ပဲခူးတိုင်းဒေသကြီး အစိုးရအဖွဲ့ Bago Region Government – Official Website

ဇန်နဝါရီ ၂၄ (ဒိုက်ဦး)  ================== ဇန်နဝါရီလ (၁၄)ရက်နေ့၊ နံနက်ပိုင်းက ပဲခူးတိုင်းဒေသကြီး အစားအသောက်နှင့် ဆေးဝါးကွပ်ကဲရေးဦးစီးဌာနမှ တာဝန်ရှိသူများသည် ဒိုက်ဉီးမြို့နယ် အစားအသောက်နှင့် ဆေးဝါးကြီးကြပ်ကွပ်ကဲရေး ကော်မတီဝင်များနှင့် ပူးပေါင်း၍ ဒိုက်ဉီးမြို့နယ် ၊ ဒိုက်ဉီးမြို့မဈေးကြီးအတွင်း ရောင်းချလျက်ရှိသော ဈေးဆိုင်များတွင် စားသုံးရန်မသင့် ကြေညာထားသော အစားအသောက်များ ရောင်းချနေခြင်းရှိ/ မရှိ၊ သက်တမ်းလွန် အစားအသောက်များ ရောင်းချနေခြင်းရှိ/ မရှိကို စစ်ဆေးခဲ့ကြပြီး ခွင့်မပြုဓါတု ဆိုးဆေး၊ တာရှည်ခံဆေးများပါဝင်သည် ဟုသံသယရှိသော အစားအသောက် နမူနာ(၂၅) မျိုးအား ကျပမ်းဈေးကွက်နမူနာ ကောက်ယူ၍ နမူနာ(၁၆) မျိုးအား ရွေ့လျားဓါတ်ခွဲယာဉ် (Mobile Lab Van) ဖြင့် ချက်ချင်းစစ်ဆေး အဖြေထုတ်ခြင်းများ ဆောင်ရွက်ခဲ့ပါသည်။ ကျန်အစားအသောက်နမူနာ (၉) မျိုးအား ခွင့်မပြုဓါတုဆိုးဆေးများ ပါဝင်မှု ရှိ/ မရှိ သိရှိနိုင်ရန် ပဲခူးတိုင်းဒေသကြီးအစားအသောက် နှင့် …

ပန်းတောင်း ဇန်နဝါရီ ၂၄ ================== ဇန်နဝါရီလ(၂၄)ရက်နေ့၊ နံနက်(၉:၀၀)နာရီ အချိန်က ပန်းတောင်းမြို့နယ်၊ ဥရှစ်ပင်မြို့၊ နာဂမုနိဓမ္မာရုံ၌ ပဲခူးတိုင်းဒေသကြီးအစိုးရအဖွဲ့၊ ဝန်ကြီးချုပ် ဦးဝင်းသိန်း၊ တာဝန်ရှိသူများနှင့် ဒေသခံပြည်သူများ တွေ့ဆုံပွဲပြုလုပ်သည်။ ရှေးဦးစွာ ဝန်ကြီးချုပ် ဦးဝင်းသိန်းက “လူထုတွေ့ဆုံပွဲများ ပြုလုပ်၍ ဒေသခံပြည်သူများ၏ လူမှုအခက်အခဲများ၊ စီးပွားရေးဆိုင်ရာ အခက်အခဲများ၊ ဒေသဖွံ့ဖြိုးရေးဆိုင်ရာလိုအပ်ချက်များသိရှိပြီး ဖြည့်ဆည်း ဆောင်ရွက်ပေးနိုင်ရန် နိုင်ငံတော်၏ အတိုင်ပင်ခံပုဂ္ဂိုလ်မှ လမ်းညွှန်မှာကြားချက်အရ တွေ့ဆုံရခြင်းဖြစ်ကြောင်း၊ ခေတ်အဆက်ဆက် အစိုးရ၊ ဌာနဆိုင်ရာ၊ ပြည်သူများအကြား အထင်အမြင်လွဲမှားနေမှုများ၊ တစ်ဦးနှင့်တစ်ဦး တစ်ဖွဲ့နှင့်တစ်ဖွဲ့ မယုံကြည်မှုများကို ပေါင်းစပ်ညှိနှိုင်း ဖြေရှင်းပေးရန်နှင့် ပြည်သူများအကြား အမြစ်တွယ်နေသည့် အကြောက်တရား ကင်းရှင်းပြီး အစိုးရ၏ မူဝါဒများ၊ ပေါ်လစီများကို ကျယ်ကျယ်ပြန့်ပြန့် သိရှိစေရန်လည်းဖြစ်ကြောင်း၊ လွှတ်တော်ပိုင်းကလည်း ဒီမိုကရေစီ စံနှုန်းများနှင့်အညီဖွဲ့စည်းပုံအခြေခံဥပဒေပြင်ဆင် ရေးကိုလည်း ဥပဒေနှင့်အညီ ဆောင်ရွက်လျက်ရှိကြောင်း၊ ပြုပြင်ပြောင်းလဲရေးကာလတွင် ကြုံတွေ့ရသည့် နိုင်ငံရေးအခက် …

ဇန်နဝါရီ ၂၃ (ပဲခူး) ———————————– ပဲခူးတိုင်းဒေသကြီး ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဦးဆောင်၍ ဇန်နဝါရီလ(၂၃)ရက်နေ့ နံနက်(၈:၃၀)နာရီအချိန်က ပဲခူးမြို့ မြို့တော်ခန်းမတွင် တိုင်းဒေသကြီးအတွင်း လူထုဗဟိုပြုစီမံကိန်း တိုးချဲ့ရွေးချယ်ခြင်း၊ အကြံဉာဏ်ရယူခြင်း အခမ်းအနား ကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းမှ ဒီနေ့ကျင်းပပြုလုပ်သည့် အစည်းအဝေးသည် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနနှင့် ကမ္ဘာ့ဘဏ်တို့ ပူးပေါင်းဆောင်ရွက်မည့် လူထုဗဟိုပြုစီမံကိန်းကို ကျွန်တော်တို့ ပဲခူးတိုင်းဒေသကြီး အတွင်းမှာရှိသည့် မြို့နယ်များအနက်မှ မြို့နယ်(၁)မြို့နယ်ကို ထပ်မံရွေးချယ်ပြီး ၂၀၂၀-၂၀၂၁ ဘဏ္ဍာရေးနှစ် သတ္တမနှစ်စက်ဝန်းမှာ လုပ်ငန်းအကောင်အထည်ဖော်နိုင်ဖို့အတွက် အကြံဉာဏ်ရယူ ဆွေးနွေးကြမည့် အစည်းအဝေးဖြစ်ကြောင်း၊ ကျွန်တော်တို့ တိုင်းပြည်အတွင်းကို နိုင်ငံခြားရင်းနှီးမြုပ်နှံမှုများ ဝင်ရောက်လာနေတဲ့ကာလမှာ ကျေးလက်နေပြည်သူများရဲ့ လူမှုဘဝတွေလည်း တိုးတက်ဖွံ့ဖြိုးပြီး ဆင်းရဲမှုမှလွတ်မြောက်လာမှ အနာဂတ်ကာလမှာ မြို့ပြ၊ ကျေးလက်ဖွံ့ဖြိုးမှုညီမျှတဲ့ တိုင်းဒေသကြီးအဖြစ် ရောက်ရှိလာမှာဖြစ်ကြောင်း၊ ဒါကြောင့် …

ဇန်နဝါရီ ၂၀ (သနပ်ပင်) ———————- ပဲခူးတိုင်းဒေသကြီး၊ သနပ်ပင်မြို့နယ် ကျွန်းကြီးကျေးရွာ အခြေခံပညာအထက်တန်းကျောင်းတွင် ဇန်နဝါရီလ(၂၀)ရက်နေ့ နံနက်(၁၀:၃၀)နာရီအချိန်က မြန်မာမုဒိတာဖောင်ဒေးရှင်းမှ ပဲနို့တိုက်ကျွေးခြင်း အခမ်းအနား ကျင်းပပြုလုပ်ရာ ဝန်ကြီးချုပ် ဦးဝင်းသိန်းနှင့် ဝန်ကြီးများ တက်ရောက်ခဲ့ကြကြောင်း သိရသည်။ ရှေးဦးစွာ ဝန်ကြီးချုပ် ဦးဝင်းသိန်းမှ အမှာစကားပြောကြားပြီး မြန်မာမုဒိတာဖောင်ဒေးရှင်း ဥက္ကဌ ဦးတင်မောင်နိုင်မှ ပဲနို့တိုက်ကျွေးလှူဒါန်းရခြင်း၊ ပဲနို့သောက်သုံးခြင်းကြောင့် ရရှိသည့် အကျိုးကျေးဇူးများနှင့် ပတ်သက်၍ ရှင်းလင်းပြောကြားကာ ကျောင်းအုပ်ဆရာမကြီး ဒေါ်စန်းစန်းမော်ထံ ပဲနို့ဖျော်စက်(၁)လုံး လွှဲပြောင်းပေးအပ် လှူဒါန်းပေးခဲ့သည်။ ထို့နောက် ကျောင်းအုပ်ဆရာမကြီး ဒေါ်စန်းစန်းမော်မှ ကျေးဇူးတင်စကား ပြန်လည်ပြောကြားပြီး ဝန်ကြီးချုပ်နှင့်အဖွဲ့မှ ကျွန်းကြီးကျေးရွာ အခြေခံပညာအထက်တန်းကျောင်းရှိ KGတန်းမှ ဒဿမတန်းအထိ ပညာသင်ကြားနေသည့် ကျောင်းသား/သူ (၆၉၃)ဦးအား မြန်မာမုဒိတာဖောင်ဒေးရှင်းမှ ပဲနို့တိုက်ကျွေးလှူဒါန်းပေးနေမှုကို လိုက်လံကြည့်ရှုခဲ့ကြောင်း သိရသည်။ အဆိုပါအခမ်းအနားသို့ ဝန်ုကြီးချုပ် ဦးဝင်းသိန်း၊ စီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေ၊ …

ဇန်နဝါရီ ၂၀ (သနပ်ပင်) ——————————- ဇန်နဝါရီလ(၂၀)ရက်နေ့ နံနက်(၁၁)နာရီအချိန်က သနပ်ပင်မြို့နယ်၊ ကျွန်းကြီးကျေးရွာ ဘုရားကျောင်းဓမ္မာရုံတွင် ပဲခူးတိုင်းဒေသကြီးအစိုးရအဖွဲ့၊ ဌာနဆိုင်ရာများနှင့် သနပ်ပင်မြို့နယ်အတွင်းမှ ကျေးရွာအုပ်စုများအတွင်းရှိ ဒေသခံပြည်သူများ တွေ့ဆုံပွဲကျင်းပပြုလုပ်သည်။ ရှေးဦးစွာ ပဲခူးတိုင်းဒေသကြီး ဝန်ကြီးချုပ် ဦးဝင်းသိန်းနှင့် သယံဇာတ၊ သဘာဝပတ်ဝန်းကျင် ထိန်းသိမ်းရေးနှင့် စည်ပင်သာယာရေး ဝန်ကြီး ဒေါက်တာစောညိုဝင်းတို့က ယနေ့ခေတ်ကာလသည် ခေတ်သစ်ပညာရေးနှင့် လူအဖွဲ့အစည်း ယှဉ်တွဲမှသာ အနာဂတ်ဘဝ ပိုမိုလှပတည်မြဲနိုင်မည်ဖြစ်ကြောင်း၊ စာသင်ကျောင်းများကစပြီး ဒီမိုကရေစီ၏ အနှစ်သာရနှင့် သဘောတရားများကို စတင်သင်ကြားပေးရန် ဆရာ/ဆရာမများမှာ တာဝန်ရှိကြောင်း၊၊ ဒီမိုကရေစီသည် ပြည်သူ့အုပ်ချုပ်ရေးစနစ်ဖြစ်ပြီး၊ တစ်နည်းအားဖြင့် ပြည်သူ့ထံမှ ဆင်းသက်လာသော အစိုးရပင်ဖြစ်ကြောင်း၊ မိမိတို့အစိုးရသည် ပြည်သူ့ထံမှ ဆင်းသက်လာသော ပြည်သူ့အစိုးရဖြစ်ပြီး ဒီမိုကရေစီကို ခေတ်အဆက်ဆက် အတတ်ကြွဆုံး ကျင့်သုံးနိုင်ရန် ကြွေးကြော်ကျင့်သုံးခဲ့ရာ ယနေ့အချိန်တွင် ဒီမိုကရေစီ မျိုးစေ့လေးကို အချိန်အခါမီ ချထားပေးခဲ့ပြီးဖြစ်၍ ရေရှည်တည်တံ့ခိုင်မြဲစေရန် လူငယ်များတွင်လည်း …