဝင်ဘာလ၏စနေနေ့များဖြစ်သော(၁၇/၂၄)ရက်နေ့များတွင်လည်းကောင်း၊ ဒီဇင်ဘာလ၏ စနေနေ့များဖြစ်သော (၁/ ၈/ ၁၅/ ၂၂/ ၂၉)ရက်နေ့များတွင်လည်းကောင်း သက်ဆိုင်ရာမြို့နယ်အလိုက် စည်ကားသိုက်မြိုက်စွာ ကျင်းပပြုလုပ်သွားမည်ဖြစ်ကြောင်း သတင်းရရှိသည်။